Bharatpur

Chitwan ibarrean kokaturik dago, barneko Terai eskualdean. Nepalgo hiri nagusiak oso gertu ditu, hala nola Katmandu (146 km-ra), Pokhara (126 km) eta Butwal (114 km). Bide egokiak izateaz aparte eguneroko hegazkin zerbitzua ere badu Katmandu eta Pokharara.

Tradizionalki nekazal herria izan den arren aspaldian industriagunea bihurtu da, bai eta hezkuntza eta osasun zentro handia ere. hala ere Bharatpurrek Nepalek behar duen oilaskoen %60a ekoizten du, eta esportatzen dituen beste produktu batzuk eztia, txanpinoiak eta loreak dira.

• Upardanghari fort: Hiria babesteko XVII mendean eraikitako gotorlekua da. Mendixka baten gainean dago.
• Kasrra Durbar: Rana regime erregearen palazio zaharra. Gaur egun Chitwan Parke Nazionaleko sarrera da.
• Devghat: Narayani eta Kali ibaiek bat egiten duten tokian, hinduentzako toki sakratuenetakoa kokatzen da, Devghat. Hainabt jainkoren omenezko tenploak daude bertan. Hiritik 7 kilometrotara dago.
• Ganeshthan: Tenplo hindu garrantzitsu hau Muni Makunda Sen erregeak XV mendean eraiki zuela esaten da, hala ere gaur egun dakusagun tenploa Mahendra erregeak eraiki zuen 1952an.

Nepalgo Parke Nazionalik zaharrena dago hiritik oso gertu, Chitwan Parke Nazionala. 1973an sortu zuten eta 1984ean UNESCOk Gizateriaren Ondare izendatu zuen. Bengalako tigrea bizi da bertan.

• Txantiloi:Np (Ingelesez) Webgune ofiziala^{[Betiko hautsitako esteka]}