Դիտեք Օգտագործման պայմաններն այլ լեզուներով՝ հայերեն, ខ្មែរ, فارسی, ລາວ, Hmong, ium, Filipino, العربية, 中文（中国）, 中文（台灣）, हिन्दी, 日本語, 한국어, ਪੰਜਾਬੀ, Русский, Español (Latinoamérica), ไทย, Українська, Tiếng Việt և English

ՕԳՏԱԳՈՐԾՄԱՆ ՊԱՅՄԱՆՆԵՐ

Ամսաթիվը` 15 դեկտեմբերի, 2023 թ.

ՕԳՏԱԳՈՐԾՄԱՆ ՊԱՅՄԱՆՆԵՐ

Բարի գալուստ YouTube

Ներածություն
Շնորհակալություն, որ օգտագործում եք YouTube-ի հարթակն ու դրա մաս կազմող պրոդուկտները, ծառայությունները և գործառույթները (ընդհանուր՝ «Ծառայություն»)։ 

Մեր ծառայությունը

Ծառայությունը թույլ է տալիս հայտնաբերել և դիտել տեսանյութեր և այլ բովանդակություն, ինչպես նաև կիսվել դրանցով, տրամադրում է ֆորում մարդկանց համար՝ ծառայելով որպես ամբողջ աշխարհում կապի, տեղեկացման և մյուսներին ոգեշնչելու հանգույց, և գործում է որպես մատակարարման հարթակ օրիգինալ բովանդակություն ստեղծողների և մեծ ու փոքր գովազդատուների համար։ Մենք տրամադրում ենք բազմաթիվ տեղեկություններ մեր պրոդուկտների և դրանց օգտագործման մասին մեր Օգնության կենտրոնում։ Ի թիվս այլոց՝ կարող եք իմանալ YouTube Kids-ի, YouTube-ի գործընկերների ծրագրի և YouTube-ի վճարովի անդամակցությունների և գնումների մասին (հասանելիության դեպքում)։ Դուք կարող եք նաև կարդալ այլ սարքերով օրինակ՝ հեռուստացույցով, խաղային բարձակով կամ Google Home սարքով բովանդակություն դիտելու մասին։

Ձեզ ծառայություններ մատուցողը

Ծառայություններ մատուցող կազմակերպությունը Google LLC-ն է, որը գործում է Դելավեր նահանգի օրենսդրությամբ և տեղակայված է հետևյալ հասցեում՝ 1600 Amphitheatre Parkway, Mountain View, CA 94043 (այսուհետ՝ «YouTube», «մենք», «մեզ» կամ “մեր»)։ Այս պայմաններում YouTube-ի «Փոխկապակցված անձանց» մասին հղումները վերաբերում են Alphabet Inc. կորպորատիվ խմբի մյուս ընկերություններին (այժմ կամ հետագայում)։

Կիրառելի պայմաններ
Ձեր կողմից Ծառայության օգտագործումը կարգավորվում է այս պայմաններով, YouTube համայնքի սկզբունքներով և քաղաքականության, անվտանգության ու հեղինակային իրավունքի վերաբերյալ կանոններով, որոնք կարող են ժամանակ առ ժամանակ թարմացվել (միասին՝ «Համաձայնագիր»)։ Մեզ հետ ձեր համաձայնագիրը կներառի նաև YouTube-ում գովազդի տեղադրման կանոնները, եթե դուք գովազդ, ծառայության հովանավորված տեսանյութեր կամ վճարովի գովազդային ակցիաներ եք տեղադրում ձեր բովանդակության մեջ։ Այս պայմաններում նշված ցանկացած այլ հղում բացառապես տեղեկատվական բնույթի է և այս Համաձայնագրի մաս չի կազմում։

Ուշադիր կարդացեք Համաձայնագիրը և համոզվեք, որ հասկանում եք այն։ Եթե դուք չեք հասկանում Համաձայնագիրը կամ չեք ընդունում դրա որևէ մասը, ապա դուք չեք կարող օգտվել Ծառայությունից։ 

Ո՞վ կարող է օգտվել Ծառայությունից

Տարիքային սահմանափակումներ
Ծառայությունից օգտվելու համար դուք պետք է լինեք առնվազն 13 տարեկան։ Այնուամենայնիվ, ցանկացած տարիքի երեխաները կարող են օգտվել Ծառայությունից և YouTube Kids-ից (առկայության դեպքում), եթե այն միացված է ծնողի կամ օրինական խնամակալի կողմից։

Ծնողի կամ խնամակալի կողմից տրվող թույլտվություն

Եթե ձեր 18 տարին դեռ չի լրացել, դուք պետք է ունենաք ձեր ծնողի կամ խնամակալի թույլտվությունը՝ Ծառայությունից օգտվելու համար։ Խնդրեք նրան, որ ձեզ հետ կարդա այս Համաձայնագիրը։

Եթե դուք 18 տարեկանից փոքր օգտատիրոջ ծնող եք կամ օրինական խնամակալ, ապա թույլատրելով ձեր երեխային օգտվել Ծառայությունից՝ դուք ենթարկվում եք սույն Համաձայնագրի պայմաններին և պատասխանատու եք Ծառայությունում ձեր երեխայի գործողությունների համար։ Մեր Օգնության կենտրոնում և Google-ի Family Link հարթակում կարող եք գտնել գործիքներ և ռեսուրսներ, որոնք կօգնեն ձեզ կառավարել ձեր ընտանիքի փորձառությունը YouTube-ում (այդ թվում՝ ինչպես թույլատրել 13 տարեկանից փոքր երեխային օգտվել Ծառայությունից և YouTube Kids-ից)։

Ընկերությունների համար
Եթե դուք մեր Ծառայությունն օգտագործում եք ընկերության կամ կազմակերպության անունից, դուք ներկայացնում եք, որ իրավասություն ունեք գործելու այդ կազմակերպության անունից, և որ տվյալ կազմակերպությունն ընդունում է սույն Համաձայնագիրը։

Ձեր կողմից Ծառայության օգտագործումը

Ծառայության բովանդակությունը
Ծառայության բովանդակությունը ներառում է տեսանյութեր, աուդիո (օրինակ՝ երաժշտություն և այլ ձայնանյութեր), գրաֆիկական պատկերներ, լուսանկարներ, տեքստ (օրինակ՝ մեկնաբանություններ և սցենարներ), բրենդինգ (ներառյալ առևտրային անվանումները, ապրանքային նշանները, ծառայության նշանները կամ լոգոները), ինտերակտիվ գործառույթներ, ծրագրակազմ, ցուցանիշներ և այլ նյութեր՝ տրամադրված ձեր, YouTube-ի կամ երրորդ կողմի կողմից (ընդհանուր՝ «Բովանդակություն»)։ 

Բովանդակության համար պատասխանատվություն է կրում այն անձը կամ կազմակերպությունը, որը այն տրամադրում է Ծառայությանը։ YouTube-ը պարտավոր չէ Բովանդակություն տեղակայել կամ տրամադրել։ Եթե դուք հանդիպեք Բովանդակություն, որը, ձեր կարծիքով, չի համապատասխանում այս Համաձայնագրի դրույթներին, օրինակ՝ խախտում է Համայնքի սկզբունքները կամ օրենքները, կարող եք հաղորդել մեզ դրա մասին։

Google հաշիվներ և YouTube ալիքներ
Դուք կարող եք օգտագործել Ծառայության մասերը, օրինակ՝ Բովանդակության դիտումն ու որոնումը, առանց Google հաշիվ ունենալու։ Այնուամենայնիվ, որոշ գործառույթներ օգտագործելու համար ձեզ անհրաժեշտ է Google հաշիվ։ Google հաշվի միջոցով դուք կարող եք հավանել տեսանյութեր, բաժանորդագրվել ալիքների, ստեղծել ձեր սեփական YouTube ալիքը և այլն։ Դուք կարող եք հետևել այս հրահանգներին, որպեսզի ստեղծեք Google հաշիվ։ 

Ստեղծելով YouTube ալիք՝ դուք կկարողանաք օգտվել լրացուցիչ հնարավորություններից և գործառույթներից, ինչպիսիք են տեսանյութերի վերբեռնումը, մեկնաբանությունները կամ տեսացանկերի ստեղծումը (հասանելիության դեպքում)։ Այստեղ ներկայացված են որոշ մանրամասներ, թե ինչպես ստեղծել սեփական YouTube ալիք։ 

Google հաշվի ապահովության համար գաղտնի պահեք ձեր գաղտնաբառը։ Խուսափեք ձեր Google հաշվի գաղտնաբառը կողմնակի հավելվածներում օգտագործելուց։ Իմացեք ավելին, թե ինչպես ապահովել Google հաշվի անվտանգությունը, այդ թվում՝ ինչ անել, եթե հայտնաբերել եք, որ կողմնակի անձինք օգտագործել են ձեր Google հաշիվը կամ գաղտնաբառը։

Ձեր տեղեկությունները
Մեր Գաղտնիության քաղաքականությունը նկարագրում է, թե ինչպես ենք մենք մշակում ձեր անձնական տվյալները և ինչպես ենք պաշտպանում ձեր գաղտնիությունը, երբ դուք օգտվում եք Ծառայությունից։ YouTube Kids-ի գաղտնիության ծանուցագիրը տրամադրում է լրացուցիչ տեղեկություններ մասնավորապես YouTube Kids-ի դեպքում կիրառվող մեր գաղտնիության կանոնների վերաբերյալ։ 

Մենք կմշակենք ձեր կողմից Ծառայություն վերբեռնված ցանկացած աուդիո կամ տեսալսողական բովանդակություն՝ համաձայն YouTube-ի տվյալների մշակման պայմանների՝ բացառությամբ այն դեպքերի, երբ դուք վերբեռնել եք այդպիսի բովանդակություն անձնական նպատակներով կամ կենցաղային գործունեության համար։ Իմանալ ավելին։

Թույլտվություններ և սահմանափակումներ
Դուք կարող եք մուտք գործել Ծառայություն և օգտագործել այն, քանի դեռ բավարարում եք սույն Համաձայնագրի և կիրառելի օրենքի պահանջները։ Դուք կարող եք լսել կամ դիտել Բովանդակություն ձեր սեփական և ոչ առևտրային նպատակների համար։ Դուք նաև կարող եք ցուցադրել YouTube տեսանյութերը զետեղելի YouTube նվագարկչի միջոցով։ 

Հետևյալ սահմանափակումները կիրառվում են ձեր կողմից Ծառայության օգտագործման համար։ Ձեզ չի թույլատրվում՝

1. մուտք գործել, վերարտադրել, ներբեռնել, տարածել, փոխանցել, հեռարձակել, ցուցադրել, վաճառել, լիցենզավորել, փոխել, փոփոխել կամ այլ կերպ օգտագործել Ծառայության որևէ մաս կամ որևէ բովանդակություն՝ բացառությամբ․ (ա) Ծառայության կողմից հստակ թույլտվության դեպքում, բ) YouTube-ից կամ, անհրաժեշտության դեպքում, համապատասխան իրավատերերից ստացված նախնական գրավոր թույլտվությամբ,
2. շրջանցել, անջատել, խարդախորեն օգտագործել Ծառայության որևէ մաս կամ այլ կերպ խանգարել դրա աշխատանքին (կամ փորձել անել այս բաներից որևէ մեկը)՝ ներառյալ անվտանգության հետ կապված գործառույթները կամ առանձնահատկությունները, որոնք՝ ա) կանխում կամ սահմանափակում են Բովանդակության պատճենումը կամ այլ կերպ օգտագործումը, կամ (բ) սահմանափակում են Ծառայության կամ Բովանդակության օգտագործումը,
3. մուտք գործել Ծառայություն ցանկացած ավտոմատ միջոցով (օրինակ՝ ռոբոտներով, բոթնեթներով կամ սքրեփերներով)՝ բացառությամբ՝ (ա) հանրամատչելի որոնողական համակարգերի դեպքում՝ YouTube-ի robots.txt ֆայլին համապատասխան, բ) YouTube-ի նախնական գրավոր թույլտվությամբ,
4. հավաքել ցանկացած տեղեկություն, որը կարող է նույնականացնել անձին (օրինակ՝ օգտանուններ կամ դեմքեր)՝ բացառությամբ այն դեպքերի, երբ դա թույլատրված է այդ անձի կողմից կամ վերը նշված բաժին (3)-ի համաձայն,
5. օգտագործել Ծառայությունը՝ անցանկ��լի գովազդային կամ առևտրային բովանդակություն և այլ անցանկալի կամ զանգվածային առաջարկներ տարածելու համար,
6. առաջացնել կամ խրախուսել Ծառայության հետ օգտատերերի իրական ներգրավվածության ցանկացած ոչ ճշգրիտ արդյունք, այդ թվում՝ մարդկանց վճարելով կամ նրանց առավելություններ տրամադրելով՝ ավելացնելու տեսանյութի դիտումները, հավանումները կամ չհավանումները, կամ ավելացնելու ալիքի բաժանորդների թիվը կամ ցանկացած այլ եղանակով որևէ կերպ շահարկելու վիճակագրական արդյունքները,
7. չարաշահել ցանկացած հաղորդման, դրոշանշման, բողոքի, վեճի կամ բողոքարկման գործընթաց, այդ թվում՝ անելով անհիմն, վիրավորական կամ անլուրջ հայտարարություններ,
8. անցկացնել մրցույթներ Ծառայությունում կամ դրա միջոցով, որոնք չեն համապատասխանում YouTube-ի մրցույթների կանոններին և սկզբունքներին,
9. անձնական, ոչ առևտրային օգտագործման նպատակներից բացի՝ օգտագործել Ծառայությունը Բովանդակություն դիտելու կամ լսելու համար (օրինակ՝ դուք չեք կարող հրապարակայնորեն ցուցադրել տեսանյութեր կամ երաժշտություն հեռարձակել Ծառայությունից), կամ
10. օգտագործել Ծառայությունը՝ (ա) Ծառայության կամ Բովանդակության վրա, շուրջը կամ ներսում տեղադրված ցանկացած գովազդ, հովանավորություն կամ առաջխաղացում վաճառելու համար՝ բացառությամբ YouTube-ում գովազդի քաղաքականության մեջ թույլատրվածների (օրինակ՝ պահանջներին համապատասխանող ապրանքների տեղադրում), կամ (բ) վաճառել գովազդ, հովանավորվող ապրանքներ և ծառայություններ կամ պրոմոակցիաներ ցանկացած կայքի կամ հավելվածի ցանկացած էջում, որը պարունակում է միայն Ծառայության բովանդակություն, կամ որտեղ Ծառայության բովանդակությունը նման վաճառքի հիմնական հիմքն է (օրինակ՝ գովազդ վաճառել վեբ էջում, որտեղ YouTube տեսանյութերը օգտատերերին վեբկայք ներգրավելու հիմնական միջոցն են)։ 

Իրավունքների վերապահում

Ծառայությունից օգտվելը ձեզ չի տալիս դրա որևէ բովանդակության՝ ներառյալ օգտանունների կամ YouTube-ում այլ օգտատերերի կողմից հրապարակված որևէ այլ Բովանդակության սեփականության կամ այլ իրավունք։

Ծառայության մշակում, բարելավում և թարմացում

YouTube-ը շարունակաբար փոփոխում և բարելավում է Ծառայությունը։ Որպես շարունակական զարգացման մաս՝ մենք կարող ենք փոփոխություններ կատարել (ամբողջ Ծառայության մեջ կամ մի հատվածում), օրինակ՝ ավելացնել կամ հեռացնել գործառույթներ և հնարավորություններ, առաջարկել նոր թվային բովանդակություն կամ ծառայություններ կամ դադարեցնել հները։ Մեզ կարող է նաև անհրաժեշտ լինել փոփոխել կամ դադարեցնել Ծառայությունը կամ դրա որևէ մասը՝ աշխատանքի կամ անվտանգության հետ կապված բարելավումներ կատարելու, օրենքին համապատասխան փոփոխություններ կատարելու կամ մեր համակարգերում անօրինական գործողությունները կամ չարաշահումը կանխելու համար։ Այս փոփոխությունները կարող են ազդել բոլոր օգտատերերի, որոշ օգտատերերի կամ նույնիսկ առանձին օգտատիրոջ վրա։ Երբ Ծառայությունը պահանջում է կամ ներառում է ներբեռնելի ծրագրակազմ (օրինակ՝ YouTube Studio հավելվածը), այդ ծրագրակազմը կարող է ավտոմատ թարմացվել ձեր սարքում, երբ հասանելի լինի դրա նոր տարբերակը կամ գործառույթը՝ կախված ձեր սարքի կարգավորումներից։ Եթե մենք էական փոփոխություններ կատարենք, որոնք բացասաբար կանդրադառնան ձեր կողմից Ծառայության օգտագործման վրա, մենք ձեզ նախապես ողջամիտ ժամկետներում կծանուցենք՝ բացառությամբ հրատապ իրավիճակների, ինչպիսիք են չարաշահումների կանխումը, իրավական պահանջներին արձագանքելը կամ անվտանգության և օպերացիոն խնդիրները լուծելը։ Մենք նաև հնարավորություն կտանք Google Takeout-ի միջոցով արտահանել բովանդակությունը ձեր Google հաշվից՝ համաձայն կիրառելի օրենքների և կանոնների։ 

Ձեր բովանդակությունը և վարքագիծը

Բովանդակության վերբեռնում

Եթե ունեք YouTube ալիք, դուք կարող եք բովանդակություն վերբեռնել Ծառայությունում։ Դուք կարող եք օգտագործել ձեր Բովանդակությունը՝ ձեր բիզնեսը կամ ստեղծագործական գործունեությունը խթանելու համար։ Եթե որոշեք վերբեռնել Բովանդակություն, այն պետք է համապատասխանի սույն Համաձայնագրին (այդ թվում՝ YouTube համայնքի սկզբունքներին) և օրենքին։ Օրինակ՝ ձեր վերբեռնած Բովանդակությունը չպետք է ներառի երրորդ կողմի մտավոր սեփականություն (օրինակ՝ հեղինակային իրավունքով պաշտպանված նյութ), եթե դուք թույլտվություն չունեք այդ կողմից կամ այլ կերպ իրավասու չեք դա անելու։ Դուք իրավական պատասխանատվություն եք կրում Ծառայությանը ներկայացրած Բովանդակության համար։ Մենք կարող ենք օգտագործել ավտոմատացված համակարգեր, որոնք վերլուծում են ձեր Բովանդակությունը՝ հայտնաբերելու խախտումներն ու չարաշահումները, ինչպիսիք են սպամը, վնասագրերը և անօրինական բովանդակությունը։

Ձեր կողմից տրամադրվող թույլտվություններ

Դուք պահպանում եք ձեր Բովանդակության նկատմամբ սեփականության իրավունքները։ Այնուամենայնիվ, մենք ձեզանից պահանջում ենք որոշակի իրավունքներ տրամադրել YouTube-ին և Ծառայության օգտատերերին, ինչպես նկարագրված է ստորև։ 

YouTube-ի լիցենզավորում

Տրամադրելով Ծառայությանը Բովանդակություն՝ դուք YouTube-ին տրամադրում եք համ��շխարհային, ոչ բացառիկ, անհատույց, ենթալիցենզավորելի և փոխանցելի լիցենզիա՝ այդ Բովանդակությունն օգտագործելու համար (ներառյալ այն վերարտադրելու, տարածելու, ածանցյալ աշխատանքներ պատրաստելու, ցուցադրելու և կատարելու)՝ Ծառայության և YouTube-ի (այդ թվում՝ նրա իրավահաջորդների և Փոխկապակցված անձանց) բիզնեսի հետ կապված, այդ թվում՝ Ծառայությունը կամ դրա մի մասը գովազդելու և նորից տարածելու նպատակով։

Այլ օգտատերերի լիցենզավորում

Դուք նաև Ծառայության բոլոր օգտատերերին տալիս եք համաշխարհային, ոչ բացառիկ, անհատույց լիցենզիա՝ Ծառայության միջոցով մուտք գործելու ձեր բովանդակություն և օգտագործելու այն (ներառյալ այն վերարտադրելու, տարածելու, ածանցյալ աշխատանքներ պատրաստելու, ցուցադրելու և կատարելու համար) միայն Ծառայության կողմից թույլատրված գործառույթների շրջանակներում (օրինակ՝ նվագարկման կամ զետեղումների)։ Այսպիսով, այս լիցենզիան չի տրամադրում օգտատիրոջը որևէ իրավունք կամ թույլտվություն՝ Ծառայությունից անկախ օգտագործելու ձեր Բովանդակությունը։

Լիցենզիայի տևողությունը

Ձեր կողմից տրված լիցենզիաները կշարունակեն գործել առևտրային առումով ողջամիտ ժամանակահատվածում այն բանից հետո, երբ դուք հեռացնեք կամ ջնջեք ձեր Բովանդակությունը Ծառայությունից։ Դուք հասկանում և ընդունում եք, որ YouTube-ը կարող է պահել, սակայն չցուցադրել, չտարածել և չկատարել ձեր հեռացրած կամ ջնջած տեսանյութերի սերվերային կրկնօրինակները։ 

Դրամայնացնելու իրավունք 

Դուք YouTube-ին իրավունք եք տալիս դրամայնացնելու ձեր Բովանդակությունը Ծառայությունում (և այդպիսի դրամայնացումը կարող է ներառել Բովանդակության վրա կամ դրա ներսում գովազդի ցուցադրում կամ օգտատերերից մուտքի համար վճարի գանձում)։ Սույն Համաձայնագիրը ձեզ վճարումների որևէ իրավունք չի տալիս։ 2020 թ․ նոյեմբերի 18-ից սկսած՝ ցանկացած վճարում, որը դուք կարող եք ստանալ YouTube-ից ձեր և YouTube-ի միջև որևէ այլ համաձայնագրի շրջանակում (ներառյալ՝ YouTube-ի գործընկերների ծրագրի, ալիքի անդամակցությունների կամ Super Chat-ի շրջանակներում վճարումները) կդիտարկվի որպես շահույթ։  Եթե օրենքով պահանջվի, Google-ը կպահի հարկերը նման վճարումներից։

Բովանդակության հեռացում

Դուք ցանկացած պահի կարող եք հեռացնել ձեր բովանդակությունը Ծառայությունից։ Դուք նաև հնարավորություն ունեք պատճենելու ձեր Բովանդակությունը նախքան հեռացնելը։ Դուք պետք է հեռացնեք ձեր Բովանդակությունը, եթե այլևս չունեք այս պայմաններով պահանջվող իրավունքները։

YouTube-ի կողմից ձեր Բովանդակության հեռացումը

Եթե ձեր Բովանդակությունից որևէ մեկը (1) խախտում է սույն Համաձայնագիրը կամ (2) կարող է վնաս պատճառել YouTube-ին, մեր օգտատերերին կամ երրորդ կողմերին, մենք իրավունք ենք վերապահում մեր հայեցողությամբ հեռացնելու կամ անջատելու այդ Բովանդակությունը մասամբ կամ ամբողջությամբ։ Մենք կտեղեկացնենք ձեզ մեր գործողության պատճառի մասին, եթե հիմնավոր հիմքեր չունենանք կասկածելու, որ այն՝ (ա) կխախտի օրենքը կամ իրավապահ մարմինների կողմից տրված հանձնարարականները, կամ այլ կերպ իրավական պատասխանատվություն կառաջացնի YouTube-ի կամ մեր Փոխկապակցված անձանց համար, (բ) վտանգի կենթարկի հետաքննության ընթացքը, Ծառայության ամբողջականությունը կամ աշխատանքը, կամ (գ) կարող է վնաս պատճառել ցանկացած օգտատիրոջ, երրորդ կողմի, YouTube-ին կամ մեր Փոխկապակցված անձանց։ Դուք կարող եք մանրամասն տեղեկանալ խնդիրների մասին հաղորդելու և օրենքի կիրառման մասին, այդ թվում՝ ինչպես բողոքարկել մեր Օգնության կենտրոնի Անսարքությունների վերացում էջում։ 

Համայնքի սկզբունքների խախտման դեղին քարտեր

YouTube-ում գործում է «դեղին քարտերի» համակարգ այն բովանդակության նկատմամբ, որը խախտում է YouTube համայնքի սկզբունքները։ Յուրաքանչյուր դեղին քարտի հետևում են տարբեր��սահմանափակումներ, և դրանք կարող են հանգեցնել ձեր ալիքի մշտական հեռացմանը YouTube-ից։   Ամբողջական նկարագրությունը, թե ինչպես է դեղին քարտը ազդում ձեր ալիքի վրա, հասանելի է  Համայնքի սկզբունքների խախտման դեղին քարտեր էջում։ Եթե կարծում եք, որ դեղին քարտը տրվել է սխալմամբ, դուք կարող եք բողոքարկել այստեղ։ 

Եթե ձեր ալիքը սահմանափակվել է դեղին քարտի պատճառով, դուք չպետք է օգտագործեք այլ ալիք՝ այս սահմանափակումները շրջանցելու համար։ Այս արգելքի խախտումը սույն Համաձայնագրի էական խախտում է, և Google-ն իրեն իրավունք է վերապահում հեռացնելու ձեր Google հաշիվը կամ կասեցնելու Ծառայության ամբողջական կամ մասնակի հասանելիությունը ձեզ համար։

Հեղինակային իրավունքի պաշտպանություն

Մենք տրամադրում ենք տեղեկություններ՝ օգնելու հեղինակային իրավունքի սեփականատերերին կառավարել իրենց մտավոր սեփականությունը առցանց YouTube-ի՝ հեղինակային իրավունքների պաշտպանության կենտրոնում։ Եթե կարծում եք, որ Ծառայությունում ձեր հեղինակային իրավունքները խախտվել են, խնդրում ենք տեղեկացնել մեզ այդ մասին։ 

Մենք պատասխանում ենք հեղինակային իրավունքի ենթադրյալ խախտման մասին ծանուցումներին՝ համաձայն YouTube-ի՝ հեղինակային իրավունքների պաշտպանության կենտրոնի ընթացակարգի, որտեղ կարող եք նաև ծանոթանալ, թե ինչպես լուծել հեղինակային իրավունքի խախտման դեղին քարտերի հետ կապված խնդիրները։ YouTube-ի կանոններով նախատեսվում է համապատասխան հանգամանքներում կասեցնել Ծառայության հասանելիությունը կրկնակի խախտողների համար։

Հաշվի կասեցում և հեռացում

Հեռացում ձեր կողմից
Դուք ցանկացած պահի կարող եք դադարեցնել Ծառայության օգտագործումը։ Հետևեք այս ցուցումներին, որպեսզի ջնջեք Ծառայությունը ձեր Google հաշվից, ինչի արդյունքում ձեր YouTube ալիքը և ձեր տվյալները կհեռացվեն։ Դուք նաև հնարավորություն ունեք մինչ այդ ներբեռնելու ձեր տվյալների պատճենը։ 

Հեռացում և կասեցում YouTube-ի կողմից

YouTube-ն իրեն իրավունք է վերապահում հեռացնելու կամ կասեցնելու ձեր Google հաշիվը կամ Ծառայության ամբողջական կամ մասնակի հասանելիությունը, եթե՝ (ա) դուք էականորեն կամ բազմիցս խախտում եք սույն Համաձայնագիրը, (բ) մեզանից պահանջվում է դա անել օրինական պահանջին կամ դատարանի որոշմանը արձագանքելու համար, կամ (գ) մենք ողջամտորեն կարծում ենք, որ եղել է վարքագիծ, որը իրավական պատասխանատվություն է առաջացնում (կամ կարող էր առաջացնել) կամ վնաս է պատճառում ցանկացած օգտատիրոջ, երրորդ կողմի, YouTube-ին կամ մեզ հետ Փոխկապակցված անձանց։

Ծանուցում հեռացման կամ կասեցման մասին

Մենք կտեղեկացնենք ձեզ YouTube-ի կողմից հաշվի հեռացման կամ կասեցման պատճառի մասին, եթե հիմնավոր հիմքեր չունենք կասկածելու, որ այն (ա) կխախտի օրենքը կամ իրավապահ մարմինների կողմից տրված հանձնարարականները, (բ) կվտանգի հետաքննության ընթացքը, (գ) կվտանգի Ծառայության ամբողջականությունը, օպերացիոն կարգավիճակը կամ անվտանգությունը, (դ) կարող է վնաս պատճառել ցանկացած օգտատիրոջ, երրորդ կողմի, YouTube-ին կամ մեր Փոխկապակցված անձանց։ 

Հաշվի կասեցման կամ հեռացման հետևանքները

Եթե ձեր Google հաշիվը հեռացվի, կամ Ծառայության հասանելիությունը կասեցվի ձեզ համար, դուք կարող եք շարունակել օգտագործել Ծառայության որոշ տարրեր (օրինակ՝ միայն դիտումը) առանց հաշվի, և սույն Համաձայնագիրը կշարունակի կիրառվել այդպիսի օգտագործման համար։ Եթե կարծում եք, որ հեռացումը կամ կասեցումը տեղի է ունեցել սխալի արդյունքում, ապա կարող եք բողոքարկել այս ձևի միջոցով։

Ծառայության ծրագրակազմի մասին

Ներբեռնելի ծրագրակազմ
Երբ Ծառայությունը պահանջում է կամ ներառում է ներբեռնելի ծրագրակազմ (օրինակ՝ YouTube Studio հավելվածը), եթե այդ ծրագրակազմը չի կարգավորվում լրացուցիչ պայմաններով, որոնք տրամադրում են լիցենզիա, YouTube-ը ձեզ տալիս է անձնական, համաշխարհային, անհատույց, անփոխանցելի և ոչ բացառիկ լիցենզիա՝ YouTube-ի կողմից ձեզ տրամադրված ծրագրակազմը որպես Ծառայության մաս օգտագործելու համար։ Այս լիցենզիայի միակ նպատակն է Ծառայությունից և YouTube-ի կողմից տրամադրվող առավելություններից օգտվելու հնարավորություն ��ալ՝ սույն Համաձայնագրով նախատեսված կարգով։ Ձեզ չի թույլատրվում պատճենել, փոփոխել, տարածել, վաճառել կամ տրամադրել վարձույթով ծրագրի որևէ մաս կամ հետադարձ նախագծում կատարել կամ փորձել արտահանել այդ ծրագրակազմի սկզբնական կոդը՝ բացառությամբ այն դեպքերի, երբ օրենքներն արգելում են այս սահմանափակումները, կամ ունեք YouTube-ի գրավոր թույլտվություն։

Բաց կոդ
Մեր Ծառայությունում օգտագործվող որոշ ծրագրեր կարող են առաջարկվել բաց կոդով լիցենզիայի ներքո, որը հասանելի ենք դարձնում ձեզ։ Բաց կոդով լիցենզիայում կարող են լինել դրույթներ, որոնք ուղղակիորեն անտեսում են այս պայմաններից որոշ կետեր, ուստի խնդրում ենք անպայման կարդալ այդ լիցենզիաների կանոնները։ 

Այլ իրավական պայմաններ

Հրաժարում երաշխիքից
ԲԱՑԻ ՍՈՒՅՆ ՀԱՄԱՁԱՅՆԱԳՐՈՒՄ ՀՍՏԱԿ ՆՇՎԱԾ ԿԱՄ ՕՐԵՆՔՈՎ ՊԱՀԱՆՋՎՈՂ ԴՐՈՒՅԹՆԵՐԻՑ՝ ԾԱՌԱՅՈՒԹՅՈՒՆԸ ՏՐԱՄԱԴՐՎՈՒՄ Է «ԻՆՉՊԵՍ ՈՐ ԿԱ», ԵՎ YOUTUBE-Ը ԾԱՌԱՅՈՒԹՅԱՆ ՀԵՏ ԿԱՊՎԱԾ ՈՐԵՎԷ ԿՈՆԿՐԵՏ ՊԱՐՏԱՎՈՐՈՒԹՅՈՒՆ ՉՈՒՆԻ ԵՎ ԵՐԱՇԽԻՔ ՉԻ ՏՐԱՄԱԴՐՈՒՄ։ ՕՐԻՆԱԿ՝ ՄԵՆՔ ՈՐԵՎԷ ԵՐԱՇԽԻՔ ՉԵՆՔ ՏՐԱՄԱԴՐՈՒՄ ՀԵՏԵՎՅԱԼԻ ՀԱՄԱՐ՝ (Ա) ԾԱՌԱՅՈՒԹՅԱՆ ԿՈՂՄԻՑ ՏՐԱՄԱԴՐՎՈՂ ԲՈՎԱՆԴԱԿՈՒԹՅԱՆ, (B) ԾԱՌԱՅՈՒԹՅԱՆ ԿՈՆԿՐԵՏ ԳՈՐԾԱՌՈՒՅԹՆԵՐԻ, ԴՐԱ ՃՇԳՐՏՈՒԹՅԱՆ, ՀՈՒՍԱԼԻՈՒԹՅԱՆ, ՀԱՍԱՆԵԼԻՈՒԹՅԱՆ ԿԱՄ ՁԵՐ ԿԱՐԻՔՆԵՐԸ ԲԱՎԱՐԱՐԵԼՈՒ ՈՒՆԱԿՈՒԹՅԱՆ, (C) ՁԵՐ ՆԵՐԿԱՅԱՑՐԱԾ ԲՈՎԱՆԴԱԿՈՒԹՅԱՆ ՄՇՏԱԿԱՆ ՀԱՍԱՆԵԼԻՈՒԹՅԱՆ։   

Պատասխանատվության սահմանափակում

ԲԱՑԱՌՈՒԹՅԱՄԲ ԿԻՐԱՌԵԼԻ ՕՐԵՆՔԻ ՊԱՀԱՆՋՆԵՐԻ՝ YOUTUBE-Ը, ՆՐԱ ՀԵՏ ՓՈԽԿԱՊԱԿՑՎԱԾ ԱՆՁԻՆՔ,ԾԱՌԱՅՈՂՆԵՐԸ, ՏՆՕՐԵՆՆԵՐԸ, ԱՇԽԱՏԱԿԻՑՆԵՐԸ ԵՎ ԳՈՐԾԱԿԱԼՆԵՐԸ ՊԱՏԱՍԽԱՆԱՏՈՒ ՉԵՆ ՇԱՀՈՒՅԹԻ, ԵԿԱՄՏԻ, ԳՈՐԾՆԱԿԱՆ ՀՆԱՐԱՎՈՐՈՒԹՅՈՒՆՆԵՐԻ, ՀԵՂԻՆԱԿՈՒԹՅԱՆ ԿԱՄ ԱԿՆԿԱԼՎՈՂ ԽՆԱՅՈՂՈՒԹՅՈՒՆՆԵՐԻ ԿՈՐՍՏԻ ՀԱՄԱՐ, ՏՎՅԱԼՆԵՐԻ ԿՈՐՍՏԻ ԿԱՄ ՎՆԱՍՎԵԼՈՒ ՀԱՄԱՐ, ԱՆՈՒՂՂԱԿԻ ԿԱՄ ՀԵՏԵՎԱՆՔԱՅԻՆ ԿՈՐՍՏԻ ՀԱՄԱՐ, ՊԱՏԺԻՉ ՎՆԱՍՆԵՐԻ ՀԱՄԱՐ, ՈՐՈՆՔ ԱՌԱՋԱՑԵԼ ԵՆ ՀԵՏԵՎՅԱԼ ՊԱՏՃԱՌՆԵՐՈՎ՝

1. ԾԱՌԱՅՈՒԹՅԱՆ ՍԽԱԼՆԵՐ, ԱՆՍԱՐՔՈՒԹՅՈՒՆՆԵՐ ԵՎ ԱՆՃՇՏՈՒԹՅՈՒՆՆԵՐ,
2. ԱՆՁՆ��ԿԱՆ ՎՆԱՍՎԱԾՔՆԵՐ ԿԱՄ ԳՈՒՅՔԱՅԻՆ ՎՆԱՍ, ՈՐՈՆՔ ԱՌԱՋԱՑԵԼ ԵՆ ԾԱՌԱՅՈՒԹՅԱՆ ՕԳՏԱԳՈՐԾՈՒՄԻՑ,
3. ԾԱՌԱՅՈՒԹՅԱՆ ՑԱՆԿԱՑԱԾ ՉԹՈՒՅԼԱՏՐՎԱԾ ՕԳՏԱԳՈՐԾՈՒՄ,
4. ԾԱՌԱՅՈՒԹՅԱՆ ՑԱՆԿԱՑԱԾ ԸՆԴՀԱՏՈՒՄ ԿԱՄ ԴԱԴԱՐԵՑՈՒՄ,
5. ՑԱՆԿԱՑԱԾ ՎԻՐՈՒՍ ԿԱՄ ՎՏԱՆԳԱՎՈՐ ԿՈԴ, ՈՐԸ ԻՆՉ-ՈՐ ԵՐՐՈՐԴ ԿՈՂՄ ՓՈԽԱՆՑԵԼ Է ԾԱՌԱՅՈՒԹՅԱՆԸ ԿԱՄ ԴՐԱ ՄԻՋՈՑՈՎ,
6. ՑԱՆԿԱՑԱԾ ԲՈՎԱՆԴԱԿՈՒԹՅՈՒՆ՝ ՈՒՂԱՐԿՎԱԾ ՕԳՏԱՏԻՐՈՋ ԿԱՄ YOUTUBE-Ի ԿՈՂՄԻՑ, ԱՅԴ ԹՎՈՒՄ՝ ՁԵՐ ԿՈՂՄԻՑ ԲՈՎԱՆԴԱԿՈՒԹՅԱՆ ՕԳՏԱԳՈՐԾՈՒՄԸ ԵՎ/ԿԱՄ 
7. ՑԱՆԿԱՑԱԾ ԲՈՎԱՆԴԱԿՈՒԹՅԱՆ ՀԵՌԱՑՈՒՄԸ ԿԱՄ ԱՆՀԱՍԱՆԵԼԻՈՒԹՅՈՒՆԸ։

ԱՅՍ ԴՐՈՒՅԹԸ ԿԻՐԱՌՎՈՒՄ Է ՑԱՆԿԱՑԱԾ ԲՈՂՈՔԻ ՆԿԱՏՄԱՄԲ՝ ԱՆԿԱ�� ԱՅՆ ԲԱՆԻՑ, ԹԵ ԱՐԴՅՈՔ ԲՈՂՈՔԸ ՀԻՄՆՎԱԾ Է ԵՐԱՇԽԻՔԻ, ՊԱՅՄԱՆԱԳՐԻ, ԻՐԱՎԱԽԱԽՏՄԱՆ ԿԱՄ ՑԱՆԿԱՑԱԾ ԱՅԼ ԻՐԱՎԱԿԱՆ ՏԵՍՈՒԹՅԱՆ ՎՐԱ։

YOUTUBE-Ի ԵՎ ՆՐԱ ՀԵՏ ՓՈԽԿԱՊԱԿՑՎԱԾ ԱՆՁԱՆՑ ԸՆԴՀԱՆՈՒՐ ՊԱՏԱՍԽԱՆԱՏՎՈՒԹՅՈՒՆԸ ԾԱՌԱՅՈՒԹՅԱՆ ՀԵՏ ԿԱՊՎԱԾ ՑԱՆԿԱՑԱԾ ԲՈՂՈՔԻ ՀԱՄԱՐ ՍԱՀՄԱՆԱՓԱԿՎՈՒՄ Է ՀԵՏԵՎՅԱԼ ԳՈՒՄԱՐՆԵՐԻՑ ԱՎԵԼԻ ՄԵԾԻ ՉԱՓՈՎ․ (Ա) ԵԿԱՄՏԻ ԳՈՒՄԱՐԸ, ՈՐԸ YOUTUBE-Ը ՎՃԱՐԵԼ Է ՁԵԶ ԾԱՌԱՅՈՒԹՅՈՒՆԻՑ ՕԳՏՎԵԼՈՒ ՀԱՄԱՐ ԲՈՂՈՔԻ ՄԱՍԻՆ YOUTUBE-ԻՆ ԳՐԱՎՈՐ ԾԱՆՈՒՑԵԼՈՒ ՕՐՎԱՆ ՆԱԽՈՐԴՈՂ 12 ԱՄԻՍՆԵՐԻ ԸՆԹԱՑՔՈՒՄ ԵՎ (Բ) 500 ԱՄՆ ԴՈԼԱՐ։

Փոխհատուցում

Այնքանով, որքանով դա թույլատրվում է կիրառելի օրենսդրությամբ, դուք համաձայնում եք պաշտպանել և զերծ պահել YouTube-ը, նրա հետ Փոխկապակցված անձանց, ծառայողներին, տնօրեններին, աշխատակիցներին և գործակալներին բոլոր տեսակի հայցերից, վնասներից, պարտավորություններից, կորուստներից, պահանջներից, ինչպես նաև փոխհատուցել կրած ծախսերն ու պարտավորությունները (ներառյալ, բայց ոչ բացառապես իրավաբանական ծառայությունների համար կատարված վճարները), որոնք կարող են առաջանալ՝ (i) ձեր կողմից Ծառայության օգտագործման արդյունքում, (ii) ձեր կողմից այս Համաձայնագրի որևէ դրույթի խախտման հետևանքով, (iii) ձեր կողմից ցանկացած երրորդ կողմի իրավունքի՝ ներառյալ, բայց ոչ բացառապես հեղինակային, սեփականության կամ գաղտնիության իրավունքի խախտման հետևանքով, (iv) երրորդ կողմին ձեր Բովանդակության հասցրած վնասի վերաբերյալ ցանկացած հայցի պատճառով։ Պաշտպանելու և փոխհատուցելու այս պարտավորությունը ուժի մեջ կմնա այս Համաձայնագրի և Ծառայության ձեր կողմից օգտագործման ավարտից հետո։

Կողմնակի հղումներ
Ծառայությունը կարող է պարունակել հղումներ դեպի կողմնակի կայքեր և առցանց ծառայություններ, որոնք չեն պատկանում YouTube-ին և չեն վերահսկվում մեր կողմից։ YouTube-ը չի վերահսկում նման կայքերն ու առցանց ծառայությունները և պատասխանատվություն չի կրում դրանց համար։ Զգույշ եղեք՝ Ծառայությունից հեռանալիս։ Խորհուրդ ենք տալիս ծանոթանալ ձեր այցելած յուրաքանչյուր կողմնակի կայքի և առցանց ծառայության պայմաններին և գաղտնիության քաղաքականությանը։

Այս Համաձայնագրի մասին

Այս Համաձայնագրի փոփոխությունը
Մենք կարող ենք փոխել սույն Համաձայնագիրը, օրինակ՝ (1) արտացոլելու մեր Ծառայության կամ մեր ընկերության փոփոխությունները, օրինակ, երբ մենք ավելացնում ենք նոր պրոդուկտներ կամ գործառույթներ կամ հեռացնում հները, (2) իրավական, կարգավորող կամ անվտանգության նկատառումներով, կամ (3) չարաշահումը կամ վնասը կանխելու համար։ 

Եթե մենք էապես փոխենք սույն Համաձայնագիրը, մենք ձեզ ողջամիտ ժամկետներում կտրամադրենք ծանուցում և փոփոխությունները վերանայելու հնարավորություն՝ բացառությամբ՝ (1) երբ մենք գործարկում ենք նոր պրոդուկտ կամ գործառույթ, կամ (2) հրատապ իրավիճակներում, ինչպիսիք են շարունակական խախտումները կանխելը կամ իրավական պահանջներին արձագանքելը։ Եթե համաձայն չեք նոր պայմաններին, դուք պետք է հեռացնեք ձեր վերբեռնած Բովանդակությունը և դադարեք օգտվել Ծառայությունից։

Սույն Համաձայնագրի շարունակումը
Եթե դադարեք օգտվել Ծառայությունից, սույն Համաձայնագրի «Այլ իրավական պայմաններ», «Սույն Համաձայնագրի մասին» պայմանները կշարունակեն կիրառվել ձեր նկատմամբ, և ձեր կողմից տրված լիցենզիաները կշարունակեն գործել, ինչպես նկարագրված է «Համաձայնագրի տևողությունը» բաժնում։ 

Զատում
Եթե պարզվի, որ սույն Համաձայնագրի որոշակի դրույթ որևէ պատճառով ենթակա չէ կատարման, դա չի ազդի որևէ այլ դրույթի վրա։

Առանց հրաժարման
Եթե դուք չեք հետևում սույն Համաձայնագրին, և մենք անհապաղ միջոցներ չենք ձեռնարկում, դա չի նշանակում, որ մենք հրաժարվում ենք որևէ իրավունքից, որը կարող ենք ունենալ (օրինակ՝ ապագայում գործողություններ ձեռնարկելու իրավունքից)։

Մե��նաբանում

Այս պայմաններում «այդ թվում» և «ներառյալ» եզրույթները նշանակում են «ներառում են, բայց չեն սահմանափակվում», և մեր բերած ցանկացած օրինակ նշվում է նկարագրական նպատակներով։

Գործող օրենք
Այս պայմաններից բխող կամ դրանց հետ կապված բոլոր բողոքները կարգավորվում են Կալիֆոռնիա նահանգի օրենքներով՝ բացառությամբ այն դեպքերի, երբ Կալիֆոռնիա նահանգի օրենքների դրույթներում հակասություններ կան։ Այդ դեպքերը բացառապես կքննվեն ԱՄՆ Կալիֆոռնիա նահանգի Սանտա Կլարա շրջանի դաշնային կամ նահանգային դատարանում։ Դուք և YouTube-ը ընդունում եք այդ դատարանների անձի նկատմամբ իրավազորությունը։

Դատական հայցերի սահմանափակում

ԴՈՒՔ ԵՎ YOUTUBE-Ը ՀԱՄԱՁԱՅՆՈՒՄ ԵՔ, ՈՐ ԾԱՌԱՅՈՒԹՅՈՒՆՆԵՐԻ ԱՐԴՅՈՒՆՔՈՒՄ ԿԱՄ ԴՐԱՆՑ ՀԵՏ ԿԱՊՎԱԾ ԱՌԱՋԱՑԱԾ ՑԱՆԿԱՑԱԾ ՀԻՄՔՈՎ ՊԵՏՔ Է ՀԱՅՑ ՆԵՐԿԱՅԱՑՎԻ ՀԻՄՔԻ Ի ՀԱՅՏ ԳԱԼՈՒՑ ՀԵՏՈ ՄԵԿ (1) ՏԱՐՎԱ ԸՆԹԱՑՔՈՒՄ։ ՀԱԿԱՌԱԿ ԴԵՊՔՈՒՄ ՆՄԱՆ ՀԻՄՆԱՎՈՐՈՒՄՆ ԸՆԴՄԻՇՏ ԿԱՐԳԵԼՎԻ։

Ուժի մեջ մտնելու ամսաթիվը՝ 15 դեկտեմբերի, 2023 թ. (դիտել նախորդ տարբերակը)