Asiut

Asiut
hiria
Irudi gehiago
Administrazioa
Herrialdea	Egipto
Probintzia	Asiut eskualdea
Geografia
Koordenatuak	27°11′13″N 31°10′17″E / 27.1869°N 31.1714°E / 27.1869; 31.1714
Altuera	70
Demografia
Biztanleria	389.307 (2006ko azaroaren 11) Adierazpen errorea: Ustekabeko < eragileaEspresio akatsa: Ez dago operadorerik -(r)entzat
Informazio gehigarria
Sorrera	K.a. 3100
Ordu eremua	UTC+02:00
Hiri senidetuak	Iași

Asiut^[1] (arabieraz محافظة أسيوط, Asyūṭ , ʔɑsˈjuːtˤ ahoskatua) Egiptoko hiria da, izen bereko eskualdeko hiriburua dena. Antzinako egiptoar hiria ondoan du: modernoa 27°11′00″N 31°10′00″E / 27.18333°N 31.16667°E / 27.18333; 31.16667-n dago eta antzinakoa, berriz, 27°10′00″N 31°08′00″E / 27.16667°N 31.13333°E / 27.16667; 31.13333-n.

Antzinako greziar Likopolis eta antzinako egiptoar Sauty, Goi Egiptoko XIII. nomoko hiriburua izan zen, Nilo ibaiaren ibarrean zegoena, Kairotik 359 kilometro hegoaldera. Gaur egun, Asiut gobernazio edo probintziako hiriburua da.

Nubia eta Itsaso Gorritik zetozen karabanek bat egiten zuten merkataritza gune handi bat zen. Egiptoko XI. dinastian, hegoalderago zeuden Herakleopolis eta Tebaseko nomoekin gatazkan sartu zen. Hiri honetan, Upuat jainkoa gurtzen zen, nondik Likopolis izen greziarra datorren. Neoplatonismoaren sortzaile izan zen Plotinoren (205-270 jaioterria izan zen.

Gaur egun, hiri garrantzitsu bat da, izen bereko gobernazio edo probintziaren hiriburu delarik. Bere biztanleria, 2006ko azken erroldaren arabera, 343.498 biztanlekoa da, eta gune kopto nagusienetako bat da. Asiutetik gertu, 1902an amaitu zen esklusadun presa bat eraiki zen, nondik Ibrahimia izeneko kanala abiatzen den, Joseren Kanalarekin lotzen dena, Egiptoko ureztatze kanalik handiena, Nilo ibaiaren urak Birket Qarun lakuari ematen dizkionak, El Fayum eskualdean. Unibertsitate bat du.

Antzinako hiriaren hondakinik ez da geratzen, baina mendian zulatutako hilobiak monumentu bikainak dira. Hondakin garrantzitsuenak, badariar garaiko bere zeramika gorri eta beltz aurredinastikoak dira, baita IX, X eta XII. dinastietako zenbait hilobi ere.

• Egiptoko lehen tarteko aroko hilobiak
• Inperio Ertaineko hilobiak
• Mesehtiren hilobia, miniaturazko zurezko soldaduekin (Kairoko Egiptoar Museoa)
• Sieseren hilobia
• Amenhotepen hilobia

Ernesto Schiaparellik, Egiptoko lehen tarteko aroko dignatarioen hilobiak induskatu zituen

Turingo Egiptoar Museoak, Dyafhapi, Shemes, Minhotep eta Upuautemhaten hilobietan aurkitutako zenbait objektu ditu.