View the Terms of Service in other languages: հայերեն, ខ្មែរ, ��ارسی, ລາວ, Hmong, ium, Filipino, العربية, 中文（中国）, 中文（台灣）, हिन्दी, 日本語, 한국어, ਪੰਜਾਬੀ, Русский, Español (Latinoamérica), ไทย, Українська, Tiếng Việt, and English

ਸੇਵਾ ਦੇ ਨਿਯਮ

ਮਿਤੀ: 15 ਦਸੰਬਰ 2023

ਸੇਵਾ ਦੇ ਨਿਯਮ

YouTube ਵਿੱਚ ਜੀ ਆਇਆਂ ਨੂੰ!

ਜਾਣ-ਪਛਾਣ
YouTube ਪਲੇਟਫਾਰਮ ਨੂੰ ਵਰਤਣ ਲਈ ਅਤੇ ਸਾਡੇ ਵੱਲੋਂ ਇਸ ਪਲੇਟਫਾਰਮ ਦੇ ਹਿੱਸੇ ਵਜੋਂ ਤੁਹਾਨੂੰ ਉਪਲਬਧ ਕਰਵਾਏ ਜਾਣ ਵਾਲੇ ਉਤਪਾਦਾਂ, ਸੇਵਾਵਾਂ ਅਤੇ ਵਿਸ਼ੇਸ਼ਤਾਵਾਂ (ਸਮੁੱਚੇ ਤੌਰ 'ਤੇ, “ਸੇਵਾ”) ਨੂੰ ਵਰਤਣ ਵਾਸਤੇ ਤੁਹਾਡਾ ਧੰਨਵਾਦ।  

ਸਾਡੀ ਸੇਵਾ

ਸਾਡੀ ਸੇਵਾ ਤੁਹਾਨੂੰ ਵੀਡੀਓ ਅਤੇ ਹੋਰ ਸਮੱਗਰੀ ਨੂੰ ਲੱਭਣ, ਦੇਖਣ ਅਤੇ ਸਾਂਝਾ ਕਰਨ ਦਿੰਦੀ ਹੈ, ਲੋਕਾਂ ਨਾਲ ਕਨੈਕਟ ਕਰਨ ਲਈ ਫ਼ੋਰਮ ਮੁਹੱਈਆ ਕਰਵਾਉਂਦੀ ਹੈ, ਜਾਣਕਾਰੀ ਮੁਹੱਈਆ ਕਰਵਾਉਂਦੀ ਹੈ, ਦੁਨੀਆ ਵਿੱਚ ਹੋਰਾਂ ਨੂੰ ਪ੍ਰੇਰਿਤ ਕਰਦੀ ਹੈ ਅਤੇ ਵੱਡੇ ਪੱਧਰ ਅਤੇ ਛੋਟੇ ਪੱਧਰ ਦੇ ਮੂਲ ਸਮੱਗਰੀ ਬਣਾਉਣ ਵਾਲੇ ਰਚਨਾਕਾਰਾਂ ਅਤੇ ਵਿਗਿਆਪਨਦਾਤਾਵਾਂ ਲਈ ਵਿਤਰਕ ਪਲੇਟਫਾਰਮ ਵਜੋਂ ਕਾਰਜ ਕਰਦੀ ਹੈ। ਅਸੀਂ ਆਪਣੇ ਮਦਦ ਕੇਂਦਰ ਵਿੱਚ ਆਪਣੇ ਉਤਪਾਦਾਂ ਅਤੇ ਉਨ੍ਹਾਂ ਨੂੰ ਵਰਤਣ ਦੇ ਤਰੀਕਿਆਂ ਬਾਰੇ ਬਹੁਤ ਸਾਰੀ ਜਾਣਕਾਰੀ ਮੁਹੱਈਆ ਕਰਵਾਉਂਦੇ ਹਾਂ। ਹੋਰ ਚੀਜ਼ਾਂ ਤੋਂ ਇਲਾਵਾ, ਤੁਸੀਂYouTube Kids, YouTube ਪਾਰਟਨਰ ਪ੍ਰੋਗਰਾਮ ਅਤੇ YouTube ਭੁਗਤਾਨਸ਼ੁਦਾ ਮੈਂਬਰਸ਼ਿਪਾਂ ਅਤੇ ਖਰੀਦਾਂ (ਜਿੱਥੇ ਉਪਲਬਧ ਹੋਵੇ) ਬਾਰੇ ਜਾਣਕਾਰੀ ਲੱਭ ਸਕਦੇ ਹੋ। ਤੁਸੀਂ ਹੋਰ ਡੀਵਾਈਸਾਂ 'ਤੇ ਸਮੱਗਰੀ ਦਾ ਅਨੰਦ ਮਾਣਨ ਬਾਰੇ ਪੜ੍ਹ ਸਕਦੇ ਹੋ ਜਿਵੇਂ ਕਿ ਤੁਹਾਡਾ ਟੈਲੀਵਿਜ਼ਨ, ਤੁਹਾਡੇ ਗੇਮ ਕੰਸੋਲ, ਜਾਂGoogle Home।

ਤੁਹਾਡਾ ਸੇਵਾ ਪ੍ਰਦਾਨਕ

ਸੇਵਾ ਮੁਹੱਈਆ ਕਰਵਾਉਣ ਵਾਲੀ ਇਕਾਈ Google LLC ਹੈ, ਜੋ ਕਿ ਅਜਿਹੀ ਕੰਪਨੀ ਹੈ ਜੋ ਡੇਲਾਵੇਅਰ ਦੇ ਕਨੂੰਨਾਂ ਅਧੀਨ ਕੰਮ ਕਰ ਰਹੀ ਹੈ, ਇਹ 1600 Amphitheatre Parkway, Mountain View, CA 94043 (ਇਸਨੂੰ “YouTube”, “ਅਸੀਂ”, “ਸਾਨੂੰ”, ਜਾਂ “ਸਾਡੇ” ਦੇ ਨਾਮ ਨਾਲ ਜਾਣਿਆ ਜਾਂਦਾ ਹੈ) ਵਿਖੇ ਸਥਿਤ ਹੈ। ਇਨ੍ਹਾਂ ਨਿਯਮਾਂ ਵਿੱਚ YouTube ਦੇ “ਸਹਿਯੋਗੀਆਂ” ਦਾ ਮਤਲਬ Alphabet Inc. ਕਾਰਪੋਰੇਟ ਗਰੁੱਪ ਵਿਚਲੀਆਂ ਹੋਰ ਕੰਪਨੀਆਂ (ਮੌਜੂਦਾ ਜਾਂ ਭਵਿੱਖੀ) ਤੋਂ ਹੈ।

ਲਾਗੂ ਹੋਣ ਵਾਲੇ ਨਿਯਮ
ਸੇਵਾ ਦੀ ਤੁਹਾਡੀ ਵਰਤੋਂ ਇਨ੍ਹਾਂ ਨਿਯਮਾਂ ਦੇ ਅਧੀਨ ਹੁੰਦੀ ਹੈ, YouTube ਭਾਈਚਾਰਕ ਸੇਧਾਂ ਅਤੇਨੀਤੀ, ਸੁਰੱਖਿਆ ਅਤੇ ਕਾਪੀਰਾਈਟ ਨੀਤੀਆਂ ਜਿਨ੍ਹਾਂ ਨੂੰ ਸਮੇਂ-ਸਮੇਂ 'ਤੇ ਅੱਪਡੇਟ ਕੀਤਾ ਜਾ ਸਕਦਾ ਹੈ (ਇਨ੍ਹਾਂ ਸਾਰਿਆਂ ਨੂੰ ਮਿਲਾ ਕੇ, ਇਹ "ਇਕਰਾਰਨਾਮਾ")। ਜੇ ਤੁਸੀਂ ਸੇਵਾ 'ਤੇ ਵਿਗਿਆਪਨ ਜਾਂ ਸਪਾਂਸਰਸ਼ਿਪਾਂ ਮੁਹੱਈਆ ਕਰਵਾਉਂਦੇ ਹੋ ਜਾਂ ਆਪਣੀ ਸਮੱਗਰੀ ਵਿੱਚ ਭੁਗਤਾਨਸ਼ੁਦਾ ਪ੍ਰਚਾਰ ਸ਼ਾਮਲ ਕਰਦੇ ਹੋ, ਤਾਂ ਸਾਡੇ ਨਾਲ ਤੁਹਾਡੇ ਇਕਰਾਰਨਾਮੇ ਵਿੱਚ YouTube 'ਤੇ ਵਿਗਿਆਪਨ ਦਿਖਾਉਣ ਸੰਬੰਧੀ ਨੀਤੀਆਂ ਵੀ ਸ਼ਾਮਲ ਹੋਣਗੀਆਂ। ਇਨ੍ਹਾਂ ਨਿਯਮਾਂ ਵਿੱਚ ਮੁਹੱਈਆ ਕਰਵਾਏ ਜਾਣ ਵਾਲੇ ���ੋਰ ਲਿੰਕ ਜਾਂ ਹਵਾਲੇ ਸਿਰਫ਼ ਜਾਣਕਾਰੀ ਵਜੋਂ ਵਰਤਣ ਲਈ ਹੁੰਦੇ ਹਨ ਅਤੇ ਇਹ ਇਕਰਾਰਨਾਮੇ ਦਾ ਹਿੱਸਾ ਨਹੀਂ ਹੁੰਦੇ।

ਕਿਰਪਾ ਕਰਕੇ ਇਸ ਇਕਰਾਰਨਾਮੇ ਨੂੰ ਧਿਆਨ ਨਾਲ ਪੜ੍ਹੋ ਅਤੇ ਪੱਕਾ ਕਰੋ ਕਿ ਤੁਸੀਂ ਇਸਨੂੰ ਸਮਝਦੇ ਹੋ। ਜੇ ਤੁਹਾਨੂੰ ਇਕਰਾਰਨਾਮਾ ਸਮਝ ਵਿੱਚ ਨਹੀਂ ਆ ਰਿਹਾ ਜਾਂ ਤੁਸੀਂ ਇਸਦੇ ਕਿਸੇ ਹਿੱਸੇ ਨੂੰ ਸਵੀਕਾਰ ਨਹੀਂ ਕਰਦੇ, ਤਾਂ ਤੁਸੀਂ ਸੇਵਾ ਨੂੰ ਵਰਤ ਨਹੀਂ ਸਕਦੇ।

ਇਸ ਸੇਵਾ ਨੂੰ ਕੌਣ ਵਰਤ ਸਕਦਾ ਹੈ?

ਲੋੜੀਂਦੀ ਉਮਰ
ਇਸ ਸੇਵਾ ਨੂੰ ਵਰਤਣ ਲਈ ਤੁਹਾਡੀ ਉਮਰ ਘੱਟੋ-ਘੱਟ 13 ਸਾਲ ਹੋਣੀ ਚਾਹੀਦੀ ਹੈ; ਹਾਲਾਂਕਿ, ਮਾਂ-ਪਿਓ ਜਾਂ ਕਨੂੰਨੀ ਸਰਪ੍ਰਸਤ ਵੱਲੋਂ ਚਾਲੂ ਕੀਤੇ ਹੋਣ 'ਤੇ, ਹਰੇਕ ਉਮਰ ਦੇ ਬੱਚੇ, ਸੇਵਾ ਅਤੇ YouTube Kids (ਜਿੱਥੇ ਲਾਗੂ ਹੋਵੇ) ਨੂੰ ਵਰਤ ਸਕਦੇ ਹਨ।

ਮਾਂ-ਪਿਓ ਜਾਂ ਸਰਪ੍ਰਸਤ ਦੀ ਇਜਾਜ਼ਤ

ਜੇ ਤੁਹਾਡੀ ਉਮਰ 18 ਸਾਲ ਤੋਂ ਘੱਟ ਹੈ, ਤਾਂ ਤੁਸੀਂ ਇਹ ਦਰਸਾਉਂਦੇ ਹੋ ਕਿ ਸੇਵਾ ਨੂੰ ਵਰਤਣ ਲਈ ਤੁਹਾਡੇ ਕੋਲ ਤੁਹਾਡੇ ਮਾਂ-ਪਿਓ ਜਾਂ ਸਰਪ੍ਰਸਤ ਦੀ ਇਜਾਜ਼ਤ ਹੈ। ਉਨ੍ਹਾਂ ਨੂੰ ਆਪਣੇ ਨਾਲ ਮਿਲ ਕੇ ਇਸ ਇਕਰਾਰਨਾਮੇ ਨੂੰ ਪੜ੍ਹਨ ਲਈ ਕਹੋ।

ਜੇ ਤੁਸੀਂ ਅਜਿਹੇ ਵਰਤੋਂਕਾਰ ਦੇ ਮਾਂ-ਪਿਓ ਜਾਂ ਕਨੂੰਨੀ ਸਰਪ੍ਰਸਤ ਹੋ, ਜਿਸਦੀ ਉਮਰ 18 ਸਾਲ ਤੋਂ ਘੱਟ ਹੈ, ਤਾਂ ਆਪਣੇ ਬੱਚੇ ਨੂੰ ਸੇਵਾ ਵਰਤਣ ਦੀ ਆਗਿਆ ਦੇ ਕੇ, ਤੁਸੀਂ ਇਸ ਇਕਰਾਰਨਾਮੇ ਦੇ ਨਿਯਮਾਂ ਦੇ ਅਧੀਨ ਆਉਂਦੇ ਹੋ ਅਤੇ ਤੁਹਾਡੇ ਬੱਚੇ ਵੱਲੋਂ ਸੇਵਾ 'ਤੇ ਕੀਤੀ ਜਾਣ ਵਾਲੀ ਕਿਸੇ ਵੀ ਸਰਗਰਮੀ ਲਈ ਤੁਸੀਂ ਜ਼ਿੰਮੇਵਾਰ ਹੁੰਦੇ ਹੋ। ਤੁਸੀਂ ਮਦਦ ਕੇਂਦਰ ਅਤੇ Google ਦੇ Family Link ਵਿੱਚ ਜਾ ਕੇ YouTube 'ਤੇ ਆਪਣੇ ਪਰਿਵਾਰ ਦੇ ਅਨੁਭਵ ਦਾ ਪ੍ਰਬੰਧਨ ਕਰਨ ਵਿੱਚ ਮਦਦ ਲਈ ਟੂਲ ਅਤੇ ਸਰੋਤ ਲੱਭ ਸਕਦੇ ਹੋ (ਜਿਸ ਵਿੱਚ 13 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਲਈ ਸੇਵਾ ਅਤੇ YouTube Kids ਨੂੰ ਵਰਤੋਂਯੋਗ ਬਣਾਉਣ ਦਾ ਤਰੀਕਾ ਸ਼ਾਮਲ ਹੈ)।

ਕਾਰੋਬਾਰ
ਜੇ ਤੁਸੀਂ ਸੇਵਾ ਨੂੰ ਕਿਸੇ ਕੰਪਨੀ ਜਾਂ ਸੰਸਥਾ ਦੀ ਤਰਫ਼ੋਂ ਵਰਤ ਰਹੇ ਹੋ, ਤਾਂ ਤੁਸੀਂ ਇਹ ਦਰਸਾਉਂਦੇ ਹੋ ਕਿ ਤੁਹਾਡੇ ਕੋਲ ਉਸ ਇਕਾਈ ਦੀ ਤਰਫ਼ੋਂ ਕਾਰਵਾਈ ਕਰਨ ਦਾ ਅਧਿਕਾਰ ਹੈ ਅਤੇ ਉਹ ਇਕਾਈ ਇਸ ਇਕਰਾਰਨਾਮੇ ਨੂੰ ਸਵੀਕਾਰ ਕਰਦੀ ਹੈ।

ਸੇਵਾ ਦੀ ਤੁਹਾਡੀ ਵਰਤੋਂ

ਸਾਡੀ ਸੇਵਾ 'ਤੇ ਮੌਜੂਦ ਸਮੱਗਰੀ
ਸੇਵਾ 'ਤੇ ਮੌਜੂਦ ਸਮੱਗਰੀ ਵਿੱਚ ਵੀਡੀਓ, ਆਡੀਓ (ਉਦਾਹਰਨ ਲਈ ਸੰਗੀਤ ਅਤੇ ਹੋਰ ਅਵਾਜ਼ਾਂ), ਗ੍ਰਾਫ਼ਿਕ, ਫ਼ੋਟੋਆਂ, ਲਿਖਤਾਂ (ਜਿਵੇਂ ਕਿ ਟਿੱਪਣੀਆਂ ਅਤੇ ਸਕ੍ਰਿਪਟਾਂ), ਬ੍ਰਾਂਡਿੰਗ (ਜਿਸ ਵਿੱਚ ਵਪਾਰਕ ਨਾਮ, ਟ੍ਰੇਡਮਾਰਕ, ਸੇਵਾ ਨਿਸ਼ਾਨ ਜਾਂ ਲੋਗੋ ਸ਼ਾਮਲ ਹਨ), ਅੰਤਰਕਿਰਿਆਤਮਕ ਵਿਸ਼ੇਸ਼ਤਾਵਾਂ, ਸਾਫ਼ਟਵੇਅਰ, ਮਾਪਕ ਅਤੇ ਹੋਰ ਸਮੱਗਰੀਆਂ ਜਿਸਨੂੰ ਜਾਂ ਤਾਂ ਤੁਹਾਡੇ ਵੱਲੋਂ, YouTube ਜਾਂ ਤੀਜੀ-ਧਿਰ ਵੱਲੋਂ ਮੁਹੱਈਆ ਕਰਵਾਇਆ ਜਾਂਦਾ ਹੈ (ਸਮੁੱਚੇ ਤੌਰ 'ਤੇ "ਸਮੱਗਰੀ”) ਸ਼ਾਮਲ ਹਨ।

ਸਮੱਗਰੀ ਦੀ ਜ਼ਿੰਮੇਵਾਰੀ ਉਸ ਵਿਅਕਤੀ ਜਾਂ ਇਕਾਈ ਦੀ ਹੁੰਦੀ ਹੈ ਜੋ ਇਹ ਸਮੱਗਰੀ ਸੇਵਾ ਨੂੰ ਮੁਹੱਈਆ ਕਰਵਾਉਂਦੇ ਹਨ। ਸਮੱਗਰੀ ਨੂੰ ਹੋਸਟ ਕਰਨ ਜਾਂ ਉਸਨੂੰ ਦਿਖਾਉਣ ਲਈ YouTube ਜ਼ਿੰਮੇਵਾਰ ਨਹੀਂ ਹੈ। ਜੇ ਤੁਹਾਨੂੰ ਕੋਈ ਅਜਿਹੀ ਸਮੱਗਰੀ ਦਿਖਾਈ ਦਿੰਦੀ ਹੈ ਜਿਸ ਬਾਰੇ ਤੁਹਾਨੂੰ ਲੱਗਦਾ ਹੈ ਕਿ ਉਹ ਇਸ ਇਕਰਾਰਨਾਮੇ ਦੀ ਪਾਲਣਾ ਨਹੀਂ ਕਰਦੀ, ਜਿਸ ਵਿੱਚ ਭਾਈਚਾਰਕ ਸੇਧਾਂ ਜਾਂ ਕਨੂੰਨ ਦੀ ਉਲੰਘਣਾ ਕਰਨਾ ਸ਼ਾਮਲ ਹੈ, ਤਾਂ ਤੁਸੀਂ ਸਾਨੂੰ ਇਸਦੀ ਰਿਪੋਰਟ ਕਰ ਸਕਦੇ ਹੋ।

Google ਖਾਤੇ ਅਤੇ YouTube ਚੈਨਲ
ਤੁਸੀਂGoogle ਖਾਤੇ ਤੋਂ ਬਿਨਾਂ ਸੇਵਾ ਦੇ ਕੁਝ ਹਿੱਸਿਆਂ ਨੂੰ ਵਰਤ ਸਕਦੇ ਹੋ, ਜਿਵੇਂ ਕਿ ਸਮੱਗਰੀ ਨੂੰ ਬ੍ਰਾਊਜ਼ ਕਰਨਾ ਅਤੇ ਉਸਨੂੰ ਖੋਜਣਾ। ਹਾਲਾਂਕਿ, ਕੁਝ ਵਿਸ਼ੇਸ਼ਤਾਵਾਂ ਨੂੰ ਵਰਤਣ ਲਈ ਤੁਹਾਨੂੰ Google ਖਾਤੇ ਦੀ ਲੋੜ ਹੁੰਦੀ ਹੈ। Google ਖਾਤੇ ਦੇ ਨਾਲ, ਤੁਸੀਂ ਵੀਡੀਓ ਨੂੰ ਪਸੰਦ ਕਰ ਸਕਦੇ ਹੋ, ਚੈਨਲਾਂ ਨੂੰ ਸਬਸਕ੍ਰਾਈਬ ਕਰ ਸਕਦੇ ਹੋ, ਆਪਣਾ ਖੁਦ ਦਾ YouTube ਚੈਨਲ ਬਣਾ ਸਕਦੇ ਹੋ ਅਤੇ ਹੋਰ ਬਹੁਤ ਕੁਝ ਕਰ ਸਕਦੇ ਹੋ। ਤੁਸੀਂ Google ਖਾਤਾ ਬਣਾਉਣ ਲਈ ਇਨ੍ਹਾਂ ਹਿਦਾਇਤਾਂ ਦੀ ਪਾਲਣਾ ਕਰ ਸਕਦੇ ਹੋ।

YouTube ਚੈਨਲ ਬਣਾਉਣ ਨਾਲ ਤੁਹਾਨੂੰ ਵਧੀਕ ਵਿਸ਼ੇਸ਼ਤਾਵਾਂ ਅਤੇ ਫੰਕਸ਼ਨਾਂ ਤੱਕ ਪਹੁੰਚ ਮਿਲੇਗੀ, ਜਿਵੇਂ ਕਿ ਵੀਡੀਓ ਅੱਪਲੋਡ ਕਰਨਾ, ਟਿੱਪਣੀਆਂ ਕਰਨਾ ਜਾਂ ਪਲੇਲਿਸਟਾਂ ਬਣਾਉਣਾ (ਜਿੱਥੇ ਵੀ ਉਪਲਬਧ ਹੋਵੇ)। ਆਪਣਾ ਖੁਦ ਦਾ YouTube ਚੈਨਲ ਬਣਾਉਣ ਦੇ ਤਰੀਕੇ ਸੰਬੰਧੀ ਇਹ ਰਹੇ ਕੁਝ ਵੇਰਵੇ।

ਆਪਣੇ Google ਖਾਤੇ ਨੂੰ ਸੁਰੱਖਿਅਤ ਰੱਖਣ ਲਈ, ਆਪਣੇ ਪਾਸਵਰਡ ਨੂੰ ਗੁਪਤ ਰੱਖੋ। ਤੁਹਾਨੂੰ ਆਪਣੇ Google ਖਾਤੇ ਦਾ ਪਾਸਵਰਡ ਤੀਜੀ-ਧਿਰ ਦੀਆਂ ਐਪਲੀਕੇਸ਼ਨਾਂ 'ਤੇ ਨਹੀਂ ਵਰਤਣਾ ਚਾਹੀਦਾ। ਆਪਣੇ Google ਖਾਤੇ ਨੂੰ ਸੁਰੱਖਿਅਤ ਰੱਖਣ ਦੇ ਤਰੀਕੇ ਬਾਰੇ ਹੋਰ ਜਾਣੋ, ਜਿਸ ਵਿੱਚ ਇਹ ਚੀਜ਼ ਵੀ ਸ਼ਾਮਲ ਹੈ ਕਿ ਤੁਹਾਡੇ ਪਾਸਵਰਡ ਜਾਂ Google ਖਾਤੇ ਦੀ ਕਿਸੇ ਅਣਅਧਿਕਾਰਿਤ ਵਰਤੋਂ ਬਾਰੇ ਪਤਾ ਲੱਗਣ 'ਤੇ ਕੀ ਕਰਨਾ ਚਾਹੀਦਾ ਹੈ।

ਤੁਹਾਡੀ ਜਾਣਕਾਰੀ
ਸਾਡੀਪਰਦੇਦਾਰੀ ਨੀਤੀ ਇਸ ਗੱਲ ਦੀ ਵਿਆਖਿਆ ਕਰਦੀ ਹੈ ਕਿ ਤੁਹਾਡੇ ਵੱਲੋਂ ਸਾਡੀ ਸੇਵਾ ਦੀ ਵਰਤੋਂ ਕਰਨ ਵੇਲੇ ਅਸੀਂ ਤੁਹਾਡੇ ਨਿੱਜੀ ਡਾਟੇ ਨੂੰ ਕਿਵੇਂ ਵਰਤਦੇ ਹਾਂ ਅਤੇ ਤੁਹਾਡੀ ਪਰਦੇਦਾਰੀ ਨੂੰ ਕਿਵੇਂ ਸੁਰੱਖਿਅਤ ਰੱਖਦੇ ਹਾਂ। YouTube Kids ਪਰਦੇਦਾਰੀ ਨੋਟਿਸ ਸਾਡੇ ਉਨ੍ਹਾਂ ਪਰਦੇਦਾਰੀ ਵਿਹਾਰਾਂ ਬਾਰੇ ਵਧੀਕ ਜਾਣਕਾਰੀ ਮੁਹੱਈਆ ਕਰਵਾਉਂਦਾ ਹੈ ਜੋ ਕਿ ਖਾਸ ਤੌਰ 'ਤੇ YouTube Kids ਲਈ ਹੁੰਦੇ ਹਨ।

ਅਸੀਂ ਤੁਹਾਡੇ ਵੱਲੋਂ ਸੇਵਾ 'ਤੇ ਅੱਪਲੋਡ ਕੀਤੀ ਜਾਣ ਵਾਲੀ ਕਿਸੇ ਵੀ ਤਰ੍ਹਾਂ ਦੀ ਆਡੀਓ ਜਾਂ ਆਡੀਓ-ਦ੍ਰਿਸ਼ ਸਮੱਗਰੀ 'ਤੇ YouTube ਡਾਟਾ ਪ੍ਰਕਿਰਿਆ ਦੇ ਨਿਯਮਾਂ ਦੇ ਮੁਤਾਬਕ ਪ੍ਰਕਿਰਿਆ ਕਰਾਂਗੇ। ਇਨ੍ਹਾਂ ਵਿੱਚ ਉਹ ਮਾਮਲੇ ਸ਼ਾਮਲ ਨਹੀਂ ਹਨ, ਜਿੱਥੇ ਤੁਸੀਂ ਇਸ ਤਰ੍ਹਾਂ ਦੀ ਸਮੱਗਰੀ ਦੀ ਵਰਤੋਂ ਨਿੱਜੀ ਉਦੇਸ਼ਾਂ ਜਾਂ ਪਰਿਵਾਰਕ ਸਰਗਰਮੀਆਂ ਲਈ ਕਰਦੇ ਹੋ। ਹੋਰ ਜਾਣੋ।

ਇਜਾਜ਼ਤਾਂ ਅਤੇ ਪਾਬੰਦੀਆਂ
ਤੁਸੀਂ ਤੁਹਾਨੂੰ ਉਪਲਬਧ ਕਰਵਾਈ ਗਈ ਸੇਵਾ ਨੂੰ ਸਿਰਫ਼ ਉਦੋਂ ਤੱਕ ਹੀ ਪਹੁੰਚ ਅਤੇ ਵਰਤ ਸਕਦੇ ਹੋ, ਜਦੋਂ ਤੱਕ ਤੁਸੀਂ ਇਸ ਇਕਰਾਰਨਾਮੇ ਅਤੇ ਲਾਗੂ ਹੋਣ ਵਾਲੇ ਕਨੂੰਨਾਂ ਦੀ ਪਾਲਣਾ ਕਰਦੇ ਹੋ। ਤੁਸੀਂ ਆਪਣੀ ਨਿੱਜੀ, ਗੈਰ-ਵਪਾਰਕ ਵਰਤੋਂ ਲਈ ਸਮੱਗਰੀ ਨੂੰ ਦੇਖ ਜਾਂ ਸੁਣ ਸਕਦੇ ਹੋ। ਤੁਸੀਂ ਪਰੋਨਯੋਗ YouTube ਪਲੇਅਰ ਰਾਹੀਂ ਵੀ YouTube ਵੀਡੀਓ ਦਿਖਾ ਸਕਦੇ ਹੋ।

ਸੇਵਾ ਦੀ ਤੁਹਾਡੀ ਵਰਤੋਂ 'ਤੇ ਅੱਗੇ ਦਿੱਤੀਆਂ ਪਾਬੰਦੀਆਂ ਲਾਗੂ ਹੁੰਦੀਆਂ ਹਨ। ਤੁਹਾਨੂੰ ਇਹ ਕਰਨ ਦੀ ਆਗਿਆ ਨਹੀਂ ਹੈ:

1. ਸੇਵਾ ਦੇ ਕਿਸੇ ਵੀ ਹਿੱਸੇ ਜਾਂ ਕਿਸੇ ਵੀ ਸਮੱਗਰੀ ਤੱਕ ਪਹੁੰਚ ਕਰਨਾ, ਦੁਬਾਰਾ ਬਣਾਉਣਾ, ਡਾਊਨਲੋਡ ਕਰਨਾ, ਵੰਡਣਾ, ਸੰਚਾਰ ਕਰਨਾ, ਪ੍ਰਸਾਰਨ ਕਰਨਾ, ਦਿਖਾਉਣਾ, ਵੇਚਣਾ, ਲਾਇਸੰਸ ਦੇਣਾ, ਤਬਦੀਲੀ ਕਰਨਾ, ਸੋਧ ਕਰਨਾ। ਅੱਗੇ ਦਿੱਤੇ ਮਾਮਲਿਆਂ ਵਿੱਚ ਆਗਿਆ ਸਿਰਫ਼ ਉਦੋਂ ਦਿੱਤੀ ਜਾਂਦੀ ਹੈ, ਜਦੋਂ ਤੁਹਾਨੂੰ: (a) ਸਪਸ਼ਟ ਤੌਰ 'ਤੇ ਸੇਵਾ ਵੱਲੋਂ ਅਧਿਕਾਰ ਦਿੱਤਾ ਗਿਆ ਹੋਵੇ; ਜਾਂ (b) YouTube ਵੱਲੋਂ ਅਤੇ, ਜੇ ਲਾਗੂ ਹੋਵੇ, ਸੰਬੰਧਿਤ ਅਧਿਕਾਰ ਧਾਰਕਾਂ ਤੋਂ ਪਹਿਲਾਂ ਤੋਂ ਲਿਖਤੀ ਤੌਰ 'ਤੇ ਇਜਾਜ਼ਤ ਮਿਲੀ ਹੋਵੇ;
2. ਭਰਮਾਉਣਾ, ਬੰਦ ਕਰਨਾ, ਧੋਖਾਧੜੀ ਵਿੱਚ ਸ਼ਾਮਲ ਹੋਣਾ ਜਾਂ ਸੇਵਾ ਦੇ ਕਿਸੇ ਵੀ ਹਿੱਸੇ ਵਿੱਚ ਦਖਲ ਦੇਣਾ (ਜਾਂ ਇਨ੍ਹਾਂ ਵਿੱਚੋਂ ਕਿਸੇ ਵੀ ਚੀਜ਼ ਨੂੰ ਕਰਨ ਦੀ ਕੋਸ਼ਿਸ਼ ਕਰਨਾ), ਜਿਸ ਵਿੱਚ ਸੁਰੱਖਿਆ ਸੰਬੰਧੀ ਵਿਸ਼ੇਸ਼ਤਾਵਾਂ ਜਾਂ ਅਜਿਹੀਆਂ ਵਿਸ਼ੇਸ਼ਤਾਵਾਂ ਸ਼ਾਮਲ ਹੁੰਦੀਆਂ ਹਨ ਜੋ (a) ਸਮੱਗਰੀ ਨੂੰ ਕਾਪੀ ਕਰਨ ਜਾਂ ਉਸਦੀ ਹੋਰ ਵਰਤੋਂ ਤੋਂ ਰੋਕਦੀਆਂ ਹਨ ਜਾਂ ਉਸਨੂੰ ਪ੍ਰਤਿਬੰਧਿਤ ਕਰਦੀਆਂ ਹਨ ਜਾਂ (b) ਸੇਵਾ ਜਾਂ ਸਮੱਗਰੀ ਦੀ ਵਰਤੋਂ ਨੂੰ ਸੀਮਤ ਕਰਦੀਆਂ ਹਨ;
3. ਕਿਸੇ ਸਵੈਚਲਿਤ ਸਾਧਨ (ਜਿਵੇਂ ਕਿ ਰੋਬੋਟ, ਬੋਟਨੈੱਟ ਜਾਂ ਸਕ੍ਰੈਪਰ) ਨਾਲ ਸੇਵਾ ਤੱਕ ਪਹੁੰਚ ਕਰਨਾ, ਬਸ ਉਨ੍ਹਾਂ ਮਾਮਲਿਆਂ ਨੂੰ ਛੱਡ ਕੇ ਜਿਨ੍ਹਾਂ ਵਿੱਚ (a) ਜਨਤਕ ਖੋਜ ਇੰਜਣਾਂ ਤੱਕ YouTube ਦੀ robots.txt ਫ਼ਾਈਲ ਦੇ ਮੁਤਾਬਕ ਪਹੁੰਚ ਕੀਤੀ ਜਾਂਦੀ ਹੋਵੇ; ਜਾਂ (b) YouTube ਤੋਂ ਪਹਿਲਾਂ ਤੋਂ ਲਿਖਤੀ ਤੌਰ 'ਤੇ ਇਜਾਜ਼ਤ ਮਿਲੀ ਹੋਵੇ;
4. ਕਿਸੇ ਅਜਿਹੀ ਜਾਣਕਾਰੀ ਨੂੰ ਇਕੱਤਰ ਕਰਨਾ ਜਾਂ ਕੱਢਣਾ ਜਿਸ ਨਾਲ ਕਿਸੇ ਵਿਅਕਤੀ ਦੀ ਪਛਾਣ ਹੋ ਸਕੇ (ਉਦਾਹਰਨ ਲਈ, ਵਰਤੋਂਕਾਰ ਨਾਮ ਜਾਂ ਚਿਹਰੇ), ਜਦੋਂ ਤੱਕ ਇਸ ਬਾਰੇ ਉਸ ਵਿਅਕਤੀ ਤੋਂ ਇਜਾਜ਼ਤ ਨਾ ਲਈ ਗਈ ਹੋਵੇ ਜਾਂ ਉੱਪਰ ਦਿੱਤੇ ਸੈਕਸ਼ਨ (3) ਮੁਤਾਬਕ ਆਗਿਆ ਨਾ ਦਿੱਤੀ ਗਈ ਹੋਵੇ;
5. ਬੇਲੋੜੀ ਪ੍ਰਚਾਰਕ ਜਾਂ ਵਪਾਰਕ ਸਮੱਗਰੀ ਵੰਡਣ ਲਈ ਜਾਂ ਅਣਚਾਹੀਆਂ ਜਾਂ ਵੱਡੇ ਪੱਧਰ 'ਤੇ ਹੋਰ ਲੁਭਾਉਣ ਵਾਲੀਆਂ ਬੇਨਤੀਆਂ ਲਈ ਸੇਵਾ ਦੀ ਵਰਤੋਂ ਕਰਨਾ;
6. ਸੇਵਾ ਸੰਬੰਧੀ ਅਸਲ ਵਰਤੋਂਕਾਰ ਰੁਝੇਵਿਆਂ ਵਿੱਚ ਗੜਬੜ ਕਰਨਾ ਜਾਂ ਅਜਿਹਾ ਕਰਨ ਲਈ ਉਤਾਸ਼ਹਿਤ ਕਰਨਾ, ਜਿਸ ਵਿੱਚ ਕਿਸੇ ਵੀਡੀਓ ਨੂੰ ਦੇਖੇ ਜਾਣ ਦੀ ਗਿਣਤੀ, ਪਸੰਦਾਂ ਜਾਂ ਨਾਪਸੰਦਾਂ ਜਾਂ ਕਿਸੇ ਚੈਨਲ ਦੇ ਸਬਸਕ੍ਰਾਈਬਰ ਵਧਾਉਣ ਲਈ ਲੋਕਾਂ ਨੂੰ ਭੁਗਤਾਨ ਕਰਨਾ ਜਾਂ ਉਨ੍ਹਾਂ ਨੂੰ ਕੋਈ ਲਾਭ ਦੇਣਾ ਜਾਂ ਮਾਪਕਾਂ ਨਾਲ ਕਿਸੇ ਤਰ੍ਹਾਂ ਦੀ ਛੇੜਛਾੜ ਕਰਨਾ ਸ਼ਾਮਲ ਹੈ;
7. ਰਿਪੋਰਟਿੰਗ, ਫਲੈਗਿੰਗ, ਸ਼ਿਕਾਇਤ, ਵਿਵਾਦ ਜਾਂ ਅਪੀਲ ਪ੍ਰਕਿਰਿਆ ਦੀ ਗਲਤ ਵਰਤੋਂ, ਜਿਸ ਵਿੱਚ ਬੇਬੁਨਿਆਦ, ਖਿਝਾਉਣ ਵਾਲੀਆਂ ਜਾਂ ਨਿਰਾਰਥਕ ਸ਼ਿਕਾਇਤਾਂ ਸਪੁਰਦ ਕਰਨਾ ਸ਼ਾਮਲ ਹੈ;
8. ਸੇਵਾ '��ੇ ਜਾਂ ਸੇਵਾ ਰਾਹੀਂ ਅਜਿਹੇ ਮੁਕਾਬਲੇ ਕਰਵਾਉਣਾ ਜੋ YouTube ਦੀਆਂ ਮੁਕਾਬਲੇ ਸੰਬੰਧੀ ਨੀਤੀਆਂ ਅਤੇ ਸੇਧਾਂ ਦੀ ਪਾਲਣਾ ਨਹੀਂ ਕਰਦੇ;
9. ਨਿੱਜੀ, ਗੈਰ-ਵਪਾਰਕ ਵਰਤੋਂ ਤੋਂ ਬਿਨਾਂ ਸਮੱਗਰੀ ਨੂੰ ਦੇਖਣ ਜਾਂ ਸੁਣਨ ਲਈ ਸੇਵਾ ਨੂੰ ਵਰਤਣਾ (ਉਦਾਹਰਨ ਲਈ, ਤੁਸੀਂ ਸੇਵਾ ਤੋਂ ਜਨਤਕ ਤੌਰ 'ਤੇ ਵੀਡੀਓ ਨਹੀਂ ਦਿਖਾ ਸਕਦੇ ਜਾਂ ਸੰਗੀਤ ਨੂੰ ਸਟ੍ਰੀਮ ਨਹੀਂ ਕਰ ਸਕਦੇ); ਜਾਂ
10. ਸੇਵਾ ਦੀ ਵਰਤੋਂ (a) ਸੇਵਾ ਜਾਂ ਸਮੱਗਰੀ 'ਤੇ, ਉਸਦੇ ਆਲੇ-ਦੁਆਲੇ ਜਾਂ ਉਸਦੇ ਵਿੱਚ ਵਿਗਿਆਨ ਦਿਖਾਉਣ, ਸਪਾਂਸਰਸ਼ਿਪਾਂ ਜਾਂ ਪ੍ਰਚਾਰਾਂ ਨੂੰ ਵੇਚਣ ਲਈ ਕਰਨਾ, ਜਦੋਂ ਤੱਕ ਉਨ੍ਹਾਂ ਦੀ YouTube 'ਤੇ ਵਿਗਿਆਪਨ ਦਿਖਾਉਣ ਦੀਆਂ ਨੀਤੀਆਂ (ਜਿਵੇਂ ਕਿ ਉਤਪਾਦ ਪਲੇਸਮੈਂਟਾਂ ਦੀ ਪਾਲਣਾ ਕਰਨਾ) ਮੁਤਾਬਕ ਆਗਿਆ ਨਾ ਦਿੱਤੀ ਗਈ ਹੋਵੇ; ਜਾਂ (b) ਕਿਸੇ ਵੀ ਅਜਿਹੀ ਵੈੱਬਸਾਈਟ ਜਾਂ ਐਪਲੀਕੇਸ਼ਨ ਦੇ ਪੰਨੇ 'ਤੇ ਵਿਗਿਆਪਨ ਦਿਖਾਉਣਾ, ਸਪਾਂਸਰਸ਼ਿਪਾਂ ਜਾਂ ਪ੍ਰਚਾਰਾਂ ਨੂੰ ਵੇਚਣਾ, ਜਿੱਥੇ ਸੇਵਾ ਦੀ ਸਮੱਗਰੀ ਸ਼ਾਮਲ ਹੋਵੇ ਜਾਂ ਜਿੱਥੇ ਇਸ ਸਮੱਗਰੀ ਨੂੰ ਮੁੱਖ ਤੌਰ 'ਤੇ ਆਧਾਰ ਬਣਾ ਕੇ ਅਜਿਹਾ ਕੀਤਾ ਗਿਆ ਹੋਵੇ (ਉਦਾਹਰਨ ਲਈ ਅਜਿਹੇ ਵੈੱਬਪੰਨੇ 'ਤੇ ਵਿਗਿਆਪਨ ਦਿਖਾਉਣਾ, ਜਿੱਥੇ YouTube ਵੀਡੀਓ ਦੇਖਣਾ ਵਰਤੋਂਕਾਰਾਂ ਦਾ ਮੁੱਖ ਮਕਸਦ ਹੋਵੇ)।

ਰਾਖਵਾਂਕਰਨ

ਸੇਵਾ ਨੂੰ ਵਰਤਣ ਨਾਲ ਤੁਹਾਨੂੰ ਸੇਵਾ ਦੀ ਮਲਕੀਅਤ ਜਾਂ ਇਸਦੇ ਕਿਸੇ ਵੀ ਹਿੱਸੇ ਦੇ ਅਧਿਕਾਰ ਨਹੀਂ ਮਿਲ ਜਾਂਦੇ। ਇਸ ਵਿੱਚ ਵਰਤੋਂਕਾਰ ਨਾਮ ਜਾਂ ਦੂਜਿਆਂ ਵੱਲੋਂ ਪੋਸਟ ਕੀਤੀ ਜਾਣ ਵਾਲੀ ਸਮੱਗਰੀ ਸ਼ਾਮਲ ਹੈ।

ਸੇਵਾ ਦਾ ਵਿਕਾਸ ਕਰਨਾ, ਉਸਨੂੰ ਬਿਹਤਰ ਬਣਾਉਣਾ ਅਤੇ ਅੱਪਡੇਟ ਕਰਨਾ

YouTube ਲਗਾਤਾਰ ਸੇਵਾ ਵਿੱਚ ਤਬਦੀਲੀ ਕਰ ਰਿਹਾ ਹੈ ਅਤੇ ਉਸ ਵਿੱਚ ਸੁਧਾਰ ਕਰ ਰਿਹਾ ਹੈ। ਇਸ ਵਿੱਚ ਲਗਾਤਾਰ ਸੁਧਾਰ ਕਰਨ ਦੇ ਹਿੱਸੇ ਵਜੋਂ, ਅਸੀਂ ਇਸ ਵਿੱਚ ਸੋਧਾਂ ਜਾਂ ਤਬਦੀਲੀਆਂ (ਸੇਵਾ ਦੇ ਸਾਰੇ ਜਾਂ ਕੁਝ ਹਿੱਸਿਆਂ ਵਿੱਚ) ਕਰ ਸਕਦੇ ਹਾਂ, ਜਿਵੇਂ ਕਿ, ਵਿਸ਼ੇਸ਼ਤਾਵਾਂ ਅਤੇ ਪ੍ਰਕਾਰਜਾਤਮਕਤਾਵਾਂ ਨੂੰ ਸ਼ਾਮਲ ਕਰਨਾ ਜਾਂ ਹਟਾਉਣਾ, ਨਵੀਂ ਡਿਜੀਟਲ ਸਮੱਗਰੀ ਜਾਂ ਸੇਵਾਵਾਂ ਦੀ ਪੇਸ਼ਕਸ਼ ਕਰਨਾ ਜਾਂ ਪੁਰਾਣੀਆਂ ਨੂੰ ਬੰਦ ਕਰਨਾ। ਸਾਨੂੰ ਸੇਵਾ ਜਾਂ ਇਸਦੇ ਕਿਸੇ ਵੀ ਹਿੱਸੇ ਵਿੱਚ ਤਬਦੀਲੀ ਜਾਂ ਉਸਨੂੰ ਬੰਦ ਕਰਨ ਦੀ ਲੋੜ ਪੈ ਸਕਦੀ ਹੈ, ਤਾਂ ਜੋ ਕਾਰਗੁਜ਼ਾਰੀ ਜਾਂ ਸੁਰੱਖਿਆ ਸੰਬੰਧੀ ਸੁਧਾਰ ਕੀਤੇ ਜਾ ਸਕਣ, ਕਨੂੰਨ ਦੀ ਪਾਲਣਾ ਕਰਨ ਲਈ ਉਸ ਮੁਤਾਬਕ ਤਬਦੀਲੀਆਂ ਕੀਤੀਆਂ ਜਾ ਸਕਣ ਜਾਂ ਸਾਡੇ ਸਿਸਟਮਾਂ ਨੂੰ ਗੈਰ-ਕਨੂੰਨੀ ਸਰਗਰਮੀਆਂ ਜਾਂ ਦੁਰਵਰਤੋਂ ਤੋਂ ਬਚਾਇਆ ਜਾ ਸਕੇ। ਇਨ੍ਹਾਂ ਤਬਦੀਲੀਆਂ ਨਾਲ ਸਾਰੇ ਵਰਤੋਂਕਾਰਾਂ, ਕੁਝ ਵਰਤੋਂਕਾਰਾਂ ਜਾਂ ਇੱਥੋਂ ਤੱਕ ਕਿ ਵਿਅਕਤੀਗਤ ਵਰਤੋਂਕਾਰ 'ਤੇ ਵੀ ਪ੍ਰਭਾਵ ਪੈ ਸਕਦਾ ਹੈ। ਜਦੋਂ ਵੀ ਸੇਵਾ ਵਿੱਚ ਡਾਊਨਲੋਡ-ਯੋਗ ਸਾਫ਼ਟਵੇਅਰ (ਜਿਵੇਂ ਕਿ YouTube Studio ਐਪਲੀਕੇਸ਼ਨ) ਦੀ ਲੋੜ ਹੁੰਦੀ ਹੈ ਜਾਂ ਉਸ ਨੂੰ ਸ਼ਾਮਲ ਕੀਤਾ ਜਾਂਦਾ ਹੈ, ਤਾਂ ਉਸ ਸਾਫ਼ਟਵੇਅਰ ਦਾ ਨਵਾਂ ਵਰਜਨ ਜਾਂ ਵਿਸ਼ੇਸ਼ਤਾ ਉਪਲਬਧ ਹੋਣ 'ਤੇ ਉਸਨੂੰ ਸਵੈਚਲਿਤ ਤੌਰ 'ਤੇ ਤੁਹਾਡੇ ਡੀਵਾਈਸ 'ਤੇ ਅੱਪਡੇਟ ਕਰ ਦਿੱਤਾ ਜਾਵੇਗਾ, ਅੱਪਡੇਟ ਦੀ ਇਹ ਪ੍ਰਕਿਰਿਆ ਤੁਹਾਡੀਆਂ ਡੀਵਾਈਸ ਸੈਟਿੰਗਾਂ ਦੇ ਅਧੀਨ ਆਉਂਦੀ ਹੈ। ਜੇ ਸਾਡੇ ਵੱਲੋਂ ਪ੍ਰਤੱਖ ਤੌਰ 'ਤੇ ਕੀਤੀ ਜਾਣ ਵਾਲੀ ਕਿਸੇ ਵੀ ਤਰ੍ਹਾਂ ਦੀ ਤਬਦੀਲੀ ਨਾਲ ਸੇਵਾ ਦੀ ਤੁਹਾਡੀ ਵਰਤੋਂ 'ਤੇ ਨਕਾਰਾਤਮਕ ਪ੍ਰਭਾਵ ਪੈਂਦਾ ਹੋਵੇ, ਤਾਂ ਅਸੀਂ ਤੁਹਾਨੂੰ ਉਚਿਤ ਅਡਵਾਂਸ ਸੂਚਨਾ ਦੇਵਾਂਗੇ, ਇਸ ਵਿੱਚ ਉਹ ਜ਼ਰੂਰੀ ਸਥਿਤੀਆਂ ਸ਼ਾਮਲ ਨਹੀਂ ਹਨ, ਜਿਨ੍ਹਾਂ ਵਿੱਚ ਦੁਰਵਿਹਾਰ ਨੂੰ ਰੋਕਣਾ, ਕਨੂੰਨੀ ਲੋੜਾਂ ਦਾ ਜਵਾਬ ਦੇਣਾ ਜਾਂ ਸੁਰੱਖਿਆ ਅਤੇ ਕੰਮ ਕਰਨ ਦੀ ਯੋਗਤਾ ਸੰਬੰਧੀ ਸਮੱਸਿਆਵਾਂ ਦਾ ਨਿਪਟਾਰਾ ਕਰਨਾ ਸ਼ਾਮਲ ਹੁੰਦਾ ਹੈ। ਅਸੀਂ  Google Takeout ਦੀ ਵਰਤੋਂ ਕਰ ਕੇ ਤੁਹਾਨੂੰ ਤੁਹਾਡੀ ਸਮੱਗਰੀ ਨੂੰ ਤੁਹਾਡੇ Google ਖਾਤੇ ਤੋਂ ਨਿਰਯਾਤ ਕਰਨ ਦਾ ਮੌਕਾ ਵੀ ਮੁਹੱਈਆ ਕਰਵਾਵਾਂਗੇ, ਇਹ ਪ੍ਰਕਿਰਿਆ ਲਾਗੂ ਕਨੂੰਨ ਅਤੇ ਨੀਤੀਆਂ ਦੇ ਅਧੀਨ ਹੁੰਦੀ ਹੈ।

ਤੁਹਾਡੀ ਸਮੱਗਰੀ ਅਤੇ ਆਚਰਨ

ਸਮੱਗਰੀ ਅੱਪਲੋਡ ਕਰਨਾ

ਜੇ ਤੁਹਾਡਾ ਕੋਈ YouTube ਚੈਨਲ ਹੈ, ਤਾਂ ਤੁਸੀਂ ਸੇਵਾ 'ਤੇ ਸਮੱਗਰੀ ਨੂੰ ਅੱਪਲੋਡ ਕਰ ਸਕਦੇ ਹੋ। ਤੁਸੀਂ ਆਪਣੀ ਸਮੱਗਰੀ ਦੀ ਵਰਤੋਂ ਕਰ ਕੇ ਆਪਣੇ ਕਾਰੋਬਾਰ ਜਾਂ ਕਲਾਤਮਿਕ ਚੀਜ਼ਾਂ ਦਾ ਪ੍ਰਚਾਰ ਕਰ ਸਕਦੇ ਹੋ। ਜੇ ਤੁਸੀਂ ਸਮੱਗਰੀ ਨੂੰ ਅੱਪਲੋਡ ਕਰਨ ਬਾਰੇ ਚੁਣਦੇ ਹੋ, ਤਾਂ ਤੁਹਾਨੂੰ ਸੇਵਾ 'ਤੇ ਕੋਈ ਵੀ ਅਜਿਹੀ ਸਮੱਗਰੀ ਸਪੁਰਦ ਨਹੀਂ ਕਰਨੀ ਚਾਹੀਦੀ ਜੋ ਇਸ ਇਕਰਾਰਨਾਮੇ (YouTube ਭਾਈਚਾਰਕ ਸੇਧਾਂ ਸਮੇਤ) ਜਾਂ ਕਨੂੰਨ ਦੀ ਪਾਲਣਾ ਨਾ ਕਰਦੀ ਹੋਵੇ। ਉਦਾਹਰਨ ਲਈ, ਤੁਹਾਡੇ ਵੱਲੋਂ ਸਪੁਰਦ ਕੀਤੀ ਜਾਣ ਵਾਲੀ ਸਮੱਗਰੀ ਵਿੱਚ ਤੀਜੀ-ਧਿਰ ਦੀ ਬੌਧਿਕ ਸੰਪਤੀ (ਜਿਵੇਂ ਕਿ ਕਾਪੀਰਾਈਟ ਸਮੱਗਰੀ) ਸ਼ਾਮਲ ਨਹੀਂ ਹੋਣੀ ਚਾਹੀਦੀ ਜਦੋਂ ਤੱਕ ਕਿ ਤੁਹਾਡੇ ਕੋਲ ਉਸ ਧਿਰ ਦੀ ਇਜਾਜ਼ਤ ਨਾ ਹੋਵੇ ਜਾਂ ਤੁਹਾਡੇ ਕੋਲ ਇਸਦਾ ਕਨੂੰਨੀ ਅਧਿਕਾਰ ਨਾ ਹੋਵੇ। ਤੁਹਾਡੇ ਵੱਲੋਂ ਸੇਵਾ 'ਤੇ ਸਪੁਰਦ ਕੀਤੀ ਜਾਣ ਵਾਲੀ ਸਮੱਗਰੀ ਲਈ ਤੁਸੀਂ ਕਨੂੰਨੀ ਤੌਰ 'ਤੇ ਜ਼ਿੰਮੇਵਾਰ ਹੁੰਦੇ ਹੋ। ਅਸੀਂ ਅਜਿਹੇ ਸਵੈਚਲਿਤ ਸਿਸਟਮ ਵਰਤ ਸਕਦੇ ਹਾਂ ਜੋ ਕਿਸੇ ਉਲੰਘਣਾ ਅਤੇ ਦੁਰਵਿਹਾਰ ਦਾ ਪਤਾ ਲਗਾਉਣ ਵਿੱਚ ਮਦਦ ਲਈ ਤੁਹਾਡੀ ਸਮੱਗਰੀ ਦਾ ਵਿਸ਼ਲੇਸ਼ਣ ਕਰਦੇ ਹਨ, ਜਿਵੇਂ ਕਿ ਸਪੈਮ, ਮਾਲਵੇਅਰ ਅਤੇ ਗੈਰਕਨੂੰਨੀ ਸਮੱਗਰੀ।

ਤੁਹਾਡੇ ਵੱਲੋਂ ਦਿੱਤੇ ਜਾਣ ਵਾਲੇ ਅਧਿਕਾਰ

ਤੁਸੀਂ ਆਪਣੀ ਸਮੱਗਰੀ ਦੇ ਮਲਕੀਅਤ ਸੰਬੰਧੀ ਅਧਿਕਾਰ ਆਪਣੇ ਕੋਲ ਬਰਕਰਾਰ ਰੱਖਦੇ ਹੋ। ਹਾਲਾਂਕਿ, ਅਸੀਂ ਚਾਹੁੰਦੇ ਹਾਂ ਕਿ ਤੁਸੀਂ ਕੁਝ ਖਾਸ ਅਧਿਕਾਰ YouTube ਅਤੇ ਸੇਵਾ ਦੀ ਵਰਤੋਂ ਕਰਨ ਵਾਲੇ ਹੋਰ ਵਰਤੋਂਕਾਰਾਂ ਨੂੰ ਦੇਵੋ, ਜਿਨ੍ਹਾਂ ਬਾਰੇ ਹੇਠਾਂ ਵਰਣਨ ਕੀਤਾ ਗਿਆ ਹੈ।

YouTube ਨੂੰ ਲਾਇਸੰਸ ਦੇਣਾ

ਸੇਵਾ ਨੂੰ ਸਮੱਗਰੀ ਮੁਹੱਈਆ ਕਰਵਾ ਕੇ, ਤੁਸੀਂ ਉਸ ਸਮੱਗਰੀ ਨੂੰ ਵਰਤਣ ਲਈ YouTube ਨੂੰ ਵਿਸ਼ਵ-ਵਿਆਪੀ, ਗੈਰ-ਰਾਖਵਾਂ, ਰਾਇਲਟੀ-ਫ਼੍ਰੀ, ਉਪ-ਲਾਇਸੰਸਯੋਗ ਅਤੇ ਟ੍ਰਾਂਸਫ਼ਰ ਕਰਨਯੋਗ ਲਾਇਸੰਸ ਦਿੰਦੇ ਹੋ (ਜਿਸ ਵਿੱਚ ਸਮੱਗਰੀ ਨੂੰ ਦੁਬਾਰਾ ਬਣਾਉਣਾ, ਵੰਡਣਾ, ਕਿਸੇ ਸਮੱਗਰੀ ਦੇ ਆਧਾਰ 'ਤੇ ਉਸਨੂੰ ਮੁੜ-ਸਿਰਜਣਾ ਅਤੇ ਇਸਨੂੰ ਦਿਖਾਉਣਾ ਸ਼ਾਮਲ ਹੈ) ਅਤੇ ਇਹ ਲਾਇਸੰਸ ਸੇਵਾ ਅਤੇ YouTube ਦੇ (ਅਤੇ ਇਸਦੇ ਬਾਅਦ ਵਾਲੀਆਂ ਅਤੇ ਸਹਿਯੋਗੀ ਕੰਪਨੀਆਂ') ਕਾਰੋਬਾਰ ਨਾਲ ਸੰਬੰਧਿਤ ਹੁੰਦਾ ਹੈ, ਜਿਸ ਵਿੱਚ ਸਾਰੀ ਸੇਵਾ ਜਾਂ ਉਸਦੇ ਕੁਝ ਹਿੱਸੇ ਨੂੰ ਪ੍ਰਚਾਰਨਾ ਅਤੇ ਉਸਨੂੰ ਮੁੜ-ਵੰਡਣਾ ਸ਼ਾਮਲ ਹੁੰਦਾ ਹੈ।

ਹੋਰ ਵਰਤੋਂਕਾਰਾਂ ਨੂੰ ਲਾਇਸੰਸ ਦੇਣਾ

ਤੁਸੀਂ ਸੇਵਾ ਦੇ ਹਰੇਕ ਵਰਤੋਂਕਾਰ ਨੂੰ ਵੀ ਸੇਵਾ ਰਾਹੀਂ ਆਪਣੀ ਸਮੱਗਰੀ ਤੱਕ ਪਹੁੰਚ ਕਰਨ ਲਈ ਵਿਸ਼ਵ-ਵਿਆਪੀ, ਗੈਰ-ਰਾਖਵਾਂ, ਰਾਇਲਟੀ-ਫ਼੍ਰੀ ਲਾਇਸੰਸ ਦਿੰਦੇ ਹੋ ਅਤੇ ਇਸ ਤੋਂ ਇਲਾਵਾ ਤੁਸੀਂ ਅੱਗੇ ਦਿੱਤੀਆਂ ਚੀਜ਼ਾਂ ਲਈ ਵੀ ਲਾਇਸੰਸ ਦਿੰਦੇ ਹੋ, ਜਿਨ੍ਹਾਂ ਵਿੱਚ, ਇਸਨੂੰ ਦੁਬਾਰਾ ਬਣਾਉਣਾ, ਵੰਡਣਾ, ਕਾਪੀਰਾਈਟ ਸਮੱਗਰੀ ਵਾਲਾ ਕੰਮ ਤਿਆਰ ਕਰਨਾ, ਇਸਨੂੰ ਦਿਖਾਉਣਾ ਅਤੇ ਇਸਦਾ ਪ੍ਰਦਰਸ਼ਨ ਸ਼ਾਮਲ ਹੈ। ਇਨ੍ਹਾਂ ਨੂੰ ਸਿਰਫ਼ ਸੇਵਾ ਦੀਆਂ ਵਿਸ਼ੇਸ਼ਤਾਵਾਂ ਵੱਲੋਂ ਚਾਲੂ ਕੀਤਾ ਜਾ ਸਕਦਾ ਹੈ (ਜਿਵੇਂ ਕਿ ਵੀਡੀਓ ਪਲੇਬੈਕ ਜਾਂ ਜੋੜਨਾ)। ਸਪਸ਼ਟਤਾ ਲਈ, ਇਹ ਲਾਇਸੰਸ ਵਰਤੋਂਕਾਰ ਨੂੰ ਅਜਿਹਾ ਕੋਈ ਵੀ ਅਧਿਕਾਰ ਜਾਂ ਇਜਾਜ਼ਤ ਨਹੀਂ ਦਿੰਦਾ ਜਿਸ ਨਾਲ ਉਹ ਤੁਹਾਡੀ ਸਮੱਗਰੀ ਨੂੰ ਇਸ ਸੇਵਾ ਤੋਂ ਇਲਾਵਾ ਕਿਸੇ ਹੋਰ ਥਾਂ 'ਤੇ ਵਰਤ ਸਕੇ।

ਲਾਇਸੰਸ ਦੀ ਮਿਆਦ

ਤੁਹਾਡੇ ਵੱਲੋਂ ਦਿੱਤੇ ਜਾਣ ਵਾਲੇ ਲਾਇਸੰਸ ਤੁਹਾਡੇ ਵੱਲੋਂ ਆਪਣੀ ਸਮੱਗਰੀ ਨੂੰ ਸੇਵਾ ਤੋਂ ਹਟਾਏ ਜਾਣ ਜਾਂ ਮਿਟਾਏ ਜਾਣ ਤੋਂ ਬਾਅਦ ਵੀ ਵਪਾਰਕ ਤੌਰ 'ਤੇ ਉਚਿਤ ਸਮੇਂ ਤੱਕ ਜਾਰੀ ਰਹਿੰਦੇ ਹਨ। ਤੁਸੀਂ ਇਸ ਗੱਲ ਨੂੰ ਸਮਝਦੇ ਅਤੇ ਉਸ ਨਾਲ ਸਹਿਮਤ ਹੁੰਦੇ ਹੋ ਕਿ YouTube ਤੁਹਾਡੇ ਵੱਲੋਂ ਹਟਾਏ ਗਏ ਜਾਂ ਮਿਟਾਏ ਗਏ ਵੀਡੀਓ ਦੀਆਂ ਕਾਪੀਆਂ ਨੂੰ ਸਰਵਰ 'ਤੇ ਸੰਭਾਲ ਕੇ ਰੱਖ ਸਕਦਾ ਹੈ, ਪਰ ਉਹ ਉਨ੍ਹਾਂ ਨੂੰ ਨਾ ਤਾਂ ਦਿਖਾਉਂਦਾ ਹੈ, ਨਾ ਹੀ ਵੰਡਦਾ ਅਤੇ ਨਾ ਹੀ ਉਨ੍ਹਾਂ ਨੂੰ ਪ੍ਰਦਰਸ਼ਿਤ ਕਰਦਾ ਹੈ।

ਮੁਦਰੀਕਰਨ ਦਾ ਅਧਿਕਾਰ

ਤੁਸੀਂ ਸੇਵਾ 'ਤੇ ਮੌਜੂਦ ਆਪਣੀ ਸਮੱਗਰੀ ਲਈ YouTube ਨੂੰ ਮੁਦਰੀਕਰਨ ਦਾ ਅਧਿਕਾਰ ਦਿੰਦੇ ਹੋ (ਅਤੇ ਇਸ ਤਰ੍ਹਾਂ ਦੇ ਮੁਦਰੀਕਰਨ ਵਿੱਚ ਸਮੱਗਰੀ 'ਤੇ ਜਾਂ ਉਸਦੇ ਅੰਦਰ ਵਿਗਿਆਪਨ ਦਿਖਾਉਣਾ ਜਾਂ ਵਰਤੋਂਕਾਰਾਂ ਤੋਂ ਇਸ ਤੱਕ ਪਹੁੰਚ ਕਰਨ ਲਈ ਫ਼ੀਸ ਲੈਣਾ ਸ਼ਾਮਲ ਹੈ)। ਇਸ ਇਕਰਾਰਨਾਮੇ ਲਈ ਤੁਹਾਨੂੰ ਕੋਈ ਭੁਗਤਾਨ ਨਹੀਂ ਕੀਤਾ ਜਾਂਦਾ। 18 ਨਵੰਬਰ 2020 ਤੋਂ, ਤੁਹਾਡੇ ਅਤੇ YouTube ਦੇ ਵਿਚਕਾਰ ਕਿਸੇ ਵੀ ਹੋਰ ਇਕਰਾਰਨਾਮੇ ਦੇ ਤਹਿਤ ਤੁਹਾਨੂੰ YouTube ਤੋਂ ਪ੍ਰਾਪਤ ਹੋਣ ਵਾਲੇ ਕਿਸੇ ਵੀ ਤਰ੍ਹਾਂ ਦੇ ਭੁਗਤਾਨ (ਜਿਸ ਵਿੱਚ ਉਦਾਹਰਨ ਵਜੋਂ, YouTube ਪਾਰਟਨਰ ਪ੍ਰੋਗਰਾਮ, ਚੈਨਲ ਮੈਂਬਰਸ਼ਿਪਾਂ ਜਾਂ Super Chat ਦੇ ਭੁਗਤਾਨ ਸ਼ਾਮਲ ਹਨ) ਨੂੰ ਰਾਇਲਟੀਆਂ ਮੰਨਿਆ ਜਾਵੇਗਾ।  ਜੇ ਕਨੂੰਨ ਮੁਤਾਬਕ ਲੋੜੀਂਦਾ ਹੋਵੇ, ਤਾਂ Google ਇਸ ਤਰ੍ਹਾਂ ਦੇ ਭੁਗਤਾਨਾਂ 'ਤੇ ਲੱਗਣ ਵਾਲੇ ਟੈਕਸਾਂ ਨੂੰ ਰੋਕ ਲਵੇਗਾ।

ਆਪਣੀ ਸਮੱਗਰੀ ਹਟਾਉਣਾ

ਤੁਸੀਂ ਕਿਸੇ ਵੇਲੇ ਵੀ ਸੇਵਾ ਤੋਂ ਆਪਣੀ ਸਮੱਗਰੀ ਨੂੰ ਹਟਾ ਸਕਦੇ ਹੋ। ਤੁਹਾਡੇ ਕੋਲ ਹਟਾਉਣ ਤੋਂ ਪਹਿਲਾਂ ਆਪਣੀ ਸਮੱਗਰੀ ਦੀ ਕਾਪੀ ਬਣਾਉਣ ਦਾ ਵਿਕਲਪ ਵੀ ਹੁੰਦਾ ਹੈ। ਜੇ ਤੁਹਾਡੇ ਕੋਲ ਇਨ੍ਹਾਂ ਨਿਯਮਾਂ ਮੁਤਾਬਕ ਲੋੜੀਂਦੇ ਅਧਿਕਾਰ ਨਹੀਂ ਹਨ, ਤਾਂ ਤੁਹਾਡਾ ਆਪਣੀ ਸਮੱਗਰੀ ਨੂੰ ਹਟਾਉਣਾ ਲਾਜ਼ਮੀ ਹੈ।

YouTube ਵੱਲੋਂ ਸਮੱਗਰੀ ਦਾ ਹਟਾਇਆ ਜਾਣਾ

ਜੇ ਤੁਹਾਡੀ ਕਿਸੇ ਸਮੱ���ਰੀ ਨਾਲ (1) ਇਕਰਾਰਨਾਮੇ ਦੀ ਉਲੰਘਣਾ ਹੁੰਦੀ ਹੈ ਜਾਂ (2) YouTube, ਸਾਡੇ ਵਰਤੋਂਕਾਰਾਂ ਜਾਂ ਤੀਜੀ-ਧਿਰਾਂ ਨੂੰ ਨੁਕਸਾਨ ਹੁੰਦਾ ਹੈ, ਤਾਂ ਅਸੀਂ ਆਪਣੇ ਵਿਵੇਕ ਦੀ ਵਰਤੋਂ ਕਰਦੇ ਹੋਏ ਤੁਹਾਡੀ ਇਸ ਤਰ੍ਹਾਂ ਦੀ ਕੁਝ ਜਾਂ ਸਾਰੀ ਸਮੱਗਰੀ ਨੂੰ ਹਟਾਉਣ ਦਾ ਹੱਕ ਰਾਖਵਾਂ ਰੱਖਦੇ ਹਾਂ। ਅਸੀਂ ਤੁਹਾਨੂੰ ਸਾਡੀ ਕਾਰਵਾਈ ਬਾਰੇ ਕਾਰਨ ਸਮੇਤ ਸੂਚਨਾ ਦੇਵਾਂਗੇ, ਪਰ ਅਸੀਂ ਉਦੋਂ ਤੁਹਾਨੂੰ ਕੋਈ ਸੂਚਨਾ ਨਹੀਂ ਦੇਵਾਂਗੇ ਜਦੋਂ ਸਾਨੂੰ ਲੱਗੇਗਾ ਕਿ ਅਜਿਹਾ ਕਰਨ ਨਾਲ: (a) ਕਨੂੰਨ ਦੀ ਜਾਂ ਕਨੂੰਨ ਲਾਗੂ ਕਰਨ ਵਾਲੇ ਕਨੂੰਨੀ ਅਮਲੀਕਰਨ ਅਧਿਕਾਰ ਦੀ ਉਲੰਘਣਾ ਹੋਵੇਗੀ ਜਾਂ ਜਿਸ ਨਾਲ YouTube ਜਾਂ ਸਾਡੇ ਸਹਿਯੋਗੀਆਂ ਨੂੰ ਕਨੂੰਨੀ ਜਵਾਬਦੇਹੀ ਦਾ ਜੋਖਮ ਹੋਵੇਗਾ; (b) ਕਿਸੇ ਜਾਂਚ-ਪੜਤਾਲ ਜਾਂ ਅਖੰਡਤਾ ਜਾਂ ਸੇਵਾ ਦੇ ਕੰਮ ਕਰਨ ਦੇ ਤਰੀਕੇ 'ਤੇ ਪ੍ਰਭਾਵ ਪਵੇਗਾ; ਜਾਂ (c) ਕਿਸੇ ਵਰਤੋਂਕਾਰ, ਹੋਰ ਤੀਜੀ-ਧਿਰ, YouTube ਜਾਂ ਸਾਡੇ ਸਹਿਯੋਗੀਆਂ ਨੂੰ ਕੋਈ ਨੁਕਸਾਨ ਪਹੁੰਚੇਗਾ। ਤੁਸੀਂ ਸਾਡੇ ਮਦਦ ਕੇਂਦਰ ਦੇ ਸਮੱਸਿਆ-ਨਿਪਟਾਰਾ ਪੰਨੇ 'ਤੇ ਜਾ ਕੇ ਅਪੀਲ ਕਰਨ ਦੇ ਤਰੀਕੇ ਸਮੇਤ ਰਿਪੋਰਟ ਕਰਨ ਅਤੇ ਅਮਲੀਕਰਨ ਬਾਰੇ ਹੋਰ ਜਾਣ ਸਕਦੇ ਹੋ।

ਭਾਈਚਾਰਕ ਸੇਧਾਂ ਸੰਬੰਧੀ ਸ਼ਿਕਾਇਤਾਂ

YouTube ਅਜਿਹੀ ਸਮੱਗਰੀ ਲਈ “ਸ਼ਿਕਾਇਤਾਂ” ਦਾ ਸਿਸਟਮ ਚਲਾਉਂਦਾ ਹੈ ਜਿਸ ਨਾਲ YouTube ਭਾਈਚਾਰਕ ਸੇਧਾਂ ਦੀ ਉਲੰਘਣਾ ਹੁੰਦੀ ਹੋਵੇ। ਹਰੇਕ ਸ਼ਿਕਾਇਤ ਵੱਖ-ਵੱਖ ਪਾਬੰਦੀਆਂ ਨੂੰ ਲਾਗੂ ਕਰ��ੀ ਹੈ ਅਤੇ ਇਸਦੇ ਨਤੀਜੇ ਵਜੋਂ YouTube ਤੋਂ ਤੁਹਾਡੇ ਚੈਨਲ ਨੂੰ ਪੱਕੇ ਤੌਰ 'ਤੇ ਹਟਾਇਆ ਜਾ ਸਕਦਾ ਹੈ।   ਸਾਡੇ ਭਾਈਚਾਰਕ ਸੇਧਾਂ ਸੰਬੰਧੀ ਸ਼ਿਕਾਇਤਾਂ ਬਾਰੇ ਮੁੱਢਲੀ ਜਾਣਕਾਰੀ ਪੰਨੇ 'ਤੇ ਕਿਸੇ ਸ਼ਿਕਾਇਤ ਕਾਰਨ ਤੁਹਾਡੇ ਚੈਨਲ 'ਤੇ ਪੈਣ ਵਾਲੇ ਪ੍ਰਭਾਵਾਂ ਬਾਰੇ ਪੂਰੀ ਜਾਣਕਾਰੀ ਉਪਲਬਧ ਹੈ। ਜੇ ਤੁਹਾਨੂੰ ਲੱਗਦਾ ਹੈ ਕਿ ਕੋਈ ਸ਼ਿਕਾਇਤ ਗਲਤੀ ਨਾਲ ਹੋਈ ਹੈ, ਤਾਂ ਤੁਸੀਂ ਇੱਥੇ ਅਪੀਲ ਕਰ ਸਕਦੇ ਹੋ।

ਜੇ ਕਿਸੇ ਸ਼ਿਕਾਇਤ ਕਰਕੇ ਤੁਹਾਡੇ ਚੈਨਲ ਨੂੰ ਪ੍ਰਤਿਬੰਧਿਤ ਕੀਤਾ ਗਿਆ ਹੈ, ਤਾਂ ਇਨ੍ਹਾਂ ਪਾਬੰਦੀਆਂ ਨੂੰ ਭਰਮਾਉਣ ਲਈ ਤੁਹਾਨੂੰ ਦੂਜਾ ਚੈਨਲ ਨਹੀਂ ਵਰਤਣਾ ਚਾਹੀਦਾ। ਇਸ ਪਾਬੰਦੀ ਦੀ ਉਲੰਘਣਾ ਕਰਨ 'ਤੇ ਇਸਨੂੰ ਇਕਰਾਰਨਾਮੇ ਦੀ ਪ੍ਰਤੱਖ ਤੌਰ 'ਤੇ ਉਲੰਘਣਾ ਮੰਨਿਆ ਜਾਵੇਗਾ ਅਤੇ Google, ਤੁਹਾਡੇ Google ਖਾਤੇ ਨੂੰ ਜਾਂ ਸੇਵਾ ਤੱਕ ਤੁਹਾਡੀ ਪੂਰੀ ਜਾਂ ਕੁਝ ਪਹੁੰਚ ਨੂੰ ਬਰਖਾਸਤ ਕਰਨ ਦਾ ਹੱਕ ਰਾਖਵਾਂ ਰੱਖਦਾ ਹੈ।

ਕਾਪੀਰਾਈਟ ਸੁਰੱਖਿਆ

ਅਸੀਂ ਸਾਡੇ YouTube ਕਾਪੀਰਾਈਟ ਕੇਂਦਰ ਵਿੱਚ ਕਾਪੀਰਾਈਟ ਧਾਰਕਾਂ ਨੂੰ ਉਨ੍ਹਾਂ ਦੀ ਬੌਧਿਕ ਸੰਪਤੀ ਦਾ ਆਨਲਾਈਨ ਪ੍ਰਬੰਧਨ ਕਰਨ ਵਿੱਚ ਮਦਦ ਲਈ ਜਾਣਕਾਰੀ ਮੁਹੱਈਆ ਕਰਵਾਉਂਦੇ ਹਾਂ। ਜੇ ਤੁਹਾਨੂੰ ਲੱਗਦਾ ਹੈ ਕਿ ਸੇਵਾ 'ਤੇ ਤੁਹਾਡੇ ਕਾਪੀਰਾਈਟ ਦੀ ਉਲੰਘਣਾ ਹੋਈ ਹੈ, ਤਾਂ ਕਿਰਪਾ ਕਰਕੇ ਸਾਨੂੰ ਨੋਟਿਸ ਭੇਜੋ।

ਅਸੀਂ ਸਾਡੇ YouTube ਕਾਪੀਰਾਈਟ ਕੇਂਦਰ ਵਿੱਚ ਦਿੱਤੀ ਪ੍ਰਕਿਰਿਆ ਦੇ ਮੁਤਾਬਕ ਕਾਪੀਰਾਈਟ ਦੀ ਉਲੰਘਣਾ ਸੰਬੰਧੀ ਨੋਟਿਸਾਂ ਦਾ ਜਵਾਬ ਦਿੰਦੇ ਹਾਂ, ਜਿੱਥੇ ਤੁਸੀਂ ਕਿਸੇ ਕਾਪੀਰਾਈਟ ਸੰਬੰਧੀ ਸ਼ਿਕਾਇਤ ਦੇ ਹੱਲ ਕਰਨ ਸੰਬੰਧੀ ਤਰੀਕੇ ਬਾਰੇ ਜਾਣਕਾਰੀ ਵੀ ਪ੍ਰਾਪਤ ਕਰ ਸਕਦੇ ਹੋ। YouTube ਦੀਆਂ ਨੀਤੀਆਂ ਮੁਤਾਬਕ ਉਚਿਤ ਹਾਲਾਤਾਂ ਵਿੱਚ ਸਿਲਸਿਲੇਵਾਰ ਉਲੰਘਣਕਾਰਾਂ ਦੀ ਸੇਵਾ ਤੱਕ ਪਹੁੰਚ ਨੂੰ ਬਰਖਾਸਤ ਕੀਤਾ ਜਾ ਸਕਦਾ ਹੈ।

ਖਾਤੇ ਦੀ ਮੁਅੱਤਲੀ ਅਤੇ ਬਰਖਾਸਤਗੀ

ਤੁਹਾਡੇ ਵੱਲੋਂ ਬਰਖਾਸਤਗੀਆਂ
ਤੁਸੀਂ ਕਿਸੇ ਵੀ ਵੇਲੇ ਸੇਵਾ ਨੂੰ ਵਰਤਣਾ ਬੰਦ ਕਰ ਸਕਦੇ ਹੋ। ਆਪਣੇ Google ਖਾਤੇ ਤੋਂ ਸੇਵਾ ਨੂੰ ਮਿਟਾਉਣ ਲਈ ਇਨ੍ਹਾਂ ਹਿਦਾਇਤਾਂ ਦੀ ਪਾਲਣਾ ਕਰੋ, ਜਿਨ੍ਹਾਂ ਵਿੱਚ ਤੁਹਾਡੇ YouTube ਚੈਨਲ ਨੂੰ ਬੰਦ ਕਰਨਾ ਅਤੇ ਤੁਹਾਡੇ ਡਾਟੇ ਨੂੰ ਮਿਟਾਉਣਾ ਸ਼ਾਮਲ ਹੈ। ਤੁਹਾਡੇ ਕੋਲ ਪਹਿਲਾਂ ਆਪਣੇ ਡਾਟੇ ਦੀ ਕਾਪੀ ਡਾਊਨਲੋਡ ਕਰਨ ਦਾ ਵਿਕਲਪ ਵੀ ਹੁੰਦਾ ਹੈ।

YouTube ਵੱਲੋਂ ਬਰਖਾਸਤਗੀਆਂ ਅਤੇ ਮੁਅੱਤਲੀਆਂ

YouTube ਤੁਹਾਡੇ Google ਖਾਤੇ ਜਾਂ ਸੇਵਾ ਤੱਕ ਤੁਹਾਡੀ ਪੂਰੀ ਜਾਂ ਕੁਝ ਪਹੁੰਚ ਨੂੰ ਬਰਖਾਸਤ ਕਰਨ ਦਾ ਹੱਕ ਰਾਖਵਾਂ ਰੱਖਦਾ ਹੈ ਜੇ (a) ਤੁਸੀਂ ਇਕਰਾਰਨਾਮੇ ਦੀ ਪ੍ਰਤੱਖ ਤੌਰ 'ਤੇ ਜਾਂ ਵਾਰ-ਵਾਰ ਉਲੰਘਣਾ ਕਰਦੇ ਹੋ; (b) ਸਾਨੂੰ ਅਜਿਹਾ ਕਿਸੇ ਕਨੂੰਨੀ ਲੋੜ ਜਾਂ ਅਦਾਲਤੀ ਹੁਕਮ ਦੀ ਪਾਲਣਾ ਕਰਕੇ ਕਰਨਾ ਪਵੇ; ਜਾਂ (c) ਸਾਨੂੰ ਅਜਿਹਾ ਲੱਗੇ ਕਿ ਕੋਈ ਅਜਿਹਾ ਵਰਤਾਅ ਕੀਤਾ ਗਿਆ ਹੈ (ਜਾਂ ਕੀਤਾ ਜਾ ਸਕਦਾ ਹੈ) ਜਿਸ ਨਾਲ ਕਿਸੇ ਵਰਤੋਂਕਾਰ, ਹੋਰ ਤੀਜੀ-ਧਿਰ, YouTube ਜਾਂ ਸਾਡੇ ਸਹਿਯੋਗੀਆਂ ਲਈ ਜਵਾਬਦੇਹੀ ਪੈਦਾ ਹੋ ਸਕਦੀ ਹੈ ਜਾਂ ਉਨ੍ਹਾਂ ਨੂੰ ਕੋਈ ਨੁਕਸਾਨ ਪਹੁੰਚ ਸਕਦਾ ਹੈ।

ਬਰਖਾਸਤਗੀ ਜਾਂ ਮੁਅੱਤਲੀ ਲਈ ਨੋਟਿਸ

ਅਸੀਂ ਤੁਹਾਨੂੰ YouTube ਵੱਲੋਂ ਬਰਖਾਸਤਗੀ ਜਾਂ ਮੁਅੱਤਲੀ ਬਾਰੇ ਕਾਰਨ ਸਮੇਤ ਸੂਚਨਾ ਦੇਵਾਂਗੇ, ਪਰ ਅਸੀਂ ਉਦੋਂ ਤੁਹਾਨੂੰ ਕੋਈ ਸੂਚਨਾ ਨਹੀਂ ਦੇਵਾਂਗੇ ਜਦੋਂ ਸਾਨੂੰ ਲੱਗੇਗਾ ਕਿ ਅਜਿਹਾ ਕਰਨ ਨਾਲ: (a) ਕਨੂੰਨ ਦੀ ਜਾਂ ਕਨੂੰਨ ਲਾਗੂ ਕਰਨ ਵਾਲੇ ਕਨੂੰਨੀ ਅਮਲੀਕਰਨ ਅਧਿਕਾਰ ਦੀ ਉਲੰਘਣਾ ਹੋਵੇਗੀ; (b) ਕਿਸੇ ਜਾਂਚ-ਪੜਤਾਲ 'ਤੇ ਪ੍ਰਭਾਵ ਪਵੇਗਾ; (c) ਸੇਵਾ ਦੀ ਅਖੰਡਤਾ, ਸੇਵਾ ਦੇ ਕੰਮ ਕਰਨ ਦੇ ਤਰੀਕੇ ਜਾਂ ਸੁਰੱਖਿਆ 'ਤੇ ਪ੍ਰਭਾਵ ਪਵੇਗਾ; ਜਾਂ (d) ਕਿਸੇ ਵਰਤੋਂਕਾਰ, ਹੋਰ ਤੀਜੀ-ਧਿਰ, YouTube ਜਾਂ ਸਾਡੇ ਸਹਿਯੋਗੀਆਂ ਨੂੰ ਕੋਈ ਨੁਕਸਾਨ ਪਹੁੰਚੇਗਾ।

ਖਾਤਾ ਮੁਅੱਤਲੀ ਜਾਂ ਬਸਖਾਸਤਗੀ ਦਾ ਪ੍ਰਭਾਵ

ਜੇ ਤੁਹਾਡੇ Google ਖਾਤੇ ਨੂੰ ਬਰਖਾਸਤ ਕੀਤਾ ਗਿਆ ਹੈ ਜਾਂ ਸੇਵਾ ਤੱਕ ਤੁਹਾਡੀ ਪਹੁੰਚ ਨੂੰ ਪ੍ਰਤਿਬੰਧਿਤ ਕੀਤਾ ਗਿਆ ਹੈ, ਤਾਂ ਤੁਸੀਂ ਬਿਨਾਂ ਕਿਸੇ ਖਾਤੇ ਦੇ ਸੇਵਾ ਦੇ ਖਾਸ ਪੱਖਾਂ (ਜਿਵੇਂ ਕਿ ਸਿਰਫ਼-ਦੇਖਣ ਲਈ) ਨੂੰ ਵਰਤਣਾ ਜਾਰੀ ਰੱਖ ਸਕਦੇ ਹੋ ਅਤੇ ਇਹ ਇਕਰਾਰਨਾਮਾ ਇਸ ਵਰਤੋਂ 'ਤੇ ਲਾਗੂ ਰਹੇਗਾ। ਜੇ ਤੁਹਾਨੂੰ ਲੱਗਦਾ ਹੈ ਕਿ ਇਹ ਬਰਖਾਸਤਗੀ ਜਾਂ ਮੁਅੱਤਲੀ ਗਲਤੀ ਨਾਲ ਕੀਤੀ ਗਈ ਹੈ, ਤਾਂ ਤੁਸੀਂ ਇਸ ਫ਼ਾਰਮ ਨੂੰ ਵਰਤ ਕੇ ਅਪੀਲ ਕਰ ਸਕਦੇ ਹੋ।

ਸੇਵਾ ਵਿੱਚ ਵਰਤੇ ਜਾਣ ਵਾਲੇ ਸਾਫ਼ਟਵੇਅਰ ਬਾਰੇ

ਡਾਊਨਲੋਡ-ਯੋਗ ਸਾਫ਼ਟਵੇਅਰ
ਜਦੋਂ ਵੀ ਸੇਵਾ ਵਿੱਚ ਡਾਊਨਲੋਡ-ਯੋਗ ਸਾਫ਼ਟਵੇਅਰ (ਜਿਵੇਂ ਕਿ YouTube Studio ਐਪਲੀਕੇਸ਼ਨ) ਦੀ ਲੋੜ ਹੁੰਦੀ ਹੈ ਜਾਂ ਉਸ ਨੂੰ ਸ਼ਾਮਲ ਕੀਤਾ ਜਾਂਦਾ ਹੈ ਅਤੇ ਜੇ ਉਸ ਸਾਫ਼ਟਵੇਅਰ 'ਤੇ ਲਾਇਸੰਸ ਮੁਹੱਈਆ ਕਰਵਾਉਣ ਵਾਲੇ ਵਧੀਕ ਨਿਯਮ ਲਾਗੂ ਨਹੀਂ ਹੁੰਦੇ, ਤਾਂ YouTube ਤੁਹਾਨੂੰ ਸੇਵਾ ਦੇ ਹਿੱਸੇ ਵਜੋਂ ਸਾਫ਼ਟਵੇਅਰ ਨੂੰ ਵਰਤਣ ਲਈ ਨਿੱਜੀ, ਵਿਸ਼ਵ-ਵਿਆਪੀ, ਰਾਇਲਟੀ-ਫ਼੍ਰੀ, ਗੈਰ-ਸਪੁਰਦਯੋਗ ਅਤੇ ਗੈਰ-ਰਾਖਵਾਂ ਲਾਇਸੰਸ ਦਿੰਦਾ ਹੈ। ਇਸ ਲਾਇਸੰਸ ਦਾ ਇੱਕੋ-ਇੱਕ ਉਦੇਸ਼ ਇਕਰਾਰਨਾਮੇ ਦੇ ਮੁਤਾਬਕ ਤੁਹਾਨੂੰ ਸੇਵਾ ਨੂੰ ਵਰਤਣ ਅਤੇ YouTube ਵੱਲੋਂ ਮੁਹੱਈਆ ਕਰਵਾਏ ਜਾਣ ਵਾਲੇ ਲਾਭ ਦਾ ਅਨੰਦ ਮਾਣਨ ਦੇ ਯੋਗ ਬਣਾਉਣਾ ਹੈ। ਜਦੋਂ ਤੱਕ ਕਨੂੰਨਾਂ ਮੁਤਾਬਕ ਇਨ੍ਹਾਂ ਪ੍ਰਤਿਬੰਧਾਂ ਨੂੰ ਮੰਨਣ ਦੀ ਮਨਾਹੀ ਨਾ ਹੋਵੇ ਜਾਂ ਜਦੋਂ ਤੱਕ ਤੁਹਾਡੇ ਕੋਲ YouTube ਦੀ ਲਿਖਤੀ ਇਜਾਜ਼ਤ ਨਾ ਹੋਵੇ, ਤੁਹਾਨੂੰ ਸਾਫ਼ਟਵੇਅਰ ਨੂੰ ਕਾਪੀ ਕਰਨ, ਇਸ ਵਿੱਚ ਸੋਧ ਕਰਨ, ਵੰਡਣ, ਵੇਚਣ ਜਾਂ ਸਾਫ਼ਟਵੇਅਰ ਦੇ ਕਿਸੇ ਵੀ ਹਿੱਸੇ ਨੂੰ ਲੀਜ਼ 'ਤੇ ਦੇਣ ਜਾਂ ਉਸ ਸਾਫ਼ਟਵੇਅਰ ਦੀ ਰਿਵਰਸ ਇੰਜੀਨੀਅਰਿੰਗ ਕਰਨ ਜਾਂ ਇਸਦੇ ਸਰੋਤ ਕੋਡ ਨੂੰ ਕੱਢਣ ਦੀ ਕੋ��ਿਸ਼ ਕਰਨ ਦੀ ਆਗਿਆ ਨਹੀਂ ਹੈ।

ਖੁੱਲ੍ਹਾ ਸਰੋਤ
ਸਾਡੀ ਸੇਵਾ ਵਿੱਚ ਵਰਤੇ ਜਾਣ ਵਾਲੇ ਕੁਝ ਸਾਫ਼ਟਵੇਅਰਾਂ ਦੀ ਖੁੱਲ੍ਹੇ ਸਰੋਤ ਲਾਇਸੰਸ ਅਧੀਨ ਪੇਸ਼ਕਸ਼ ਕੀਤੀ ਜਾ ਸਕਦੀ ਹੈ ਜਿਨ੍ਹਾਂ ਨੂੰ ਅਸੀਂ ਤੁਹਾਡੇ ਲਈ ਉਪਲਬਧ ਕਰਵਾਉਂਦੇ ਹਾਂ। ਖੁੱਲ੍ਹੇ ਸਰੋਤ ਲਾਇਸੰਸ ਵਿੱਚ ਕੁਝ ਸ਼ਰਤਾਂ ਅਜਿਹੀਆਂ ਹੋ ਸਕਦੀਆਂ ਹਨ ਜੋ ਸਪਸ਼ਟ ਤੌਰ 'ਤੇ ਇਨ੍ਹਾਂ ਨਿਯਮਾਂ ਨੂੰ ਓਵਰਰਾਈਡ ਕਰਦੀਆਂ ਹਨ, ਇਸ ਲਈ ਪੱਕਾ ਕਰੋ ਕਿ ਤੁਸੀਂ ਉਨ੍ਹਾਂ ਲਾਇਸੰਸਾਂ ਨੂੰ ਪੜ੍ਹ ਲਿਆ ਹੈ।  

ਹੋਰ ਕਨੂੰਨੀ ਨਿਯਮ

ਵਾਰੰਟੀ ਸੰਬੰਧੀ ਬੇਦਾਅਵਾ
ਇਸ ਇਕਰਾਰਨਾਮੇ ਵਿੱਚ ਸਪਸ਼ਟ ਤੌਰ 'ਤੇ ਦੱਸੇ ਮੁਤਾਬਕ ਜਾਂ ਕਨੂੰਨ ਮੁਤਾਬਕ ਲੋੜੀਂਦਾ ਹੋਣ ਤੋਂ ਇਲਾਵਾ, ਸੇਵਾ ਨੂੰ “ਜਿਵੇਂ ਹੈ” ਉਵੇਂ ਮੁਹੱਈਆ ਕਰਵਾਇਆ ਜਾਂਦਾ ਹੈ ਅਤੇ YouTube ਵੱਲੋਂ ਸੇਵਾ ਬਾਰੇ ਕਿਸੇ ਵੀ ਤਰ੍ਹਾਂ ਦੀ ਖਾਸ ਵਚਨਬੱਧਤਾ ਜਾਂ ਵਾਰੰਟੀ ਨਹੀਂ ਦਿੱਤੀ ਜਾਂਦੀ। ਉਦਾਹਰਨ ਲਈ, ਅਸੀਂ ਇਨ੍ਹਾਂ ਚੀਜ਼ਾਂ ਲਈ ਕੋਈ ਵਾਰੰਟੀ ਨਹੀਂ ਦਿੰਦੇ: (A) ਸੇਵਾ ਰਾਹੀਂ ਮੁਹੱਈਆ ਕਰਵਾਈ ਜਾਣ ਵਾਲੀ ਸਮੱਗਰੀ ਬਾਰੇ; (B) ਸੇਵਾ ਦੀਆਂ ਖਾਸ ਵਿਸ਼ੇਸ਼ਤਾਵਾਂ, ਜਾਂ ਇਸਦੀ ਸਟੀਕਤਾ, ਭਰੋਸੇਯੋਗਤਾ, ਉਪਲਬਧਤਾ ਜਾਂ ਤੁਹਾਡੀਆਂ ਲੋੜਾਂ ਨੂੰ ਪੂਰਾ ਕਰਨ ਦੀ ਯੋਗਤਾ ਬਾਰੇ; ਜਾਂ (C) ਤੁਹਾਡੇ ਵੱਲੋਂ ਸੇਵਾ 'ਤੇ ਸਪੁਰਦ ਕੀਤੀ ਜਾਣ ਵਾਲੀ ਕਿਸੇ ਵੀ ਸਮੱਗਰੀ ਦੀ ਪਹੁੰਚਯੋਗਤਾ ਬਾਰੇ।  

ਜਵਾਬਦੇਹੀ ਦੀ ਸੀਮਾ

ਜਦੋਂ ਤੱਕ ਲਾਗੂ ਕਨੂੰਨ ਮੁਤਾਬਕ ਲੋੜੀਂਦਾ ਨਾ ਹੋਵੇ, YouTube, ਇਸਦੇ ਸਹਿਯੋਗੀ, ਅਧਿਕਾਰੀ, ਨਿਰਦੇਸ਼ਕ, ਕਰਮਚਾਰੀ ਅਤੇ ਏਜੰਟ ਕਿਸੇ ਵੀ ਤਰ੍ਹਾਂ ਦੇ ਲਾਭਾਂ, ਆਮਦਨਾਂ, ਕਾਰੋਬਾਰੀ ਮੌਕਿਆਂ, ਸਾਖ, ਜਾਂ ਅੰਦਾਜ਼ਨ ਬਚਤ ਵਿੱਚ ਹੋਣ ਵਾਲੇ ਕਿਸੇ ਵੀ ਤਰ੍ਹਾਂ ਦੇ ਨੁਕਸਾਨ ਲਈ ਜ਼ਿੰਮੇਵਾਰ ਨਹੀਂ ਹੋਣਗੇ; ਇਸਦੇ ਨਾਲ ਹੀ, ਜੇ ਅੱਗੇ ਦਿੱਤੇ ਕਾਰਨਾਂ ਕਰਕੇ ਡਾਟੇ ਦਾ ਨੁਕਸਾਨ ਹੁੰਦਾ ਹੈ ਜਾਂ ਉਹ ਖਰਾਬ ਹੁੰਦਾ ਹੈ; ਅਸਿੱਧੇ ਜਾਂ ਸਿੱਧੇ ਤੌਰ 'ਤੇ ਨੁਕਸਾਨ ਹੁੰਦਾ ਹੈ; ਦੰਡਾਤਮਿਕ ਨੁਕਸਾਨ ਹੁੰਦਾ ਹੈ, ਤਾਂ ਉਹ ਜ਼ਿੰਮੇਵਾਰ ਨਹੀਂ ਹੋਣਗੇ:

1. ਸੇਵਾ ਵਿੱਚ ਗੜਬੜਾਂ ਹੋਣਾ, ਗਲਤੀਆਂ ਹੋਣਾ ਜਾਂ ਉਸਦਾ ਸਟੀਕ ��ੰਗ ਨਾਲ ਕੰਮ ਨਾ ਕਰਨਾ;
2. ਸੇਵਾ ਦੀ ਤੁਹਾਡੀ ਵਰਤੋਂ ਦੇ ਨਤੀਜੇ ਵਜੋਂ ਨਿੱਜੀ ਸੱਟ ਵੱਜਣਾ ਜਾਂ ਸੰਪਤੀ ਦਾ ਨੁਕਸਾਨ ਹੋਣਾ;
3. ਇਸ ਸੇਵਾ ਦੀ ਕਿਸੇ ਵੀ ਤਰ੍ਹਾਂ ਦੀ ਅਣਅਧਿਕਾਰਿਤ ਪਹੁੰਚ ਜਾਂ ਵਰਤੋਂ;
4. ਸੇਵਾ ਵਿੱਚ ਕਿਸੇ ਵੀ ਤਰ੍ਹਾਂ ਦੀ ਰੁਕਾਵਟ ਜਾਂ ਉਸਦਾ ਬੰਦ ਹੋਣਾ;
5. ਤੀਜੀ-ਧਿਰ ਵੱਲੋਂ ਸੇਵਾ ਵਿੱਚ ਜਾਂ ਇਸਦੇ ਰਾਹੀਂ ਕਿਸੇ ਵੀ ਤਰ੍ਹਾਂ ਦਾ ਵਾਇਰਸ ਜਾਂ ਨੁਕਸਾਨਦੇਹ ਕੋਡ ਭੇਜਣਾ;
6. ਵਰਤੋਂਕਾਰ ਜਾਂ YouTube ਵੱਲੋਂ ਸਪੁਰਦ ਕੀਤੀ ਜਾਣ ਵਾਲੀ ਕਿਸੇ ਵੀ ਤਰ੍ਹਾਂ ਦੀ ਸਮੱਗਰੀ, ਜਿਸ ਵਿੱਚ ਸਮੱਗਰੀ ਦੀ ਤੁਹਾਡੀ ਵਰਤੋਂ ਵੀ ਸ਼ਾਮਲ ਹੈ; ਅਤੇ/ਜਾਂ
7. ਕਿਸੇ ਵੀ ਸਮੱਗਰੀ ਨੂੰ ਹਟਾਉਣਾ ਜਾਂ ਉਸਦੀ ਅਣਉਪਲਬਧਤਾ।

ਇਹ ਸ਼ਰਤ ਹਰ ਦਾਅਵੇ 'ਤੇ ਲਾਗੂ ਹੁੰਦੀ ਹੈ, ਭਾਵੇਂ ਕੀਤਾ ਗਿਆ ਦਾਅਵਾ ਵਾਰੰਟੀ, ਇਕਰਾਰਨਾਮੇ, ਅਪਰਾਧ ਜਾਂ ਕਿਸੇ ਵੀ ਹੋਰ ਕਨੂੰਨੀ ਸਿਧਾਂਤ ਦੇ ਆਧਾਰ 'ਤੇ ਕੀਤਾ ਗਿਆ ਹੋਵੇ।

YouTube ਅਤੇ ਇਸਦੀਆਂ ਸਹਿਯੋਗੀ ਕੰਪਨੀਆਂ, ਸੇਵਾ ਦੇ ਕਾਰਨ ਪੈਦਾ ਹੋਣ ਵਾਲੇ ਜਾਂ ਇਸ ਨਾਲ ਸੰਬੰਧਿਤ ਕਿਸੇ ਵੀ ਦਾਅਵੇ ਲਈ ਉਸ ਰਕਮ ਨੂੰ ਦੇਣ ਲਈ ਜ਼ਿੰਮੇਵਾਰ ਹੋਣਗੀਆਂ ਜੋ ਰਕਮ ਇਨ੍ਹਾਂ ਵਿੱਚੋਂ ਵੱਡੀ ਹੋਵੇਗੀ: (A) ਨੋਟਿਸ ਦੀ ਤਾਰੀਖ ਤੋਂ 12 ਮਹੀਨੇ ਪਹਿਲਾਂ ਦੀ ਉਹ ਆਮਦਨ ਜਿਸਦਾ YouTube ਨੇ ਤੁਹਾਨੂੰ ਸੇਵਾ ਦੀ ਤੁਹਾਡੀ ਵਰਤੋਂ ਲਈ ਭੁਗਤਾਨ ਕੀਤਾ ਹੈ, ਇਹ ਭੁਗਤਾਨ YouTube ਨੂੰ ਕੀਤੇ ਦਾਅਵੇ ਵਿੱਚ ਲਿਖਤੀ ਰੂਪ ਵਿੱਚ ਹੋਣਾ ਚਾਹੀਦਾ ਹੈ; ਅਤੇ (B) USD $500।

ਹਰਜਾਨਾ

ਲਾਗੂ ਹੋਣ ਵਾਲੀ ਕਿਸੇ ਵੀ ਕਨੂੰਨੀ ਮਨਜ਼ੂਰੀ ਦੇ ਮੁਤਾਬਕ, ਤੁਸੀਂ YouTube, ਇਸਦੇ ਸਹਿਯੋਗੀਆਂ, ਅਧਿਕਾਰੀਆਂ, ਨਿਰਦੇਸ਼ਕਾਂ, ਕਰਮਚਾਰੀਆਂ ਅਤੇ ਏਜੰਟਾਂ ਨੂੰ ਕਿਸੇ ਵੀ ਤਰ੍ਹਾਂ ਦੇ ਦਾਅਵੇ ਅਤੇ ਸਾਰੇ ਦਾਅਵਿਆਂ, ਨੁਕਸਾਨਾਂ, ਜ਼ਿੰਮੇਵਾਰੀਆਂ, ਜਵਾਬਦੇਹੀਆਂ, ਘਾਟਿਆਂ, ਲਾਗਤਾਂ ਜਾਂ ਕਰਜ਼ੇ ਅਤੇ ਖਰਚਿਆਂ (ਇਸ ਵਿੱਚ ਅਟਾਰਨੀ ਦੀ ਫ਼ੀਸ ��ਾਮਲ ਹੈ, ਪਰ ਇਹ ਇੱਥੋਂ ਤੱਕ ਸੀਮਤ ਨਹੀਂ) ਤੋਂ ਬਚਾਅ ਕਰਨ, ਉਨ੍ਹਾਂ ਨੂੰ ਮੁਆਵਜ਼ਾ ਦੇਣ ਅਤੇ ਉਨ੍ਹਾਂ ਨੂੰ ਨੁਕਸਾਨ-ਰਹਿਤ ਰੱਖਣ ਲਈ ਸਹਿਮਤ ਹੁੰਦੇ ਹੋ, ਜੋ ਇਨ੍ਹਾਂ ਕਰਕੇ ਹੁੰਦੇ ਹਨ: (i) ਸੇਵਾ ਤੱਕ ਤੁਹਾਡੀ ਪਹੁੰਚ ਅਤੇ ਉਸਦੀ ਵਰਤੋਂ ਕਰਕੇ; (ii) ਇਸ ਇਕਰਾਰਨਾਮੇ ਦੇ ਕਿਸੇ ਵੀ ਨਿਯਮ ਦੀ ਤੁਹਾਡੀ ਉਲੰਘਣਾ ਕਰਕੇ; (iii) ਤੀਜੀ-ਧਿਰ ਦੇ ਅਧਿਕਾਰ ਦੀ ਤੁਹਾਡੀ ਉਲੰਘਣਾ ਕਰਕੇ, ਜਿਸ ਵਿੱਚ ਕਾਪੀਰਾਈਟ, ਸੰਪਤੀ ਜਾਂ ਪਰਦੇਦਾਰੀ ਅਧਿਕਾਰ ਸ਼ਾਮਲ ਹਨ ਜੋ ਕਿ ਇੱਥੋਂ ਤੱਕ ਸੀਮਤ ਨਹੀਂ ਹਨ; ਜਾਂ (iv) ਤੁਹਾਡੀ ਸਮੱਗਰੀ ਕਾਰਨ ਤੀਜੀ-ਧਿਰ ਨੂੰ ਹੋਣ ਵਾਲੇ ਨੁਕਸਾਨ ਸੰਬੰਧੀ ਦਾਅਵੇ ਕਰਕੇ। ਇਸ ਬਚਾਅ ਅਤੇ ਹਰਜਾਨੇ ਦੀ ਜ਼ਿੰਮੇਵਾਰੀ ਕਰਕੇ ਹੀ ਇਹ ਇਕਰਾਰਨਾਮਾ ਅਤੇ ਸੇਵਾ ਦੀ ਤੁਹਾਡੀ ਵਰਤੋਂ ਜਾਰੀ ਰਹੇਗੀ।

ਤੀਜੀ-ਧਿਰ ਦੇ ਲਿੰਕ
ਸੇਵਾ ਵਿੱਚ ਅਜਿਹੇ ਲਿੰਕ ਸ਼ਾਮਲ ਹੋ ਸਕਦੇ ਹਨ ਜੋ ਉਨ੍ਹਾਂ ਤੀਜੀ-ਧਿਰ ਦੀਆਂ ਵੈੱਬਸਾਈਟਾਂ ਅਤੇ ਆਨਲਾਈਨ ਸੇਵਾਵਾਂ 'ਤੇ ਲਿਜਾਉਂਦੇ ਹੋਣ ਜਿਨ੍ਹਾਂ ਦੀ ਮਲਕੀਅਤ ਅਤੇ ਕੰਟਰੋਲ YouTube ਕੋਲ ਨਹੀਂ ਹੈ। ਅਜਿਹੀਆਂ ਵੈੱਬਸਾਈਟਾਂ ਅਤੇ ਆਨਲਾਈਨ ਸੇਵਾਵਾਂ 'ਤੇ YouTube ਦਾ ਕੋਈ ਕੰਟਰੋਲ ਨਹੀਂ ਹੁੰਦਾ ਅਤੇ ਇਨ੍ਹਾਂ ਲਈ YouTube ਦੀ ਕੋਈ ਜ਼ਿੰਮੇਵਾਰੀ ਵੀ ਨਹੀਂ ਹੁੰਦੀ। ਧਿਆਨ ਦਿਓ, ਜਦੋਂ ਤੁਸੀਂ ਸੇਵਾ ਨੂੰ ਛੱਡਦੇ ਹੋ; ਤਾਂ ਅਸੀਂ ਸੁਝਾਅ ਦਿੰਦੇ ਹਾਂ ਕਿ ਤੁਸੀਂ ਉਸ ਹਰੇਕ ਤੀਜੀ-ਧਿਰ ਦੀ ਵੈੱਬਸਾਈਟ ਅਤੇ ਆਨਲਾਈਨ ਸੇਵਾ ਦੇ ਨਿਯਮਾਂ ਅਤੇ ਪਰਦੇਦਾਰੀ ਨੀਤੀ ਨੂੰ ਪੜ੍ਹੋ ਜਿੱਥੇ ਤੁਸੀਂ ਜਾਂਦੇ ਹੋ।

ਇਸ ਇਕਰਾਰਨਾਮੇ ਬਾਰੇ

ਇਸ ਇਕਰਾਰਨਾਮੇ ਵਿੱਚ ਤਬਦੀਲੀ
ਅਸੀਂ ਇਸ ਇਕਰਾਰਨਾਮੇ ਵਿੱਚ ਤਬਦੀਲੀ ਕਰ ਸਕਦੇ ਹਾਂ, ਉਦਾਹਰਨ ਲਈ, (1) ਸਾਡੀ ਸੇਵਾ ਵਿੱਚ ਹੋਣ ਵਾਲੀਆਂ ਤਬਦੀਲੀਆਂ ਜਾਂ ਸਾਡੇ ਕਾਰੋਬਾਰ ਕਰਨ ਦੇ ਤਰੀਕੇ ਨੂੰ ਦਿਖਾਉਣ ਲਈ - ਉਦਾਹਰਨ ਲਈ, ਜਦੋਂ ਨਵੇਂ ਉਤਪਾਦਾਂ ਜਾਂ ਵਿਸ਼ੇਸ਼ਤਾਵਾਂ ਨੂੰ ਸ਼ਾਮਲ ਕਰਦੇ ਹਾਂ ਜਾਂ ਪੁਰਾਣਿਆਂ ਨੂੰ ਹਟਾਉਂਦੇ ਹਾਂ, (2) ਕਨੂੰਨੀ, ਨਿਯਮਕ ਜਾਂ ਸੁਰੱਖਿਆ ਕਾਰਨਾਂ ਲਈ, ਜਾਂ (3) ਦੁਰਵਿਹਾਰ ਜਾਂ ਨੁਕਸਾਨ ਨੂੰ ਰੋਕਣ ਲਈ।

ਜੇ ਅਸੀਂ ਪ੍ਰਤੱਖ ਤੌਰ 'ਤੇ ਇਸ ਇਕਰਾਰਨਾਮੇ ਵਿੱਚ ਤਬਦੀਲੀ ਕਰਦੇ ਹਾਂ, ਤਾਂ ਅਸੀਂ ਤੁਹਾਨੂੰ ਉਚਿਤ ਅਡਵਾਂਸ ਸੂਚਨਾ ਅਤੇ ਤਬਦੀਲੀਆਂ ਦੀ ਸਮੀਖਿਆ ਕਰਨ ਦਾ ਮੌਕਾ ਮੁਹੱਈਆ ਕਰਵਾਵਾਂਗੇ। ਇਨ੍ਹਾਂ ਵਿੱਚ ਉਹ ਮਾਮਲੇ ਸ਼ਾਮਲ ਨਹੀਂ ਹਨ (1) ਜਿੱਥੇ ਅਸੀਂ ਨਵਾਂ ਉਤਪਾਦ ਜਾਂ ਵਿਸ਼ੇਸ਼ਤਾ ਲਾਂਚ ਕਰਦੇ ਹਾਂ, ਜਾਂ (2) ਲਗਾਤਾਰ ਹੋ ਰਹੇ ਦੁਰਵਿਹਾਰ ਨੂੰ ਰੋਕਣ ਜਾਂ ਕਨੂੰਨੀ ਲੋੜਾਂ ਦਾ ਜਵਾਬ ਦੇਣ ਵਰਗੀਆਂ ਜ਼ਰੂਰੀ ਸਥਿਤੀਆਂ ਵਿੱਚ ਕਾਰਵਾਈ ਕਰਦੇ ਹਾਂ। ਜੇ ਤੁਸੀਂ ਨਵੇਂ ਨਿਯਮਾਂ ਨਾਲ ਸਹਿਮਤ ਨਹੀਂ ਹੁੰਦੇ, ਤਾਂ ਤੁਹਾਨੂੰ ਤੁਹਾਡੇ ਵੱਲੋਂ ਅੱਪਲੋਡ ਕੀਤੀ ਕਿਸੇ ਵੀ ਤਰ੍ਹਾਂ ਦੀ ਸਮੱਗਰੀ ਨੂੰ ਹਟਾ ਦੇਣਾ ਚਾਹੀਦਾ ਹੈ ਅਤੇ ਸੇਵਾ ਨੂੰ ਵਰਤਣਾ ਬੰਦ ਕਰ ਦੇਣਾ ਚਾਹੀਦਾ ਹੈ।

ਇਸ ਇਕਰਾਰਨਾਮੇ ਨੂੰ ਜਾਰੀ ਰੱਖਣਾ
ਜੇ ਤੁਹਾਡੀ ਸੇਵਾ ਦੀ ਵਰਤੋਂ ਸਮਾਪਤ ਹੋ ਜਾਂਦੀ ਹੈ, ਤਾਂ ਇਸ ਇਕਰਾਰਨਾਮੇ ਦੇ ਅੱਗੇ ਦਿੱਤੇ ਨਿਯਮ ਤੁਹਾਡੇ 'ਤੇ ਲਾਗੂ ਹੋਣੇ ਜਾਰੀ ਰਹਿਣਗੇ: “ਹੋਰ ਕਨੂੰਨੀ ਨਿਯਮ”, “ਇਸ ਇਕਰਾਰਨਾਮੇ ਬਾਰੇ” ਅਤੇ ਤੁਹਾਡੇ ਵੱਲੋਂ ਦਿੱਤੇ ਗਏ ਲਾਇਸੰਸ “ਲਾਇਸੰਸ ਦੀ ਮਿਆਦ” ਵਿੱਚ ਵਰਣਨ ਕੀਤੇ ਮੁਤਾਬਕ ਜਾਰੀ ਰਹਿਣਗੇ।

ਵਿਘਟਨਤਾ
ਜੇ ਪਤਾ ਲੱਗਦਾ ਹੈ ਕਿ ਕਿਸੇ ਖਾਸ ਕਾਰਨ ਕਰਕੇ ਇਸ ਇਕਰਾਰਨਾਮੇ ਦਾ ਕੋਈ ਖਾਸ ਨਿਯਮ ਅਮਲ ਵਿੱਚ ਲਿਆਉਣਯੋਗ ਨਹੀਂ ਹੈ, ਤਾਂ ਇਸ ਨਾਲ ਹੋਰ ਨਿਯਮਾਂ 'ਤੇ ਕੋਈ ਪ੍ਰਭਾਵ ਨਹੀਂ ਪਵੇਗਾ।

ਕੋਈ ਛੋਟ ਨਹੀਂ
ਜੇ ਤੁਸੀਂ ਇਸ ਇਕਰਾਰਨਾਮੇ ਦੀ ਪਾਲਣਾ ਕਰਨ ਵਿੱਚ ਅਸਫਲ ਹੁੰਦੇ ਹੋ ਅਤੇ ਜੇ ਅਸੀਂ ਤੁਰੰਤ ਕਾਰਵਾਈ ਨਹੀਂ ਕਰਦੇ, ਤਾਂ ਇਸਦਾ ਮਤਲਬ ਇਹ ਨਹੀਂ ਹੈ ਕਿ ਅਸੀਂ ਆਪਣੇ ਕਿਸੇ ਵੀ ਅਧਿਕਾਰ ਨੂੰ ਛੱਡ ਰਹੇ ਹਾਂ (ਜਿਵੇਂ ਕਿ ਭਵਿੱਖ ਵਿੱਚ ਕਾਰਵਾਈ ਕਰਨ ਦਾ ਅਧਿਕਾਰ)।

ਵਿਆਖਿਆ

ਇਨ੍ਹਾਂ ਨਿਯਮਾਂ ਵਿੱਚ, “ਸ਼ਾਮਲ ਹੈ” ਜਾਂ “ਸਮੇਤ” ਦਾ ਮਤਲਬ ਹੈ “ਸ਼ਾਮਲ ਹੈ, ਪਰ ਸੀਮਤ ਨਹੀਂ” ਅਤੇ ਸਾਡੇ ਵੱਲੋਂ ਦਿੱਤੀ ਹਰੇਕ ਉਦਾਹਰਨ ਸਿਰਫ਼ ਉਦਾਹਰਨ ਦੇ ਉਦੇਸ਼ਾਂ ਲਈ ਹੈ।

ਨਿਯੰਤ੍ਰਿਤ ਕਰਨ ਵਾਲਾ ਕਨੂੰਨ
ਇਨ੍ਹਾਂ ਨਿਯਮਾਂ ਅਤੇ ਸੇਵਾ ਤੋਂ ਪੈਦਾ ਹੋਣ ਵਾਲੇ ਜਾਂ ਇਨ੍ਹਾਂ ਨਾਲ ਸੰਬੰਧਿਤ ਦਾਅਵਿਆਂ ਨੂੰ ਕੈਲੀਫ਼ੋਰਨੀਆ ਦੇ ਕਨੂੰਨੀ ਵਿਵਾਦ ਦੇ ਨਿਯਮਾਂ ਨੂੰ ਛੱਡ ਕੇ ਕੈਲੀਫ਼ੋਰਨੀਆ ਦੇ ਕਨੂੰਨ ਮੁਤਾਬਕ ਨਿਯੰਤ੍ਰਿਤ ਕੀਤਾ ਜਾਵੇਗਾ, ਅਤੇ ਇਨ੍ਹਾਂ ਦਾਅਵਿਆਂ ਦਾ ਹੱਲ ਖਾਸ ਤੌਰ 'ਤੇ ਸੈਂਟਾ ਕਲਾਰਾ ਕਾਊਂਟੀ, ਕੈਲੀਫ਼ੋਰਨੀਆ, ਸੰਯੁਕਤ ਰਾਜ ਅਮਰੀਕਾ ਦੀਆਂ ਸੰਘੀ ਜਾਂ ਰਾਜ ਅਦਾਲਤਾਂ ਵਿੱਚ ਕੀਤਾ ਜਾਵੇਗਾ। ਤੁਸੀਂ ਅਤੇ YouTube, ਇਨ੍ਹਾਂ ਅਦਾਲਤਾਂ ਨੂੰ ਆਪਣਾ ਨਿੱਜੀ ਅਧਿਕਾਰ ਖੇਤਰ ਮੰਨਣ ਲਈ ਸਹਿਮਤ ਹੁੰਦੇ ਹੋ।

ਕ��ੂੰਨੀ ਕਾਰਵਾਈ 'ਤੇ ਸੀਮਾ

ਤੁਸੀਂ ਅਤੇ YouTube ਇਸ ਗੱਲ ਲਈ ਸਹਿਮਤ ਹੁੰਦੇ ਹੋ ਕਿ ਸੇਵਾਵਾਂ ਕਾਰਨ ਜਾਂ ਉਨ੍ਹਾਂ ਨਾਲ ਸੰਬੰਧਿਤ ਪੈਦਾ ਹੋਣ ਵਾਲੀ ਕਿਸੇ ਵੀ ਕਾਰਵਾਈ ਦਾ ਕਾਰਨ ਸਾਹਮਣੇ ਆਉਣ ਤੋਂ ਬਾਅਦ ਉਸਦੀ ਇੱਕ (1) ਸਾਲ ਦੇ ਅੰਦਰ ਸੁਣਵਾਈ ਸ਼ੁਰੂ ਹੋਣਾ ਲਾਜ਼ਮੀ ਹੈ। ਨਹੀਂ ਤਾਂ, ਕਾਰਵਾਈ ਦੀ ਇਸ ਤਰ੍ਹਾਂ ਦੇ ਕਾਰਨ 'ਤੇ ਪੱਕੇ ਤੌਰ 'ਤੇ ਰੋਕ ਲਗਾ ਦਿੱਤੀ ਜਾਂਦੀ ਹੈ।

15 ਦਸੰਬਰ 2023 ਤੋਂ ਪ੍ਰਭਾਵੀ (ਪਿਛਲਾ ਵਰਜਨ ਦੇਖੋ)