Tomma

Tomma
Geografi
Stad	Helgeland
Koordinatar	66°15′25.2″N 12°48′57.4″E / 66.257000°N 12.815944°E
Areal	47 km²
Høgaste punkt	Tomskjevelen (922 moh.)
Administrasjon
Land	Noreg
Fylke	Nordland
Demografi
Folketal	116 (2007)
Folketettleik	2,5 /km²

Tomma er ei øy i Nesna kommune i Nordland. Øya har eit areal på 47 km² og 116 innbyggjarar (2007). Den viktigaste næringsvegen er landbruk, ei anna viktig næring er fiskeoppdrett. Her finst mellom anna Noregs einaste oppdrett av flekksteinbit: Tomma Marin Fisk AS. Det er òg eit lite båtbyggeri, Tomma aluminium, som i hovudsak byggjer fiskebåtar.

Det er ferjesamband til tettstaden Nesna og øyane Handnesøya og Hugla. Ferja til «Nesna-øyene» korresponderer med buss frå Mo i Rana og hurtigbåt frå Bodø/Sandnessjøen.

Øya er populær som utfartsstad, og det er mogleg å fiske, dykke, gå på grotteturar og drive paraglidning. Det er mogleg å overnatte på Tomma hytteutleie eller på campingplassen i Tomsvika der det òg er gjesteplassar for båt. Postadressa hit er 8723 HUSBY.

Tomma sett frå aust. Frå venstre Breitinden, Litltinden, Rundtinden og Tomskjeveln.

Nokre av toppane på øya:

Eidabelgen (217 moh.)
Rundtinden (643 moh.)
Tomskjevelen (922 moh.)
Tomtinden (feilaktig kalla Breitinden på nokre kart) (818 moh.)
Breidtomma (803 moh.)