Gainsborough

Dea Artikl do behondld de englische Stod. Fia weidare Bedeitunga vo Gainsborough schau: Gainsborough (Begriffsklearung).

53.400555555556-0.77444444444444Koordinaten: 53° 24′ N, 0° 46′ W

Gainsborough​

Vereinigtes Königreich

Gainsborough is a Stod in da Region Lindsey vo da englischn Grofschoft Lincolnshire. Se hod 19.110 Eihwohna (Stond: 2001) und is Vawoitungssiez van Distrikt West Lindsey. Gainsborough liegd 8 Kilometa neadli vo da Grofschoftshaptstod Lincoln.

De wichtigsdn Sengswiadigkeitn san de Schlessa: Gainsborough Old Hall und Gainsborough Castle. As Freizeidzentrum West Lindsey Leisure Centre ziagd Bsuacha aa aus da weidan Umgebung o.

As Schloss Gainsborough Old Hall is uma 1460 bis 1480 fia Sir Thomas Burgh voawiengd in Fochweakbauweis earichdd worn und is oans vo de om besdn eahoidna middloitalichn Gutshaisa in Großbritannien. Bsondas sengsweat san: da monumentoie "Große Soi" und de Aussicht van gmauadn Noadosttuam. 1483 hod Kini Richard III. as Schloss bsuachd, 1541 Kini Heinrich VIII.

Nochdem Pläne, Gainsborough z' ana New Town z' entwickln und so letzdli z' om Wohnvoaort vo Sheffield z' mocha, ned vawiaklichd worn san, is de Stod weidahi a kloana Moaktort bliem.

Da Ufabereich van duach Gainsborough fiahndn Trent is voa kuazm und mid Aufenthoitsbereiche vaseng worn, um Eihwohna und Touristn on bessan Zuagong zan Fluss z' eameglichn.

• Dame Sybil Thorndike (1882–1976), Schauspuiarin
• Sir Halford John Mackinder (1861–1947), Geograf

Gainsborough woa Voabuid fia George Eliots „St. Ogg's“ in The Mill on the Floss (deitsch: Die Mühle am Floss) Diese Muihj lossd se no heit lokoiisian.

• Neunkirchen (Siegerland), Deitschland Deitschland

 Commons: Gainsborough, Lincolnshire – Sammlung vo Buidl, Videos und Audiodateien