Vjosa Osmani

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Vjosa Osmani
Presidenta de Kosovo
5 de noviembre de 2020 – En o cargo
Primer ministro	Avdullah Hoti
Precediu por	Hashim Thaçi
Naiximiento	17 de mayo de 1982 Kosovska Mitrovica (Yugoslavia)
Profesión	Politico
Alma Máter	Universidat de Pristina Universidat de Pittsburgh

Vjosa Osmani-Sadriu (en albanés: Vjosa Osmani - Sadriu, en serbio: Вјоса Османи-Садриу, Vjosa Osmani), naixida o día 17 de mayo de 1982 en Kosovska Mitrovica (antis parti de Yugoslavia) ye una politica kosovar. Estudió en a Universidat de Pristina y tamién en a Universidat de Pittsburgh.

Naixida de Kosovska Mitrovica (antis parti de Yugoslavia). Osmani ye actualment presidenta d'o Comité d'Asuntos Foranos, Diaspora y Inversions Estratechicas. Anteriorment estió a Presidenta d'o Comité d'Integración Europeu y Vicepresidenta d'o Comité de Reformas Constitucionals en Kosovo. Osmani ye casada y ye mai de dos fillas chemelas. A parti d'a suya luenga materna, tamién charra anglés, turco, castellano y serbio.

Dimpués d'a dimisión d'o zaguer president, Hashim Thaçi, a causa d'as acusacions por a suya actuacion en a Guerra de Kosovo. Osmani, fue trigada como presidenta interina d'o país, estió presidenta dica as eleccions de Kosovo de 2021. Antis d'a dimisión de Hashim Thaçi, o suyo cargo estió Portavoz d'Asambleya de Kosovo (cargo que mantién).

Como presidenta de Kosovo, viachó ta a suyo primer país de destín, Albania, o diya 17 d'aviento de 2020.^[1]

A carrera política d'Osmani prencipió en a suya adolescencia, cuan estió activista d'o partiu LDK. Tamién ye conoixida por a suya contribución en a independencia de Kosovo, precisament a suya contribución en a Cort Internacional de Chusticia, a on en ixas envueltas feba parti d'o partiu kosovar en a esfensa d'a legalidat d'a independencia de Kosovo, un caso que Kosovo heba ganau contra Serbia. En iste proceso, Osmani exerció como representant de Kosovo.

Osmani completó a suya licenciatura en Kosovo con una beca, que recibió d'o Ministerio d'Educación, como a millor estudiant d'a Facultat de Dreito de Kosovo. Atro premio estió o Premio Sheth a o Logro Internacional d'a Universidat de Pittsburgh por a suya contribución en o campo d'os dreitos humans.

Osmani ha publicau libros, articlos, monografias y treballos en o campo d'o dreito internacional y comercial, tanto en albanés como en anglés.

• Se veigan as imáchens de Commons sobre Vjosa Osmani.