Kabupatén Bandung Kulon: Béda antarrépisi

Artikel ieu teu boga rujukan sumber nu bisa dipercaya jadi eusina teu bisa divérifikasi. Pitulung ngabenerkeun artikel ieu kalawan nambihkeun rujukan nu bener. Artikel nu teu bisa divérifikasi bisa dihupus ku Kuncén.

Kabupatén Bandung Kulon

Lambang Kabupatén Bandung Kulon
Curug Maléla Kabupatén Bandung Kulon Kabupatén Bandung Kulon (Jawa) Show map of Jawa Kabupatén Bandung Kulon Kabupatén Bandung Kulon (Indonésia) Show map of Indonésia
Peta lokasi Kabupatén Bandung Kulon
Motto	Bandung Barat Cermat
Propinsi	Jawa Kulon
Ibukota	Ngamprah
Lega Wilayah	1.305,77 km²
Kordinat	6°50′21″S 107°30′43″E / 6.8393°S 107.5119°E / -6.8393; 107.5119Koordinat: 6°50′21″S 107°30′43″E / 6.8393°S 107.5119°E / -6.8393; 107.5119
Pangeusi  · Jumlah  · Kapadetan	1.814.226 1.389 jiwa/km²
Administratif  · Kacamatan  · Désa/kal	16 165 désa
Dasar hukum	UU Nomor 12 Tahun 2007[1]
Tanggal	2 Januari 2007[1]
Bupati	Héngki Kurniawan
'
Kode aréa	022
DAU	Rp 1.139.444.658.000,00 (2020) [2]
Ramatloka: bandungbaratkab.go.id

Kabupatén Bandung Kulon (aksara Sunda: ᮊᮘᮥᮕᮒᮦᮔ᮪ ᮘᮔ᮪ᮓᮥᮀ ᮊᮥᮜᮧᮔ᮪) mangrupa hiji kabupatén di Propinsi Jawa Kulon, Indonesia hasil pamekaran ti Kabupatén Bandung^[3]. Pusat pamaréntahan Kabupatén Bandung Kulon aya di kecamatan Ngamprah^[4]. Kabupatén ieu wawatesan jeung Kabupatén Purwakarta jeung Kabupatén Subang di beulah kalér, Kabupatén Bandung, Kota Bandung jeung Kota Cimahi di beulah wétan, sarta Kabupatén Cianjur di beulah kulon^[5].

Kabupatén Bandung Kulon ngawengku 16 kacamatan, nu kabagi deui kana 165 désa^[6]. Kabupatén Bandung Kulon katelah ku sababaraha tempat wisata alam, saperti Gunung Tangkuban Parahu jeung Gunung Burangrang.

Kabupatén Bandung Kulon mangrupa salah sahiji kabupatén di Jawa Kulon. Kabupatén ieu lokasina di antara 60º 41’ - 70º 19’ Lintang Selatan jeung 107º 22’ - 108º 05’ Bujur Wétan, anu legana 1,305.77 km²^[7][5]. Secara umum, titik ekstrem batas wilayah Kabupatén Bandung Kulon digambarkeun dina tabél di handap

Kabupatén Bandung Kulon mangrupa daérah bukit jeung dataran rendah, dengan ketinggian di antara 0 nepi ka 2000 meter di luhureun permukaan laut, kalawan tinggi rata-ratana 110 méter. Kadéngdékan wilayah Kabupatén Bandung Kulon aya di tingkat 0-8%, 8-15%, nepi ka di luhureun 45%^[8]. Morfologi Kabupatén Bandung Kulon umumna diklasifikasikeun kana pedataran, landai, perbukitan, jeung pegunungan^[9]. Kabupatén Bandung Kulon kaaup kana zona iklim panas nepi ka sejuk, jeung curah hujan rata-rata na aya di 1500-4500 mm per tahunna^[9]

Kabupatén Bandung Kulon dimekarkeun ti Kabupatén Bandung dina tanggal 2 Januari 2007, saluyu ku terbitna UU No. 12 Taun 2007 ngeunaan Pembentukan Kabupatén Bandung Kulon^[10]. Wacana pamekaran Kabupatén Bandung Kulon geus aya ti tahun 1990, ku ayana Surat Keputusan Gubernur Jawa Barat No. 30 taun 1990 ngeunaan Pola Induk Pengembangan Wilayah Provinsi Daerah Tingkat I Jawa Barat Dalam Jangka Panjang, anu nyebutkeun yén daérah tingkat I di Jawa Kulon dimekarkeun ti 24 jadi 42 daérah tingkat II^[11][3].

Kaputusan ngeunaan pamekaran Kabupatén Bandung Kulon dikuatkeun ku munculna UU No. 22 Taun 1999 ngeunaan Pamaréntah Daérah jeung Kaputusan DPRD Kabupaten Daérah Tingkat II Bandung Nomor 5 Tanggal 21 Juli 1999 ngeunaan persetujuan awal keur Pamekaran Wilayah Kabupaten Daérah Tingkat II Bandung anu ngajawab permohonan persetujuan Pamaréntah Kabupatén Bandung dina Surat Bupati Bandung No. 132/1235/tapem ngeunaan Permohonan Persetujuan Pamekaran Wilayah Kabupatén Daerah Tingkat II Bandung. Proses pamekaran Kabupatén Bandung Barat katunda ku ayana wacana naékna status Cimahi ti Kota Administratif ka Kota Cimahi di taun 2001^[3][7].

Aspirasi keur ngabentuk Kabupatén Bandung Kulon dikuatkeun ku ayana pembentukan Forum Pendukung Percepatan Pemekaran Kabupaten Bandung Barat (FP3KB) anu pupuhuna Drs. H. Endang Anwar. FP3KB diadegkeun 20 Agustus 1999^[11]. Tuntutan pamekaran Kabupatén Bandung Kulon didukung ku sababaraha organisasi masyarakat, anu puncakna ngayakeun rapat akbar di Padalarang, 6 Agustus 2000, keur ngagaungkeun aspirasi pembentukan Kabupatén Bandung Kulon ka pamaréntah Jawa Kulon. Dina kaberjalananna, aya sababaraha organisasi anu ngarojong ogé ka pembentukan Kabupatén Bandung Kulon saperti Forum Peduli Bandung Barat, Forum Pemuda Bandung Barat, jeung Forum Bandung Barat Bersatu. Dina November 2002, Komite Pembentukan Kabupaten Bandung Barat (KPKBB) diadegkeun keur nyatukeun sora jeung gagasan sakabéh kelompok masarakat nu ngarojong pembentukan Kabupatén Bandung Kulon^[11]. Salah sahiji puncak nyorakeun aspirasi pembentukan Kabupatén Bandung Kulon nyaéta démonstrasi KPKKB dina tanggal 7 Januari 2004 dina komplék Pemda Kabupatén Bandung. Ku kituna, Pamaréntah Kabupatén Bandung nerbitkeun keputusan nyieun tim teknis penataan Kabupatén Bandung anu dipupuhuan Drs. H. Abubakar, jeung ngajalin kerjasama jeung genep paguron luhur saperti Unpad, ITB, STPDN, UPI, Unpas, jeung Unjani dina rangka nata wilayah Kabupatén Bandung^[12].

Dina kaberjalanan ngadegna Kabupatén Bandung Kulon, Pamaréntah Kabupatén Bandung nepikeun surat persetujuan pembentukan Kabupatén Bandung ti DPRD Kabupatén Bandung ka Gubernur Jawa Kulon, dilanjutkeun ka Kamenterian Jero Nagri^[3][12]. Hasilna, dina tanggal 2 Januari 2007, Kabupatén Bandung Kulon resmi diadegkeun dina dasar Undang Undang No. 12 taun 2007 ngeunaan Pembentukan Kabupatén Bandung Kulon. Dina mangsa éta, Kabupatén Bandung Kulon ngawengku 15 kacamatan, nyaéta Kacamatan Lembang, Parongpong, Cisarua, Cikalongwetan, Cipeundeuy, Ngamprah, Cipatat, Padalarang, Batujajar, Cihampelas, Cililin, Cipongkor, Rongga, Sindangkerta, jeung Kecamatan Gununghalu. Dina tanggal 19 Juni 2007, Menteri Jero Nagri ad Interim, Widodo AS ngaresmikeun Kabupatén Bandung Kulon jeung ngalantik Drs. Tjatja Kuswara salaku Pejabat Bupati Bandung Kulon^[12]. Anggota Déwan Perwakilan Rakyat Daérah Kabupatén Bandung Kulon dilantik dina tanggal 18 Oktobér 2007. Pamilihan Bupati Kabupatén Bandung Kulon kahiji diayakeun tanggal 8 Juni 2008, anu ngahasilkeun bupati jeung wakil bupati Kabupatén Bandung Kulon kapilih Drs. H. Abubakar, M. Si., jeung Drs. H. Ernawan Natasaputra, M. Si.. Kaduana dilantik dina tanggal 17 Juli 2008^[12].

No	Potrét	Bupati	Mulai Jabatan	Akhir Jabatan	Prd.	Ket.	Wakil Bupati
—		Drs. H. Tjatja Kuswara SH. MH. (Penjabat)	2 Januari 2007	17 Juli 2008	—	[ket. 1]	—	—
1		Drs. H. Abubakar M. Si.	17 Juli 2008	17 Juli 2013	1			Drs. Ernawan Natasaputra M. Si.
			17 Juli 2013	19 April 2018	2			Drs. H. Yayat Turochmat Soemitra
—		Drs. H. Yayat Turochmat Soemitra(Pelaksana Tugas)	19 April 2018	17 Juli 2018		[ket. 2]	—	—
		Dadang Mohamad Masoem (Penjabat)	17 Juli 2018	20 Séptember 2018	—	[ket. 3]	—	—
2		Aa Umbara Sutisna	20 Septémber 2018	12 April 2021	3			Héngky Kurniawan
		Héngky Kurniawan(Pelaksana Tugas)	13 April 2021	6 November 2022		[ket. 4]	—	—
		Héngky Kurniawan	7 Novémber 2022	Pétahana			—	—

1. ↑ Ngeusian Jabatan Bupati Saacan Pemilihan Bupati Dilaksanakeun
2. ↑ Ngeusian Jabatan Bupati salami Bupati sateuacanna dinonaktifkeun
3. ↑ Ngeusi Jabatan Bupati saacan Pelantikan Bupati Kapilih dina Pemilu 2018
4. ↑ Ngeusian Jabatan Bupati salami Bupati sateuacanna dinonaktifkeun

Kabupatén Bandung Kulon miboga 16 kecamatan jeung 165 désa, anu pusat pamaréntahan na aya di Kecamatan Ngamprah ^[13][14]

Dina taun 2021, jumlah pangeusi Kabupatén Bandung Kulon nyaéta 1.814.226 jiwa anu kasebar di wilayah salega 1.305,77 km² dina kapadetan pangeusi 1.389 jiwa/km². Rata-rata laju pertumbuhan jumlah pangeusi di Kabupatén Bandung Kulon ningkat ti 0,07% jadi 1,65% di taun 2021. Rasio séks atawa perbandingan pangeusi lalaki jeung awéwé dina taun 2021 nyaéta 104, nandakeun yén pangeusi lalaki di Kabupatén Bandung Kulon leuwih loba tibatan pangeusi awéwé^[6]. Kacamatan Ngamprah, Padalarang, jeung Batujajar jadi kacamatan anu kepadatan pangeusina paling tinggi di taun 2021.^[6]

Perékonomian Kabupatén Bandung Kulon ditopang kana potensi dina séktor pertanian jeung pariwisata^[15]. Dina séktor pertanian, rupa-rupa komoditas tani dihasilkeun tiap kecamatan jeung diperdagangkeun di Kabupatén Bandung Kulon saperti bawang, cabé, kentang, kol, tomat, jeung réa deui. Luas panén komoditas tani Kabupatén Bandung Kulon panggedéna aya dina jenis cabé jeung kol^[6]. Dina bidang pariwisata, Kabupatén Bandung Kulon ngabogaan rupa-rupa déstinasi wisata di sabudeureun kabupatén. Tiap taunna aya sakitar opat nepi ka genep juta wisatawan anu datang ka Kabupatén Bandung Kulon. Stratégi Kabupatén Bandung Kulon dina ngawangun jeung mekarkeun poténsi pariwisata daérah salah sahijina ku ngarojong komunitas atawa kelompok masyarakat keur ngembangkeun poténsi wisata^[15][16].

Dina taun 2022, geus aya sakitar 681 SD, 203 MI, 183 SMP, 144 MTs, 60 SMA, 99 SMK, jeung 73 MA anu aya di Kabupatén Bandung Kulon^[6]. Partisipasi pangeusi atikan Kabupatén Bandung Kulon aya dina 49,70% (tingkat SMA/SMK/MA) nepi ka 97,69% (SD/MI). Tingkat melék hurup masarakat Kabupatén Bandung Kulon aya di 99,29 nepi ka 100%, nandakeun tingkat literasi nu tinggi di kabupatén ieu^[6].

Sababaraha sakola atawa paguron luhur anu aya di Kabupatén Bandung Kulon nyaéta:

• SMP Negeri 3 Cikalongwétan
• SMP Negeri 1 Cipongkor
• SMP Negeri 1 Padalarang
• SMP Negeri 1 Cikalongwétan

• SMA Negeri 1 Batujajar
• SMA Negeri 1 Padalarang
• SMA Negeri 1 Cikalongwetan
• SMA Negeri 1 Cililin
• SMA Negeri 1 Cisarua
• SMA Negeri 1 Lémbang

• Universitas Advént Indonésia
• Politéknik Negeri Bandung
• STIKES Borromeus Bandung
• Akademi Bahasa Asing Internasional
• Sekolah Tinggi Agama Islam Darul Falah

Kabupatén Bandung Kulon ngagunakeun sababaraha jenis transportasi umum keur ngahubungkeun pangeusi di jero jeung luar kabupatén. Umumna, transportasi umum anu digunakeun aya angkutan kota (angkot) jeung karéta api.

Angkutan kota atawa disebut angkot mangrupa salah sahiji jenis transportasi umum anu biasa digunakeun di Kabupatén Bandung Kulon^[17]. Transportasi umum ieu ngahubungkeun daérah nu aya di jero jeung luar Kabupatén Bandung Kulon. Trayék atawa jurusan anu disadiakeun di antarana^[18]:

• Padalarang - Cikalong Wétan
• Padalarang - Cikalong Wétan - Cipeundeuy
• Padalarang - Gunung Béntang
• Padalarang - Panghéotan
• Padalarang - Parongpong
• Padalarang - Rajamandala
• Cipeundeuy - Cirata - Plered
• Cillin - Sindangkerta - Gununghalu
• Cililn - Cijenuk - Baranangsiang
• Lembang - Maribaya - Cibodas
• Lembang - Cikawari
• Lembang - Cikolé
• Lembang - Cijéngkol
• Lembang - Cibeusi
• Lembang - Cisarua
• Cikole - Tangkubanparahu

Kabupatén Bandung Kulon ngabogaan hiji stasion karéta api tingkat I jeung 8 stasion leutik (tingkat III) anu beroperasi di sabudeureun kabupatén^[19]. Salian ti stasion karéta api, Kabupatén Bandung Kulon bakal boga stasion high speed rail (HSR) anu bakal dioperasikeun ku PT Kereta Cepat Indonésia China^[20]. stasion anu masih beroperasi nyaéta:

• Stasion karéta api
  • Stasion Cikadongdong
  • Stasion Réndéh
  • Stasion Maswati
  • Stasion Sasaksaat
  • Stasion Cilamé
  • Stasion Cipatat
  • Stasion Padalarang
  • Halte Gadobangkong
• Stasion high speed rail
  • Stasion HSR Padalarang

Di samping stasion karéta anu aktif, Kabupatén Bandung Kulon masih boga dua stasion nonaktif, nyaéta Stasion Rajamandala jeung Stasion Tagogapu. Dina kaberjalananna, dua stasion ieu direncanakeun bakal diréaktivasi keur operasi karéta api Kiansantang, ngan teu dilanjutkeun ku sabab prasarana anu kurang layak^[21][22].

Sakabéh stasion ieu ngalayanan sababaraha karéta ti jero atawa luar Jawa Kulon. Karéta jeung jurusan anu ngaliwatan stasiun di Kabupatén Bandung Kulon nyaéta:

• KA Cikuray
  • Pasar Senen-Garut
• KA Garut Cibatuan
  • Purwakarta-Garut
  • Padalarang-Garut
• KA Lokal Bandung Raya
  • Purwakarta-Cicalengka
  • Padalarang-Cicalengka
• KA Siliwangi
  • Sukabumi-Cipatat
  • Cianjur-Padalarang
• KA Haurgeulis
  • Cikampek-Padalarang

• Gunung Tangkuban Parahu
• Gunung Burangrang
• Curug Maribaya
• Taman Bégonia
• Taman Hutan Lembang
• Taman Hutan Djuanda
• Curug Omas
• Curug Cimahi
• Curug Malela
• Situ Ciburuy
• Stone Garden
• Guha Pawon
• Sanghyang Tikoro
• Lembah Curugan Gunung Putri
• Waduk Cirata
• Waduk Saguling
• Sēndang Geulis Kahuripan
• Pasir Keraton
• Tutugan Burangrang

• Gunung Burangrang
  Gunung Burangrang
• 
  Curug Maléla
• 
  Taman Hutan Djuanda
• 
  Curug Cimahi
• Waduk Cirata
  Waduk Cirata
• 
  Waduk Saguling
• 
  Situ Ciburuy
• 
  Stone Garden

1. ↑ ^{a b} "Pembentukan Daerah-Daerah Otonom di Indonesia s/d Tahun 2014" (PDF). Direktorat Jenderal Otonomi Daerah. Gambir, Gambir, Jakarta Pusat: Kementerian Dalam Negeri Indonesia. Diarsipkan dari versi asli (PDF) tanggal 12 Juli 2019. Diakses tanggal 2 Juli 2022. 
2. ↑ "Rincian Alokasi Dana Alokasi Umum Provinsi/Kabupaten Kota Dalam APBN T.A 2020" (PDF). www.djpk.kemenkeu.go.id. (2020). Diakses tanggal 23 Februari 2021. 
3. ↑ ^{a b c d} "Sejarah Kabupaten Bandung Barat, Berawal dari Gerakan Masyarakat untuk Pemekaran". suara.com (dalam Indonesian). Diakses tanggal 2023-02-12. 
4. ↑ "Undang Undang Nomor 12 Tahun 2007 Tentang Pembentukan Kabupaten Bandung Barat di Jawa Barat" (PDF). dpr.go.id. Dewan Perwakilan Rakyat RI. Diakses tanggal 2023-02-14. 
5. ↑ ^{a b} "Geografis Kabupaten Bandung Barat". jdih.bandungbaratkab.go.id. Diakses tanggal 2023-02-12. 
6. ↑ ^{a b c d e f} Kabupaten Bandung Barat dalam Angka 2022. Kabupaten Bandung Barat: Badan Pusat Statistik Kabupaten Bandung Barat. 2022. pp. 31, 57–76. 
7. ↑ ^{a b} Profil Kabupaten Bandung Barat Tahun 2018. Kabupaten Bandung Barat: Pemerintah Kabupaten Bandung Barat. 2018. pp. 1–3. 
8. ↑ Mendrofa, Herry Pasrani. "Profil Kabupaten Bandung Barat Terbaru Disini Lengkap - Halaman all". utaratimes.pikiran-rakyat.com (dalam Indonesian). Diakses tanggal 2023-02-20. 
9. ↑ ^{a b} Arrasyid, Riko (2014). Potensi Pengembangan Budidaya Karet (Hevea Brasiliensis) di Kabupaten Bandung Barat. Bandung: Universitas Pendidikan Indonesia. pp. 4–5. 
10. ↑ "Undang-Undang Republik Indonesia Nomor 12 Tahun 2007 Tentang Pembentukan Kabupaten Bandung Barat" (PDF). dpr.go.id. Dewan Perwakilan Rakyat RI. Diakses tanggal 12 Februari 2023. 
11. ↑ ^{a b c} "Sejarah KBB". www.bandungbaratkab.go.id. Diakses tanggal 2023-02-12. 
12. ↑ ^{a b c d} "Sejarah KBB". www.bandungbaratkab.go.id. Diakses tanggal 2023-02-12. 
13. ↑ "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli tanggal 29 Desember 2018. Diakses tanggal 3 Oktober 2019. 
14. ↑ "Peraturan Menteri Dalam Negeri Nomor 72 Tahun 2019 tentang Perubahan atas Permendagri nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli (PDF) tanggal 25 Oktober 2019. Diakses tanggal 15 Januari 2020. 
15. ↑ ^{a b} "Musrenbang KBB Tahun 2023 Rancang Pengembangan Klaster Ekonomi dan Revitalisasi Industri". SINDOnews.com (dalam id-ID). Diakses tanggal 2023-02-27.  CS1 maint: Unrecognized language (link)
16. ↑ "Kembangkan Potensi Wisata Bandung Barat, Diparbud KBB Gandeng Pokdarwis". iNews.ID (dalam Indonesian). Diakses tanggal 2023-02-27. 
17. ↑ idxchannel. "Siap-siap! Ongkos 31 Trayek Angkot di Bandung Barat Segera Naik". https://www.idxchannel.com/ (dalam id-ID). Diakses tanggal 2023-02-25.  CS1 maint: Unrecognized language (link)
18. ↑ "PERBUP Kab. Bandung Barat No. 36 Tahun 2014 tentang Tarif Angkutan Penumpang Umum Di Wilayah Kabupaten Bandung Barat [JDIH BPK RI]". peraturan.bpk.go.id. Diakses tanggal 2023-02-25. 
19. ↑ "Buku Informasi Direktorat Jenderal Perkeretaapian 2014" (PDF). web.archive.org. Direktorat Jenderal Perkeretaapian, Kementerian Perhubungan Indonesia. Diarsipkan dari versi asli (PDF) tanggal 2020-01-01. Diakses tanggal 2023-02-27. 
20. ↑ Junari, Tri. "Kebut Kereta Cepat, KCIC Libatkan 12.000 Tenaga Kerja - Ayo Bandung". Kebut Kereta Cepat, KCIC Libatkan 12.000 Tenaga Kerja - Ayo Bandung (dalam Indonesian). Diakses tanggal 2023-02-27. 
21. ↑ developer, medcom id. "Peluncuran KA Kiansantang Cianjur-Bandung Ditunda". medcom.id (dalam Indonesian). Diakses tanggal 2023-02-27. 
22. ↑ cianjurtoday.com. "KA Cianjur - Bandung Lewat Tagogapu Atau Cilame? Ini Jawabannya - Cianjur Today". KA Cianjur - Bandung Lewat Tagogapu Atau Cilame? Ini Jawabannya - Cianjur Today (dalam Indonesian). Diakses tanggal 2023-02-27.