Pica (xénero)

Para outras páxinas con títulos homónimos véxase: Pica (homónimos).

Pica
Pegas
Rango fósil: plioceno - actualidade ^[1]

Pega rabilonga (Pica pica)

Reino:	Animalia
Filo:	Chordata
Subfilo:	Vertebrata
Clase:	Aves
Orde:	Passeriformes
Familia:	Corvidae
Xénero:	Pica Brisson, 1760

Especie tipo

Corvus pica Linnaeus, 1758
= Pica pica (Linnaeus, 1758)

Especies

Véxase o texto

Pica é un xénero de aves paseriformes da familia dos córvidos, que comprende de tres a sete especies, segundo os autores, denominadas comunmente pegas en galego.^[2]

Características

Son córvidos de tamaño mediano, corpo robusto, cola longa e ás curtas, adaptadas especialmente para que o animal manobre con facilidade entre árbores e arbustos. Miden en torno aos 50 cm de lonxitude, dos cales a metade corresponde á súa longa cola.^[3]

A diferenza doutros córvidos, ademais da negra presentan gran parte do seu plumaxe de cor branca, especialmente no ventre e nas ás, e algunhas zonas presentan iridiscencias de tons azuis.

Son aves omnívoras.^[1] A súa dieta está composta basicamente de froitos, sementes e insectos, aínda que tamén é común velas alimentándose de preas, ovos, polos e aves e mamíferos de pequieno tamaño e, ocasionalmente, tamén de lixo dos vertedoiros (principalmente en inverno, cando escasea o alimento ou é máis difícil de conseguir).

Ao igual que outros xéneros de córvidos está moi estendido, ocupando a maior parte da rexión holoártica, coa excepción do leste de Norteamérica, estando tamén ausente das zonas máis frías e desérticas.^[3]

Taxonomía

Descrición

O xénero foi descrito en 1760 polo zoólogo francés Mathurin Jacques Brisson, na páxina páxina 30 do volume 1,^[4] da súa obra Ornithologie ou méthode contenant la division des oiseaux en ordres, sections, genres, especes & leurs variétés. A laquelle on a joint une description exacte de chaque espece, avec les citations des auteurs qui en ont traité, les noms qu'ils leur ont donnés, ceux que leur ont donnés les différentes nations, & les noms vulgaires. Ouvrage enrichi de figures en taille-douce. Tome I. París: Bauche. (en francés),(en latín)

Etimoloxía

O nome do xénero, Pica, deriva do latín pica,- ae, 'pega'.^[5]

Especies

Segundo o Sistema Integrado de Información Taxonómica (ITIS), recoñécense no xénero tres especies:^[6]

Pica hudsonia (Sabine, 1823) – a pega de Hudson, que habita no noroeste de Norteamérica.
Pica nuttalli (Audubon, 1837) - a pega de Nuttall, que vive só en California.
Pica pica (Linnaeus, 1758) - a pega común, a especie de maior área de distribución, xa que está presente na maior parte do paleártico, salvo nos desertos e na tundra.

Porén, investigacións recentes (2003) puxeron en dúbida a taxonomía de Pica.^[7] P. hudsonia e P. nuttalli son os parentes máis achegados entre si, e segundo algúns autores serían conespecíficas; pero son especies diferentes. E polo menos a raza coreana de P. pica tamén debería considerarse unha especie separada.

E un estudo de filoxenia molecular publicado en 2018 descubriu que a até daquela chamada pega eurasiática (Pica pica) comprendía varias especies diferentes, incluíndo Pica mauritanica, P. asirensis e P. serica.

Por iso, segundo a clasificación de referencia do Congreso Ornitolóxico Internacional de 2018, ás tres especies citadas anteriormente débense engadir as catro seguintes:^[8]

Pica mauritanica Malherbe, 1845
Pica asirensis Bates, 1936
Pica serica Gould, 1845
Pica bottanensis Delessert, 1840

Na actualidade (2021), a organización Global Biodiversity Information Facility (GBIF) considera as seguintes oito especies (unha delas extinta, descrita e n 2001):^[4]

Pica asirensis Bates, 1936
Pica bottanensis Delessert, 1840
Pica hudsonia (Sabine, 1823)
Pica mauritanica Malherbe, 1845
Pica mourerae † Segui, 2001
Pica nuttalli (Audubon, 1837)
Pica pica (Linnaeus, 1758)
Pica serica Gould, 1845

Pica pica
Pica hudsonia
Pica nuttalli
Pica mauritanica
Pica serica

Paleontoloxía

A especie máis antiga do xénero Pica, Pica mourerae, coñécese a partir de fósiles encontrados en estratos do límite plioceno-plistoceno en Mallorca.^[1]^[9]

Notas

↑ ^1,0 ^1,1 ^1,2 Pica Brisson 1760 en Fossilworks.
↑ pega, 1ª acep. no Dicionario da RAG.
↑ ^3,0 ^3,1 Ericson, Per G. P. et al 2005.
↑ ^4,0 ^4,1 Pica Brisson, 1760 no GBIF. Consultada o 9 de decembro de 2021.
↑ Jobling, James A (2010). The Helm Dictionary of Scientific Bird Names. London: Christopher Helm. p. 305. ISBN 978-1-4081-2501-4.
↑ Pica Brisson, 1760 no ITIS.
↑ Lee, Sang-im et al. 2003.
↑ Song, S.; Zhang, R.; Alström, P.; Irestedt, M.; Cai, T.; Qu, Y.; Ericson, P.G.P.; Fjeldså, J. & Lei, F. (2017): "Complete taxon sampling of the avian genus Pica (magpies) reveals ancient relictual populations and synchronous Late-Pleistocene demographic expansion across the Northern Hemisphere". Journal of Avian Biology 49 (2): 1-14. (Texto completo).
↑ Bartomeu Seguí (2010): "A new species of Pica (Aves: Corvidae) from the Plio-Pleistocene of Mallorca, Balearic Islands (Western Mediterranean). En: Geobios 34 (3): 339–347.

Véxase tamén

Bibliografía

Ericson, Per G. P.; Jansén, Anna-Lee; Johansson, Ulf S. & Ekman (2005): "Inter-generic relationships of the crows, jays, magpies and allied groups (Aves: Corvidae) based on nucleotide sequence data". Journal of Avian Biology 36: 222-234. PDF Texto completo Arquivado 10 de agosto de 2017 en Wayback Machine..
Lee, Sang-im; Parr, Cynthia S.; Hwang,Youna; Mindell, David P. & Choea, Jae C. (2003): "Phylogeny of magpies (genus Pica) inferred from mtDNA data. Molecular Phylogenetics and Evolution 29: 250-257. PDF Texto completo.
Song, G. et al. (2018): "Complete taxon sampling of the avian genus Pica (magpies) reveals ancient relictual populations and synchronous Late-Pleistocene demographic expansion across the Northern Hemisphere". Journal of Avian Biology 2018: e01612 Resume.

Outros artigos

Córvidos

Ligazóns externas

[FW-1] 1,0 ^1,1 ^1,2 Pica Brisson 1760 en Fossilworks.

[2] , 1ª acep. no Dicionario da RAG.

[FOOTNOTEEricson,_Per_G._P._''et_al''2005-3] 3,0 ^3,1 Ericson, Per G. P. et al 2005.

[G-4] 4,0 ^4,1 Pica Brisson, 1760 no GBIF. Consultada o 9 de decembro de 2021.

[job-5] Jobling, James A (2010). The Helm Dictionary of Scientific Bird Names. London: Christopher Helm. p. 305. ISBN 978-1-4081-2501-4.

[6] Pica Brisson, 1760 no ITIS.

[FOOTNOTELee,_Sang-im_''et_al.''2003-7] Lee, Sang-im et al. 2003.

[8] Song, S.; Zhang, R.; Alström, P.; Irestedt, M.; Cai, T.; Qu, Y.; Ericson, P.G.P.; Fjeldså, J. & Lei, F. (2017): "Complete taxon sampling of the avian genus Pica (magpies) reveals ancient relictual populations and synchronous Late-Pleistocene demographic expansion across the Northern Hemisphere". Journal of Avian Biology 49 (2): 1-14. (Texto completo).

[9] Bartomeu Seguí (2010): "A new species of Pica (Aves: Corvidae) from the Plio-Pleistocene of Mallorca, Balearic Islands (Western Mediterranean). En: Geobios 34 (3): 339–347.

[1]