View the Terms of Service in other languages: հայերեն, ខ្មែរ, فارسی, ລາວ, Hmong, ium, Filipino, العربية, 中文（中国）, 中文（台灣）, हिन्दी, 日本語, 한국어, ਪੰਜਾਬੀ, Русский, Español (Latinoamérica), ไทย, Українська, Tiếng Việt, and English

COV LUS QIAB TSEG TXOG KEV PAB CUAM

Dated: December 15, 2023

COV LUS QIAB TSEG TXOG KEV PAB CUAM

Zoo siab txais tos rau YouTube!

Lus Qhib Phiaj Qhia
Ua tsaug rau kev siv lub platform YouTube thiab cov khoom lag luam, cov kev pab cuam thiab cov yam ntxwv zoo uas peb ua kom koj siv tau tam li yog ib feem ntawm lub platform (muab sib sau hu ua ke, tias "Kev Pab Cuam")  

Peb Cov Kev Pab Cuam

Cov Kev Pab Cuam yuav pab koj tshawb nrhiav, saib thiab faib qhia cov vis dis aus thiab lwm yam ntsiab lus, muab tau lub chaw rau cov neeg los sib txuas lus, ceeb toom qhia, thiab txhawb siab rau lwm tus thoob plaws lub ntuj, thiab ua hauj lwm tam li yog lub platform kev sib koom pab rau cov neeg tsim qhov ntsiab lus xub thawj thiab cov neeg tshaj xov xwm loj thiab me. Peb muab tau ntau cov ntaub ntawv qhia paub hais txog peb cov khoom lag luam thiab txoj hauv kev yuav siv lawv hauv peb Lub Chaw Muab Kev Pab. Nyob ntawm lwm yam, koj tuaj yeem nrhiav hais txog YouTube Rau Me Nyuam Yaus, qhov YouTube Lub Khoos Kas Neeg Koom Tes thiab YouTube Cov Tswv Cuab Uas Tau Txais Kev Them Nyiaj thiab Cov Kev Yuav Khoom (yog tias muaj).Koj kuj tseem yuav tuaj yeem mus nyeem tau tag nrho txhua yam hais txog qhov ntsiab lus kev lom zem hauv lwm cov cuab yeej xws li koj lub this vis, koj cov cuab yeej kov nkees, los sisGoogle Home.

Koj Tus Neeg Muab Kev Pab Cuam

Lub chaw hauj lwm uas muab Kev Pab Cuam yog Google LLC, uas yog ib lub tuam txhab uas ua hauj lwm raws txoj cai lij choj ntawm Delaware, nyob rau ntawm 1600 Amphitheatre Parkway, Mountain View, CA 94043 (uas muab hu tias “YouTube”, “peb”, “peb”, los sis “peb li”). Ntawv hais ua pov thawj txog YouTube “Cov Tuam Txhab Hauv Pab Pawg Koom Tes” hauv cov lus qiab tseg no txhais tau tias yog lwm cov tuam txhab nyob hauv Alphabet Inc. pab pawg tuam txhab (tam sim no los sis nyob rau yav pem suab).

Cov Lus Qiab Tseg Uas Siv Tau
Koj li kev siv qhov Kev Pab Cuam yuav nce rau cov lus qiab tseg no, YouTube Cov Lus Taw Qhia Rau Lub Zej Zog thiab Txoj Cai, Cov Cai Hais Txog Kev Nyab Xeeb thiab Kev Muaj Cai Ib Leeg Hauv Kev Lag Luam uas yuav tuaj yeem muab hloov kho tshiab tas li (uas yog muab hu ua ke tias, "Daim Ntawv Cog Lus" no). Koj Daim Ntawv Cog Lus nrog peb kuj yuav suav muaj Kev Tshaj Lag Luam txog YouTube Cov Cai yog tias koj muab kev tshaj lag luam los sis cov kev txhawb nqa rau Kev Pab Cuam los sis kev koom tes cov kev txhawb nqa uas them nyiaj hauv koj qhov ntsiab lus. Lwm cov kab txuas los sis cov ntaub ntawv pov thawj twg uas tau muab hauv cov lus qiab tseg no tsuas muaj cia siv ua ntaub ntawv qhia paub nkaus xwb thiab tsis yog ib feem ntawm Daim Ntawv Cog Lus.

Thov ua tib zoo nyeem Daim Ntawv Cog Lus No thiab ua kom paub ntseeg tias koj nkag siab txog nws. Yog tias koj tsis nkag siab txog Daim Ntawv Cog Lus, los sis tsis lees txais ib feem twg ntawm nws, ces tej zaum koj yuav tsis siv qhov Kev Pab Cuam.

Leej twg thiaj li yuav siv qhov Kev Pab Cuam no tau?

Cov Cai Hais Txog Hnub Nyoog
Koj yuav tsum muaj hnub nyoog tsawg kawg 13 xyoos thiaj siv tau qhov Kev Pab Cuam, li cas los xij, cov me nyuam yaus nyob rau txhua lub hnub nyoog tuaj yeem siv qhov Kev Pab Cuam thiab YouTube Rau Me Nyuam Yaus tau (yog tias muaj) yog tias tau txais kev tso cai los ntawm niam thiab txiv los sis tus neeg saib xyuas raws cai lij choj.

Kev Tso Cai los ntawm Niam thiab Txiv los sis Tus Neeg Saib Xyuas

Yog tias koj muaj hnub nyoog qis dua 18 xyoo, koj lav tias koj muaj koj niam thiab txiv los sis tus neeg saib xyuas li kev tso cai los siv tau qhov Kev Pab Cuam. Thov kom lawv nyeem Daim Ntawv Cog Lus no nrog koj.

Yog tias koj yog niam thiab txiv los sis tus neeg saib xyuas raug cai ntawm tus neeg siv uas muaj hnub nyoog qis dua 18 xyoo, los ntawm kev tso cai rau koj tus me nyuam los siv qhov Kev Pab Cuam, koj yuav nyob hauv cov nqe lus cai ntawm Daim Ntawv Tso Cai no thiab muaj lub luag hauj lwm saib xyuas koj tus me nyuam li kev ua si hauv qhov Kev Pab Cuam. Koj tuaj yeem nrhiav tau cov cuab yeej thiab cov peev txheej kev pab los pab koj tswj xyuas koj tsev neeg txoj kev siv hauv YouTube (suav nrog txoj hauv kev pab kom ib tug me nyuam uas muaj hnub nyoog qis dua 13 xyoos siv tau qhov Kev Pab Cuam thiab YouTube Rau Me Nyuam Yaus) hauv peb Lub Chaw Muab Kev Pab thiab los ntawm Google Txoj Kab Txuas Rau Tsev Neeg.

Cov Lag Luam
Yog tias koj tab tom siv qhov Kev Pab Cuam hauv kev sawv cev rau lub tuam txhab los sis lub koom haum, koj lav tias koj muaj cai yuav ua hauj lwm sawv cev rau lub koom haum ntawd, thiab lub koom haum ntawd lees txais tau Daim Ntawv Cog Lus no.

Koj Li Kev Siv qhov Kev Pab Cuam

Qhov Ntsiab Lus hauv qhov Kev Pab Cuam
Qhov ntsiab lus nyob hauv qhov Kev Pab Cuam suav muaj cov vis dis aus, cov suab (piv txwv li suab paj nruag thiab lwm cov suab), cov duab kos, cov duab yees, ntawv (xws li cov lus tawm tswv yim thiab cov ntawv sau), kev tsim npe lag luam (suav nrog cov npe kev lag luam, cov cim lag luam, cov cim kev pab cuam, los sis lub cim lag luam(, cov yam ntxwv uas yus kov tau, lub software, cov kev ntsuas, thiab lwm cov ntaub ntawv txawm tias yuav yog koj, YouTube los sis pab pawg neeg thib peb muab los (muab hu ua ke tias "Lub Ntsiab Lus”).

Qhov ntsiab lus yog lub luag hauj lwm ntawm tus neeg los sis lub koom haum uas muab mus rau qhov Kev Pab Cuam. YouTube yuav tsis muaj lub luag hauj lwm los mus ua tswv cuab los sis muab kev pab cuam rau qhov Ntsiab Lus. Yog tias koj pom ib qho Ntsiab Lus twg uas koj ntseeg tias tsis ua raws nrog Daim Ntawv Cog Lus no, suav nrog los ntawm kev ua txhaum Cov Lus Qhia Rau Lub Zej Zog los sis txoj cai lij choj, koj tuaj yeem tshaj qhia nws tuaj rau peb paub tau.

Tus As Khauj Google thiab Cov Tshooj YouTube
Koj tuaj yeem siv ntau feem ntawm qhov Kev Pab Cuam, xws li kev nrhiav los saib thiab kev tshawb nrhiav txog cov Ntsiab Lus, yam tsis tas muaj tus as khauj Google. Txawm li cas los xij, koj yuav tsum tau muaj tus as khauj Google txhawm rau siv tau qee cov yam ntxwv. Nrog tus as khauj Google, koj yuav muaj peev xwm mus nyem tias nyiam cov vis dis aus, sau npe ua ib tswv cuab rau cov tshooj, tsim koj tshooj YouTube ntiag tug, thiab ntau yam ntxiv tau. Koj tuaj yeem ua raws li cov lus qhia no txhawm rau tsim tau tus as khauj Google.

Kev tsim ib tshooj YouTube yuav pab kom koj tuaj yeem nkag mus siv tau cov yam ntxwv thiab cov kev siv ua hauj lwm ntau yam ntxiv, xws li kev rub cov vis dis aus nkag, sau lus tawm tswv yim los sis tsim cov kev tsim pawg suab paj nruag los sis vis dis aus (yog tias muaj). Ntawm no yog qee cov ntsiab lus qhia ntxaws txog txoj hauv kev yuav tsim koj tshooj YouTube ntiag tug.

Txhawm rau pov thaiv koj tus as khauj Google, khaws koj tus zauv hla (password) cia tsis txhob pub lwm tus paub. Koj yuav tsum tsis txhob rov siv koj tus zauv hla rau tus as khauj Google rau cov app ntawm tog neeg thiab peb. Kawm paub ntau ntxiv hais txog kev hwj xwm koj tus as khauj Google kom muaj kev ruaj ntseg, suav nrog yam yuav tsum tau ua yog tias koj paub txog kev siv yam tsis tau kev tso cai twg txog koj tus phav xab vawj los sis tus as khauj Google.

Koj Cov Ntaub Ntawv Qhia Paub
Peb Txoj Cai Hais Txog Kev Ceev Ntiag Tug piav qhia txog peb txoj hauv kev saib xyuas koj cov ntaub ntawv ntiag tug thiab pov thaiv koj li kev ceev ntiag tug thaum koj siv qhov Kev Pab Cuam. The YouTube Rau Me Nyuam Yaus Tsab Ntawv Ceeb Toom Txog Kev Ceev Ntiag Tug muab ntaub ntawv qhia paub ntxiv hais txog peb cov kev coj ua txog kev ceev ntiag tug uas siv tau tshwj xeeb rau YouTube Rau Me Nyuam Yaus.

Peb yuav lis cov ntsiab lus uas muaj suab los sis suab nrog duab uas koj tau rub nkag rau qhov Kev Pab Cuam kom raws li YouTube Cov Lus Qiab Tseg Txog Kev Lis Cov Ntaub Ntawv, tshwj kiag tias yog nyob rau koj tau rub nkag cov ntsiab lus ntawd nkag rau cov hom phiaj ntiag tug los sis rau cov dej num hauv yim neeg lawm xwb. Kawm Paub Ntau Ntxiv.

Cov Kev Tso Cai thiab Cov Kev Txwv
Koj tuaj yeem nkag tau mus rau thiab siv qhov Kev Pab Cuam uas muab ua kom siv tau rau koj, tsuav yog tias koj ua tau raws li Daim Ntawv Cog Lus no thiab txoj cai lij choj uas siv tau. Koj tuaj yeem saib los sis mloog Qhov Ntsiab Lus rau koj ntiag tug, tsis yog siv rau fab kev ua lag luam. Koj kuj tuaj yeem tsob saib cov vis dis aus hauv YouTube los ntawm lub tso vis dis aus YouTube uas nyob ua ke hauv xwb.

Yuav muaj cov kev txwv hauv qab no rau koj qhov kev siv qhov Kev Pab Cuam. Koj tsis tau txais kev tso cai:

1. nkag cuag, rov tsim dua, rub tawm, faib mus, xa, tshaj tawm, tso saib, muag, tso cai, hloov pauv, kho los sis siv ib feem twg ntawm qhov Kev Pab Cuam los sis qhov Ntsiab Lus twg ua lwm yam tshwj tis yog tias: (a) raws li tau tso ccai ua lus hais los ntawm qhov Kev Pab Cuam; los sis (b) muaj kev tso cai ua daim ntawv sau qhia ua ntej los ntawm YouTube thiab, yog tias siv tau, tus neeg muaj cai uas cuam tshuam nrog ntawd;
2. zam, tua, koom nrog los ntawm kev dag ntxias, los sis cuam tshuam nrog ib feem twg tnawm qhov Kev Pab Cuam ua lwm yam (los sis sim ua ib yam twg ntawm cov yam no), suav nrog cov yam ntxwv zoo uas cuam tshuam nrog kev ruaj ntseg los sis cov yam ntxwv uas (a) tiv thaiv los sis txwv tsis pub theej los sis lwm yam kev siv ntawm qhov Ntsiab Lus los sis (b) kev txwv kev siv qhov Kev Pab Cuam los sis Ntsiab Lus;
3. nkag cuag tau rau qhov Kev Pab Cuam los ntawm kev siv cov hau kev uas siv tshuab ua twg (xws li cov tshuab hlau, botnets los sis cov khoom txhuam) tshwj tsis yog tias (a) hauv kis uas muaj kev siv cov tshuab tshawb nrhiav ntawm zej tsoom, raws li YouTube daim ntawv robots.txt; los sis (b) nrog YouTube daim ntawv tso cai ua ntej;
4. sau los sis nqa ib cov ntaub ntawv qhia paub twg uas yuav txheeb xyuas tau tus neeg (piv txwv li, cov neeg siv lub npe los sis cov ntsej muag), tshwj tsis yog tau kev tso cai los ntawm tus neeg ntawd los sis tau kev ts ocai raws li nqe (3) saum toj no;
5. siv qhov Kev Pab Cuam los faib mus qhov ntsiab lus fab kev txhawb nqa lag luam los sis fab kev ua lag luam tsis raug cai los sis lwm yam uas tsis xav tau los sis cov kev yam neeg coob;
6. ua rau muaj los sis txhawb siab rau cov kev ntsuas tsis raug twg txog kev muaj feem koom nrog ntawm tus neeg siv tiag nrog qhov Kev Pab Cuam, suav nrog los ntawm kev them nyiaj rau cov neeg los sis muab nyiaj txhawb siab rau lawv kom muaj kev saib vis dis aus ntau tuaj, nyiam, los sis tsis nyiam, los sis los ua kom muaj cov neeg sau npe ua tswv cuab rau cov tshooj ntau tuaj, los sis tswj xyuas cov kev ntsuas hauv ib tug yam ntxwv twg;
7. kev siv kev tshaj qhia twg tsis raug, teeb qhov txheej xwm, kev tsis txaus siab, kev tsis sib haum xeeb, los sis cov kev thov kom rov txiav txim tus txheej txheem dua, suav nrog los ntawm kev xa cov lus tsis muaj qab hau, thab plaub, los sis tsis muaj qab hau;
8. ua cov kev sib tw txog los sis los ntawm qhov Kev Pab Cuam uas tsis ua raws nrog YouTube cov cai thiab cov lus taw qhia txog kev sib tw;
9. siv qhov Kev Pab Cuam los saib los sis los mloog Qhov Ntsiab Lus uas tsis yog rau kev siv ntiag tug, tsis siv rau fab kev lag luam (piv txwv li, koj yuav tsis tso cov vis dis aus rau sawv daws saib los sis tso nkauj hauv is taws nem los ntawm qhov Kev Pab Cuam); los sis
10. siv qhov Kev Pab Cuam los (a) muag ib qho kev tshaj lag luam, cov kev ua tus txhawb nqa, los sis cov kev txhawb nqa uas muab tso rau hauv, ib ncig, los sis nyob hauv qhov Kev Pab Cuam los sis Qhov Ntsiab Lus, uas tsis yog cov uas tau kev tso cai nyob hauv Kev Tshaj Lag Luam raws YouTube cov cai (xws li kev ua raws li cov cai kev tso lag luam); los sis (b) muag kev tshaj lag luam, kev ua tus txhawb nqa, los sis cov kev txhawb nqa txog ib phab twg ntawm lub vev xaib twg los sis daim ntawv thov twg uas tsuas muaj Qhov Ntsiab Lus los ntawm qhov Kev Pab Cuam los sis qhov uas muaj Qhov Ntsiab Lus los ntawm qhov Kev Pab Cuam yog lub hauv paus tseem ceeb rau cov kev muag tnawd (piv txwv li, kev muag cov kev tshaj lag luam hauv phab vev xaib uas YouTube cov vis dis aus nyob qhov ua rau cov neeg siv tuaj saib lub vev xaib ntau tuaj).

Kev Tshwj Tseg

Kev siv qhov Kev Pab Cuam tsis muab kev ua tus tswv rau koj los sis cov kev muaj caio rau ib hom twg ntawm qhov Kev Pab Cuam, suav nrog cov npe ntawm tus neeg siv los sis lwm Qhov Ntsiab Lus twg uas muab tshaj tawm los ntawm lwm tus neeg los sis YouTube.

Tsim, Txhim Kho thiab Hloov Kho Tshiab qhov Kev Pab Cuam

YouTube yuav muaj kev hloov pauv thiab txhim kho qhov Kev Pab Cuam yam tsis tu ncua. Tam li yog ib feem ntawm kev hloov pauv txhim kho tsis tu ncua no, peb yuav ua cov kev hloov kho los sis cov kev hloov pauv (rau tag nrho los sis ib feem ntawm qhov Kev Pab Cuam) xws li kev ntxiv los sis tshem tawm cov yam ntxwv zoo thiab cov kev ua tau hauj lwm, muab ntsiab lus hauv hom dis ntsis toj tshiab los sis cov kev pab cuam los sis tsis siv cov qub lawm. Peb kuj yuav tsum tau hloov pauv los sis tsis siv qhov Kev Pab Cuam los sis ib feem twg ntawm nws, txhawm rau los ua kom ua kev ua hauj lwm los sis ua cov kev txhim kho kev ruaj ntseg, ua cov kev hloov pauv kom ua tau raws li txoj cai li choj, los sis tiv thaiv cov hauj lwm uas tsis raug kev cai lij choj txog los sis ua txhaum peb cov lab npauv. Cov kev hloov pauv no tuaj yeem cuam tshuam rau tag nrho cov neeg siv, qee cov neeg siv los sis tej zaum ib tug neeg siv kiag. Thaum qhov Kev Pab Cuam yuav tsum tau muaj los sis suav muaj lub software uas tuaj yeem rub tawm tau (xws li lub app YouTube Studio), lub software ntawd yuav hloov kho tshiab ntawm nws tus kheej txog koj lub cuab yeej thaum muaj lub lab npauv tsheb tshwm sim los sis tus yam ntxwv tshiab uas muaj, rau cov kev teeb tim hauv koj lub cuab yeej. Yog tias peb muaj kev hloov pauv rau cov ntaub ntawv uas cuam tshuam tsis zoo rau koj txoj kev siv txog qhov Kev Pab Cuam, peb yuav muab ib daim ntawv ceeb toom ua ntej yam muaj laj thawj txaus rau koj, tshwj tsis yog muaj cov xwm txheej maj rawm xws li kev tiv thaiv kev ua phem, kev hais daws rau cov cai fab kev cai lij choj, los sis hais daws cov teeb meem fab kev ruaj ntseg thiab kev ua hauj lwm. Peb kuj yuav muab ib lub hwv tsam rau koj los muab koj cov ntsiab lus tawm ntawm koj Tus As Khauj Google uas siv Google Takeout, raws li txoj cai lij choj thiab cov cai uas siv tau.

Koj Li Ntsiab Lus thiab Kev Ua

Rub Nkag Qhov Ntsiab Lus

Yog tias koj muaj tshooj YouTube, koj yuav muaj peev xwm rub nkag qhov Ntsiab Lus mus rau qhov Kev Pab Cuam tau. Koj tuaj yeem siv koj qhov Ntsiab Lus los txhawb nqa koj lub lag luam los sis kev lag luam fab kws txuj ci. Yog tias koj xaiv rub qhov Ntsiab Lus nkag, koj yuav tsum tsis txhob xa ib qhov Ntsiab Lus twg mus rau qhov Kev Pab Cuam uas tsis ua raws nrog Daim Ntawv Pom Zoo (suav nrog YouTube Cov Lus Taw Qhia Hauv Zej Zog) los sis txoj cai lij choj. Piv txwv li, qhov Ntsiab Lus uas koj xa tuaj yuav tsum tsis txhob muaj lwm tus neeg tej khoom fab kev txawj ntse (xws li tej khoom uas muaj ntaub ntawv ceev ntiag tug txoj cai) tshwj tsis yog koj muaj kev tso cai los ntawm tus neeg ntawd los sis muaj cai raug raws kev cai lij choj yuav ua tau li ntawd. Koj yuav muaj lub luag hauj lwm rau raws li kev cai rau qhov Ntsiab Lus uas koj xa tuaj rau qhov Kev Pab Cuam. Tej zaum peb yuav siv lub lab npauv av tab naus mav uas tsom xam txog koj qhov Ntsiab Lus los pab kuaj kom pom txog kev ua txhaum thiab kev ua phem, xws li cov kev dag, cov kab malware, thiab ntsiab lus txhaum kev cai.

Cov kev muaj cai uas koj Muab

Koj tau cov kev muaj cai ua tus tswv hauv koj li Ntsiab Lus. Li cas los xij, peb xav kom koj muab qee cov kev muaj cai rau YouTube thiab lwm cov neeg siv txog qhov Kev Pab Cuam, raws li tau piav qhia hauv qab no.

Daim ntawv tso cai rau YouTube

Raws li kev muab qhov Ntsiab Lus rau qhov Kev Pab Cuam, koj muab cai rau YouTube thoob plaws, tsis txwv rau ib leeg, tsis muaj nqi kev hwm, ua qhov me tau thiab daim ntawv tso cai uas muab pauv mus rau lwm tus tau los siv qhov Ntsiab Lus ntawd (suav nrog rau rov tsim dua, muab faib mus, npaj cov hauj lwm uas tau los, tso saib thiab siv nws) hauv kev sib cuam tshuam nrog qhov Kev Pab Cuam thiab YouTube li (thiab lawv cov neeg los ua hauj lwm sawv cev thiab Cov Koom Haum Koom Tes) lub lag luam, suav nrog rau lub hom phiaj ntawm kev txhawb nqa thiab feemm uas rov muab faib los sis tag nrho ntawm qhov Kev Pab Cuam.

Kev Tso Cai rau Lwm Cov Neeg Siv

Koj kuj muab cai rau lwm tus neeg siv txhua tus ntawm qhov Kev Pab Cuam thoob plaws, tsis txwv rau ib leeg, daim ntawv tso cai tsis muaj nqi kev hwm rau kev nkag cuag rau koj li Ntsiab Lus los ntawm qhov Kev Pab Cuam, thiab los siv qhov Ntsiab Lus ntawd, suav nrog los rov tsim dua, faib mus, npaj cov hauj lwm uas tau los, tso saib thiab siv nws, nkaus xwb raws li tau qhib kom siv tau los ntawm tus yam ntxwv zoo ntawm qhov Kev Pab Cuam (xws li kev tso saib vis dis aus los sis muab ntsaws rau ua ke). Kom paub meej, daim ntawv tso cai no tsis muab cov kev muaj cai twg los sis cov kev tso cai twg rau tus neeg siv los siv koj li Ntsiab Lus yam ywj pheej txog ntawm qhov Kev Pab Cuam.

Ncua Sij Hawm Siv Tau Daim Ntawv Tso Cai

Cov ntawv tso cai uas tau muab los ntawm koj yuav siv tau rau ncua sij hawm uas tsim nyog rau fab kev ua lag luam txuas ntxiv mus tom qab koj tshem tawm los sis lwv koj qhov Ntsiab Lus tawm ntawm qhov Kev Pab Cuam lawm. Koj nkag siab thiab pom zoo, txawm li cas los xij, tias YouTube yuav khaws, tab sis tsis tso saib, faib mus, los sis siv, theej cia hauv lub saw vawj txog koj cov vis dis aus uas tau muab tshem tawm los sis lwv tawm lawm.

Kev Muaj Cai Ua Kom Tau Nyiaj

Koj muab cai rau YouTube ua kom tau nyiaj los ntawm koj qhov Ntsiab Lus hauv qhov Kev Pab Cuam (thiab kev ua kom tau nyiaj ntawd yuav suav muaj kev tso cov kev tshaj lag luam rau hauv los sis nyob hauv qhov Ntsiab Lus los sis tsub nqi rau cov neeg siv txog tus nqi rau kev nkag siv tau). Daim Ntawv Cog Lus no tsis muab cai rau koj kom tau cov kev them nyiaj dab tsi li. Yuav pib hauv Lub Kaum Ib Hlis Tim 18, 2020, cov kev them nyiaj twg uas tej zaum koj yuav muaj cai tau txais los ntawm YouTube raws li lwm daim ntawv cog lus twg ntawm koj thiab YouTube (suav nrog piv txwv li cov kev them nyiaj hauv YouTube Lub Khoos Kas Tus Neeg Koom Tes, cov kev ua tswv cuab hauv Tshooj los sis Super Chat) yuav tau txais kev saib xyuas tias yog nqi cai ntiag tug.  Yog tias txoj cai tseev kom ua, Google yuav tso tseg cov nqi se los ntawm cov kev them nyiaj ntawd.

Kev Tshem Koj Qhov Ntsiab Lus Tawm

Tej zaum koj yuav tshem koj qhov Ntsiab Lus tawm tau ntawm qhov Kev Pab Cuam thaum twg los tau. Koj kuj muaj kev xaiv yuav theej tau koj qhov Ntsiab Lus ua ntej yuav tshem tawm. Koj yuav tsum tshem tawm koj qhov Ntsiab Lus yog tias koj tsis muaj cai mus ntxiv lawm raws li cov nqe lus cai no tseev kom ua.

Kev Tshem Tawm Qhov Ntsiab Lus Los Ntawm YouTube

Yog tias ib qho twg ntawm koj qhov Ntsiab Lus (1) nyob hauv qhov kev ua txhaum Daim Ntawv Cog Lus no los sis (2) tuaj yeem ua rau muaj kev phom sij rau YouTube, peb cov neeg siv, los sis cov neeg thib pib, peb muaj cai yuav tshem tawm los sis tua qee yam los sis tag nrho ntawm qhov Ntsiab Lus ntawd hauv peb li kev txiav txim siab. Peb yuav ceeb toom qhia rau koj nrog qhov laj thawj rau peb qhov kev nqis tes ua tshwj tsis yog tias peb ntseeg yam tsim nyog tias yuav ua tau li ntawd: (a) yuav ua txhaum txoj cai lij choj los sis lus taw qhia ntawm tub ceev xwm los sis yuav muaj kev pheej hmoo rau kev lav ris fab kev cai lij choj rau YouTube los sis peb Cov Koom Haum Koom Tes; (b) yuav ua kom muaj kev tshawb fawb nrhiav los sis kev coj ncaj ncees los sis kev ua hauj lwm txog qhov Kev Pab Cuam; los sis (c) yuav ua rau muaj kev phom sij rau ib tug neeg siv twg, lwm tus neeg thib peb, YouTube los sis peb Cov Koom Haum Koom Tes. Koj tuaj yeem kawm paub ntau ntxiv hais txog kev tshaj qhia thiab kev yuam siv, suav nrog txoj hauv kev thov kom rov txiav txim dua txog phab Kev Daws Teeb Meem ntawm peb Lub Chaw Muab Kev Pab.

Kev Tawm Tsawm Raws Li Cov Lus Taw Qhia Rau Zej Zog

YouTube tswj hwm lub lab npauv txog "cov kev tawm tsam" hauv kev sib hwm txog qhov Ntsiab Lus uas ua txhaum YouTube Cov Lus Taw Qhia Rau Zej Zog. Txhua qhov kev tawm tsam yuav muaj ntau cov kev txwv siv txawv thiab tej zaum yuav ua rau muaj kev tshem tawm mus ib txhis txog koj lub tshooj los ntawm YouTube.   Qhov lus piav qhia tag nrho txog qhov uas cov kev tawm tsam yuav cuam tshaum rau koj tshooj li cas ntawd yuav muaj nhyob hauv phab  Cov Hauv Paus Ntawm Kev Tawm Tsam Raws Li Cov Lus Taw Qhia Rau Zej Zog. Yog tias koj ntseeg tias kev tawm tsawm tau muab tsim tawm los yam yuam kev, koj tuaj yeem thov kom rov txiav txim dua tau ntawm no.

Yog tias koj tshooj tau txais kev txwv cia vim muaj kev tawm tsam, koj yuav tsum tsis txhob siv lwm tshooj zam kom dhau cov kev txwv no. Kev ua txhaum qhov kev txwv no yog kev ua txhaum tej ntaub ntawv txog Daim Ntawv Cog Lus no thiab Google muaj cai yuav txiav koj tus as khauj Google tawm los sis koj li kev nkag cuag tau rau tag nrho los sis ib feem twg ntawm qhov Kev Pab Cuam tau.

Kev Pov Thaiv Kev Muaj Cai Ntiag Tug

Peb muab ntaub ntawv qhia paub los pab rau cov neeg uas muaj cai ua tus tswv tswj xyuas lawv khoom ntiag tug fab kev txawj ntse hauv online hauv peb lub YouTube Lub Chaw Pab Cuam Kev Muaj Cai Ua Tus Tswv. Yog tias koj ntseeg tias koj li kev muaj cai ua tus tswv tau raug ua txhaum hauv qhov Kev Pab Cuam, thov xa daim ntawv ceeb toom tuaj qhia rau peb.

Peb yuav teb rau cov ntawv ceeb toom txog kev ua txhaum kev muaj cai ua tus tswv uas raug iab liam ntawv raws li tus txheej txheem hauv peb YouTube Lub Chaw Saib Xyuas Kev Muaj Cai Ua Tus Tswv, qhov uas koj kuj tuaj yeem nrhiav tau cov ntaub ntawv qhia paub hais txog txoj hauv kev hais daws kev tawm tsam txog kev muaj cai ua tus tswv thiab. YouTube cov cai muab los siv rau kev txiav tawm, hauv cov xwm txheej uas tsim nyog, txog cov neeg ua txhaum uas rov ua dua qhov kev nkag txog rau qhov Kev Pab Cuam.

Kev Ncua Tseg thiab Kev Txiav Tawm Tus As Khauj

Kev Txiav Tawm los ntawm Koj
Koj tuaj yeem nres kev siv qhov Kev Pab Cuam tau txhua sij hawm. Ua raws li cov lus qhia no kom lwv tau qhov Kev Pab Cuam tawm ntawm koj Tus As Khauj Google, uas cuam tshuam nrog kev kaw koj tshooj YouTube thiab tshem tawm koj cov ntaub ntawv. Koj kuj muaj qhov kev xaiv yuav rub tawm koj cov ntaub ntawv theej cia ua ntej.

Cov Kev Txiav Tawm thiab Cov Kev Ncua Tseg los ntawm YouTube

YouTube muaj cai yuav ncua tseg los sis txiav koj tus as khauj Google los sis koj li kev nkag cuag tau rau tag nrho los sis ib feem ntawm qhov Kev Pab Cuam yog tias (a) koj ua txhaum Daim Ntawv Cog Lus no yam pom tau muaj qhov tseem ceeb los sis ua tas los ua thiab, (b) peb yuav tsum tau ua li ntawd kom ua tau raws li qhov yuav kom yuav tsum tau ua raws txoj cai lij choj los sis lub tsev hais plaub lo lus txib, los sis (c) peb ntseeg yam tsim nyog tias twb tau muaj kev ua uas tsim muaj (los sis tuaj yeem tsim) kev lav txhaum los sis kev phom sij rau ib tug neeg siv twg, lwm tus neeg thib peb, YouTube los sis peb Cov Koom Haum Sib Koom Tes.

Tsab Ntawv Ceeb Toom txog Kev Txiav Tawm los sis Kev Ncua Tseg

Peb yuav ceeb toom qhia rau koj paub nrog qhov laj thawj txog kev txiav tawm los sis kev ncua tseg los ntawm YouTube tshwj tsis yog peb ntseeg yam tsim nyog tias yuav ua tau li ntawd: (a) yuav ua txhaum txoj cai lij choj los sis lus taw qhia ntawm tub ceev xwm raws cai; (b) yuav ua rau muaj kev soj qab xyuas; (c) yuav ua rau muaj kev ncaj ncees, kev ua hauj lwm los sis kev ruaj ntseg ntawm qhov Kev Pab Cuam; los sis (d) yuav ua rau muaj kev phom sij rau ib tug neeg siv twg, lwm tus neeg thib peb, YouTube los sis peb Cov Koom Haum Sib Koom Tes.

Kev Cuam Tshuam ntawm Kev Ncua Tseg los sis Kev Txiav Tawm Tus As Khauj

Yog tias koj tus as khauj Google raug muab txiav tawm los sis koj li kev nkag cuag tau rau qhov Kev Pab Cuam raug muab txwv cia, koj yuav muaj kev siv tau qee yam ntawm qhov Kev Pab Cuam txuas ntxiv mus tau (xws li saib tau nkaus xwb) yam tsis tas muaj tus as khauj, thiab Daim Ntawv Cog Lus no tseem yuav siv tau rau qhov kev siv li ntawd txuas ntxiv mus. Yog tias koj ntseeg tias kev txiav tawm los sis kev ncua tseg tau rau ua yuam kev, koj tuaj yeem thov kom rov txiav txim dua los ntawm kev siv daim foos no.

Hais txog Lub Software hauv qhov Kev Pab Cuam

Lub Software Uas Rub Tawm Los Tau
Thaum qhov Kev Pab Cuam xav tau los sis suav muaj lub software uas tuaj yeem rub tawm tau (xws li lub app YouTube Studio), tshwj tsis yog tias lub software raug tswj hwm los ntawm cov nqe lus cai ntxiv uas muab kev tso cai, YouTube daim ntawv tso cai ntiag tug, thoob plaws, tsis muaj nqi hwm, tsis tuaj yeem xaiv tau thiab tsis txwv rau ib leeg xwvb rau koj los siv lub software uas tau muab rau koj los ntawm YouTube tam li yog ib feem ntawm qhov Kev Pab Cuam. Daim ntawv tso cai no yog siv rau lub hom phiaj ntiag tug txog kev qhib rau koj siv thiab muaj kev lom zem txog qhov txiaj ntsig ntawm qhov Kev Pab Cuam raws li tau muab los ntawm YouTube, hauv tus yam ntxwv uas tau txais kev tso cai los ntawm Daim Ntawv Cog Lus no. Koj tsis tau txais kev tso cai yuav theej, kho, faib mus, muag, los sis tso tawm ib feem twg ntawm lub software, los sis rov muab kho tsim los sis sim rhuav tawm cov zauv hauv paus ntawm lub software ntawd , tshwj tsis yog tias cov cai lij choj txwv cov kev txwv no los sis koj muaj YouTube li kev tso cai sau cia.

Cov Qhib Rau Sawv Daws Siv Tau
Qee lub software uas muab siv nyob hauv peb Qhov Kev Pab Cuam yuav tau txais los hauv daim ntawv tso cai qhib rau sawv daws div tau uas peb ua kom muaj rau koj. Tej zaum yuav muaj cov cai hauv daim ntawv tso cai qhib rau sawv daws siv tau uas qhia txog kev rov ua tsuam rau qee cov nqe lus cai no, yog li ntawd thov ua kom ntseeg tau tias tau nyeem cov ntawv tso cai ntawd lawm.  

Lwm Cov Nqe Lus Cai Raws Txoj Cai Lij Choj

Kev Tsis Kam Lees Lav Ris
DUA LI TAU HAIS TSEG CIA HAUV DAIM NTAWV COG LUS NO LOS SIS RAWS TXOJ CAI LIJ CHOJ TEEV TSEG, QHOV KEV PAB CUAM YOG MUAB "RAWS LI NTAWD" THIAB YOUTUBE TSIS THOV COG LUS LOS SIS THOV LAV TSHWJ XEEB TXOG QHOV KEV PAB CUAM. PIV TXWV LI, PEB TSIS THOV LAV IB YAM DAB TSI HAIS TXOG: (A) QHOV NTSIAB LUS UAS TAU MUAB LOS NTAWM QHOV KEV PAB CUAM; (B) COV YAM NTXWV ZOO TSHWJ XEEB NTAWM QHOV KEV PAB CUAM, LOS SIS NWS QHOV KEV SIV RAUG, NTSEEG SIAB TAU, KEV MUAJ SIV TAU, LOS SIS LUB PEEV XWM YUAV UA KOM TAU RAWS LI KOJ COV KEV XAV AU; LOS SIS (C) TIAS QHOV NTSIAB LUS TWG UAS KOJ XA YUAV TUAJ YEEM NKAG CUAG TAU RAU HAUV QHOV KEV PAB CUAM.  

Kev Txwv txog Kev Lav Ris

TSHWJ KIAG TIAS YOG TXOJ CAI LIJ CHOJ UAS SIV TAU TEEV TSEG LAWM, YOUTUBE, LAWV COV TUAM TXHAB NCAU ME, COV TUB COJ XWM, COV THAWJ COJ, COV NEEG UA HAUJ LWM THIAB COV NEEG SAWV CEV YUAV TSIS MUAJ KEV THAJ TSOB RAU TXHUA YAM KEV POOB TEJ PAJ NTSIG, COV NYIAJ TAU LOS, KEV LAG LUAM, COV HWV TSAM, KEV XAV ZOO, LOS SIS COV KEV TXUAG TAU NYIAJ UAS CIA SIAB TSEG TWG; KEV POOB LOS SIS KEV PIAM NTAWM COV NTAUB NTAWV; KEV POOB UAS TSIS NCAJ QHA LOS SIS TSHWM SIM TOM QAB; KEV PUAS TSUAJ RAU SAB TSIS ZOO UAS TSHWM SIM LOS NTAWM:

1. COV KEV YUAM KEV, UA YUAM KEV, LOS SIS COV KEV UA TSIS RAUG HAUV QHOV KEV PAB CUAM;
2. KEV RAUG MOB NTIAG TUG LOS SIS KEV PUAS TSUAJ RAU TEJ KHOOM SIV UAS TSHWM SIM LOS NTAWM KOJ TXOJ KEV SIV QHOV KEV PAB CUAM;
3. IB QHO KEV NKAG CUAG TAU RAU LOS SIS KEV SIV QHOV KEV PAB CUAM TWG;
4. KEV PIAM LOS SIS KEV TSUM KEV PAB CUAM TWG;
5. COV KAB MOB VAIS LAV LOS SIS TUS ZAUV KAB MOB MALICIOUS TWG UAS TAU XA MUS RAU LOS SIS LOS NTAWM QHOV KEV PAB CUAM LOS NTAWM TUS NEEG THIB PEB TWG;
6. QHOV NTSIAB LUS TWG UAS TXAWM TIAS YUAV XA LOS NTAWM TUS NEEG SIV LOS SIS YOUTUBE, SUAV NROG KOJ LI KEV SIV QHOV NTSIAB LUS; THIAB/LOS SIS
7. KEV TSHEM TAWM LOS SIS KEV TSIS MUAJ SIV NTAWM QHOV NTSIAB LUS TWG.

TXOJ CAI NO SIV TAU RAU IB QHO KEV THOV CAI TWG, TSIS HAIS TXOG NTAWM TXAWM TIAS YUAV SAIB RAWS LI KEV LEES PAUB TXOG KEV THOV CAI TXOG KEV LAV, KEV COG LUS, KEV YUAM CAI, LOS SIS LWM ZAJ LUS FAB KEV CAI LIJ CHOJ TWG.

YOUTUBE THIAB LAWV COV KOOM HAUM SIB KOOM TES TXOJ KEV LAV TAG NRHO RAU COV KEV THOV CAI TWG UAS TSHWM SIM MUAJ LOS NTAWM LOS SIS CUAM TSHUAM RAU KEV PAB CUAM RAUG MUAB TXWV RAU QHOV ZOO DUA NTAWM: (A) QHOV NYIAJ TAU LOS UAS YOUTUBE TAU THEM RAU KOJ LOS NTAWM KOJ QHOV KEV SIV QHOV KEV PAB CUAM HAUV 12 LUB HLIS UA NTEJ HNUB TIM NYOB HAUV KOJ DAIM NTAWV CEEB TOOM QHIA, HAUV DAIM NTAWV SAU TUAJ RAU YOUTUBE, NTAWM DAIM NTAWV THOV CAI; THIAB (B) $500 DUAS LAS.

Kev Them Nqi Puas Tsuaj

Nyob hauv ncua uas tau txais kev tso cai los ntawm txoj cai lij choj uas siv tau, koj pom zoo yuav tiv thaiv, them nqi rov qab thiab tuav cia yam tsis muaj kev phom sij rau YouTube, lawv Cov Koom Haum Sib Koom Tes, cov neeg ua hauj lwm, cov thawj coj, cov neeg ua hauj lwm thiab cov neeg sawv cev, los ntawm thiab tawm tsam rau ib yam twg thiab tag nrho cov kev thov cai, cov kev puas tsuaj, cov luag hauj lwm, cov kev poob, cov kev lav ris, cov nqi los sis cov nuj nqis, thiab cov nuj nqis kev siv nyiaj (suav nrog tab sis tsis txwv rau cov nqi kws lij choj) uas tshwm sim muaj los ntawm: (i) koj qhov kev siv ntawm thiab kev nkag cuag tau rau qhov Kev Pab Cuam, (ii) koj li kev ua txhaum nqe lus cai twg ntawm Daim Ntawv Cog Lus no; (iii) koj li kev ua txhaum tus neeg thib peb twg txoj kev muaj cai, suav nrog uas tsis tas muaj kev txwxv rau kev muaj cai ua tus tswv twg, tej khoom, los sis kev muaj cai ceev ntiag tug; los sis (iv) ib qhov kev thov cai twg uas koj qhov Ntsiab Lus tau ua kev puas tsuaj rau tus neeg thib peb. Kev tiv thaiv no thiab lub luag hauj lwm ntawm kev them nqi puas tsuaj yuav ua rau Daim Ntawv Cog Lus thiab koj qhov kev siv txog qhov Kev Pab Cuam siv tau mus.

Cov Kab Txuas Mus Rau Tus Neeg Thib Peb
Qhov Kev Pab Cuam yuav muaj cov kab txuas mus rau cov vev xaib ntawm tus neeg thib peb thiab cov kev pab cuam hauv online uas YouTube tsis yog tus tswv los sis tswj xyuas. YouTube tsis muaj kev tswj tau, thiab yuav kws yees tias tsis muaj lub luag hauj lwm lav rau, cov vev xaib thiab cov kev pab cuam hauv online ntawd. Nco ntsoov tias thaum koj tawm ntawm qhov Kev Pab Cuam lawm; peb xav kom koj nyeem cov lus qiab tseg thiab txoj cai kev ceev ntiag tug ntawm txhua tus neeg thib peb lub vev xaib thiab kev pab cuam hauv online uas koj mus saib.

Hais txog Daim Ntawv Cog Lus no

Kev hloov pauv Daim Ntawv Cog Lus no
Peb yuav hloov pauv Daim Ntawv Cog Lus no, piv txwv li, (1) los qhia txog cov kev hloov pauv rau peb Qhov Kev Pab Cuam los sis peb ua lag luam li cas - piv txwv li, thaum peb ntxiv cov khoom lag luam tshiab los sis cov yam ntxwv zoo los sis tshem tawm cov qub tawm, (2) hais txog cov laj thawj fab kev cai lij choj, txoj cai tswj hwm, los sis kev ruaj ntseg, los sis (3) los tiv thaiv kev ua phem los sis kev phom sij.

Yog tias peb hloov pauv yam pom muaj qhov tseem ceeb rau Daim Ntawv Cog Lus no, peb yuav muab daim ntawv ceeb toom qhia ua ntej yam tsim nyog rau koj thiab muab lub hwv tsam los tshuaj xyuas cov kev hloov pauv, tshwj tsis yog tias (1) thaum peb qhib qhov khoom lag luam los sis yam ntxwv zoo qhov tshiab, los sis (2) hauv cov xwm txheej maj rawm, xws li kev tiv thaiv kev ua phem tsis tu ncua los sis kev hais daws rau cov kev cai fab kev cai lij choj. Yog tias koj tsis pom zoo rau cov lus qiab tseg tshiab no, koj yuav tsum tshem tawm ib qho Ntsiab Lus twg uas koj tau rub nkag rau thiab tsum kev siv qhov Kev Pab Cuam.

Kev Ua Txuas Ntxiv Mus txog Daim Ntawv Cog Lus no
Yog tias koj qhov kev siv qhov Kev Pab Cuam xaus lawm, cov lus qiab tseg hauv qab no ntawm Daim Ntawv Cog Lus no tseem yuav siv tau rau koj txuas mus ntxiv: "Lwm Cov Lus Qiab Tseg Fab Kev Cai Lij Choj", Hais Txog Daim Ntawv Cog Lus No", thiab cov ntawv ts ocai uas tau muab los ntawm koj yuav siv tau txuas ntxiv mus raws li tau piav qhia hauv "Ncua Sij Hawm ntawm Daim Ntawv Tso Cai”.

Kev Them Nqi Nplua
Yog tias nws tshwm sim tias nqe lus cai tshwj xeeb ntawm Daim Ntawv Cog Lus no tsis raug yuam siv rau ib qho laj thawj twg, qhov no yuav tsis cuam tshuam rau lwm cov lus qiab tseg twg lawm.

Tsis Muaj Kev Zam
Yog tias koj ua tsis tau raws li Daim Ntawv Cog Lus no thiab peb tsis txiav txim kiag tam sim ntawd, qhov no tsis tau txhais hais tias peb yuav tso tseg cov cai twg uas peb yuav muaj (xws li kev muaj cai los txiav txim hauv yav tom ntej).

Kev Txhais Ntsiab Lus

Hauv cov lus qiab tseg no, "suav muaj" los sis "kev suav nrog" txhais tau tias "suav nrog tab sis tsis tas rau ntawm," thiab cov kev piv txwv twg uas peb muab yog siv rau cov hom phiaj kev piav qhia xwb.

Txoj Cai Lij Choj Kav Tswj
Tag nrho cov kev thov uas tshwm sim los ntawm los sis cuam tshuam rau cov lus qiab tseg no los sis qhov Kev Pab Cuam yuav tau txais kev tswj hwm los ntawm California txoj cai lij choj, tshwj tsis yog tias muaj cov cai kev tsis sib haum nrog cov kev cai lij choj ntawm California, thiab yuav muab txiav txim sib cais tawm hauv tsoom fwv teb chaws los sis lub xeev cov tsev hais plaub ntawm Cheeb Tsam Nroog Santa Clara, California, Teb Chaws Meskas. Koj thiab YouTube pom zoo rau kev muaj cai ntiag tug hauv cov tsev hais plaub ntawd.

Kev Txwv txog Kev Nqis Tes Ua Fab Kev Cai Lij Choj

KOJ THIAB YOUTUBE POM ZOO TIAS TXHUA YAM CHIV KEEB UAS UA RAU MUAJ KEV TSIS TXAUS SIAB UAS TSHWM SIM LOS NTAWM LOS SIS CUAM TSHUAM RAU COV KEV PAB CUAM YUAV TSUM PIB TSIS PUB DHAU IB (1) XYOOS TOM QAB QHOV CHIV KEEB UAS UA RAU MUAJ KEV TSIS TXAUS SIAB NTAWD TSHWM SIM. YOG TSIS LI NTAWD, QHOV CHIV KEEB UAS UA RAU MUAJ KEV TSIS TXAUS SIAB NTAWD YUAV RAUG TXWV MUS IB TXHIS.

Effective as of December 15, 2023 (view previous version)