Mike Hawthorn

Mike Hawthorn
Vida
Nacimientu	Mexborough, 10 d'abril de 1929[1]
Nacionalidá	Reinu Xuníu
Muerte	Guildford, 22 de xineru de 1959[1] (29 años)
Causa de la muerte	accidente automovilísticu[2]
Familia
Casáu con	ensin valor
Estudios
Estudios	Ardingly College (en)
Llingües falaes	inglés
Oficiu
Oficiu	pilotu de Fórmula Unu
Participante 24 Hores de Le Mans

John Michael "Mike" Hawthorn (10 d'abril de 1929, Mexborough – 22 de xineru de 1959, Guildford) foi un pilotu d'automovilismu británicu. Llogró'l campeonatu del mundu de Fórmula 1 na Temporada 1958, y acabó terceru en 1954 y cuartu en 1953 y 1957. Llogró tres victories y 17 podios en 44 Grandes Premios apostaos, nel so la mayoría cola Scuderia Ferrari.

Hawthorn tien el dudosu honor de ganar les 24 Hores de Le Mans en 1955. El británicu tuvo arreyáu nel accidente qu'acabó cola vida d'aproximao 80 espectadores naquella edición, (conocida como'l "desastre de Le Mans"). Foi l'accidente más tráxicu de la historia del automovilismu pero, a pesar de la so magnitú, la prueba nun foi suspendida, lo que-y dexó alzar se cola victoria a los mandos del so Xaguar.

Hawthorn foi'l primer británicu n'algamar el visu de la categoría na Temporada 1958. Ye, amás, xunto a Keke Rosberg, el pilotu con menos victories nuna temporada que llograra proclamase campeón del mundu na mesma, con tan solo un trunfu, nel Gran Premiu de Francia.

Una victoria y siete podios dexáron-y vencer al so compatriota Stirling Moss, a pesar de qu'ésti cuntó con cuatro trunfos. Esto debió en gran parte gracies a la caballerosidad del segundu, que defendió a Hawthorn ante la sanción que se-y aplicó nel Gran Premiu de Portugal, y ensin que la so collaboración nel procesu habría finalmente decantáu'l títulu del so llau.

En ganando'l campeonatu, Hawthorn anunció automáticamente la so retirada del automovilismu, influyíu en gran parte pola facilidá p'atopar la muerte qu'esperimentaben los corredores naquella dómina, por cuenta de les deficientes midíes de seguridá, tantu de los circuitos como de les monoplaces. Amás, dos compañeros sos en Ferrari, el británicu Peter Collins y l'italianu Luigi Musso, finaren por esi motivu a mediaos de la temporada.

Sicasí, irónicamente, tan solo tres meses dempués de llograr el títulu mundial, el 22 de xineru de 1959, Hawthorn finó a la edá de 29 años nun accidente de tráficu col so automóvil. Una de les cais de Farnham, la ciudá onde vivió hasta'l final de la so vida, lleva'l so nome.

(Carreres en negrina indica pole position)

Añu	Equipu	1	2	3	4	5	6	7	8	9	10	11	Posición	Puntos
1952	Cooper	SUI DNP	IND DNP	BEL 4	FRA Ret	GBR 3	ALE DNP	NED 4	ESP Ret				6º	10
1953	Ferrari	ARG 4	IND DNP	NED 4	BEL 6	FRA 1	GBR 5	ALE 3	SUI 3	ESP 4			4º	19
1954	Ferrari	ARG DSQ	IND DNP	BEL 4	NED Ret	GBR 2	ALE Ret	SUI Ret	ITA 2	ESP 1			3º	24,5
1955	Vanwall	ARG DNP	MON Ret	IND DNP	BEL Ret								26º	0
	Ferrari					NED 7	GBR 6	ITA 10
1956	Maserati	ARG 3	MON DNP	IND DNP	BEL DNP								12º	4
	Vanwall					FRA 10
	BRM						GBR Ret	ALE DNP	ITA DNP
1957	Ferrari	ARG Ret	MON Ret	IND DNP	FRA 4	GBR 3	ALE 2	PES DNP	ITA 6				4º	13
1958	Ferrari	ARG 3	MON Ret	NED 5	IND DNP	BEL 2	FRA 1	GBR 2	ALE Ret	POR 2	ITA 2	MAR 2	1º	44

Predecesor: Juan Manuel Fangio

Campeón de la Fórmula 1 1958

Socesor: Jack Brabham

• Wikimedia Commons acueye conteníu multimedia sobre Mike Hawthorn.
• «Mike Hawthorn». en Find a Grave. (n'inglés)