Prinses Alice van Battenberg
Prinses Alice van Battenberg, later prinses Andreas van Griekeland en Denemarke (Victoria Alice Elizabeth Julia Marie; 25 Februarie 1885 – 5 Desember 1969), was die ma van prins Philip, Hertog van Edinburg, en die skoonma van koningin Elizabeth II.
Prinses Alice van Battenberg | |
|---|---|
 Prinses Alice in 1885. | |
| Gebore | Victoria Alice Elizabeth Julia Marie 25 Februarie 1885 |
| Sterf | 5 Desember 1969 (op 84) |
| Titel | Prinses |
| Eggenoot | Prins Andreas van Griekeland en Denemarke |
| Kinders | Margarita Theodora Cecilie Sophie Prins Philip, Hertog van Edinburg |
| Ouer(s) | Prins Ludwig van Battenberg Prinses Victoria van Hesse en die Ryn |
| Handtekening | |
 | |
Lewe
wysig
Alice was ’n agterkleindogter van koningin Victoria en het in Duitsland, Engeland en die gebied om die Middellandse See grootgeword. Sy was doof weens oorerflike faktore. Nadat sy in 1903 met prins Andreas van Griekeland en Denemarke getroud is, het sy in Griekeland gewoon totdat die Griekse koninklike familie in 1917 uit die land verban is. Toe haar man ’n paar jaar later terugkeer, is hy gedeeltelik geblameer vir die feit dat Griekeland die Grieks-Turkse Oorlog (1919–1922) verloor het en die gesin is weer eens verban tot met die herstel van die Griekse monargie in 1935.
In 1930 is skisofrenie by haar gediagnoseer en sy is in ’n inrigting in Switserland opgeneem. Daarna het sy en haar man nie meer saamgewoon nie. Ná haar herstel het sy die meeste van haar tyd aan welsynwerk in Griekeland gewy. Sy het ook ’n Oosters-Ortodokse kloosterorde vir nonne gestig met die naam Christelike Susterskap van Martha en Maria.
Ná die val van koning Konstantyn II van Griekeland en die militêre oorname van die land in 1967 is sy deur haar seun en skoondogter genooi om in Buckingham-paleis in Londen te woon waar sy twee jaar later oorlede is.
Eksterne skakels
wysig- Foto's van prinses Alice van Battenberg by National Portrait Gallery
- Wikimedia Commons het meer media in die kategorie Prinses Alice van Battenberg.
- Hierdie artikel is vertaal uit die Engelse Wikipedia
- Princess Alice van Battenberg at Yad Vashem - official site (en)
