Fitsiloly

Tsy tohanana intsony ny kinova azo atao pirinty ary mety misy lesoka amin'ny famoronana. Azafady mba havaozy ny famantarana ny mpitety tranonkala ary ampiasao ny asan'ny fanontana tsipalotra.

Ny fitsiloly dia fitambatan' ny fanoherana ny hetsi-pikorianan' ny hanaka (ranoka na etona) izay misy na tsy misy fitambolimbolina. Mampihena ny fahalalahan' ny fikorianan' ny hanaka sy mampihena ny angovony ny fitsiloly.

Habe fizika roa no mamaritra ny fitsiloly: fitsiloly dinamika (izay ampiasaina matetika) sy ny fitsilolin-kadiry. Ampiasainay ihany koa ny habe azo avy amin' ireo: fihanaka, fitsiloly sinematika na fitsilolim- pihalavana.

Tsy mitovy amin' ny an' ny etona ny fitsilolin' ny ranoka izay mihena rehefa mitombo ny maripana. Mety hisy hino fa mitombo ny fitsilolin' ny hanaka rehefa mitombo ny hakitrony, saingy tsy voatery ho izany no hitranga: ohatra, ny menaka kôlza (hakitroka 0,92 amin' ny maripana 20 °C) dia mitsiloly kokoa noho ny rano (7,78 × 10−2 Pa s sy 1,01 × 10−3 Pa s).

Tafiditra amin' ny sehatra maro ny fitsiloly. Ao amin' ny sehatry ny teknôlôjia dia sokajiana araka ny fitsiloliny ny menaka ho an' ny fampiasana amin' ny mekanika, arakaraka ny filan' ny mpanetsika (môtera) na ny milina, sy arakaraka ny maripana hihatra amin' ilay menaka mandritra ny fiasana (tondrom-pitsiloly).

Fitsiloly dinamika aman-tsindry manara-penitra
Akora	Maripana	Fitsiloly (Pa s)
Rano	0 °C	1,753 × 10⁻³
	20 °C	1,005 × 10⁻³
	50 °C	0,535 × 10⁻³
	100 °C	0,277 × 10⁻³
Volavelona	20 °C	1,526 × 10⁻³