Wikipedia:Txokoa/2019ko maiatza

Kaixo. Badakit gai honetaz iritzi desberdinak daudela; baina, zoritxarrez, Wikipedian koherentzia falta handia dago artikulu askoren artean, Txikipedian artikuluak egitean konturatzen ari naizen bezala. Izan ere, mugatzailerik gabekoak (Historiaurre) eta mugatuak (Historia unibertsala) topatzen dira etengabe; baita homogeneotasuna eduki beharko luketen kasuetan ere: Paleolito, baina Neolitoa; Harri Aroa, baina Brontze Aro; Goi Paleolitoa, baina Erdi Paleolito. Garbi dago irizpide bateratua beharko litzatekeela; eta, ahal dela, berbideratu zuzendu beharrekoak. Ez dakit beharrezkoa ote den bozketa egitea; zuek esan. Nire iritzia botako dut, berriro ere: nire ustez, Wikipedia ez da hiztegia, artikuluen bilduma bat baizik. Eta, horregatik, nik mugatzailea ipiniko nuke beti. Historiaurreko adibideak ipini ditudanez, ez dut imajinatzen ikasliburu batean "Paleolito" mugatu gabea ipintzea ikasgai baten hasieran; bada, WPn ere berdin jokatu beharko litzateke, nire ustez. Hau da, kontuan izan gabe Euskaltzaindiaren hiztegian edo Euskaltermen item soila jartzeko duten irizpide zuzena (baina horiek hiztegiak dira, WP ez bezala). Mesedez eskatzen dizut, hori bai, Txikipedia kontuan izateko, zuen iritzia ematean, eta, batera zein bestera, irizpidea bateratzeko. --Koldo Biguri (eztabaida) 12:34, 9 maiatza 2019 (UTC)

Nire iritzia ez dut aldatu, eta ez dakit gehiengo berririk dagoen, baina koherentziaren alde bai egiten dudala. Kasu honetan, Neolitoa eta Paleolitoa defendatzen ditut. -Theklan · · 13:37, 9 maiatza 2019 (UTC)

Irizpideak bateratzearen # Alde, jakina. Nik artikulu batzuetan hitzak edo hitz multzoak mugatzailerik gabe jarriko nituzke: "Urre", "Ur", "Energia nuklear"... Orain dauden bezala. Hiztegietan eta hiztegi entziklopedikoetan bezala. Artikuluak mugatzailerik gabe idaztearen abantailak:

• 1. Erabiltzaileek 'a itsatsia' dagoen ala ez argi ikusiko dute.
• 2. Hitza bilatzerakoan mugatzailea soberan dagoela esango nuke.

Artikulu batzuk mugatzailearekin daude eta egon beharko, 'Gasteizko martxoaren 3ko sarraskia', esate baterako. Horrelako izenburuak ezin dira hiztegietan eta hiztegi entziklopedikoetan aurkitu.

Irizpide orokor bezala, artikuluaren izenburua hiztegietan topatzeko modukoa hitza edo hitz multzoa bada, mugatzailerik ez erabiltzearen aldekoa naiz. Irizpide orokor bezala, Wikipediako artikuluaren izenburua beti hiztegietan bezala idaztearen aldekoa naiz. Irizpiderik xinpleena iruditzen zait.

Beraz, mugituko nituzke; Harri Aroa > Harri Aro, Goi Paleolitoa > Goi Paleolito, etab. Gorkaazk (eztabaida) 13:44, 9 maiatza 2019 (UTC)

Elhuyarren Hiztegi Entziklopedikoan begiratu ditut goiko adibideak, eta Paleolitoa, Neolitoa, Harri Aroa, Brontze Aroa, etab. jartzen dute sistematikoki. UZEIko Imanol Urbietari ere galdetu diot iritzia, eta erantzunaren zain nago. Zalantzarik ez daukat Mamut, Txori... hitzekin, baina Harri Aro ikusteak begi-mina ematen dit (beharbada Lagun Aro gogoratzen dit).--Koldo Biguri (eztabaida) 17:16, 9 maiatza 2019 (UTC)

Eskerrik asko Koldo Biguri gaia hona ekartzearren, egia baita inkoherentziak daudela batzuetan. Oro har, bat nator Gorkaazkek eta Theklanek esandakoarekin. Kasu desberdinen arteko ñabarduren definizioak beharbada emanak dituzte Elhuyarrek eta UZEIk, ondo legoke horiek ezagutzea. Niri belarriak (eta buruak ere, esango nuke), Harri Aroa eskatzen dit, izen bereziak baitira. Beraz, hemen goian Koldok adierazi duenaren haritik. Nire irudiko, Harri Aro edo Bizkai esan berdina da, eta ez da hori kasua, ezta? Ez dira genero bateko aleak edo espezieak.

Gasteizko martxoaren 3ko sarraskia: ados Gorkaazkekin. Sarraski bada izen arrunta, baina osoki hartuta izen berezi moduan funtzionatzen du, gertaera bakana. Goraintzi Iñaki LL (eztabaida) 20:08, 9 maiatza 2019 (UTC)

Niretzat Harri Aroa eta Neolitoa da, Aro Modernoa eta Aro Garaikidea delako izen zuzena, hau da, mugatuta dagoen aro bat delako. -Theklan · · 20:45, 9 maiatza 2019 (UTC)

Nik ere ez dut iritzia aldatu: mugatzailerik EZ, izen arrunta bada; BAI, izen berezi bihurtutako izen arrunta bada. Adibidez, bi artikulu behar dira honako kasuetarako: "egunkari" eta "Egunkaria" ("argi" eta "Argia", "berri" eta "Berria", etab.), "eguzki" eta "Eguzkia". Aroen kasuan, nire ustez izen berezi bihurtutako izen arruntak dira, eta beraz, "a" itsatsia behar dute: Harri Aroa, etab.-Assar; (erantzun hemen) 05:37, 10 maiatza 2019 (UTC)

┌────────────────────────────────────────────────────────────────────────────────────────────────────┘ Bat nator Koldo Bigurik esandakoarekin. Are gehiago, gonbidatzen dut besterik gabe beharrezko aldaketa horiek egiteari ekitera. Izan ere, «Artikuluen izenburuan -a mugatzailea jartzea» izeneko gure politikak argi eta garbi eskatzen du aroen izen berezi horiek guztiak -a mugatzailearekin agertzea izenburuan:

Beraz, Txokoan berriketa gutxiago, eta izenburu desegokien aldaketa gehiago. --Xabier Armendaritz 2019-05-10, 07:40 (UTC)

Jasota, eta eginda! --Koldo Biguri (eztabaida) 14:04, 10 maiatza 2019 (UTC)

Nik mugatzaileak kenduko nituzke, aipatu dituzuen kasuetan izan ezik, WP bezalako webgune garrantzitsu batek (are gehiago euskara bezalako hizkuntza txiki batentzat) Euskaltzaindiaren arauak jarraitu beharko lituzke. Xabi22 (eztabaida) 14:06, 10 maiatza 2019 (UTC)

┌────────────────────────────────────────────────────────────────────────────────────────────────────┘ Mila esker goiko argibideengatik. Beti ikasten da zerbait. Gorkaazk (eztabaida) 19:27, 10 maiatza 2019 (UTC)

Bai @Xabi22: Wikipediak Euskaltzaindiaren arauak jarraitu behar ditu eta jarraitzen ditu. Baina hemengo artikuluek mugatzailerik joan behar direla dioen Euskaltzaindiaren araua non dago? Gainerakoan, mugagadabe/mugatzaile distintzioa egiteko hemen ematen diren argudio ontologikoak, benetan eta zinez, ez ditut ulertzen.-Luistxo (eztabaida) 06:50, 22 maiatza 2019 (UTC)

Kaixo, lehenik eta behin barka mezu hau gaztelaniaz idazteagatik. Soy Francesc, Strategy Liaison para el proceso Wikimedia 2030.

Se acaba de lanzar la convocatoria de los Strategy Saloons, encuentros presenciales para tratar alguno de los Grupos de trabajo del proceso. Es una excelente oportunidad para tratar el tema de manera amena y rodeado de los wikipedistas con quienes tenéis mayor confianza. El proceso estratégico es complicado de seguir y muchos wikipedistas no lo están siguiendo, pero estamos dibujando los cambios que definirán los proyectos Wikimedia de aquí a 2030. Desde aquí os invito a que con el Basque User Group organicéis uno. Un abrazo!--FFort (WMF) (eztabaida) 16:39, 10 maiatza 2019 (UTC)

@FFort (WMF): Eskerrik asko Francesc. Estaría bien que propusieras unas fechas que te vengan bien, para ver si hay quorum, ya que arriba ya hemos visto algunos usuarios que se podría hacer. -Theklan · · 10:05, 13 maiatza 2019 (UTC)

Lo suyo sería un fin de semana, las ayudas se fallan a finales de mes, o sea que sería para junio. ¿8-9 os parecería bien?--FFort (WMF) (eztabaida) 21:05, 13 maiatza 2019 (UTC)

Katalanezko Wikipediako @Mineralbot erabiltzaileak automatikoki sortu zituen hainbat artikulu Mindat webgunean dauden datuak automatikoki erauzita. Martxotik hona Informatika Fakultateko ikasle Xabier Garmendia Xagardi, Theklan eta hiruon artean ibili gara katalanen programak egokitzen Euskal Wikipedian berdin egiteko. Lehengo astera arte @EUmineralbot erabiltzailearen lantegian jarri izan ditugu lortutako zirriborroak, gero nahi duenak banan-banan zirriborro horiek onartu, egokitu eta argitaratzeko. Baina asteburu honetan ia 500 artikulu berri sortu ditugu (ikus "Mineral Mindat" kategoria). 500 mineral aukeratu ditugu www.mindat.org webgune horretako 4000ren artetik, zeintzuk? Wikidatarekin erraz lotu ditzakegunak izan dira horiek; wikidatan Mindat propietatea zituzten eta Euskal Wikipedian artikulua artean definituta ez zutenak izan dira. Artikuluak sortu ditugu, baina kontua da artikulu batzuetan oraindik hobekuntza batzuk egin behar direla. Mindat webgunean ez dira egon beti espero genituen datu guztiak, edo uste genuen bezala. Horrelakoetan sortu den artikulua normalean ez da ailegatzen 1000 karakteretara, eta kasu askotan Mindat-en falta zen datua (formula, kristalak sortzeko modua edo mineral mota) wikidatatik jaso ahal izango dugu geroago. Bestalde, mila esker ‎Lainobeltz, honezkero hainbat mineral-izen zuzendu dituzulako; bukaeran egin nahi genuen eta modu semi-automatikoan, baina ongietorria da horrelako laguntza ;-) Ksarasola (eztabaida) 23:56, 12 maiatza 2019 (UTC)

Aupa @Ksarasola:, @Zuiarra: ta besteok: izen batzuk zuzendu ditut bai, baina ez daukat mineralen izen zerrendarik, beraz nire zuzenketen artean hainbat akats ere egongo dira. Ez zaitezte nire zuzenketez larregi fidatu! Ondo izan, -Lainobeltz (eztabaida) 10:40, 13 maiatza 2019 (UTC)

Zorionak Xagardi, Theklan eta Ksarasola!!! oso lan txukuna egin duzue eta!!!. Badakit ez dela zuen lana bezain zabala baina Euskaltermen "Mineralak" izeneko hiztegia dago eta agian izen batzuentzako erabilgarria izango litzateke. Beste izenekin... zelan bozketatxo bat egin?: sasi-itzulpenak (ingelesezko "c" "k" bihurtu, eta antzekoak), izen zientifikoak (horrelakorik al daude?)... --Marklar (eztabaida) 17:32, 13 maiatza 2019 (UTC)

Ez da bozketa kontua. Gehienetan mineralek leku edo pertsona baten izena daramate, beraz euskaraz leku hori "c" letrarekin hasten bada, edo pertsona izen bat baldin bada, guk mantendu beharko genuke. Euskaraz izen "propioa" duten mineralak oso gutxi dira, eta horien artikuluak bagenituen. -Theklan · · 18:04, 13 maiatza 2019 (UTC)

Zorionak lan honengatik wikilari informatikariak (eta gainerakoak:)!! Beste aurrerakada bat EU WPentzat! Iñaki LL (eztabaida) 20:15, 14 maiatza 2019 (UTC)

Kaixo! Dakizuenez, orain izena ematen duzunean Wikipedian ez da ezer ere gertatzen. Zure kontua irekitzen da, eta kitto. Proiektu berri bat dago honetarako: mw:Growth/Personalized_first_day/Newcomer_homepage, Wikimedia Fundazioko hazkuntza taldeak proposatua. Ideia sinplea da: sartzerakoan inkesta txiki bat egiten dizu: zer egin nahi duzun, zeintzuk diren zure interesak... eta horren arabera hasiera orrialde bat sortzen dizu, zure interesen araberako lan posibleak erakutsi eta, garrantzitsuena, mentore bat aurkezten dizu, Wikipediako erabiltzaile "aditu" bat dena. Galderak egin diezaiokezu eta laguntza orriak zuzenean kontsultatu. Gainera, aukera duzu ere zuk egindako aldaketek izandako inpaktua ikusteko, agian Wikipediako bitxikeriak ikasteko, eta denbora pasa ahala teknika berriak (adb, erreferentziak nola txertatu) edo aukera berriak (argazkiak bozkatu, txokoa ezagutu...) ikasteko aukera duzu.

Kontua da hau euskarazko Wikipedian instalatzeko komunitatearen eztabaida eta oniritzia behar dela. Beraz, galdetzen dizuet ea interesgarri ikusten duzuen edo ez.

Besterik gabe, zuen mezuen eta ekarpenen zain. -Theklan · · 18:34, 17 maiatza 2019 (UTC)

Jende gutxi gabiltza, baina eskatzea beti izango da libre, bereziki WPn (besterik da erantzutea). Bat nator... -Iñaki LL (eztabaida) 13:07, 18 maiatza 2019 (UTC)

Ni laguntzeko prest nago, baina beldur naiz laguntza pertsonalizatua emateko asmo hori gehiegitxo ez ote den. Izan ere, laguntza eskatzen duenak berehalako erantzuna nahi izango du, eta laguntzaile bakar bat jartzen bazaio, laguntzaile horrek egun horretan bertan (edo, galdetzailearen pazientziaren arabera, ordu horretan bertan) erantzun ezin badio, hasiberria desanimatuko dugulakoan nago. Ez al da hobea hasiberrien galderetarako orri edo gune berezi bat jartzea, eta hor izena emanda gauden guztion artean erantzutea? Erantzunak askoz azkarrago iritsiko lirateke... --Xabier Armendaritz 2019-05-18, 17:13 (UTC)

Ados Xabierrekin, hasieberrien galderetako orri-gune horrekin, eta ez bakarrik hasiberrientzako, nik zalantza eta galdetzeko gauza asko ditut eta ikastaro gehienak Donostia aldean edo unibertsitateetan ematen dituzuenez, ba aukera gutxi zuzenean galdetzeko.-Iñigoo (eztabaida) 08:24, 19 maiatza 2019 (UTC)

Niri oso ideia ona iruditzen zait. Erabilgarritasuna hobetu den arren, Wikipedian editatzen hastea nahiko konplikatua izan daiteke, eta hasiberrei gauzak ahalik eta argien eta errazen azaltzea bikain iruditzen zait. Goian aipatu den gaiaren inguruan, beste aukera bat izan liteke galdera egiterakoan, aipatu denarekin abisu moduko bat uztea: "Kontuan izan zure galdera boluntario batek erantzungo duela eta beraz, erantzunak denbora pixka bat har lezakeela" edo antzeko zerbait. -Supro23 (eztabaida) 10:23, 21 maiatza 2019 (UTC)

Uste dut Xabier Armendaritzek dioena egiten duela: mentore bat esleitzen dizu, baina ikus dezakezu ere orain dela zenbat erantzun zuten azken mezua, lasai hartzeko. Gainera, e-mail bidez ere jasotzen du galdetzen duenak erantzuna, beraz ez du zertan egon behar klik egiten konstanteki.

Uzten dizut piztu daitezkeen gauzen zerrenda hemen: mw:Growth#Initiatives. -Theklan · · 08:51, 22 maiatza 2019 (UTC)

Kaixo! Txantiloiak murrizteko helburuarekin, hainbat gai batzen dituen txantiloia sortu dut: artelanak, musika diskoak, liburuak... basikoki gizakiek egindako guztia eraikinak izan ezik. {{lan infotaula automatikoa}} izena du, eta gure auzokide berria da. Esan kaixo. -Theklan · · 21:01, 17 maiatza 2019 (UTC)

Eskerrik asko, nik egiten ditudan itzulpenetarako oso baliagarri izango zait.

Bide batez, aspaldidanik dudan zalantza bat: Txokoan jartzen dituzuen mezuak zergatik daude zaharrenetik berrietara ordenatuta? Ez litzateke askoz praktikoagoa izango alderantziz baleude? Jarri berri dituzuen azken bi edukiak ikusi baditut, txiripa hutsez besterik ez da izan.

-Iñigoo (eztabaida) 07:57, 18 maiatza 2019 (UTC)

Ba oso galdera ona. Horrela egin izan dugu beti eta sistema honekin agian errazena hori da, eztabaida zaharrak artxibatzea errazagoa egiten duelako... edo. -Theklan · · 08:15, 18 maiatza 2019 (UTC)

Ba nik uste, askok ez dute berri hauek ikusiko, zer esanik ez wikipedian hasiberriak direnak, izan ere mezu hauek erabat "ezkutatuak" daude. Automatikoki mezu berriak goiko aldean jarri ahal izanez gero, mezuen edukia jende gehiago irakurriko luke zalantza barik.-Iñigoo (eztabaida) 16:27, 18 maiatza 2019 (UTC)

Kaixo, 7 bat hilabeteko eten editorial baten ondoren... berriro gauzatxoak editatzen hemendik. Nire eskerrik beroenak editore jarraituei, eskaera extra honekin: izan abegikor editore "intermitenteekin". :-) Bueno, zera da nire kezka: abisua jaso dut orri bat ezabatu didala sistemak. Cayetana dukesarena ez dago jada euskaraz.

Nonbait itzulpen automatikotik abiatzen zarenean orain artikulu bat sortzera, kontrol neurri extra batzuk daude, eta sistemak eskatzen dizu itzulpena berrikusteko, ez uzteko jatorrizkoa. Nik halaxe egiten dut: ez dut uzten itzulpen automatikoak sortutakoa inondik inora, baina ez dut egiten ezta ere jatorrizkoaren itzulpen zehatz eta oso bat. Nik Cayetanarena egin nuenean, ez nuen egin gaztelaniazko edo ingelesezko itzulpen osoa (ez dakit jatorri hizkuntza zein erabili nuen, izatez), baizik eta parrafo batzuen aukeraketa, lotura nagusi batzuk gorde ahal izateko, eta ondoren elaboratzeko (datu espezifikoki berriekin, esanguratsuak gure wikipediarako: adibidez, Dukesaren konexioa Donostiako zenbait jabetzarekin).

Oharrarekin, esteka jaso dut nire itzulpenak berrikustekoa edo... Bakoitzak hor bere zerrenda ikusiko du, baina nire luze samarra da eta kezkatuta nauka. Itzulpen asko garapen txikiarekin agertzen zaizkit, eta beldur naiz ez ote dizkidan sistemak ezabatuko. Abisu hau dut Mondegreen artikuluaz:

Ikus mesedez artikuluaren euskal bertsioa eta ingelesezkoa. Automatikotik abiatu nintzen artikulua sortzeko, eta ez, artikulu euskaratua ez da ingelesezkoaren itzulpen bat, baina landutako artikulu beregain bat da euskarazkoa: ez dut uste ezabaketa merezi duenik.

Abisu zerrenda oso luzea dut artikulu hauekin... Adibidez, ingelesetik abiatuak Alargun eta umezurtzak, Kapirote, Arrabat frantsesetik... Ezabatu egingo dizkit "sistemak" automatikoki?

-Luistxo (eztabaida) 11:39, 18 maiatza 2019 (UTC)

Kaixo, Luistxo. Cayetanari buruzko artikuluaren arrastorik ez dut aurkitu. Segur aski, argitaratu gabe zeneukan, eta azken pauso hori eman ez zenuelako ezabatu dizu sistemak zirriborroa, urtebeteren ondoren. Aipatu dituzun beste artikulu horiek («Alargun eta umezurtzak», «Kapirote», «Arrabat») argitaratuta daude, eta beraz ez dirudi sistemak automatikoki ezabatzeko arriskuan daudenik. --Xabier Armendaritz 2019-05-18, 17:04 (UTC)

Eskerrik asko @Xabier Armendaritz:, lasaitu ederra. Egongo naiz atento beste ezer gertatzen bada.

Kaixo! Lehen Iñigook aipatu duen bezala, Txokoan gauzak jarraitzea zaila da erabiltzaile berrientzat. Badugu gure Wikipedian "LiquidThreads" deitzen den sistema bat, foro baten itxura hartzen duena. Begiratu, adibidez, hemen. Katalanezko Wikipedian aspaldi erabiltzen dute. Nik uste txukunagoa dela, aukera gehiago eta errazagoak ematen dituela parte-hartzeko eta edukiak hobeto sailkatzen direla. Uste al duzue erabili beharko genukeela Txokoan, trebatu arte? -Theklan · · 10:42, 19 maiatza 2019 (UTC)

It is not LiquidThreads but StructuredDiscussions ("SD" - ex Flow). :)

Any admin can create or convert a page on your wiki to SD using Special:EnableStructuredDiscussions. Trizek (WMF) (eztabaida) 10:47, 19 maiatza 2019 (UTC)

Eskerrik asko Theklan, eta hala da nire ustez, Txokoan jartzen dituzuen berriak ez daude bat ere ikusgai.-Iñigoo (eztabaida) 14:33, 19 maiatza 2019 (UTC)

Oker ez banabil, katalanek aspalditik erabiltzen duten metodoa da. Erabiltzaile baten orrian sartu nintzen mezu bat uzteko, beste ezer ez nekiela, eta niri lio bat iruditu zitzaidan, intuizioaren kontrakoa. Ez dakit nola egiten den berriena goian egoteko, hori ondo egongo litzateke Txokoan. Bestalde, Txokoan Ikusizko Editorea izateak ere erabiltzaile berriei lagunduko lieke. -Iñaki LL (eztabaida) 20:49, 19 maiatza 2019 (UTC)

@Iñaki LL: Goian duzu, sartzen zaren momentuan: "Temes més recents" edo "Temes amb activitat més recent". Ezkerrean "Navega els temes" duzu ere, eduki taula ikusteko.

Eskerrik asko Theklan estekagatik. Litekeena da hau bertsio hobe bat izatea, ondo doa. -Iñaki LL (eztabaida) 21:06, 21 maiatza 2019 (UTC)

@Trizek (WMF): Merci! -Theklan · · 20:52, 21 maiatza 2019 (UTC)

1.  Alde. Egia da hasiberriei lanak erraztuko dizkiegula, eta wikilari berriak erakartzeko premia dugu. --Xabier Armendaritz 2019-05-19, 17:26 (UTC)
2.  Alde.--Xabier Cañas (eztabaida) 18:51, 19 maiatza 2019 (UTC)
3.  Alde. -Lainobeltz (eztabaida) 19:51, 19 maiatza 2019 (UTC)
4.  Alde. -Oraina (eztabaida) 09:44, 20 maiatza 2019 (UTC)
5.  Alde. -Supro23 (eztabaida) 10:19, 21 maiatza 2019 (UTC)
6.  Alde, erabat. -Xabi22 (eztabaida) 13:59, 21 maiatza 2019 (UTC)
7.  Alde.-Iñigoo (eztabaida) 16:38, 21 maiatza 2019 (UTC)
8.  Neutrala. Ikus goian. -Iñaki LL (eztabaida) 21:07, 21 maiatza 2019 (UTC)
9.  Alde -Theklan · · 20:52, 21 maiatza 2019 (UTC)
10.  Alde - --Luistxo (eztabaida) 06:35, 22 maiatza 2019 (UTC)
11.  Alde - --Edagit (eztabaida) 08:04, 22 maiatza 2019 (UTC)

Kaixo! Hemendik aurrera lehen kodean sartu behar zen {{PAGEBANNER:irudiarenizena.jpg|origin=1,1}} kodea txantiloi bidez txerta daiteke ikusizko editorean. Nahikoa da Txertatu > Txantiloia > Banner jartzea eta irudia zein den esanez gero, berak egingo ditu pausoak. -Theklan · · 10:44, 19 maiatza 2019 (UTC)

Ondo, eskerrik asko. Ea ikasten dudan nola egin. --Koldo Biguri (eztabaida) 16:46, 23 maiatza 2019 (UTC)

Kaixo. Ikaragarrizko gauza ari da gertatzen Txikipedian: azken bi hilabeteotan 300 artikulu inguru idatzi dituzte, seguruenik gehienak ikasleek. Nazioarteko Batzarrean aurkeztu genuenean, apiril hasieran, 1.500 artikulu inguru zituen; gaur 1.869. Kontua da ezinezkoa zaidala kopuru hori ikuskatzea eta zuzentzea. Norbait esku bat botatzeko prest? Eskerrik asko. --Koldo Biguri (eztabaida) 16:49, 23 maiatza 2019 (UTC)

Ni ere aritzen naiz tarteka Txikipediako artikuluak zuzentzen, baina nekez iritsiko gara guztietara (bai Euskal Wikipedia orokorrean, bai Txikipedian), ez baikara wikilari asko. Ea Wikipedia honetara jende gehiago erakartzea lortzen dugun. --Xabier Armendaritz 2019-05-23, 16:58 (UTC)

Txikipedian zuzenketa behar duten artikuluen zerrendarik badago? 'Zuzentzeko' edo antzeko kategoriarik ezartzen da Txikipedian? Kategoria:Zuzentzeko Gorkaazk (eztabaida) 10:31, 24 maiatza 2019 (UTC)

Oraingoz ez dago zuzentzeko kategoriarik, eta "Azken aldaketak" erabiltzen ditugu; baina ideia ona iruditzen zait kategoria hori abiatzea. Saiatuko naiz. Eskerrik asko, G. --Koldo Biguri (eztabaida) 10:58, 24 maiatza 2019 (UTC)

Egina. Artikulu batean {{txikipedia zuzendu}} txantiloia jarriz gero, «Kategoria:Txikipedia:Zuzentzeko» kategorian agertuko da. --Xabier Armendaritz 2019-05-24, 11:26 (UTC)

Zuzentzea garrantzitsua da, nik ere batzuetan egiten dut. Baina ez pentsa Txikipediak nahi bezala funtzionatuko balu helduko garenik. - Theklan · · 12:30, 24 maiatza 2019 (UTC)