Kleinkolmuskeljaatkat

Kleinkolmuskeljaatkat
Bewaringstatus
Veilig  (IUCN 3.1)[1]
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Carnivora
Familie:	Viverridae
Subfamilie:	Viverrinae
Genus:	Genetta
Spesie:	G. genetta
Binomiale naam
Genetta genetta Linnaeus, 1758
Verspreiding

Die kleinkolmuskeljaatkat of kleinkolmuskejaatkat (Genetta genetta) is 'n karnivoriese soogdier wat dwarsoor Afrika aangetref word, sowel as in dele van die Midde-Ooste en Europa (spesifiek Spanje, die Baleariese Eilande en dele van Frankryk).

'n Gemiddelde volwasse kleinkolmuskeljaatkat het 'n massa van 2 kg, 'n lengte van 95 cm en 'n hoogte van 20 cm en verskil slegs in die kleur van sy kolle van rooikolmuskeljaatkat.

Die kleinkolmuskeljaatkat vang ander klein soogdiere en voëls en sal ook kuikens uit neste opraap. Dié wat naby water woon sal ook soms padda's vang en eet. Kleinkolmuskeljaatkatte is sluipjagters en dood hulle prooi met 'n vinnige byt aan die nek. Hulle skerp kloue help hulle om hulle prooi neer te pen.

Die wyfie is vir 10-11 weke dragtig, waarny sy geboorte gee aan een tot drie kleintjies. Die kleintjies is aanvanklik blind en hulpeloos. 'n Kleinkolmuskeljaatkat het 'n moontlike lewensduur van 12 tot 13 jaar.

Wikimedia Commons bevat media in verband met Kleinkolmuskeljaatkat.

Wikispecies het meer inligting oor: Kleinkolmuskeljaatkat

• Lys van Suider-Afrikaanse soogdiere
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

• Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.
• Genetta genetta by die Animal Diversity Web-werf van die Universiteit van Michigan.