Florence R. Sabin

Florence R. Sabin
Florence R. Sabin
Kamundagan	Florence Rena Sabin November 9, 1871 Central City, Colorado Territory
Kagadanan	Oktobre 3, 1953(1953-10-03) (edad 81) Denver, Colorado, U.S.
Nasyunalidad	American
Alma mater	Johns Hopkins School of Medicine Smith College
Midbid bilang	pioneer for women in science Sabin Health Laws
Mga gawad	Albert Lasker Public Service Award (1951)
Karera sa siyensya
Lado	Medicine
Institusyon	Johns Hopkins School of Medicine
Lagda

Si Florence Rena Sadin (Nobyembre 9, 1871 - Oktubre 3, 1953) sarong Amerikanong siyentistang medikal. Siya sarong payunir para sa mga babayi sa siyensiya; siya an inot na babae na nagkaigwa nin lubos na pagkapropesor sa Johns Hopkins School of Medicine, an enot na babaeng nahalal sa National Academy of Sciences, asin an pinakainot na babaying namayo kan departamento sa Rockefeller Institute for Medical Research.^[1] Durante kan saiyang mga taon nin pagretiro, hinimo nia an ikaduwang karera bilang sarong aktibista sa salud-publiko sa Colorado, asin kan 1951 nakaresibi siya nin Albert Lasker Public Service Award para sa gibohon na ini.

Kan Nobyembre 9, 1871, si Serena Sabin nangaki kan saiyang pinakanguhod na aki, si Florence Rena Sabin, sa Central City, Colorado. An ina ni Florence sarong maestra na kan huri nagadan huli sa puerperal fever (sepsis) kan 1878. An saiyang ama, si George K. Sabin, sarong inhenyero sa pagmina na nakaistar asin nagtatrabaho sa lugar kaiba an pamilya niya.^[2] Dai nahaloy kan pagkagadan kan saiyang ina, si Florence asin an tugang niyang babae (si Mary) nagbalyo kaiba kan saindang Tiyo Albert sa Chicago bago magbalyo sa Vermont kaiba an saindang mga apoon sa ama.

Dakulaon an impluwensia ni Tiyo Albert kay Florence, asin huli sa saiyang relasyon saiya, nakapatalubo siya nin pagkamoot sa kapalibutan asin makosog na interes sa mga libro saka musika. Dai nahaloy, an mga aking babae na Sabin buminalyo kaiba kan saindang tiyoon sa sarong oma nin pamilya sa Vermont.

Si Florence nagin interesadong marhay sa estorya nin buhay ni Levi Sabin, sarong apoon na naggradwar sa eskwelahang medikal kan 1798. An ama ni Florence gustohun kadto na magin doktor, alagad dai niya kinaya an mga obligasyon sa pagmina, asin luway-luway na nawaran sa saiyang kaisipan an karerang medikal. Alagad pinonan ni Florence na hilom na ipadagos an pangatorogan kan saiyang ama. Kan 1885 si Florence nag-entra sa Vermont Academy (asin naggradwar kan 1889), kun saen an saiyang mga interes sa siyensya nagtalubo.

Minsan siring, sa bilog niyang pagkaniaki si Sabin nagkaigwa nin mga intensiyon na magin piyanista, pero dai siyang talento sa musika, kaya siya nagkonsentrar kan saiyang puturo sa siyensya durante kan saiyang panahon sa Vermont Academy, Saxtons River, Vermont.^[2]

Si Sabin nakua an saiyang bachelor's degree sa Smith College kan 1893. Sa laog nin duwang taon, nagtukdo siya sa hayskul nin mathematics sa Denver na sinundan nin sarong taon kan zoology duman sa Smith bilang paagi tangani na masustentohan an saiyang inot na taon sa graduate school.^[3]

Kan 1896, si Sabin nag'entra sa Johns Hopkins University School of Medicine bilang saro sa katorseng babae sa saiyang klase. Nagbukas an eskwelahan kan 1893 asin co-ed ini poon kadto huli sa pagkakondusir kan sarong amay na nagdonar na kaipohan mag-ako nin mga estudyanteng babayi.^[4]

1. ↑ Current Biography, p. 45
2. ↑ ^{2.0 2.1} Smith College n.d.
3. ↑ National Library of Medicine, 1923
4. ↑ "Florence R. Sabin". Archived from the original on 2012-07-04. Retrieved 2012-02-16.  Unknown parameter |url-status= ignored (help)

Sarong tamboan an artikulong ini. Makakatabang ka sa Bikol Wikipedia sa pagpoon kaining pahina.