Nevada

Nevada (Engels: State of Nevada) is 'n deelstaat in die weste van die Verenigde State van Amerika. Dit is die 36ste deelstaat wat tot die Unie toegelaat is. Die hoofstad is Carson City en die grootste stad is Las Vegas.

Deelstaat Nevada
Vlag van Nevada Seël
Bynaam(e): Silver State, Sagebrush State, Battle Born State
Amptelike taal(e)	Engels (de facto)
Hoofstad	Carson City
Grootste stad	Las Vegas
Area	7de in die V.S.
- Totaal	286 367 km2
- Wydte	519 km
- Lengte	788 km
- Water	1 971 km2
- % water	0,69 %
- Breedtegraad	35° N tot 42° N
- Lengtegraad	114° 2′ W tot 120° W
Bevolking	36ste in die V.S.
- Totaal	2 700 551
- Digtheid	9,43/km2 36ste in die V.S.
Hoogte
- Hoogste punt	Boundary Peak 4 005 m
- Gemiddeld	1 676 m
- Laagste punt	Coloradorivier 146 m
Toetrede tot die Unie	31 Oktober 1864 (36ste)
Goewerneur	Joe Lombardo (R)
Luitenant-Goewerneur	Stavros Anthony (R)
Wetgewer	Nevada Wetgewer
- Hoërhuis	Senaat
- Laerhuis	Huis van Verteenwoordigers
V.S. Senatore	Catherine Cortez Masto (D) Jackie Rosen (D)
Tydsone	Mountain: UTC-7/DST-6
Afkortings	NV US-NV
Webblad	www.nv.gov

Nevada het 'n oppervlakte van 286 367 vierkante kilometer en 'n bevolking van sowat 2,7 miljoen. Nevada word in die noorde deur Oregon en Idaho, in die ooste deur Utah, in die suide deur Arizona en Kalifornië, en in die weste deur Kalifornië begrens. Dit het 'n droë klimaat weens sy geografiese ligging in die Mojave-woestyn. In die algemeen kry Nevada relatief min reënval.

Die berugte en geheime Area 51 lugmagbasis is in Nevada geleë.

Nevada se byname is Silver State, Sagebrush State en Battle Born State. Wildeals - 'n hoogs aromtiese silwergrys kruidplant met geel bloeisels wat in Engels sagebrush genoem word - is Nevada se amptelike staatsplant. Wildeals-steppe beslaan sowat veertig persent van die deelstaat se oppervlakte. Indiane het wildeals as kleur- en brandstof, as medisinale plant en vir rituele doeleindes gebruik. As dit verbrand word, versprei dit 'n aangename reuk wat aan appelsider herinner.^[1]