Mikel Jatsu Azpilkueta
Mikel Jatsu Azpilkueta edo Mikel Xabierkoa (Xabier, Nafarroako Erresuma, 1495 inguru – 1542ko azaroaren 11), Xabierko jauna izan zen Nafarroan, erresumaren konkistaren aurkako borrokan bete-betean inplikatua. Agaramontar alderdikoa zen. Hondarribiko barkamena jaso zuenetako bat da (1524).
| Mikel Jatsu Azpilkueta | |
|---|---|
| Bizitza | |
| Jaiotza | Xabierko gaztelua, 1495 |
| Herrialdea |  Nafarroako Erresuma |
| Heriotza | 1542ko azaroaren 11 (46/47 urte) |
| Familia | |
| Aita | Joanes Jatsukoa |
| Ama | Maria Azpilkueta |
| Haurrideak | |
| Jarduerak | |
| Jarduerak | aristokrata eta militarra |
| Zerbitzu militarra | |
| Parte hartutako gatazkak | Nafarroako konkista Iruñeko gudua |
Biografia
aldatuAita Joanes Jatsu, Nafarroako Erresumako Errege Kontseiluko burua izan zuen; eta ama, Maria Azpilkueta, baztandarra. Anaia zituen Joanes (hura lagun zuela borrokatu zen) eta Frantzisko Xabierkoa (gerora Erromatar Eliza Katolikoak santu izendatua). Gaztetan Xabierko gazteluan bizi zen.
1521ean Erresuma berreskuratzeko hirugarren saiakeran parte hartu zuen. Iruñeko guduan garaipena lortu eta gero hiria defenditu zuen. 1522an Amaiurko gazteluaren setioan atxilotua, heriotza zigorra ezarri zioten. 1524an Karlos I.aren barkamena lortu zuen. Xabierko gaztelura itzulita, 1527an Isabel Goñi Peralta (1561ean hila) ezkondu zuen, eta seme-alaba bi izan zituzten: Mikel (1528-1557) eta Ana Azpilikueta.
Kanpo estekak
aldatu- (Gaztelaniaz) Victor Manuel Arbeloa: "Los hermanos del santo"
| Artikulu hau Nafarroa Garaiko biografia baten zirriborroa da. Wikipedia lagun dezakezu edukia osatuz. |
