Lamia (euzhvil)

Ur pennad Lamia zo ivez.

*Lamia* livet gant Herbert James Draper, 1909.

Lamia (Λάμια e henc'hresianeg), pe Sybaris (Σύϐαρις e henc'hresianeg), a oa rouanez Libya, ha dont a reas da vezañ un euzhvil, hanter sarpant, hag a zebre bugale.

Skridoù

Er skridoù nevesoc'h eo lakaet hec'h anv el liester, lamiai e gregach^[1]
. N'eo ket ar vaouez nemeti kinniget evel euzhvil e mojennoù Hellaz: an empousa, ar mormo zo ivez. N'eus nemeti avat he dije hantergorf ur vaouez, ha hantergorf ur sarpant^[2]. Laimos a lavarer e gregach eus ar gorzenn-voued, ha debriñ bugale eo a rae Lamia^[3].

Mojenn

Merc'h e oa Lamia d'an doue Poseidon ha da Libya^[4], a oa deneladenn ar vro anvet Libya. Rouanez Libya e oa, ha karet gant Zeus^[5].

Hera a glevas an doare hag a laeras bugale Lamia. Da-heul kement-se e troas Lamia en un euzhvil kounnaret hag a grogas da lazhañ bugale. Evit he sioulaat e roas Zeus dezhi ar galloud da ziouganañ ha da dennañ he daoulagad^[6]. Pe e voe troet gant Hera en un euzhvil, pe e teuas da vezañ goude lazhadeg hec'h holl vugale (war-bouez Skylla), pe e oa merc'h da Hekate^[7] Hervez Ploutarc'hos^[8]. e c'halle lemel he daoulagad eus o foulloù hag o adlakaat en o lec'h. Diwezhatoc'h e voe kontet e oa un donezon deuet a-berzh Zeus, ha diwezhatoc'h c'hoazh e veze lavaret e oa bet taolet warni ur mallozh hag abalamour da hennezh n'halle ket serriñ lagad ebet ken e wele he bugale lazhet dizehan.

Levrlennadur

Antoninus Liberalis, Metamorfozoù,
Karl Kerényi, 1951. The Gods of the Greeks pp 38–40. Thames & Hudson, 1980, ISBN 0-500-27048-1.

Munudoù

Kemeret e oa bet an anv Lamia gant Thyraud de Vosjoli e-pad an Eil Brezel-bed. Kaoz eus e droioù a zo en e levr Lamia, hag er film Topaz, e 1969.

Liammoù diavaez

Commons

Muioc'h a restroù diwar-benn

Lamia (euzhvil)

a vo kavet e Wikimedia Commons.

Notennoù

↑ Ar gens roman Lamiae, kar d'ar gens Aeliae( Horatio, Odes 3.17, da Aelius Lamia) ha tost da Formiae, n'he doa darempred ebet gant an anv gresianek
↑ Theoi Project: "Lamia"
↑ Aristofanes, Ar Gwesped, 1177.
↑ Diodorus Siculus, Levraoueg Istorel xx.41.
↑ Aristofanes, Peoc'h.
↑ Bell, Women of Classical Mythology, drawing upon Diodorus Siculus 22.41; Suidas 'Lamia'; Ploutarc'hos 'On Being a Busy-Body' 2; Scholiast on Aristophanes' Peace 757; Eustathius on Odyssey 1714) (Mythology dictionary C20th)
↑ Odyssey12.124 ha scholia, hervez Karl Kerenyi, Gods of the Greeks 1951:38 notenn 71.
↑ Ploutarc'hos, De curiositate, 2.

[1] Ar gens roman Lamiae, kar d'ar gens Aeliae( Horatio, Odes 3.17, da Aelius Lamia) ha tost da Formiae, n'he doa darempred ebet gant an anv gresianek

[2] Theoi Project: "Lamia"

[3] Aristofanes, Ar Gwesped, 1177.

[4] Diodorus Siculus, Levraoueg Istorel xx.41.

[5] Aristofanes, Peoc'h.

[6] Bell, Women of Classical Mythology, drawing upon Diodorus Siculus 22.41; Suidas 'Lamia'; Ploutarc'hos 'On Being a Busy-Body' 2; Scholiast on Aristophanes' Peace 757; Eustathius on Odyssey 1714) (Mythology dictionary C20th)

[7] Odyssey12.124 ha scholia, hervez Karl Kerenyi, Gods of the Greeks 1951:38 notenn 71.

[8] Ploutarc'hos, De curiositate, 2.

[1]