Koyaanisqatsi

Koyaanisqatsi
Logo do filme.
Ficha técnica
Título orixinal	Koyaanisqatsi
Director	Godfrey Reggio
Produtor	Godfrey Reggio
Guión	Ron Fricke Michael Hoenig Godfrey Reggio Alton Walpole
Música	Philip Glass
Fotografía	Ron Fricke
Montaxe	Ron Fricke Alton Walpole
Estudio	Institute for Regional Education American Zoetrope
Distribuidora	Island Alive New Cinema
Estrea	27 de abril de 1983
Duración	85 minutos[1]
Orixe	Estados Unidos
Xénero	Experimental
Recadación	1,7 millóns de dólares[2]
Filme seguinte	Powaqqatsi
Na rede
http://www.qatsi.org e http://www.koyaanisqatsi.org/films/koyaanisqatsi.php

Koyaanisqatsi, tamén coñecido como Koyaanisqatsi: Life Out of Balance, é un filme experimental de 1982 dirixido por Godfrey Reggio. A música é obra de Philip Glass e a fotografía de Ron Fricke. O filme componse de escenas en slow motion e time-lapse de cidades e paisaxes naturais ó longo dos Estados Unidos de América. É un poema visual que non contén ningún diálogo nin narración: o seu sentido estabelécese pola xustaposición de imaxes e música. Reggio explicou a carencia de diálogo declarando "non é por falta de amor á lingua que estes filmes non teñen palabras. Débese, dende o meu punto de vista, a nosa linguaxe está nun estado de grande humillación. Xa non describe o mundo no que vivimos".^[3] Na lingua hopi, a verba Koyaanisqatsi quere dicir "vida desequilibrada".^[4] O filme é o primeiro da coñecida como triloxía Qatsi e foi seguido por Powaqqatsi (1988) e Naqoyqatsi (2002). A triloxía amosa diferentes aspectos da relación entre humanos, natureza e tecnoloxía. Koyaanisqatsi é o máis coñecido da triloxía e é considerado un filme de culto.^[5] Porén, por mor de temas de dereitos de autoría, o filme estivo fóra de publicación durante a maior parte da década de 1990.^[6]

• Koyaanisqatsi na IMDb (en inglés).
• Ficha en RottenTomatoes (en inglés)
• Ficha en Criterion (en inglés)