Anna Tsing

Anna Tsing
Irudi gehiago
Bizitza
Jaiotza	1952ko urriaren 20a (72 urte)
Herrialdea	Ameriketako Estatu Batuak
Hezkuntza
Heziketa	Yale Unibertsitatea 1973) Artean graduatu Stanford Unibertsitatea 1984) Doktoretza Stanford Unibertsitatea 1976) Arte-masterra
Hizkuntzak	ingelesa
Jarduerak
Jarduerak	antropologoa eta unibertsitateko irakaslea
Enplegatzailea(k)	Coloradoko Unibertsitatea Boulderren  (1984 -  1986) Massachusettsko Unibertsitatea Amhersten  (1986 -  1989) University of California, Santa Cruz (en)  (1989 - Aarhusko Unibertsitatea  (2013 -
Lan nabarmenak	ikusi The Mushroom at the End of the World (en)
Jasotako sariak	ikusi John Simon Guggenheim Memorial Foundation beka  (2010) Huxley Memorial Medal  (2018) Honorary doctor of the University of Liège  (2021)

Anna Lowenhaupt Tsing (1952ko urriaren 20a) Txinako antropologo estatubatuarra da. Kaliforniako Unibertsitateko (Santa Cruz) Antropologia Saileko irakaslea da. 2018an, Royal Anthropological Instituteko Huxley Memorial Medal eman zioten.^[1]

Tsingek Yale Unibertsitatean ikasi zuen Letretako batxilerra (Bachelor of Arts), eta Stanfordeko Unibertsitatean, aldiz, Masterra (1976) eta Doktoretza (1984).^[2]

Doktoretza jasotzean, irakasle laguntzaile bisitaria izan zen Coloradoko Unibertsitatean, Boulder (1984–86), eta irakasle laguntzailea Massachusettseko Unibertsitatean, Amherst (1986–89). Gero, UC Santa Cruzekin bat egin zuen.^[2]

Tsing-ek 40 artikulu baino gehiago argitaratu ditu aldizkari entzutetsuetan, Cultural Anthropology eta Southeast Asian Studies Bulletinean kasu. Harry Benda Saria irabazi zuen In the Realm of the Diamond Queen liburuagatik (1994). Bere bigarren liburuak, Friction: An Ethnography of Global Connection (2005), Amerikako Elkarte Etnologikoaren Senior Book Saria jaso zuen.^[3]

2010ean, Guggenheim beka^[4] bat jaso zuen On the Circulation of Species: The Persistence of Diversity proiekturako, matsutake onddoaren etnografia bat.^[3]

2013an, Tsingek Danimarkako Aarhus Unibertsitateko Niels Bohr Katedra jaso zuen, humanitate, natur zientzia, gizarte zientzia eta arteetan diziplina arteko lanari egindako ekarpenagatik. Gaur egun, diziplinaz gaindiko programa bat garatzen ari da Antropozenoa esploratzeko.^[5] Tsing AURA (Aarhus University Research on the Antropocene) ikerketa zentroko zuzendaria da.^[6][7] Proiektua Danimarkako Ikerketa Fundazio Nazionalak finantzatu zuen bost urtez, 2018ra arte.

Bera kide den erakundeen artean: American Anthropological Association, the American Ethnological Society eta the Association for Asian Studies aurkitzen dira.^[3]

Donna J. Haraway adituarekin batera, Tsing-ek Plantationocene hitza sortu zuen proposatutako Antropozeno aroaren ordezko gisa. Planetaren eraldaketa giza jardueretan oinarritzen du, baita lurraren erabilera, ekosistema, biodibertsitate eta espezieen iraungipenaren gaineko eragin negatiboak ere.

Tsing-ek eta Haraway-k adierazi dute gizaki guztiek ez dietela berdin laguntzen gure planetak aurrez aurre dituen ingurumen-erronkei. Antropozenoaren jatorria Ameriketan aro moderno goiztiarrean jazotako kolonialismoaren hasieran kokatzen dute, eta horren atzean gordetako istoria bortitza nabarmentzen dute landaketen (plantations) historian arreta jarriz. Kolono espainiarrak eta portugaldarrak landaketa ereduak Ameriketara inportatzen hasi ziren 1500eko urte haietan, mende bat lehenago Atlantiar Uharteetan garatu zituztenak. Landaketa eredu horiek migrazio lan behartuan (esklabotza), lurraren erabilera intentsiboan, merkataritza globalizatuan eta etengabeko indarkeria arrazializatuan oinarritu ziren, eta horiek eraldatu dute gizakien eta ez gizakien bizitza mundu osoan. Gaur egungo eta iraganeko landaketak nodo garrantzitsuak izan dira kolonialismoaren, kapitalismoaren eta arrazakeriaren historian; eta, era berean, berotze-tenperaturei, itsasoko uraren maila gero eta handiagoei, toxikoei eta lurraren antolaketari dagokienez gizaki batzuk besteak baino zaurgarriago bihurtu zituzten ingurumen gaietatik banaezinak dira historio horiek.^[8]

Tsingen lan aipagarri batzuk honako liburu hauek dira:

• In the Realm of the Diamond Queen: Marginality in an Out-of-the-way Place (1993)
• Friction: An Ethnography of Global Connection (2004)
• The Mushroom at the End of the World: On the Possibility of Life in Capitalist Ruins (2015)
• Arts of Living on a Damaged Planet: Ghosts and Monsters of the Anthropocene (2017)