Lee Miller
| Lee Miller | |
|---|---|
| Persona informo | |
| Naskiĝo | 9-an de januaro 1952 (72-jaraĝa) |
| Lingvoj | Esperanto • angla |
| Ŝtataneco | Usono 
|
| Okupo | |
| Okupo | esperantisto (1968–)
|
Lee Miller (naskiĝis la 9-an de januaro 1952) estas usona esperantisto. Li magistriĝis en la fako de Profesia Flegado ĉe la Universitato de Missouri-Columbia. Post kariero en tiu fako, li komencis labori profesie kiel interpretisto de la Usona Signo-lingvo, aparte en diplomaj kaj postdiplomaj universitataj kursoj. Nun emerito. Usona esperantisto (kiu lernis la lingvon aŭtodidakte en 1968), li partoprenis en NASK ekde 2000 (en San-Francisko, Brattleboro, San-diego kc), unue kiel redaktisto de la tagĵurnalo La NASKa Fasko kaj poste kiel instruisto. Komence de 2019, li aniĝis en la Akademio de Esperanto por 9-jara oficperiodo.[1]
Li estas dumviva membro de Esperanto-USA kaj UEA. Li estas aktiva en lokaj kaj regionaj Esperanto-grupoj. Li estis membro de la LKK por la landa kongreso en Sankta-Luiso en 1999, kaj estis redaktisto de la Bulteno de la Esperanto-Asocio de Sankta-Luiso. Li, kune kun Tim Westover, pretigis novan eldonon (2017) de la lernolibro "Esperanto: Learning and Using the International Language". Li estas membro de la teamo por Duolingo (angla-Esperanto), kaj aktivas en la ĉefa grupo de Facebook por Duolingo-lernantoj.