Robert F. Kennedy

Robert F. Kennedy
	; (1964)
Biografía
Nacemento	(en) Robert Francis Kennedy ; 20 de novembro de 1925 ; Brookline, Estados Unidos de América (pt)
Morte	6 de xuño de 1968 (42 anos); Os Ánxeles, Estados Unidos de América
Causa da morte	homicidio, ferida por arma de fogo
Lugar de sepultura	Cemiterio Nacional de Arlington, Section 45, grave S-45-A 38°52′52″N 77°04′17″O / 38.881174, -77.071499
Senador dos Estados Unidos
	3 de xaneiro de 1967 – 6 de xuño de 1968 (finado no cargo) – Charles Goodell → ; Lexislatura: 90th United States Congress (en) ; Circunscrición electoral: New York Class 1 senate seat (en) ; Electo en: 1964 United States Senate election in New York (en)
Senador dos Estados Unidos
	3 de xaneiro de 1965 – 3 de xaneiro de 1967 ; ← Kenneth Keating ; Lexislatura: 89th United States Congress (en) ; Circunscrición electoral: New York Class 1 senate seat (en) ; Electo en: 1964 United States Senate election in New York (en)
64º Procurador-geral dos Estados Unidos (pt)
	20 de xaneiro de 1961 – 3 de setembro de 1964 ; ← William P. Rogers (pt) – Nicholas Katzenbach (pt) → ; Nomeado por: John F. Kennedy
Datos persoais
Relixión	Catolicismo
Educación	Universidade de Virxinia - dereito (–1951); Universidade Harvard - grao en Artes (–1948); V-12 Navy College Training Program (en) ; Milton Academy (pt) ; Portsmouth Abbey School (en) ; Harvard College ; University of Virginia School of Law (en) ; Bates College ; Riverdale Country School (pt)
Actividade
Lugar de traballo	Washington, D.C.
Ocupación	político, avogado, oficial, escritor
Período de actividade	1944 - 1946
Partido político	Partido Demócrata
Carreira militar
Lealdade	Estados Unidos de América
Rama militar	Armada dos Estados Unidos de América
Rango militar	Seaman apprentice (en)
Conflito	segunda guerra mundial
Deporte	Fútbol americano
–
Traxectoria
Familia
Familia	Família Kennedy (pt)
Cónxuxe	Ethel Kennedy (1950–1968), morte
Fillos	Kathleen Kennedy Townsend, Joseph P. Kennedy II, Robert F. Kennedy Jr., David A. Kennedy, Courtney Kennedy Hill, Michael LeMoyne Kennedy, Kerry Kennedy, Christopher G. Kennedy, Max Kennedy, Douglas Harriman Kennedy, Rory Kennedy
Pais	Joseph P. Kennedy Sr. e Rose Kennedy
Irmáns	Joseph P. Kennedy; John F. Kennedy; Rosemary Kennedy; Kathleen Cavendish; Eunice Kennedy Shriver; Patricia Kennedy Lawford; Jean Kennedy Smith; Edward Kennedy
Premios
	(1978) Medalla de Ouro do Congreso dos Estados Unidos de América; (1962) Medalla Ernst Reuter ;
	Sinatura
Descrito pola fonte	Enciclopedia soviética armenia; Obálky knih,

Robert Francis "Bobby" Kennedy, nado en Brookline (Massachusetts) o 20 de novembro de 1925 e asasinado nos Ánxeles (California) o 6 de xuño de 1968, foi unha personalidade do dereito estadounidense, e o irmán máis novo do presidente John F. Kennedy. Foi designado polo seu irmán coma fiscal xeral para a súa administración.

Traxectoria

Robert Kennedy era o sétimo fillo de Joseph P. Kennedy e Rose Kennedy. Asistiu e graduouse na Universidade Harvard en 1948, tras servir durante pouco tempo na Armada. Recibiu a súa graduación en dereito polo Colexio Legal da Universidade de Virxinia en 1951 e posteriormente encargouse de asesorar (con bastante éxito) ó seu irmán John para o comezo da súa campaña ó senado en 1952.

O presidente Kennedy premiou ó seu irmán nomeándoo fiscal xeral dos Estados Unidos. Durante a administración Kennedy, "Bobby" foi asesor do presidente. Un dos problemas aos que tivo que enfrontarse foi a invasión de Baía de Cochinos en Cuba no ano 1961, así coma a crise dos mísiles de Cuba 18 meses máis tarde. Tamén se enfrontou coa escalada militar en Vietnam e cos movementos en defensa dos dereitos civís. É recordado sobre todo polos seus traballos nos dereitos civís. Tralo asasinato do presidente Kennedy en 1963, Robert permaneceu coma fiscal xeral aínda que as súas relacións co seguinte presidente, Lyndon B. Johnson, non foron boas.

Trala morte de JFK, Robert pensou que podía obter a vicepresidencia no goberno de Johnson. Porén, despois de que Johnson confirmara que non contaba con el para o cargo, abandonou o gabinete do presidente. Iniciou a campaña para conseguir unha cadeira no senado coma representante por Nova York. Foi elixido en novembro de 1964, derrotando ó seu opoñente republicano, Kenneth Keating.

Candidatura á presidencia e asasinato

Nun principio, Kennedy negou as especulacións que afirmaban que ía intentar ser o candidato demócrata ás eleccións á presidencia de 1968, enfrontándose ó seu compañeiro de partido, o presidente Johnson. Johnson obtivo unha vitoria débil nas primarias de Nova Hampshire contra o senador Eugene McCarthy, un candidato anti-guerra; pouco despois, Kennedy anunciou a súa candidatura o 16 de marzo. Dúas semanas despois, Johnson declarou nunha intervención televisada que non ía presentarse á reelección.

O 5 de xuño de 1968, Kennedy realizou un discurso de agradecemento ós seus electores no Hotel Ambassador dos Ánxeles. Mentres se dirixía por un andar cheo de xente cara ás cociñas do hotel, Sirhan Sirhan, un home de 22 anos residente nos Ánxeles e con ascendentes palestinos, apareceu disparando cun revólver do calibre 22 contra a multitude que enchía o andar. Diversas persoas resultaron feridas, entre elas o senador Kennedy ao que disparou a queimarroupa. Sirhan confesou o seu crime por ser contrario ao apoio político a Israel do senador, e condenárono a cadea perpetua.

Robert F. Kennedy faleceu a primeira hora da mañá do día 6 de xuño, aos 42 anos. Está enterrado preto do seu irmán John no cemiterio de Arlington.

Véxase tamén

Outros artigos