Ossetia Meridionalis

Ossetia Meridionalis^[1] vel plenius Res publica Ossetia Meridionalis (Ossetice Республикæ Хуссар Ирыстон; Russice Республика Южная Осетия; Georgianice სამხრეთ ოსეთის რესპუბლიკა) de facto est libera res publica intra Georgiam. Sub Russico et Ossetiae Septentrionalis pondere, contra Georgianum dominium pugnat ex URSS collapsa.

Eius separatio a Georgia ab ulla civitate non agnita est, Russia, Nicaragua, Venetiola, et Nauru exceptis, quamquam suam libertatem declaravit. Georgia Ossetiae Meridionalis libertatem agnoscere negat, cuius gubernatio eam Samatzablonem (Georgianice სამაჩაბლო) sive regionem Schinuvaliensem e capite reipublicae nuncupat. Ossetia Meridionalis regionis Georgianae Cartliae Interioris^[2] (Georgianice შიდა ქართლი) pars est.

Mense Augusto 2008, Bellum Ossetiae Meridionalis coepit post magnas confrontationes inter Georgianas vires et Ossetiae Meridionalis separatistas.

Osseti sive Alani moderni originaliter ab Alanis antiquis, Sarmatica tribu, descendunt. Ad Christianismum per Medium Aevum iniens ob Georgianum et Byzantinum pondus conversi sunt. Dominatis Mongolibus, e natali terra, fluminis Tanais meridie in Russia hodierna, expulsi sunt et transivere Montes Caucasi usque ad Georgiam ubi tres territoriales entitates dissimiles creaverunt qui sunt Digoria, occidente et ab vicino populo Cabardinorum qui in regione Islamismum introduxerunt affecta; Tualia, meridie, quae quod in praesenti Ossetia Meridionalis et historici Georgiani principatus Samatzablonis pars est formabat et ad quam Osseti confugerunt e Mongolicis invasoribus; et Ironia, Septemtrione, quae praesens Ossetia Septentrionalis, sub Russico dominio ex anno 1767, facta est. Hodie plerique Osseti Christiani (circiter 61%) significativa cum Musulmanorum minoritate sunt.

.

Ossetia Meridionalis a Russia anno 1801 iuxta cum Georgia annexa et in Imperium Russicum incorporata est. Post Revolutionem Russicam, civitas Reipublicae Democraticae Georgiae (Georgice საქართველოს დემოკრატიული რესპუბლიკა), a Mensevicis rectae, partem formavit, dum Ossetia Septemtrionalis Res publica Sovietica Terekiensis (Russice Терская Советская Республика) partem formare coepit. Area Osseticarum rebellionum seriem passa est, ubi libertas exacta est. Georgiana gubernatio Ossetos de cooperatione cum Bolsevicis accusavit et eos repressit; secundum Osseticas fontes, circiter 5000 Ossetorum interfecti sunt et amplius 13 000 subsequentiter propter famem et epidemias mortui sunt.

Sovietica Georgiae gubernatio, in munere anno 1921 ab Undecimo Exercitu Rubro posita, et a dictatore Iosepho Stalin ducta, Aprili secuti anni Regionem Autonomam Meridie-Osseticam (Russice Юго-Осетинская автономная область, Georgianice სამხრეთ ოსეთის ავტონომიური ოლქი, Ossetice Хуссар Ирыстоны автономон облæст) creavit. Quia Osseti suam propriam linguam, Osseticam, habent, linguae Ossetica, Russica et Georgiana administrativae civitatisque linguae factae sunt. Per Sovieticam aeram, sub Georgiana gubernatione, civitas autonomiam experta est, quae linguae Osseticae usum et suam doctrinam in scholis comprehendebat.

Consociatio Nationum, Unio Europaea, Organizatio Securitati Cooperationique in Europa favendis, Consilium Unionis Europaeae et Consociatio ex pacto Atlantico Septentrionali, sicut reliquae nationes mundi, Ossetiam Meridionalem Georgiae partem integrantem considerant. Pridie Idus Novembres 2006 secessionistica gubernatio secundum plebis scitum de libera disposuit, postquam primum, anno 1992 celebratum, validum a communitate internationali non consideraretur. Secundum Schinuvalii auctoritates, consultatio favorem 99 centesimas suffragatorum accepit, participantibus 95 centesimis, dum triginta-quattuor internationalium observatorum Germaniae, Austriae, Poloniae, Sueciae, et aliarum civitatum turma suffragiorum evolutionem in 78 collegiorum comitialium inspexere. Nihilominus, non agnitum est nec a CN nec ab UE nec ab OSCE nec ab OTAN nec a Foederatione Russica quia Ossetiae Meridionalis incolae originem Georgiani non participavere et quia praeterea Triphelis gubernatio non id agnovit. UE, OSCE et OTAN inopportunam consultationis celebrationem consideravere.

Simul, Austro-Osseticae oppositionis motus Cives Ossetiae Meridionae pro Pace sua propria comitia disposuit in quibus tum regionis Georgiani tum aliqui Osseti Demetrio Sanakoiev alternativo Ossetiae Meridionalis praeside suffragati sunt. Haec comitia totum favorem incolarum zonae originem Georgianorum consecuta sunt.

Die Aprili 2007, Georgia, in zonae Orientalium Meridionaliumque districtuum partem dominata, Entitatem Administrativam Temporariam Ossetiae Meridionalis, ab antiquis gubernationis separatisticae membris ductam et cuius dux Demetrius Sanakoiev e 10 Martii, creavit. Haec temporaria administratio cum mediis Georgianis auctoritatibus pactura erat ad quaerendam solutionem conflictui et ad determinandum modo decretotio finalem Ossetiae Meridionalis statum.

Die 13 Iulii 2007, Georgia civitariam commissionem, a primo ministro Zurabo Noghaideli ductam, creavere ad evolvendam Ossetiae Meridionalisautonomiam intra Georgiam. Secundum Georgianam gubernationem, negotiatio e "dialogo inclusivo" cum omnibus Austro-Osseticae societatis viribus communitatibusque incipiebat.

Die 8 Augusti 2008, ubi incipiebant publice Olympia, coepere proelia inter Georgianas vires et separatisticas Austro-Osseticas vires, quae cum Russiae interventione desierunt. Ob statum qui creatus erat, Consilium Foederationis Russicae extraordinariam sessionem diei 25 Augusti 2008 convocavit; ubi a Cremlino ut Abasciam et Ossetiam Meridionalem agnosceret. Agnitio secuto die advenit, faventibus secessionisticarum regionum ducibus et impugnante communitate internationali.

• 
  Mediaevale Ossetiae Meridionalis vexillum.
• 
  Publicum reipublicae vexillum
• 
  Publicum reipublicae insigne heraldicum

Ossetiae Meridionalis vexillum tricolor cum aequis clavis coloris albi, rubri et gilvi est. Vexillum cum Constitutionis 26 Novembris 1990 articulo adoptatum et Regulatione Vexilli Civitatis 30 Martii 1992 firmatum est. Color ruber fortitudinem, albus puritatem moralem et gilvus opulentiam et prosperitatem significat. Vexillum persimile vexillo Ossetiae Septemtrionalis est, a quo differt propter clavorum longitudinem.

Res publica Ossetiae Meridionalis [[pagus|pagorum[[ urbiumque tum Georgianae maioritatis tum Osseticae maioritatis conglomeratio est. Caput, Schinuvalium (Tschinval), qui etiam maxima zonae urbs, sub liberae gubernationis dominio est, ut accidit reliquis in oppidis Osseticae maioritatis. Georgianae maioritatis oppida a Triphelis gubernatione administrantur. Duarum communitatum mixtio ut conflictus valde subtilis sit facit, quia quivis creandi uninationalis territorii conatus magnas incolarum translationes implicaret.

Politicus conflictus apertus pergit et nunc Ossetia Meridionalis talis libera res publica respectu Georgiae agit. Etsi bilateralia colloquia perihodice fuere, Eduardo Shevardnadze praeside inter annos 1993 et 2003, progressus exigui fuere. Cuius successor, Michael Saakashvili, anno 2004 electus, Georgianae gubernationis voluntatem denuo firmavit ut super Ossetia Meridionali auctoritas politica prioritas facta sit. Postquam Maio 2004 consecuta sit ad finem adducere Austroccidentalis provinciae Azariae (Georgice აჭარა) libertatem de facto, similem solutionem Ossetiae Meridionali quaesiturum esse promisit. Post Iunii 2004 confrontationes, Georgiana gubernatio internationalem curam de problemate amplificavit. Die 25 Ianuarii 2005, praeses Michael Saakashvili Georgianum propositum rogavit ut resolveatur Ossetiae Meridionalis conflictus in sessione Conventus Parlamentarii Consilii Europae Argentorati. Postea, Octobri, Gubernatio Foederalis Civitatum Foederatarum et OSCE suum favorem actionis proposito quod primus minister Zurabus Noghaideli in Consilii Permanentis OSCE sessione, Vindobonae die 27 Octobris 2005 celebrata, rogavit ostendere. Die 6 Decembris, Consilium Ministeriale OSCE, Aemonae congregatum, favoris resolutionem Georgiano proposito pacis adoptavit quod reiecere Ossetiae Meridionalis auctoritates.

Die 11 Septembris 2006, Officium Preli Ossetiae Meridionalis pridie Idus Novembres rempublicam plebis scitum de libertate celebraturam esse nuntiavit (primum plebis scitum, anni 1992, a communitate internationali non agnitum est). Cives si Ossetia Meridionalis "suum praesentem Civitatis libertatis de facto statum servare" vellet decreturi erant. Georgia illum statum "politicam absurditatem" esse detulit. Idibus Septembribus 2006 secretarius generalis Consilii Europae, Theodoricus Davis, difficile esse ut aliqua civitas huius plebis sciti resultationem acceperet declaravit et Ossetiae Meridionalis gubernationem ut negotiationes cum Georgia aperiret hortatus est. Hoc eodem die, specialis Unionis Europaeae nuntius ad Transcaucasiam, Petrus Semneby, per salutationem ad Moscuam "plebis sciti resultationes de libertas Ossetiae Meridionalis nullum valorem Unioni Europaeae habituras esse" declaravit. Petrus Semneby plebis scitum pacificae aperti conflictus resolutioni in Ossetia Meridionali non iuvaturum esse addidit.

Pridie Idus Novembres 2006, Austro-Osseti per plebis scitum, fere omnium consensu, se a Georgia separare decrevere. Resultationes vastificae fuere, quia inter 98 et 99% suffragiorum libertatem optaverunt et fuerunt magnae celebrationes totam per civitatem, sed adventicii observatores se sceptici hunc ob enthusiasmum ostenderunt. In toto orbe terrarum surrexere voces plebis scitum impugnantes quoniam regionales tensiones veneno contaminare poterat et Triphelis gubernatio resultationes non attendit.

Octobri mense 2006 creata est factio Cives Ossetiae Meridionalis pro Pace, ab Ossetis liberas Eduardi Kokoity auctoritates aperte repugnantibus constituta, et oppositionis motum disponere volentibus.

Motus, ab antiquo Defensionis responsali et antiquo liberae Osseticae gubernationis primo ministro Demetrio Sanakoiev ductus, pridie Idus Novembres alternativa comitia habuit, simultanea plebis scito de libertate ab independentisticis^? Schinuvalii auctoritatibus promoto. Alternativa comitialis commissio ponderis praesentiam ad urnas fuisse nuntiavit et comitia 42 000 Osseticae (districtuum Iavae et Schinuvalii) Georgianae (Eredvorum, Tamarasenorum etc.) communitatum civium participavisse aestimavit; Demetrius Sanakoiev 96 centesimas suffragiorum accepit. Paulo postea, habitum est novum scitum ad quaerendum si aperiendae erant negotiationes cum Georgia ut conveniretur in foederslis generis pactum, quod 94 centesimas affirmativorum suffragiorum consecutum est. Sed respiciendum est Unionem pro Salvatione Ossetiae Meridionalis petitionem organizationis haud gubernativae Georgiae Multinationalis ut inspicerentur comitia reiecisse et probabile est resultationes inflatas esse.

Secundum Societatem Criseon Internationalium (Anglice International Crisis Group), "gradus quos facit Georgiana gubernatio non violenti sunt et rerum difficultates expedire volunt sed unilaterali modo et ideo assertive efficiuntur ut contribuunt ut augeatur tensio modo perceptibili et periculose.

Initio, Demetrii Sanakoiev entitas nomine "alternae Ossetiae Meridionalis gubernationis" nuncupatur, sed per annum 2007 Georgianae auctoritates ei statum publicum concedere decrevere et Idibus Aprilibus "temporariae Ossetiae Meridionalis administrationis" creationem nuntiavere, quae e 10 Maii a Demetrio Sanakoiev duceretur.

Ianuario 2007, Unionis Europaeae turma investigationis zonam visitavere. Petrus Eklund, dux Delegationis Commissionis Europaeae in Georgiam, "legitimas duarum alternativarum nullas considerari" quae Ossetiae Meridionali proponebantur dixit.

Ossetia Meridionalis divisa est in urbem Schinuvalium, quae caput est, et districtus (Ossetice et Russice район, et Georgice რაიონი) quattuor qui sunt:

Districtus Latine	Districtus Ossetice	Districtus Georgice	Districtus Russice	Incolae 2009	Caput Latine	Caput Ossetice	Caput Georgice	Caput Russice	Incolae capitis 2009
Districtus Dzavensis	Дзауы район	ჯავა	Дзауский район	5000	Dzava	Дзау	ჯავა	Джава	800
Districtus Znaurensis	Знауыры район	ყორნისი	Знаурский район	4000	Znaur	Знауыр	ყორნისი	Знаур	500
Districtus Leninoropolitanus	Ленингоры район	ახალგორი	Ленингорский район	2500	Leninoropolis	Ленингор	ახალგორი	Ленингори	600
Districtus Schinuvaliensisl	Цхинвалы район	ცხინვალი	Цхинвальский район	5000 (1)	Schinuvalium	Цхинвал sive Чъреба	ცხინვალი	Цхинвал	17 000
Schinuvalium(2)	Цхинвал sive Чъреба	ცხინვალი	Цхинвал	17 000	Schinuvalium	Цхинвал sive Чъреба	ცხინვალი	Цхинвал	17 000
Tota Ossetia Meridionalis				33 500	Schinuvalium	Цхинвал sive Чъреба	ცხინვალი	Цхинвал	17 000

Ossetia Meridionalis aream circiter 3900 km² (1 506 milia passuum quadratorum) Meridionali Caucasi latere tegit, ab Ossetia Septemtrionali habitatiore (Russiae parte) iugo Principali Caucasico separata et in meridiem fere usque ad Georgianum flumen Cyrum patens; a parte occidentali Ossetiae iugum Lichense iacet. Valde montana est cum plerisque regionibus super 1000 m (3281 pedum) super aequore maris et maximus locus in civitate Mons Gelatus (Ossetice Халасхох, Russice Халаца, Georgice ხალაწა), 3938 m (12 920 pedum) super aequore maris altus, est. Eius oeconomia praecipue agriculturalis est, quamquam minus quam 10 centesimae terrestris areae coluntur. Frumentum, fructus et vina praecipua producta sunt. Silviculturalis et bovina industriae quoque sustinentur. Industrialium fabricarum numerus etiam est, praesertim circa caput, Schinuvalium.

Ossetiae Meridionalis vires armatae summam 16 000 militum habet, e quibus 2500 militum cum activo munere et 13 500 subsidiarii sunt.

Ineunte Bello Ossetiae Meridionalis anni 2008, vires armatae hanc apparaturam possidebant:

• 15 autocurrus armatos: 5 T-55 et 10 T-72.
• 24 se propellentes pyroballistarias: 12 122mm 2S1 "Gvozdika et 12 152mm 2S3 "Akatsiya".
• 12 tormenta 122mm D-30.
• 6 pyraulectoxeuteria multiplica 122mm BM-21 "Grad".
• 4 tormenta contra autocurrus armatos 100mm MT-12 "Rapira".
• 30 mortaria.
• 52 armata vehicula proelii BRDM, BMP-1 et BTR-70.
• 6 valde mobilium, brevis campi, paucae altitudinis e superficie in aerem missilium systemata 9K31 "Strela-1".
• 10 brevis campi defensionis antiaëriae tormenta ZU-23-2.
• 4 helicoptera Mi-8.

Post Bellum Ossetiae Meridionalis anni 2008, aliqui currus armati a Georgianis viribus capti Austro-Osseticis viribus armatis translati sunt.

Ante Conflictum Georgiano-Osseticum propomodum duae tertiae partes Austro-Osseticorum incolarum Osseti dum inter 25 et 30% Georgiani erant. Orientalis quarta civitatis pars, circa urbem et districtum Leninoropolitanos (Georgice ახალგორი, Russice Ленингори, Ossetice Ленингор), praesertim Georgiana est, dum ncivitatis medium occidensque praesertim Ossetica sunt. Maxima montani septentrionis pars mediocriter incolitur.

Quia statisticum Georgiae grapheum anni 2002 censum in Ossetia Meridionali gerere nequivit, praesens Austro-Osseticorum incolarum compositio nescitur, quamquam secundum aliquas aestimationes 47 000 ethnice Osseti et 17 500 ethnice Georgiani in Ossetia Meridionali anno 2007 erant.

Aestimatio incolarum anni 2009: Per bellum, Custodia Iurum Humanorum 15 000 Georgianorum fugere et 500 Austro-Osseticorum civium summam interfici asseruit. Quod aestimatum numerum incolarum in 54 500 reliquit. Verumtamen Russicum reconstructionis propositum 600 milliones dollariorum Ossetiae Meridionalis auxilio involvens immigrationem in liberam rempublicam de facto acuisse potest, speciatim cum 3700 Russicorum militum motu in Ossetiam Meridionalem ad impediendas ulteriores incursiones. Societas RIA Novosti numerum incolarum Ossetiae Meridionalis in 80 000 conlocant, quamquam hic numerus probabiliter nimis optimisticus est.

Ethnē	Anni 1926 census	Anni 1939 census	Anni 1959 census	Anni 1970 census	Anni 1979 census	Anni 1989 census	Anni 2007 aestimatio
Osseti	60 351 (69,1%)	72 266 (68,1%)	63 698 (65,8%)	66 073 (66,5%)	65 077 (66,4%)	65 200 (65,9%)	47 000 (67,1%)
Georgiani	23 538 (26,9%)	27 525 (25,9%)	26 584 (27,5%)	28 125 (28,3%)	28 187 (28,8%)	28 700 (29,0%)	17 500 (25,0%)
Russi	157 (0,2%)	2111 (2,0%)	2380 (2,5%)	1574 (1,6%)	2046 (2,1%)	2128 (2,1%)	2100 (3,0%)
Armenii	1374 (1,6%)	1537 (1,4%)	1555 (1,6%)	1254 (1,3%)	953 (1,0%)	871 (0,9%)	900 (1,3%)
Iudaici	1739 (2,0%)	1979 (1,9%)	1723 (1,8%)	1485 (1,5%)	654 (0,7%)	648 (0,7%)	650 (0,9%)
Alia	216 (0,2%)	700 (0,7%)	867 (0,9%)	910 (0,9%)	1071 (1,1%)	1453 (1,5%)	1850 (2,6%)
Summa	87 375	106 118	96  807	99 421	97 988	99 000	70 000

^[3]

Ossetiae Meridionalis linguae publicae Ossetica, Russica et Georgiana sunt.

Praecipua lingua in Ossetia Meridionali Ossetica est. Media Televisio Ossetice emittit et etiam diarium Hursaerin (Cyrillico Хурзарин) Ossetice editur.

Lingua Ossetica in Ossetia Meridionali solum velut dialectus Ironica apparet, quae vicissim habet tres subdialectos; Cudaricam, Xanicam et Dualicam.

Linguistica iura violata esse in republica Ossetiae Meridionalis putantur, quoniam, quamquam cum sufficienti pecunia evolvendae linguae, caretur educativis institutis linguae Osseticae.

Lingua Russica publicarum una in Ossetia Meridionali iuxta cum Ossetica et Georgiana est. Televisio media et radiophonia Russice transmittunt. Russice etiam eduntur diaria Yuzhnaya Osetiya (Cyrillico Южная Осетия) et Res publika (Cyrillico Республика). Russice docent omnia educativa Reipublicae instituta.

Idibus Novembribus 2011 plebis scitum de assignando linguae Russicae statu linguae Civitatis habebitur.

In Ossetia Meridionalis, fere 61 centesimae incolarum religionis Christianae Orthodoxae sunt. Usque ad libertatem a Georgia, loci Ecclesia Orthodoxa Patriarchatus Georgiani pars erat. Successive, Orthodoxae parochiae suam libertatem a Patriarchatu Georgiano proclamavere; verumtamen actus adhuc ab Ecclesiis Ortodoxis Canonicis agnoscuntur. Nova Ecclesia Ecclesiae Palaeohemerologisticae Orthodoxae Graeca et Sanctae Sinodi in Resistentia pars est, velut Dioecesis Ossetiae in Ossetia Meridionali. Quoque Musulmanae Sunniticae, Christianae Armeniacae et Iudaicae minoritates sunt.

Post bellum cum Georgia decennii 200, Ossetia Meridionalis oeconomice collapsa est. Civitatis PDG 15 milliones dollariorum Civitatum Foederatarum (250 dollariorum pro capite) in opere anno 2002 edito aestimatus est. Munera et annonae arta erant. Praeterea, Georgia electricitatis praebitionem in regionem secavit, quod Ossetiae Meridionalis gubernationi ut ductum electricum per Ossetiam Septemtrionalem traduceretur cogit. Plerique incolae propter subsistentiae fundos supervivunt. Virtualiter unicus significativus oeconomicus reditus ab Ossetia Meridionali possessus dominium in Specu Rociensi (Georgice როკის გვირაბი, Ossetice Ручъы тъунел, Russice Рокский туннель) est, qui ad conectendas Russiam et Georgiam prodest, et de quo Ossetiae Meridionalis gubernatio se adhuc tertiam suae expensarum rationis partem colligendis portoriis e mercedum commeatu obtinere refert.

Praeses Eduardus Kokoity suam civitatem magnopere e Russico oeconomico auxilio dependere admisit.

Ossetiae Meridionalis limen paupertatis in 3.062 rubelis Russicis pro mense quarta anni 2007 parte stabat, scilicet 23,5% sub Russica media, quoniam Austro-Osseti incomparabiliter minores reditus habent.

Ante Bellum Ossetiae Meridionalis, Ossetiae Meridionalis industria in viginti duo parvis fabricis cum tota productione 61,1 millionum rubelorum Russicorum anno 2006 consistebat. Anno 2007, solum septem fabricae munere functae sunt. Martio 2009, pleraeque fabricae resides esse et refectionibus egere relatae sunt. Adhuc prosperae fabricae operariorum numerum deminuere, aes alienum contraxere et laboris capitali carebant. Una maximarum localium societatum fabrica Emalprovod, cum 130 salariariorum, est.

Austro-Osseticae auctoritates rem pecuniariam ameliorare excogitant stimulanda locali farinae productione et ita deminuendis farinae importatae necessitatibus. Huic proposito, area tritico sata amplius decupla anno 2008 e 130 hectariorum in 1 500 aucta est. Tritici messis anno 2008 2 500 tonnarum micarum esse exspectata est. Ministerium Agriculturae Ossetiae Meridionalis aliqua tractoria anno 2008 etiam importavit et pluris agriculturalis machinationis deductionem anno 2009 exspectabat.

Russia decem billiones rubelorum in Ossetiae Meridionalis anni 2009 reparatione erogare excogitabat.

Plurimum oeconomiae in Russicis viribus militaribus praesentia fundatur.

Praecipuum medium vecturae in civitate per autovias est, ubi principalis vecturae arteria Autovia Transcaucasica (Russice Транскавказская автомагистраль), Ossetiam Meridionalem Russiae trans Georgiam Armeniamque conectens, est.

Ferrivia Schinuvalium Goris conectens est. Primum Schinuvalii tramen die 8 Iunii 1940 advenit. Incipiente conflictu inter Georgiam et Ossetiam Meridionalem ineunte decennio 200, ferriviaria communicatio desivit.

Octobri mense 2008 societas ferriviaria propositum evolvere coepit ad conectendam Foederationem Russicam Austro-Ossetico territorio.

Inter poetas Ossetiae Meridionalis excellunt Nafius Dzhusoity, Gris Plity, et Costa Khetagurov.

Anno 2008, undecim obiecta patrimonii culturalis destructa sunt. Ibi operat Unio Artificum Ossetiae Meridionalis (Russice Союз художников Южной Осетии). In loco interretiali OSinform (Cyrillico; ОСинформ) informatur de Austro-Ossetico patrimonio. Infra sunt dissimilia vincula in hunc locum:

• "De Ossetiae Meridiaonae historicis monumentis et cultura"
• "De monumentis culturae Ossetiae (pars 1)"
• "De monumentis culturae Ossetiae (pars 2)"

Inter historica monumenta eminent:

• Sanctuarium Sancti Georgii anni 541
• Templum Tiguae
• Arx anni 17 Dzaginae
• Templum Icortae anni 1172
• Sanctuarium Sanctissimae Virginis Armasticae (Russice Армази) anno 864
• Templum Larguense saeculi XVIII

Feriae et diei festi

Dies	Nomen Latine	Nomen Russice	Nomen Ossetice	Nomen Georgice
23 Februarii	Dies Defensoris Patriae	День защитника Отечества
8 Martii	Dies Internationalis Feminarum	Международный женский день		ქალთა საერთაშორისო დღე
9 Maii	Dies Victoriae	День Победы		გამარჯვების დღე
Idus Maiae	Dies linguae et litterarum Osseticarum	День осетинского языка и литературы
27 Iunii	Dies Iuventutis in Ossetia Meridionali	День молодёжи Южной Осетии
Pridie Idus Iulii	Dies Virium Pacis in Ossetia Meridionali	День миротворца в Южной Осетии
23 Iulii	Dies Mediorum Communicationis in Ossetia Meridionali	День работников СМИ Южной Осетии
26 Augusti	Dies Agnitionis Russicae de Ossetia Meridionali	День признания Россией независимости Южной Осетии
20 Septembris	Dies Libertatis Ossetiae Meridionalis	День независимости Южной Осетии
27 Septembris	Dies Periegeseos in Ossetia Meridionali	День туризма в Южной Осетии
23 Novembris	Dies Sancti Georgii in Ossetia Meridionali	Джеоргуба	Джеоргуыба

Memorabiles dies profesti

Dies	Nomen Latine	Nomen Russice	Nomen Ossetice	Nomen Georgice
18 Martii	Dies Interfectorum Tragoediae Eredvicae in Ossetia Meridionali	День памяти жертв Ередской трагедии в Южной Осетии
20 Maii	Dies Luctus Nationalis in Ossetia Meridionali	День национального траура в Южной Осетии
23 Novembris	Dies Principii Proeliorum inter Ossetiam Meridionalem et Georgiam	День начала противостояния Южной Осетии и Грузии

• Ossetia
• Ossetia Septentrionalis
• Alania

• BBC adumbratio de Ossetia Meridionali
• Special South Ossetia on Caucaz.com, Hebdomadale interretiale de Meridionali Caucaso.
• Photographemata et narrationes ex Ossetia Meridionali
• Ossetia — Historia, cultura, civilitas, nuntii
• Societas Criseon Internationalium, Georgiano-Austro-Osseticus Conflictus: Festina Lente, Europaea Relatio N°183, 7 Iunii 2007 (gratis nominis additio necessaria ad totam relationem videndam)
• Alanus Tschurbaiev (CRS No. 406 17-Aug-07), Austro-Alani inter duos "praesides" capti. Institutum Belli et Pacis Relatandorum.
• Civitaria procuratio nuntiorum Reipublicae Ossetiae Meridionalis