Broompentafluoried

Eienskappe

Algemeen
Naam	Broompentafluoried
Chemiese formule	BrF5
Molêre massa	174,9 g/mol[1]
CAS-nommer	7789-30-2[1]
Voorkoms	Kleurlose vloeistof[1] (bruin met broom)
Fasegedrag
Smeltpunt	-60,6 °C [2]
Kookpunt	40,9 ° @ 1 Atm [2]
Digtheid	2,48 g/cm3 [1]
Oplosbaarheid	Reageer en ontbind met water.
Termodinamies
ΔfHɵ (l)	-458.6 kJ/mol[3]
Suur-basis eienskappe
pKa
Veiligheid
Flitspunt	onbrandbaar
Tensy anders vermeld is alle data vir standaardtemperatuur en -druk toestande.
Portaal Chemie

Broompentafluoried is 'n chemiese verbinding met formule BrF₅ van broom in sy oksidasietoestand +5 met fluoor.

Die stof is 'n baie sterk oksidator en word as fluorineringsagens gebruik, byvoorbeeld om suurstof uit silikate vry te stel in die suurstofisotoopanalise. Dit word ook aangewend in die aandrywing van vuurpyle.^[2]

Broompentafluoried kan uit broomtrifluoried en fluoor verkry word bokant 200 ^oC.:

${\displaystyle BrF_{3}+F_{2}\to BrF_{5}}$

Sintese uit die elemente is onder hierdie omstandighede ook moontlik:

${\displaystyle Br_{2}+5F_{2}\to 2BrF_{5}}$

Die stof is uiters reaktief en reageer met glas, klei ensomeer. Die reaksie met droë glas is stadig. Kwartsglas word nouliks aangetas. Die verbinding self is tot 460 °C termies stabiel^[4] Dit ontplof wanneer dit met water in aanraking kom en vorm suurstof en waterstoffluoried. Dit reageer heftig met asynsuur, ammoniak, benseen, etanol, waterstof, waterstofsulfied, metaan, kurk, was ensomeer.^[5]

In die vloeistof bestaan waarskynlik die ewewig:^[6]

${\displaystyle 3BrF_{5}\leftrightharpoons {BF_{4}}^{+}+{BrF_{6}}^{-}}$

Die vloeistof besit hierdeur elektriese geleidingsvermoë.

In reaksies met fluoriede soos CsF kan dit die heksafluorobromaat-anioon BrF−6 vorm.

Met Lewis-sure soos SbF₅ kan die BrF+4-katioon gevorm word soos in die adduk (BrF₄)⁺(Sb₂F₁₁)⁻.

Die BrF₄-molekuul het die vorm van 'n vierkantige piramide en besit die puntgroepsimmetrie C_4v. Dit blyk uit die infrarooispektroskopie. Sy spektrum het A₁-absorpsies naby 684, 584 en 370 cm^-1 en E-absorpsies naby 644, 415 en 245 cm^{-1 [7]}

Hierdie stof is uiters gevaarlik en dit moet met heelparty voorsorgmaatreëls behandel word. Reaksies met broompentafluoried kan ontploffings veroorsaak. Blootstelling aan 5-10 ppm in die lug kan reeds na 'n kort tyd irritasie van die oë en die slymvlies van die neus en mond veroorsaak. Blootstelling aan hoër konsentrasies kan dodelik wees. Die stof is baie korrosief, maar dit kan in nikkel- of monel-vate bewaar word omdat nikkel met 'n beskermende dunne lagie fluoried bedek word wat verdere korrosie verhoed.^[2]