Tintagel

Tintagel
vilaĝo, civila paroĥo [+]
Koordinatoj	50° 39′ 47″ N, 4° 45′ 0″ U (mapo)50.663-4.75Koordinatoj: 50° 39′ 47″ N, 4° 45′ 0″ U (mapo)
Akvokolektejo	19,73 km² (1 973 ha) [+]
Areo	19,73 km² (1 973 ha) [+]
Loĝantaro	1 725 [+] (2021)
Poŝtkodo	PL34 [+]
DEC
Tintagel
Vikimedia Komunejo:  Tintagel [+]
En TTT: Oficiala retejo [+]
v • d • r

Tintagel estas la nomo de vilaĝo kaj kastelo ĉe la norda marbordo de Kornvalo, Anglio. Laŭ la 2001-a censo la vilaĝo enhavis ĉ. 1,800 loĝantojn. La kastelo situas sur duoninsulo ligata al la ĉeflando per mallarĝa vojo.

Tintagel estis loĝata ekde la bronzepoko, kaj en la ĉirkaŭaĵoj estas restaĵoj de bronzepokaj tumuloj. Post la foriro de la romianoj, konstruiĝis kastelo, verŝajne sur la sito de antaŭa fortikaĵo. Eble la kastelo estis somerloĝejo de reĝoj de Dumnonia.

En 1233 Rikardo (1-a grafo de Kornvalo) konstruis ŝtonan kastelon kies restaĵoj ankoraŭ videblas. Li estis influata de la verkoj de Geoffrey de Monmouth, laŭ kiu Tintagel ludis gravan rolon en la legendoj pri Reĝo Arturo. La kastelo ne havis militan gravecon. Post nelonge ĝi iĝis malliberejo kaj kadukiĝis.

Laŭ la legendoj pri Reĝo Arturo, estis ĉe Tintagel ke Uther Pendragon amoris Igraine kiu poste naskis Arturon. En la legendo de Tristan kaj Iseult, Tintagel estis la ĉefa kastelo de Reĝo Mark de Kornvalo, onklo de Tristan kaj edzo de Iseult.

Apuda kaverno nomiĝas la kaverno de Merlin laŭ la magiisto de Arturo.

En la vilaĝo estas poŝtoficejo, kiu situas en konstruaĵo datanta de la 14-a jarcento. La konstruaĵo estas posedata de la National Trust.