Obabayern

Obabayern Oberbayern
Wappen Flagge
Staat:	Deutschland
Bundesland:	Bayern
Verwaltungssitz:	Minga
Größte Städte:	1. Minga 2. Inglstod 3. Rousnhoam 4. Freising
Fläche:	17.529,10 km²
Einwohner:	4.719.716 (31. Dezemba 2020[1])
Bevölkerungsdichte:	269 Einwohner je km²
Bezirkstagspräsident:	Josef Mederer (CSU)
Regierungspräsidentin:	Maria Els
Webpräsenz:	Bezirk Regierung
Log in Bayern und Deitschland

Obabayern (amtli: Oberbayern) is im Freistaat Bayern sowoi a Bezirk wiara a Regierungsbeziak.

Dea Regierungsbeziak liegd im Siidostn vo Bayern. Sidlich und estlich grenzda an Estareich, im Nordostn an Niedabayern und Obapfoiz, im Nordwestn an Middlfrankn und im Westn an Schwobm. Zum erschdn Moi erwähnt wead da Begriff 'Obabaiern' 1255. Domois hod aba da Cheamgau und de Gegnd vo Reichahoi no zu Niedabayern ghead.

S gibt heitzdog in Obabayern drei kroasfreie Städt und zwanzg Landkroas:

1. Inglstod
2. Minga
3. Rosnham

S'Kuituareferat vum Beziak feadert iwaregionale Kuitua-Vaanstoitungen in Obabayern. Da Beziak Obabayern is aa da Träga vo de Freilichtmusäen af da Glentleiten und in Amerang und vum Kuitua- & Buidungszentrum im ehemoilign Klosta Seeon.

Da Beziaksdog wiad zu gleichn Zeit wie da Bayerische Landdog gwejd; da Woikroas Obabayern setzt si aus 58 Abgeordnetn und 4 Iwahang- und 6 Ausgleichsmandatn zsamm.

¹ 1978 Aktionsgemeinschaft Unabhängiger Deutscher (AUD) mit Kennwort De Greanan

² 1954 und 1958 Gesamtdeutscher Block/Bund der Heimatvertriebenen und Entrechteten|GB/BHE

Im iatzign Beziakstog (2003-2008) buidn FDP, Freie Wähler und ödp oan Ausschussgemoaschoft.

Beziaksdogspresidentn in Obabayern:

• Dr. Peter Hecker (CSU), 1954-1966
• Georg Klimm (CSU), 1966-1986
• Hermann Schuster (CSU), 1986-1998
• Erwin Filser (CSU), 1998-2000
• Franz Jungwirth (CSU), 2000-2008
• Josef Mederer (CSU), seit 2008

Mit da easchtn bayrischn Landesteilung vo 1255 is untan Ludwig am Strengen a sejbständigs Herzogtum Obabayern gschaffa woan. Des Herzogtum woa owa mitm heitign Regiarungsbeziak ned deckungsgleich. Noch da voriwagähandn Wiedavaeinigung vo 1340 is des Herzogtum Bayern 1392 dreiteit woan: In Obabayern hods nach Bayern-Minga und Bayern-Inglstod gebm, in Niedabayern Bayern-Landshuad. Danebm hos in Niedabayern ois viats Herzogtum scho seit 1349 Bayern-Straubing gebm. 1505 woan olle Teiherzogtüma wiedavaeint. Fia Vawoitungszwecke is Bayern nacha in Rentämta afteit woan. Mit da Bayrischn Vafossung vo 1808 is des domolige Kinireich Bayern in Kroas afteit woan; de hom dena heitign Beziakn entsprocha, ned ebbas dena Landkroas.

1837 hod da Kini Ludwig I. as franzäsische Namasystem fia de bayrischn Kroas noch Flussnama duach historisiarende Bezeichnunga easetzt, de wo de Gschicht vo de bayrischn Landesteile widaspiegln soitn. Daduach is ausm Isarkroas da Regiarungsbeziak Obabayern entstandn.

Obabayern hod ned grod wenig Industrie, vor oim in da Näh vu gressane Städd wia Minga oda Inglstod, wo unta andam Autos (Audi) baut und Fuim draht wern. As gibt oba afm Land nu an Haffa Bauan, vui Kia, Facken, Wiesn und Gmiasobau.

 Commons: Obabayern – Sammlung vo Buidl, Videos und Audiodateien

• Regiarung vo Obabayern
• Koatn vo Obabayern
• Sehenswiadikeitn, Freizeit, Kuitua, Tourismus Obabayern
• Ortschaftn, Buida, Radlfoan und Seen in Obabayern

1. ↑ Genesis Online-Datenbank des Bayerischen Landesamtes für Statistik Tabelle 12411-001 Fortschreibung des Bevölkerungsstandes: Gemeinden, Stichtage (letzten 6) (Einwohnerzahlen auf Grundlage des Zensus 2011) (Hilfe dazu).

Regiona im Boarischsproching Raum

Burgnland • Karntn • Minga • Niedabayern • Niedaöstareich • Obabayern • Owaöstareich • Owerpfoiz • Nord-, Ost-, und Siidtiaroi • Soizburg • Steiamoak • Wean

Regiarungsbeziak im Freistaat Bayern

Obafrankn | Untafrankn | Mittlfrankn | Schwobm | Obapfoiz | Obabayern | Niedabayern