FK Borac Banja Luka

Fudbalski Klub Borac Banja Luka

Ezizena(k)	Crveno-plavi ("gorri-urdinak")
Sorrera	1926
Futbol zelaia	Banja Luka City Stadium edukiera: 13.500 lagun inaugurazioa: 1937
Jabea	Stojan Malbašić
Entrenatzailea	Nenad Lalatović
Liga	Bosnia-Herzegovinako futbol liga
2023-24	1.a
Webgunea	www.fkborac.net
Etxekoa 　 Kanpokoa

FK Borac Banja Luka (izen osoa Fudbalski Klub Borac Banja Luka) Bosnia-Herzegovinako futbol talde bat da, Banja Luka hirikoa. Jokaturiko azken Mitropa Kopa irabazi zuen, 1992koa, eta Bosnia-Herzegovina askatu zenetik Liga eta Kopa bana irabazi ditu.

Taldea 1926an sortu zen Radnički sportski klub Borac izenaz, Jugoslavia ohiko zaharrenetakoa zen beraz. "Borac" izenak "borrokalaria" esan nahi du.

1961 urtean Jugoslaviako lehen mailara igo zen baina urtebete egin zuen bertan. 1971ean berriz igo zen eta 1974an Jugoslaviako Kopako finala jokatu zuen baina Hajduk Split-ek 1-0 garaitu zuen. Lau urte egin zituen maila gorenean.

1988an berriz ere Jugoslaviako Kopako finala jokatu zuen, oraingoan Belgradeko Izar Gorriaren aurka eta 1-0 emaitzaz nagusitu zen, bere lehenengo titulua eskuratuz. 1992an denboraldi bikaina egin zuen, liga laugarren eginez eta Mitropa Kopa eskuratuz (Erdialdeko Europako taldeen arteko txapelketa historikoa). Jugoslaviako azken liga eta azken Mitropa Kopa izan ziren, hurrengo urtean gerra hasi baitzen.

Bosnia-Herzegovina independente bihurtu zenean taldearen indarra jeitsi egin zen, dena dela Bosniako Serbiar Errepublikako talde indartsua izaten jarraitu zuen eta bertako bost kopa eta hiru liga irabazi ditu dagoeneko. Bosnia-Herzegovina osoari dagokionez Liga bat eta Kopa bat eskuratu ditu. 2016an maila galdu zuen baina hurrengo denboraldian berriz igo zen.

2021. urtea bikaina izan zuen Liga irabazi eta Kopako finala jokatu baitzuen. Kopan ordea 0-0 egin ondoren penalti jaurtiketetan galdu zuen titulua. 2024an Liga berri bat irabazi zuen.

• Jugoslaviako Kopa (1): 1988.

• Bosnia-Herzegovinako futbol liga (3): 2011, 2021, 2024
• Bosnia-Herzegovinako futbol kopa (2): 2010, 2024
• Bosniako Serbiar Errepublikako Kopa (5): 1995, 1996, 2009, 2011, 2012

• Mitropa Kopa (1): 1992.

• (Bosnieraz) Webgune ofiziala