Azerbaijan

Azerbaijan
Bandiera Scuto de armas
Hymno: Azərbaycan marşı
Nomine native	Azərbaycan Respublikası, Azərbaycan
Classe	stato soveran[*], pais, pais sin accesso al mar[*], entitate territorial administrative
Pais	Azerbaijan
Capital	Baku
Population	10 145 212
Area	86 600 km²
Coordinatas	40°18'N, 47°42'E
Linguas official	azeri
Fuso horari	UTC+04:00[*], Asia/Baku[*]
Codice telephonic	+994
Valuta	manat azeri
Dominio de Internet	.az[*]
ISO 3166-1 alpha-2	AZ
ISO 3166-1 alpha-3	AZE
ISO 3166-1 numeric	031
Codice IOC	AZE
Geonames ID	587116
Sito web: http://mfa.gov.az/en
Wikimedia Commons Category Azerbaijan

Azerbaijan (lingua azeri: Azərbaycan), officialmente Republica de Azerbaijan, es un pais transcontinental situate al limite de Europa Oriental e Asia Occidental. Illo face parte del region del Sud Caucaso e es limitate per le Mar Caspian al est, Russia (Republica de Dagestan) al nord, Georgia al nordwest, Armenia e Turchia al west, e Iran al sud. Baku es le capital e le citate le plus populose.

Le Republica Democratic de Azerbaijan proclamava su independantia del Republica Democratic Federative de Transcaucasia in 1918 e deveniva le prime stato musulman majoritari seculare democratic. In 1920, le pais esseva incorporate al Union Sovietic como le RSS de Azerbaijan. Le moderne Republica de Azerbaijan proclamava su independantia le 30 de augusto 1991, pauc ante le dissolution del Union Sovietic in le mesme anno. In septembre 1991, le majoritate ethnic armen del region Nagorno-Karabakh formava le Republica autoproclamate de Artsakh. Le region e septe districtos circumvicinos es recognoscite internationalmente como parte de Azerbaijan, pendente un solution del stato de Nagorno-Karabakh per negotiationes facilitate per le OSCE, ma deveniva de facto independente con le fin del Prime Guerra de Nagorno-Karabakh in 1994. Post le Secunde Guerra de Nagorno-Karabakh in 2020, le septe districtos e partes de Nagorno-Karabakh retornava al control de Azerbaijan.

Azerbaijan es un republica semi-presidential unitari. Illo es un del sex statos turc independente e un membro active del Organisation de Statos Turc e le communitate TÜRKSOY. Azerbaijan ha relationes diplomatic con 182 paises e es membro de 38 organisationes international, includente le Nationes Unite, le Consilio de Europa, le Movimento de Nonaliniate, le OSCE, e le programma NATO PfP. Illo es un del membros fondator de GUAM, le CIS, e le OPCW. Azerbaijan es anque un stato observator del OMC.

Le grande majoritate del population del pais (97%) es nominalmente musulman, ma le constitution non declara un religion official e tote le principal fortias politic in le pais es secular. Azerbaijan es un pais in disveloppamento e ocupa le 91e position in le Indice de Disveloppamento Human. Illo ha un alte taxa de disveloppamento economic, alfabetisation, e un basse taxa de disoccupation. Tamen, le governante Partito Nove Azerbaijan, al poter desde 1993, ha essite accusate de guida autoritari sub le governation de tanto Heydar Aliyev como su filio Ilham Aliyev, e de deteriorar le registro de derectos human,^{[1][2] [3][4]} includente le augmento de restrictiones in le libertates civil, particularmente in le libertate de pressa e repression politic. ^{[5] [6][7]}

Wikimedia Commons ha files multimedia de: Azerbaijan

1. ↑ https://www.cia.gov/the-world-factbook/countries/azerbaijan/ (anglese)
2. ↑ https://www.amnesty.org/en/location/europe-and-central-asia/azerbaijan/report-azerbaijan/ (anglese)
3. ↑ https://www.amnesty.org/es/location/europe-and-central-asia/azerbaijan/ (espaniol)
4. ↑ https://www.amnesty.org/fr/location/europe-and-central-asia/azerbaijan/report-azerbaijan/ (francese)
5. ↑ https://www.coe.int/fr/web/commissioner/country-monitoring/azerbaijan (francese)
6. ↑ https://www.indexoncensorship.org/azerbaijan-silencing-human-rights/ (anglese)
7. ↑ https://www.state.gov/reports/2021-country-reports-on-human-rights-practices/azerbaijan/ (anglese)