|
Dzień toj hniewu, dzień niabyły,
Ŭ im świet ceły stanie pyłam —
Swiedčyć Dawid tak z Sybillaj.
Jak wialiki strach nastanie,
Kali Boh niespadziewana
U tajomnaść serc zahlanie.
Truby hołas strašnym tonam
Zbudzić źmioršych ŭsich staronaŭ
I pastawić ich prad tronam.
Śmierć, świet ceły z žacham hlanie,
Kali ŭmioršy z hrobu ŭstanie
Dla adkazu Sudździ dańnia,
Woś i kniha, hdzie spisana
Ŭsich prastupnaść, choć niaznana,
Prysud świetu stul ad Pana,
Jak zasiadzie Boh na tronie,
Skryty winy Jon adsłonie
I ŭkaraje pa zakonie.
Što pačnu ja nieščaśliwy,
Abaronca dzie praŭdziwy?
Kali ŭ strachu sprawiadliwy!
Ŭ majestacie strašny Boža,
Zbaŭlać darma Tabie hoža,
Twaja miłaść heta moža.
Ŭspomni Jezu, Tej hadziny,
Što ciarpieŭ z majej pryčyny,
Nie karaj mianie za winy.
Dla mianie byŭ spracawany,
Adkupiŭ ukryžawany,
Chaj nia hinuć Twaje rany.
Sudździa, Boža sprawiadliwy,
Pokul prydzie sud strašliwy,
Budź ciapier mnie litaściwy.
Z žacham baču hrachoŭ chmary,
Rumianicca styd na twary.
Boža dobry, zbaŭ ad kary!
Darawaŭ Ty Mahdalenie,
Łotru z kryža daŭ zbaŭleńnie —
Mnie-ž nadzieju ŭ adkupleńnie.
Maja prośba mała znača, —
Ty woś Dobry, daj adnača —
Ŭ wiečnaj kary chaj nia płaču.
Chaj z aŭcami apynusia,
A kazłoŭ aścierahusia,
Na prawicy chaj znajdusia.
Addzialiŭšy złych plamieńnie,
I pasłaŭšy na mučeńnie,
Mnie u niebie daj zbaŭleńnie.
Prad Twaim malusia tronam,
Sercam sumu boli poŭnym,
Majej śmierci budź patronam.
Och, dzień płaču, jak z mahiłaŭ
Na sud scisły swaich winaŭ
Hrešnik prad tron Božy ŭstanie.
Pakažy ty źmiławańnie,
Dobry Jezu, miły Panie,
Daj im wiečna spačywańnie.
|
Прапануем да спампаваньня!
