View the Terms of Service in other languages: հայերեն, ខ្មែរ, فارسی, ລາວ, Hmong, ium, Filipino, العربية, 中文（中国）, 中文（台灣）, हिन्दी, 日本語, 한국어, ਪੰਜਾਬੀ, Русский, Español (Latinoamérica), ไทย, Українська, Tiếng Việt, and English

GOUV ZIANGX TENGX ZIUX GOUX NYEI GONG-BOU JAUV-LOUC

Dated: December 15, 2023

GOUV ZIANGX TENGX ZIUX GOUX NYEI GONG-BOU JAUV-LOUC

Laengz zipv meih bieqc naaiv YouTube!

Neqv waac-gorn
Laengz zingh longc naaiv norm YouTube gorn zangc aengx caux zoux cuotv nyungc horngh jauv-louc gong-bou jauv-louc aengx caux ziex hoc jaa-dorngx dungh yie mbuo liepc yiem gorn zangc bun meih longc wuov (gapv wacc heuc, “zoux gong-bou jauv-louc”).

Yie mbuo nyei gong-bou jauv-louc

Naaiv nyungc gong-bou jauv-louc se tengx meih zaah lorx, bungx mangc aengx caux bungx videos taan bun doic mangc aengx caux da’nyeic deix kou-nyiouz, benx gorn zangc dorngx borqv lorx doic, douc fienx bun hiuv, aengx caux zoux bun zuangx yiem lungh ndiev mienh maaih njien-yiouh hnyouv lorx doic, aengx caux corc benx gorn zangc tengx ninh mbuo zeix sou-nzung mienh zunh cuotv zuang aengx caux zunh kou-nyiouz hlo faix bun doic.Yie mbuo duqv tengx douc camv-nyungc waac-fienx gorngv taux yie mbuo ceix cuotv haaix nyungc jaa-dorngx aengx caux hnangv haaix njiaaux longc yie mbuo nyei Tengx nzie mienh nyei gorn (Help Center).Corc maaih da’nyeic nyungc tipv, meih zaah lorx yiem Bun fu' jueiv nyei YouTube (YouTube Kids), naaiv norm Juangc doic kou-gong gorn YouTube (YouTube Partner Program) aengx caux Cuotv nyaanh cingv YouTube (YouTube Paid Memberships) aengx caux maaiz nyei buonc (Purchases) (yiem njiec haaix yaac duqv). Meih corc haih doqc mangc yietc zungv naauc ngitc kou-nyioux yiem da’nyeic norm gorn zangc dorngx (other devices) beiv hnangv yiem TV, meih nyeinx game a’nziaauc, a’fai yiem Google Home.

Liuc leiz goux gong nyei mienh tengx gong-bou jauv-louc bun meih

Ninh bun zoux gong-bou jauv-louc nyei mienh dungh heuc Google LLC, benx yietc norm mbienz doz-leiz liepc gong zoux Delaware, lorqc deic yiem njiec 1600 Amphitheatre Parkway, Mountain View, CA 94043 (maaih mbuoz heuc “YouTube”, “yie mbuo”, “yie mbuo ganh”, a’fai “yie mbuo nyei”).Bengc naaiv norm YouTube’s “mbienz gorn zangc” se gouv cuotv da’nyeic deix mbienz yiem njiec gorn zangc Alphabet Inc. juangc doic (ih zanc minc zingh a’fai yiem zinh hoz).

Aapx jaax longc nyei waac
Meih longc naaiv deix gong-bou jauv-louc yaac a’zuqc ei yiem gouv cuotv nyei jauv-louc, naaiv norm Goux horngc zangc mienh nyei YouTube (YouTube Community Guidelines)  aengx caux Doz-leiz, baengh orn aengx caux doz-leiz gunv ziouv-jaa (Safety Copyright Policies) yaac zuqc ziangh diuh ziux zorc siang (ei naaiv zeiv "Lorqc doih daan").Meih nyei lorqc doih waac yiem caux yie mbuo wuov yaac zorpc an yiem Zunh doz-leiz cuotv bun hiuv taux longc YouTube (Advertising on YouTube Policies) beiv hnangv meih duqv tengx zunh waac cuotv a’fai tengx liuc leiz taux naaiv deix gong-bou jauv-louc a’fai juangc ceng maaic sou-nzangc nzung.Se gorngv maaih ha' nyungc borqv bieqc a’fai bangc sou-gorn bun daaih yiem naaiv deix gong-bou jauv-louc dungh maiv zeiz tong leiz longc nyei buonc aengx caux mv yiem njiec naaiv zeiv lorqc doih daan nyei waac.

Daaix luic doqc mangc longx naaiv zeiv lorqc doih daan aengx caux samx mangc nzoih gorngv meih bieqc hnyouv nzengc mi’aqc.Beiv hnangv meih corc maiv bieqc hnyouv naaiv zeiv lorqc doih daan, a’fai maaih haaix deix dorngx mv nyunc duqv, meih yaac maiv dungx bieqc longc gong-bou jauv-louc.

Haaix deix mienh haih duqv longc taux tengx ziux goux nyei gong-bou jauv-louc?

A’zuqc ziux hnyiangx-jeiv gouv ziangx
Se gorngv oix bieqc longc gong-bou jauv-louc nor meih a’zuqc maaih hnyiangx-jeiv gauh goz 13 hnyiangx faaux mingh; hnangv haaix yaac longx, yietc zungv fu’jueiv maiv gunv gorngv duqv mbuoqc ziex hnyiangx yaac longx longc gong-bou jauv-louc yiem fu'jueiv nyei YouTube (YouTube Kids) (se gorngv buatc maaih) yaac zuqc bun ninh mbuo die-maac a’fai ziux goux nyei mienh tengx koi bun longc.

Nqoi nzuih bun ninh mbuo dei-maac a’fai ziux goux nyei mienh

Beiv hnangv meih nyei hnyiangx-jeiv maiv zaaic 18 hnyiangx, meih funx gorngv meih duqv zipv nqoi nzuih sou caux die-maac a’fai ziux goux nyei mienh bun longc naaiv deix gong-bou jauv-louc mi’aqc.Tov zorv nyauv heuc ninh mbuo caux meih doqc naaiv zeiv lorqc doih daan ndaangc.

Beiv hnangv longc nyei mienh benx die-maac a’fai ziux goux nyei mienh bieqc longc dungh maaih hnyiangx maiv zaaic 18 hnyiangx nor, meih a’zuqc ziux goux fu’jueiv ei naaivz eiv lorqc doih daan nyei waac liouh longc gong-bou jauv-louc, meih a’zuqc laengz ziux goux mangc fu’jueiv zoux nyei gong yiem ga'nyuoz.Meih corc haih zaah lorx jaa-dorngx aengx caux gorn zangc tengx meih ziux goux huov jaa yiem YouTube (lemh jienv hnangv haaix bun fu’jueiv hnyiangx-jeiv maiv zaaic 13 hnyiangx nyei buonc longc naaiv deix gong-bou aengx caux YouTube Kids) yiem yie mbuo nyei Help Center aengx caux yiem njiec Google’s Borqv bieqc huov jaa (Family Link).

Saeng-eix
Beiv hnangv meih duqv longc gong-bou jauv-louc bun ninh mbuo mbienz nyei gorn zangc a’fai dinc zangc gorn, meih a’zuqc laengz gorngv meih maaih haapc lingc zoux gong bun naaic norm gorn zangc, aengx caux naaic norm gorn zangc a’zuqc laengz naaiv zeiv lorqc doih waac ndaangc.

Meih longc naaiv deix ziux goux nyei gong-bou jauv-louc

Tengx gong-bou jauv-louc nyei kou-nyiouz
Tengx gong-bou jauv-louc nyei kou-nyiouz se lemh videos, waac-qiex (mangc guv yienh zoux cuotv sou-nzung lorh nzoz aengx caux da’nyeic nyungc waac), waax fangx, hietv fangx, sou-nzangc (beiv taux tim waac biegc aengx caux tim nzangc biegc), cuotv mbuoz (lemh zoux saeng-eix mbuoz, huo-muotc mbuoz, gong-bou jauv-louc, a’fai fangx-zeiv), zoux haaix horngh gong, software, ndorqc bouc, aengx caux maaih da’nyeic nyungc jaa-sic dungh meih lorx daaih wuov, YouTube a’fai da’nyeic deix mienh zoux cuotv (heuc benx, "kou-nyiouz”).

Naaic laanh mienh a’fai gorn zangc tengx zoux gong-bou jauv-louc wuov a’zuqc laengz ziux goux junh ninh mbuo zoux nyei gong.YouTube maiv duqv aapv jaax heuc gorngv a’zuqc fungx fangx a’fai kou-nyioux njiec.Beiv hnangv meih buatc maaih ha’nyungc kou-nyiouz maiv doix naaiv zeiv lorqc doih daan nyei waac, lemh jienv zoux dorngc Horngc zangc leiz (Community Guidelines) a’fai doz-leiz, meih a’zuqc douc fienx bun yie mbuo hiuv (report it to us).

Naaiv norm Google mbuoz-gorn aengx caux YouTube qunh
Meih corc haih longc haaix deix gong-bou jauv-louc, beiv taux zaah lorx gorn zangc aengx caux kou-nyiouz, dungh maiv zuqc longc Google mbuoz-gorn (Google Accounts).Hnangv haaix yaac longx, meih a’zuqc longc benx naaiv norm Google mbuoz-gorn liouh bieqc longc nyungc baav dorngx.Yiem naaiv Google mbuoz-gorn, meih corc jiex hnyouv oix videos, zatv mangc qunh, zoux benx meih ganh nyei YouTube qunh, aengx caux ziex horngh gong tipv.Meih corc haih nzipc jienv naaiv deix njiaaux waac sou-guv liouh faaux siang Google mbuoz-gorn (create a Google account).

Zeix cuotv siang YouTube qunh se haih zoux bun meih bieqc gorqv-zeic dorngx tipv aengx caux borqv bieqc gorn zangc, beiv hnangv upload videos, tim waac bieqc a’fai zoux cuotv siang playlists (se gorngv liepc duqv maaih).Yiem njiec naaiv bun mangc waac-fienx gorngv taux hnangv haaix zoux zoux benx ga'ganh nyei siang YouTube qunh (create your own YouTube channel).

Liouh tengx ziux goux longx meih nyei Google mbuoz-gorn, siou bingx mbueix meih nyei lomh mbueix nzangc.Meih maiv horpc zuqc longc meih nyei Google mbuo-gorn lomh mbueix nzangc mingh doix zorpc zuqc da’nyeic deix mienh nyei sou-gorn mbuoz.Se gorngv oix hoqc hiuv tipv taux hnangv haaix siou bingx mbueix Google mbuoz-gorn (Google account secure), lemh jienv a’zuqc fungc zoux beiv hnangv buatc maaih mienh nimc longc meih nyei lomh mbueix nzangc a’fai Google mbuoz-gorn nyei ziangh hoc.

Meih nyei
Yie mbuo nyei Doz-leiz gunv buonh sin (Privacy Policy) porv mbuox cing waac gorngv yie mbuo hnangv haaix ziux gem longx mbueix meih nyei si’jeiv waac-gorn aengx caux goux gem meih nyei si’jeiv waac yiem njiec meih longc gong-bou jauv-louc wuov.Naaiv norm Tih mengh fienx bun hiuv taux lengc-jeiv goux YouTube bun fu'jueiv (YouTube Kids Privacy Notice) tengx douc lengc jeiv waac-fienx bun hiuv taux gorngv yie mbuo ziux goux si’jeiv waac nyei gong dungh neqv bun YouTube bun fu'jueiv.

Yie mbuo a’zuqc zaah muangx maaih ha’nyungc kou-nyiouz a’fai waac-qiez dungh meih upload nyei gong-bou jauv-louc yiem caux Gouv ndorqc funx muangx waac-gorn YouTube (YouTube Data Processing Terms), mv baac guangc simv cuotv dungh meih upload zoux benx ga’ganh si’jeiv waac a’fai huov jaa nyei gong nyei buonc.Hoqc hiuv tipv.

Nqoi nzuih bun aengx caux jiem-gec jauv-louc
Meih corc haih bieqc lorx duqv zaaic aengx caux longc gong-bou jauv-louc dungh mbenc bun nyei buonc dungh haaix zanc meih zoux ei naaiv zeiv lorqc doih daan aengx caux doz-leiz wuov.Meih corc haih mangc a’fai muangx kou-nyiouz benx meih nyei si’jeiv jauv-louc, maiv zeiz longc zoux benx saeng-eix nyei buonc.Meih corc haih bungx YouTube videos mangc yiem njiec zatv YouTube nyei gorn.

Naaiv deix jiem-gec jauv-louc se liouh meih longc yiem ga’ndiev deix gong-bou.Maiv nqoi nzuih bun meih dorh mingh:

1. bieqc longc, ganh zoux tipv, download, taan nzaanx, fungx mingh, zunh cuotv dienx taaih, sa’liangx, maaic cuotv, zoux sou-gorn bun, goiv yienc siang, zorc siang a’fai dorh haaix deix gong-bou jauv-louc a’fai kou-nyiouz mingh longc se gorngv maiv zeiz gec simv(a) ziux ninh mbuo neqv nqoi nzuih gong-bou jauv-louc; a’fai (b) jaa-nziouv zipv nqoi nzuih sou yiem YouTube ndaangc aengx caux, ninh mbuo ziouv-jaa nqoi nzuih, se gorngv maaih;
2. jaa-nziouv simv pien, guon daic longc maiv duqv, juangc caux liepc hnyouv pienx, a’fai ba’baac corngh sic yiem gong-bou jauv-louc (a’fai ba’baac liepc hnyouv zoux nyei gong), lemh jienv ceux lunc a’fai jauv-louc dungh (a) mbungh maiv zaaic a’fai goux jiem-gec nyei leiz a’fai wingc longc da’nyeic diuc kou-nyiouz a’fai (b) hluotv zanv gong-bou jauv-louc a’fai kou-nyiouz zoqc njiec;
3. wingc bieqc ga’nyuoz gorn zangc longc gong-bou jauv-louc (beiv taux hieh guaiv fangx, yiem yi bung gorn zangc a’fai teiz gaatv ndutv) jiem-gec (a) longc jaa-sic zaah lorx zuangx jaa-sic zorngh yiem caux YouTube’s robots.txt sou-guv gorn; a’fai (b) caux YouTube zipv jaa-nziouv nqoi nzuih sou;
4. lorx siou a’fai goux zunv waac-fienx dungh haih zaah duqv buatc haaix laanh mienh (mangc guv yienh, maaih mbuoz nyei mienh a’fai hmien-mueic), se gorngv maiv zeiz naaic laanh ziouv mienh nqoi nzuih a’fai paaiv ei ga’nguaaic da’ (3) wuov ginc sou;
5. longc gong-bou jauv-louc dorh mingh zunh zoux saeng-eix a’fai maaiz maaic a’fai louc bun zuangx mienh longc maiv zeiz leiz;
6. corn cuotv sic a’fai ceng nduov mienh bieqc caux zoux dorngc nyei gong, lemh jienv cingv mienh a’fai dorh nyaanh nduov mienh bieqc mangc video, sung buoz-ndoqv bun, a’fai daanh heuc maiv dungx mangc, a’fai nduov mienh bieqc zatv qunh camv faaux, a’fai dorh mingh nduov zoux da’nyeic diuc jauv dorngc leiz wuov;
7. dorh mingh zoux maiv ziangh horngh douc fienx bun muangx, naetv geh, guaix waac, nzaeng jaax, a’fai lorx weic faan sic, lemh jienv guaih gox waac-jaav, zoux haeqv mienh, a’fai guaih henh gong;
8. dorh mingh caux doic fih ndouv a’fai zoux gong maiv ei YouTube nyei zunh kou-nyiouz doz-leiz aengx caux sou-guv (YouTube’s contest policies and guidelines);
9. longc gong-bou jauv-louc liouh mangc a’fai muangx da’nyeic nyungc kou-nyiouz dungh maiv zeiz ga’ganh si’jeiv waac, maiv zeiz longc zoux saeng-eix (mangc guv yienh, nzunc baav meih maiv sienv oix bungx haaix nyungc videos tong zuangx a’fai baaux sou-nzung); a’fai
10. longc gong-bou jauv-louc liouh (a) zunh huoz, tengx bouc gong, a’fai ceng maaiz maaic, ga’hlen deic, a’fai yiem njiec gong-bou jauv-louc a’fai kou-nyiouz ga’nyuoz, dungh maiv zeiz ie nqoi nzuih nyei buonc gong yiem Zunh njiaaux doz-leiz yiem YouTube (Advertising on YouTube) gong (beiv taux gouv bun hietv huoz-muotc); a’fai (b) zunh maaic huoz, tengx bouc gong, a’fai ceng sou-pin yiem website a’fai sou-gorn dungh maaih kou-nyiouz gong-bou jauv-louc a’fai hietv kou-nyiouz mbuox taux naaic deix jiex gorn gong zoux saeng eix (mangc guv yienh, zunh maaic huoz-muotc yiem webpage yiem YouTube videos bun mienh mangc liuz jiex hnyouv oix mangc tipv yiem webpage).

Haac dorngx

Longc gong-bou jauv-louc se maiv zeiz bun meih benx ziouv-jaa a’fai maaih leiz beu benx ziouv, lemh jienv ninh mbuo maaih mbuoz benx longc nyei mienh a’fai kou-nyiouz dungh da’dauh mienh hietv njiec a’fai yiem YouTube.

Ceix siang, zorc longx aengx caux zorc gong-bou jauv-louc

YouTube a’zuqc ziangh diuh tiuv yienc siang aengx caux zorc jienv gong-bou jauv-louc yiem.Wueic zuqc juangc nzipc ceiz gong mienh, yie mbuo a’zuqc zorc puix siang a’fai tiuv yienc siang (yietc zungv a’fai nyungc baav gong-bou jauv-louc) beiv hnangv tim bieqc a’fai zorqv tuix cuotv nyungc horngh gong aengx caux gorn zangc tiu guangc, dorh siang waac-nyiouz a’fai bun gong-bou jauv-louc a’fai donv dingh njiec lox nyei buonc.Yie mbuo zuqc zorc lox nyei buonc a’fai donv dingh njiec nyungc baav gong, liouh zorc gong longx faaux a’fai zorc bun gauh wuonv, tiuv yienc siang ziux doz-leiz, a’fai goux mbungh zoux dorngc leiz gong a’fai zoux dorngc yie mbuo nyei gorn zangc leiz wuov.Naaiv deix tiuv yienc siang nyei gong se haih zorv hoic zuqc yietc zungv a’fai dauh baav mienh a’fai laanh baav mienh.Haaix zanc qiemx zuqc longc gong-bou jauv-louc a’fai qiemx zuqc download software nyei ziangh hoc (beiv taux yiem YouTube Studio sou-gorn), naaic norm software bieqc zaqc zorc siang gorn zangc jaa-dorngx bun meih liouh benx siang guv mi’aqc a’fai mbenc zeiv fangx bun, ei meih zorng mbenc jaa-sic zuov wuov.Beiv hnangv yie mbuo tiuv yienc gorn zangc jaa-sic haih zorv hoic zuqc meih longc nyei gong, yie mbuo jaa-nziouv douc fienx bun meih hiuv ndaangc, se gorngv maiv zeiz jiepv sih sic dungh buatc zoux dorngc leiz, ziux doz-leiz heuc zoux nyei gong, a’fai goux njioux taaih baengh gong aengx caux zoux gong sic.Yie mbuo a’zuqc bun ziangh hoc liouh tuix meih nyei kou-nyiouz cuotv Google mbuoz-gorn longc yiem Google Takeout, ei doz-leiz aengx caux leiz-fingx.

Ga’nyuoz kou-nyiouz aengx caux meih a’zuqc zoux nyei gong

Dorng-dorng uploading kou-nyiouz

Beiv hnangv meih ganh maaih YouTube qunh, meih corc haih upload kou-nyiouz bieqc gong-bou jauv-louc duqv.Nzunc baav meih corc haih longc kou-nyiouz liouh tengx zunh saeng-eix a’fai meih nyei zong-zei.Se gorngv meih sienv upload kou-nyiouz bieqc nor, meih a’zuqc maiv dungx dorh da’nyeic deix kou-nyiouz dungh maiv yiem naaiv zeiv lorqc doih nyei waac wuov bieqc oc (lemv jienv YouTube goux horngc zangc nyei leiz) a’fai doz-leiz.Mangc guv yienh, kou-nyiouz meih fungx bieqc wuov a’zuqc maiv maaih waac gorngv taux ga’hlen mienh zoux nyei gong (beiv taux maaih doz-leiz goux bun ziouv-jaa cuotv za'eix zoux nyei gong) se gorngv jaa-nziouv maiv duqv zipv nqoi nzuih sou ndaangc a’fai maiv maaih doz-leiz paaiv heuc zoux nyei gong.Meih horpc zuqc dorng leiz laengz ndaam kou-nyiouz fungx bieqc gorn zangc wuov.Yie mbuo a’zuqc longc ga’nyuoz gorn zangc tengx zaah dimv mangc kou-nyiouz haih dorngc leiz nyei buonc ndaangc aengx caux maaih haaix nyungc dorngc leiz wuov, beiv hnangv spam, malware, caux dorngc leiz nyei kou-nyiouz.

Meih a’zuqc nqoi nzuih beu leiz bun

Yiem ga’nyuoz kou-nyiouz nyei waac se meih benx ziouv-jaa.Hnangv haaix yaac longx, yie mbuo oix heuc meih nqoi nzuih bun YouTube aengx caux da’nyeic deix mienh longc gong yiem ga’ndiev wuov.

Nqoi nzuih bun YouTube

Dorh kou-nyiouz bieqc gorn zangc, meih a’zuqc nqoi nzuih bun YouTube zunh cuotv lungh ndie mienh muangx, maiv neqv haaix deix dorngx, mv zuqc maaiz, nqoi nzuih bun yiem haaix bouc dorngx aengx caux juix kou-nyiouz bun doic (lemh ganh zoux siang, fungx bun doic, mbenc zuotc nyungc, hinc bun mangc aengx caux zoux nyei buonc gong) gorngv taux gong-bou jauv-louc aengx caux YouTube gong (aengx caux ga’nyuoz mbienz zangc gorn aengx caux ninh mbuo borqv nzipc gong nyei doic) zoux saeng-eix, liouh liepc ceiz saeng-eix aengx caux dorh taan bun doic longc.

Nqoi nzuih bun sou-gorn bun da’nyeic deix mienh

Meih corc zuqc nqoi nzuih bun da’dauh doic yiem tong lungh ndiev longc gong-bou jauv-louc, maiv neqv haaix deix dorngx, maiv zuqc maaiz sou-gorn bieqc lorx naaiv norm gorn, aengx caux longc kou-nyiouz, maiv zuqc ganh zoux siang, fungx bun doic, mbenc zuotc nyungc, hinc bun mangc aengx caux zoux nyei buonc gong, haaix zanc koi longc nyei ziangh hoc (beiv hnangv nyienx video a’fai zatv bieqc gorn).Gorngv njiang-laangh waac, naaiv zeiv nqoi nzuih sou maiv zeiz beu leiz bun a’fai nqoi nzuih bun mienh dorh kou-nyiouz guaih ziux hnyouv njien-yiouh zoux oc.

Nqoi nzuih sou nyei bouc dauh ziangh hoc

Meih duqv zipv nqoi nzuih sou liouh nzipc zoux saeng-eix ziux bouc dauh ziangh hoc horpc zuov taux meih tiu kou-nyiouz guangc a’fai zorqv kou-nyiouz yiem gorn zangc guangc.Hnangv haaix yaac longx, meih corh bieqc hnyouv aengx caux laengz gorngv naaic norm YouTube siou njiec yiem gorn zangc, maiv hinc mbiangx, fungx bun doic, a’fai mv dongx aqv, mv gunv gorngv meih nyei videos duqv tuix cuotv guangc a’fai gaatv guangc mi'aqc.

Maaih leiz bu zornc nyaanh

Meih nqoi nzuih bun YouTube maaih leiz dorh kou-nyiouz mingh zornc nyaanh (aengx caux zorpc huoz-muotc zunh zornc nyaanh a’fai siou hung-zinh caux ninh mbuo bieqc longc gorn zangc nyei mienh).Naaiv zeiv lorqc doih daan yaac maiv duqv beu leiz bun meih cuotv haaix nyungc nyaanh.Jiex gorn yiem ziepc yietv hlaax 18, 2020, maaih haaix deix nyaanh dungh meih haih duqv zipv yiem YouTube naaiv ei zeiv lorqc doih daan dungh meih caux YouTube doix dongh nyei waac (mangc guv yienh gorngv taux cuotv nyaanh yiem YouTube Partner Program, benx doic nyei qunh a’fai Super Chat) yaac funx benx maaiz sou-gorn nyaanh.Beiv hnangv maaih doz-leiz paaiv heuc nor, Google a’zuqc maeqv cuotv benx nzouv-zinh siou njiec liouh bun

Suiv meih nyei kou-nyiouz cuotv

Meih corc haih suiv kou-nyiouz cuotv guangc (Removing Your Content) naaiv norm gorn haaix zanc yaac duqv. Meih corc haih sienv aamx kou-nyiouz cuotv ndaangc liuz (make a copy of your Content) cingx zorqv tuix guangc. Beiv hnangv meih nzengc ziangh hoc maiv maaih leiz beu nor a’zuqc zorqv kou-nyiouz tuix cuotv naaiv norm gorn.

Zorqv tuix kou-nyiouz cuotv YouTube

Beiv hnangv meih maaih haaix deix kou-nyioux (1) zoux dorngc naaiv zeiv lorqc doih daan nyei waac a’fai (2) haih zoux hoic taux YouTube, yie mbuo nyei longc nyei mienh, a’fai ga’hlen mienh, yie mbuo maaih leiz zorqv tiui guangc a’fai muangh guangc douc baav waac a’fai yietc zungv kou-nyiouz ziux yie mbuo corngh dunx nyei waac.Yie mbuo zuqc tih fienx mbuox meih hiuv gorngv wueic laaix haaix nyungc cingx njiec buoz zoux hnangv naaic dungh yie mbuo corngh buatc cuotv sic: (a) dorngc doz-leiz a’fai goux doz-leiz dinc zangc jien jaa heuc zoux a’fai buatc haih dorngc doz-leiz nyei YouTube a’fai yie mbuo gorn zangc doic; (b) horpc zuqc heuc corngh dimv mangc a’fai gapv zunv doic a’fai zoux gong; a’fai (c) haih zoux hoic zuqc longc nyei mienh, ga’hlen mienh, YouTube a’fai yie mbuo nyei gorn zangc doic.Meih corc haih hoqc hiuv tipv taux douc fienx mbuox nyei gong aengx caux ziux doz-leiz, caux hnangv haaix lorx weic faan sic yiem Troubleshooting yiem yie mbuo nyei tengx nzie mienh nyei gorn zangc wuov yiemc sou.

Sou-guv njiaaux naauc jaax yiem horngc zangc

YouTube zoux gong nyei gorn bun horngc zangc “naauc jaax” dungh maaih kou-nyiouz yiem YouTube dorngc zuqc njiaaux sou-guv bun horngc zangc mienh wuov.Nzunc-nzunc naauc jaax nyei sic yaac maiv doix-diuc aengx caux haih hoic zuqc donv guon meih nyei YouTube qunh ziangh yietc liuz.Maaih yietv nyeic mbuox taux hnangv haaix naauc jaax haih zoux hoic zuqc meih nyei qunh yiem sou-guv jiex gorn njiaaux naauc jaax yiem horngc zangc (Community Guidelines Strikes Basics) wuov yiemc sou.Beiv hnangv meih sienx gorngv naauc jaax wuov ca’bouc zoux dorngc nor, meih corc lorx weic faan sic yiem naaiv (here).

Wueic laaix benx zuqc naauc jaax liuz haih zanv bun meih longc meih nyei qunh zoqc njiec nor, meih mv dungx longc da’nyeic norm qunh aqv.Zoux dorngc leiz se funx zoux dorngc naaiv zeiv daan nyei lorqc doih waac aengx caux Google maaih leiz beu bun guon guangc meih nyei Google mbuoz-gorn a’fai maiv bun bieqc longc yietv zungv a'fai nyungc baav gong.

Leiz beu benx ziouv-jaa

Yie mbuo bun waac-fienx daaih tengx ziouv-jaa mienh gunv goux ninh mbuo nyei hnyouv-zoih saeng-eix yiem online yiem njiec yie mbuo nyei YouTube gorn zangc (YouTube Copyright Center).Beiv hnangv meih hnamv daax maaih mienh nimc meih nyei saeng-eix zoux yiem gorn zangc nor, daaix luic juix fienx mbuox yie mbuo hiuv (send us a notice).

Yie mbuo a’zuqc liuc leiz goux taux mengh fienx gox gorngv maaih mienh nimc saeng-eix zoux ei gorn zangc nyei gong yiem yie mbuo nyei YouTube gorn zangc (YouTube Copyright Center), meih corc haih lorx mangc waac-fienx njiaaux hnangv haaix caeqv nzaanx guaix waac nimc saeng-eix nyei gong.YouTube nyei doz-leiz duqv paaiv ziangx waac heuc zorqv cuotv maiv bun dorngc sic mienh bieqc zoux dorngc sic tipv siang yiem gorn zangc.

Donv dingh njiec ndaangc aengx caux tiu mbuoz-gorn guangc

Haaix zanc yaac duqv
Meih se haih donv dingh njiec maiv longc gorn zangc gong.Ei naaiv deix njiaaux waac sou-guv tiu naaiv deix gong guangc cuotv meih nyei Google mbuoz-gorn caux guonc meih nyei YouTube qunh aengx caux zorqv waac-gorn tuix guangc.Meih corc haih sienv zorqv meih nyei waac-gorn download cuotv ndaangc.

Donv njiec aengx caux tiu guangc YouTube

YouTube benx ziouv mienh donv dingh a’fai tiu meih nyei Google mbuoz-gorn guangc a’fai mv bun meih bieqc yietc zungv dorngx a’fai norm baav dorngx se gorngv (a) meih liepc hnyouv zoux dorngc lorqc doih waac camv nzunc; (b) yie mbuo a’zuqc zoux naaic diuc gong ei doz-leiz paaiv njiec nyei waac a’fai dingc leiz zaamc paaiv heuc zoux nyei gong; a’fai (c) yie mbuo maaih waac gaux longc gorngv zien buatc duqv zoux siang (a’fai haih zoux cuotv siang-gong) hoic da’nyeic deix mienh a’fai hoic zuqc ninh mbuo longc nyei mienh, da’nyeic deix mienh, YouTube a’fai yie mbuo nyei gorn zangc doic.

Tih mengh fienx mbuox gorngv domn dingh a’fai tiu guangc

Yie mbuo zuqc tih fienx mbuox meih hiuv gorngv wueic laaix haaix nyungc cingx njiec buoz zoux dungh yie mbuo corngh buatc nyei sic: (a) haih dorngc doz-leiz a’fai goux doz-leiz dinc zangc jien jaa heuc zoux nyei gong a’fai buatc haih dorngc doz-leiz nyei YouTube a’fai yie mbuo gorn zangc doic; (b) horpc zuqc heuc zaah dimv mangc a’fai zorpc zunv doic a’fai zoux nyei buonc gong; a’fai (c) haih zoux hoic zuqc longc nyei mienh, ga’hlen mienh, YouTube a’fai yie mbuo nyei gorn zangc doic.

Donv njiec ndaangc aengx caux tiu mbuoz-gorn guangc

Beiv hnangv meih nyei Google mbuoz-gorn duqv donv dingh a’fai zanv bun meih bieqc naaiv norm gorn zoqc njiec, meih corc haih nzipc longc zengc njiec nyei buonc gong mv maaih mbuoz-gorn (kungx mangc hnangv), aengx caux nzipc jienv longc naaiv zeiv lorqc doih daan mingh duqv.Beiv hnangv meih sienx gorngv naauc jaax wuov ca’bouc zoux dorngc nor, meih corc haihlongc naaiv zeiv sou lorx weic faan sic (appeal using this form).

Gorngv taux Software hnangv haaix tengx zoux ziux goux gong-bou jauv-louc

Download Software cuotv longc
Haaix zanc qiemx zuqc longc a’fai qiemx zuqc download cuotv longc software (liouh zoux YouTube Studio sou-gorn), se gorngv naaic deix software mv zuqc longc gorqv-zeic waac heuc bun sou-gorn daaih tipv nor, YouTube duqv nqoi nzuih bun da’dauh mienh yiem tong lungh ndie longc duqv, mv zuqc cingv, mv zuqc neqv bun haaix nyungc aengx caux mv bun ziangh meih longc software yiem YouTube zoux nyei gong.Naaiv zeiv nqoi nzuih sou-gorn se liepc liouh tengx meih bieqc longc naaic norm gorn aengx caux maaih njien-yiouh nyienx YouTube a’nziaauc, ei lorqc doih sou-gorn bun nyei buonc gong.Maiv nqoi nzuih bun meih aamx cuotv, zorc siang, fungx doic, maaic cuotv, a’fai dorh software bun mienh gaav, a’fai dorh mingh ganh zoux siang a’fai dorh software code maeqv muonc, se gorngv mv zeiz maaih doz-leiz gunv nyei buonc gong wuov a’fai duqv zipv YouTube nqoi nzuih bun mi'aqc.

Open Source
Maaih nyungc baav software yiem njiec yie mbuo zoux gong gorn zangc wuov se haih koi mbenc zoux sou-gorn bun meih.Nzunc baav naaiv norm open source zoux nqoi nzuih sou bun longc div jiex naaiv deix gouv bouc dauh waac, daaix luic doqc mangc nzoih naaiv deix sou-gorn oc.

Ziux doz-leiz gouv cuotv da’nyeic deix jauv-louc

Ngaengc nzuih mv laengz beu jun
MAAIH GORQV-ZEIC WAAC NEQV GORNGV YIEM NAAIV ZEIV LORQC DOIH DAAN A’FAI EI DOZ-LEIZ ZOUX NYEI GONG, TENGX ZOUX NAAIV DIUC GONG WUOV SE “FUNX BENX” AENGX CAUX YOUTUBE MAIV AAPV JAAX HOIC A’FAI LAENGZ BEU JUNH NAAIV DEIX GONG.MANGC GUV YIENH, YIE MBUO MV HAIH LAENGZ BEU JUN GORNGV TAUX: (A) KOU-NYIOUZ BUN NAAIV DEIX GONG YIEM NJIEC GORN ZANGC; (B) NEQV HORPC BOUC ZIUX GOUX NYEI GONG, A’FAI ZIEN ZUQC NZENGC WAAC, BUN SIENX HNYOUV DUQV NDONGC HAAIX, MBENC ZIANGX BUN LONGC NYEI GONG, A’FAI HAIH GAUX MEIH NYEI HORPC BOUC QIEMX LONGC NYEI BUONC GONG; A’FAI (C) MAAIH HAAIX NYUNGC KOU-NYIOUX MEIH JUIX BIEQC YIEM NAAIV NORM GORN WUOV LORX DUQV ZAAIC NYEI FAI.

Zaeqv buonc leiz

GEC SIMV PIEN DUNGH MV ZEIZ DOZ LEIZ PAAIV HEUC NYEI BUONC GONG, YOUTUBE, SAENG-EIX GORN ZANGC DOIC, JIEN JAA, LIUC LEIZ DENGV SIC MIENH, ZOUX GONG NOUH AENGX CAUXD DIV GONG BUN DINC ZANGC GORN DUNGH MV ZUQC LAENGZ BEU JUNH TIPV ZAEQV, LEIC ZINH, MAAIH WUONC QIEX ZOUX SAENG-EIX, MAAIH MIENH HOUC CAMV, A’FAI HNAMV DUQV ZAAIC GOUX SIOU NYEI NYAANH; NDORTV BUONV A’FAI DORH WAAC-GORN ZOUX SAENG-EIX; MAAIH DORNGX HOIC ZUQC A’FAI CA’BOUC BUNGX PIATV; YIEM ZOUX HOIC ZUQC:

1. CA’BOUC DORNGC, ZOUX ZUQC DORNGC, A’FAI BUNGX PIOUX NYEI GONG;
2. MIENH ZUQC MUN A’FAI ZINH ZOIH WUAAIC WUEIC LAAIX LONGC GORN ZANGC GONG;
3. MAIV NQOI NZUIH BUN BIEQC LORX DUQV ZAAIC A’FAI LONGC YIEM GORN ZANGC GONG;
4. MAAIH DORNGX DONV A’FAI DINGH NJIEC;
5. MAAIH VIRUSES A’FAI CIOUV NYEI CODE YIEZ BIEQC GORN ZANGC A’FAI JUIX BUN ZUQC ZUANGX MIENH;
6. MAAIH HAAIX NYUNGC KOU-NYIOUZ DUNGH LONGC NYEI MIENH JUIX DAAIH A’FAI BIEQC YOUTUBE, LEMH MEIH LONGC NYEI BUONC KOU-NYIOUZ; CAUX/FAI
7. TUIX GUANGC A’FAI MV MAAIH KOU-NYIOUZ BUN LONGC AQV.

NAAIV DEIX GOUV-MUEIC WAAC LIOUH ZOUX SOU DAAIH TOV TENGX, MV GUNV GORNGV ZOUX SOU DAAIH TOV TENGX NYEI BUONC SE MAAIH SOU-GOR BEU JUN NYEI FAI, ZOUX GONG SOU NYEI FAI, DORNGC LEIZ, A’FAI MAAIH DA’NYEIC DIUC LEIZ GUNV NYEI FAI.

YOUTUBE LAENGZ BEU JUNH YIETC ZUNGV AENGX CAUX SAENG-EIX GORN ZANGC DOIC ZOUX SOU DAAIH TOV DUNGH CUOTV SIC YIEM GORN ZANGC WUOV MV JIEX NDAANGC: (A) SOUX MOUC NYAANH DUNGH YOUTUBE CUOTV BUN MEIH LIOUH LONGC NAAIC NORM GORN ZANGC YIEM NJIEC 12 HLAAX NYIEQC NDAANGC TAUX HNOI-NYIEQC DUNGH DUQV ZIPV NAAIV ZEIV FIENX DAAIH MBUOX TAUX YOUTUBE HIUV GORNGV TAUX TOV NYAANH JAUV-LOUC; AENGX CAUX (B) USD $500.

Tipv zaeqv zoux zuqc wuaaic

Ziux doz-leiz nqoi nzuih bun nyei buonc gong, meih a’zuqc laengz goux longx, a’zuqc tipv zoux zuqc wuaaic nyei ga’naaiv aengx caux liuc leiz zorc YouTube, ninh mbuo gorn zangc juangc saeng-eix doic, jien jaa, liuc leiz dengv sic mienh, zoux gong nouh aengx caux div gong gorn zangc, yiem ninh mbuo aengx caux tov heuc tipv yietc zungv nyaanh, muoqv zuqc wuaaic, horpc zuqc jaauv, laaih zitc, laengz tipv, benx nyaanh a’fai benx zaeqv, aengx caux longc cuotv nyei buonc nyaanh (lemh jienv cingh leiz sai nyaanh) yiem njiec: (i) meih longc a’fai bieqc lorx yiem gorn zangc dorngx; (ii) meih zoux dorngc haaix deix lorqc doih sou-gorn waac; (iii) meih zoux dorngc leiz bun pien buix mienh, lemh jienv zoux dorngc beu saeng-eix leiz, zinh zoih, a’fai leiz beu buonh sin; a’fai (iv) maaih haaix deix kou-nyiouz wuaaic zuqc pien buix mienh.Naaiv zeiv sou-gorn waac aengx caux gorngv naeqc doic waac yiem njiec naaiv zeiv lorqc doih sou-gorn liouh tipv zaeqv yiem muoqv zuqc wuaaic wuov aengx caux bun meih longc naaiv norm gorn zangc gong.

Zatv borqv bieqc lorx pien buix mienh
Yiem naaiv norm gorn zangc gong se tengx borqv bieqc websites aengx caux nzie yiem online borqv bieqc lorx pien buix mienh dungh mv zeiz benx YouTube ziouv-jaa a’fai gunv goux nyei mienh.YouTube mv haih gunv mv zaaic, aengx caux laengz ziux goux mv taux websites aengx caux online nyei gong.A’zuqc hiuv gorngv haaix zanc meih tuix cuotv mv longc naaiv norm gorn zangc nyei gong nor; yie mbuo oix heuc meih doqc mangc nzoih paaiv-mengh waac aengx caux doz-leiz beu buonh sin jauv-louc bun pien buix mienh nyei website aengx caux online gorn zangc gong dungh meih bieqc mangc liuz wuov.

Gorngv taux naaiv zeiv lorqc doih daan

Tiuv yienc naaiv zeiv lorqc doih sou
Nzunc baav yie mbuo a’zuqc tiuv yienc naaiv zeiv lorqc doih sou, mangc guv yienh gorngv taux, (1) liouh tiuv yienc puix yie mbuo zoux nyei gong-bou a’fai ziux yie mbuo zoux saeng-eix jauv-louc - mangc guv yienh, haaix zanc yie mbuo tim ga’naaiv bieqc a’fai zoux gong siang-jauv-louc a’fai tiu lox nyei buonc guangc, (2) ziux doz-leiz gunv njiec nyei waac, gunv goux sic dauh gong, a’fai goux wuonv sic, a’fai (3) mbungh longx mv zoux dorngc sic a’fai wuaaic.

Beiv hnangv yie mbuo dorh naaiv zeiv lorqc doih sou tiuv yienc siang, yie mbuo a’zuqc jaa-nziouv douc fienx bun meih hiuv ndaangc aengx caux bun ziangh hoc meih doqc mangc tiuv yienc nyei waac, gec simv cuotv (1) haaix zanc yie mbuo zoux cuotv ga’naaiv a’fai zoux gong hoc dauh a’fai zoux gong siang-jauv-louc, a’fai (2) yiem jiepv sih bouc dauh, liouh mbungh goux zoux wuaaic sic nyei jauv a’fai zoux ei doz-leic paaiv njiec nyei buonc gong.Beiv hnangv meih mv doix dongh caux siang paaiv-mengh waac nor, meih horpc zuqc tiu kou-nyiouz guangc dungh meih upload wuov aengx caux donv dingh njiec mv longc naaiv norm gorn aqv.

Borqv nzipc naaiv zeiv lorqc doih sou
Se gorngv meih longc naaiv norm gorn zangc se setv mueix nor, yiem njiec ga’ndiev deix lorqc doih waac corc zuqc caux meih nzipc longc yiem zinh hoz: “Doz-leiz paaiv bun da’nyeic deix waac”, “Gorngv taux naaiv zeiv lorqc doih sou”, aengx caux nqoi nzuih meih nzipc longc yiem njiec “Bun bouc dauh ziangh hoc longc zoux gong”.

Siou nzuonx
Beiv hnangv maaih dorngx nyauv zuqc naaiv zeiv lorqc doih sou mv haih longc mingh aqv, naaiv mv maaih dorngx ging-dongx hoic zuqc da’nyeic deix waac.

Mv bun mbeu guangc
Beiv hnangv meih mv haih zoux ei naaiv zeiv lorqc doih sou nyei waac aengx caux yie mbuo mv duqv jiepv sih njiec buoz zoux gong, mv funx gorngv yie mbuo laengz guangc leiz bun (beiv hnangv maaih leiz beu bun zinh hoz zoux nyei gong).

Faan waac bun muangx

Gouv bouc soux waac, “zorpc jienv” a’fai “lemh nzoih” funx gorngv zeiz “lemh nzoih maiv daan mbuoqc naaiv waac,” aengx caux mangc guv yienh dungh yie mbuo liepc hnyouv zoux benx guv yienh bun mangc wuov.

Doz-leiz jienv haic
Yietc zungv sou daaiv tov yiem njiec a’fai gorngv taux naaiv deix bouc soux waac a’fai gong yaac zuqc ziux California doz-leiz gunv njiec, simv cuotv California nyei doz-leiz dungh gunv taux fih nzaeng nyei sic dungh a’zuqc bun guoqv zangc hungh jaa doz-leiz paaiv a’fai saengv zanc dingc leiz zaamc yiem Santa Clara nquenc, California, USA.Meih aengx caux YouTube a’zuqc laengz suei sic yiem naaic deix dingc leiz zaamc.

Maaih zoqc zanv gong liouh ei doz-leiz zoux nyei gong

MEIH AENGX CAUX YOUTUBE LAENGZ DOIX-DONGH WAAC GORNGV WUEIC MAAIX HA’NYUNGC JAUV-LOUC CUOTV SIC A’ZUQC ZOUX A’FAI WUEIC BENX ZUQC JIEX GORN TENGX ZIUX GONG YIEM NJIEC YIETC (1) HNYIANGX JIEX MINGH CINGX CUOTV SIC.MV ZEI NOR, WUEIC LAAIX ZOUX NAAIC DEIX YAAC ZUQC JIEM-GEC ZIANGH YIETC LIUZ AQV.

Effective as of December 15, 2023 (view previous version)