Anke van Tharaw

Anke van Tharaw is en Leed, dat Simon Dach 1637 in samländsch Platt schreven hett. Dat Leed hett 17 Strophen. Dach hett dat to de Hochtiet vun Anna Neander dicht. Noten dorto hett toeerst Heinrich Albert 1642 maakt, as he dat Leed in siene Arien druckt hett. In’t Hoochdüütsche hett dat Johann Gottfried Herder 1778 as Ännchen von Tharau översett un 1827 Friedrich Silcher dor ene ne’e Melodie to maakt.

Willibald Alexis hett 1829 vun den Stoff en Drama maakt un Ernst Catenhusen 1875 ene romantsche Oper schreven. Vun Heinrich Josef Strecker gifft dat en Singspeel to Anke van Tharaw vun 1933 un 1954 hebbt se ’n Heimatfilm Ännchen von Tharau dreiht.