Rosa Parks

Rosa Parks

(1955)
Nome orixinal	(en) Rosa Louise McCauley Parks
Biografía
Nacemento	(en) Rosa Louise McCauley 4 de febreiro de 1913 Tuskegee, Estados Unidos de América (pt)
Morte	24 de outubro de 2005 (92 anos) Detroit, Estados Unidos de América
Causa da morte	morte natural
Lugar de sepultura	Woodlawn Cemetery (en)
Residencia	Detroit (–2005)
Grupo étnico	Afroamericano
Relixión	Igrexa metodista unida
Educación	Universidade do Estado de Alabama
Actividade
Campo de traballo	Movemento polos dereitos civís, Dereitos civís e políticos, Segregación, Activismo e dereitos civís
Ocupación	autobiógrafa, figura pública, activista polos dereitos civís, Activista polos dereitos humanos, activista política
Membro de	Alpha Kappa Alpha
Familia
Cónxuxe	Raymond Parks
Cronoloxía
1 de decembro de 1955	Desobediencia civil (Montgomery)
Premios
(2008)  Alabama Women's Hall of Fame (en) (2000)  NAACP Image Award for Outstanding Supporting Actress in a Drama Series (en) , premiado polo traballo Touched by an Angel (pt) (1999)  Medalla de Ouro do Congreso dos Estados Unidos de América (1996)  Medalla Presidencial da Liberdade (1995)  Premio Golden Plate (1993)  National Women's Hall of Fame (1984)  Candace Award (en) (1983)  Michigan Women's Hall of Fame (en) (1981)  Premio Caucus (1979)  Medalha Spingarn (pt) (198)  International Freedom Conductor Award (en)  Ellis Island Medal of Honor (en)
Sinatura
Descrito pola fonte	Notable Black American Women Wegbereiterinnen (en)

Rosa Louise McCauley Parks, coñecida como Rosa Parks e tamén como Rosa Lee Parks ^[1], nada o 4 de febreiro de 1913 en Tuskegee, no condado de Macon (Alabama) e finada o 24 de outubro de 2005 en Detroit, foi unha muller estadounidense de raza negra, costureira de oficio, que ó negarse a ceder o seu asento nun autobús o 1 de decembro de 1955 deu pé ó comezo da protesta contra a segregación racial (apartheid) nos Estados Unidos de América.

No 1950, Parks uniuse ao movemento dos dereitos civís, para o cal traballou como secretaria, rama da Asociación Nacional para o Avance do Pobo de Cor (National Association for the Advancement of Colored People), NAACP, en Montgomery (Alabama). O 1 de decembro de 1955, alí, en Montgomery, Parks negouse a obedecer o chofer dun autobús público, o cal quería obrigala a ceder o seu asento a unha persoa de raza branca. Foi encarcerada pola súa conduta, acusada de perturbar a orde.

En resposta ao encarceramento de Rosa, Martin Luther King, un pastor bautista daquela relativamente descoñecido, conduciu a protesta aos autobuses públicos de Montgomery, nos que colaborou tamén a activista e amiga da infancia de Rosa Parks Johnnie Carr, o que fixo necesario que a autoridade do transporte público terminase a práctica de segregación racial nos autobuses. Este suceso iniciou unha vaga de protestas contra a segregación.

Mentres, no 1956, o caso de Parks chegou finalmente á Corte Suprema dos Estados Unidos (a cúspide do poder xudicial estadounidense) que declarou que a segregación no transporte estaba en contra da constitución estadounidense. Parks converteuse nun símbolo do movemento de dereitos civís. Mudouse a Detroit (Míchigan) a principios da década de 1960, onde conseguiu emprego do representante afroamericano John Conyers (demócrata por Míchigan) desde 1965 até 1988.

• Barnes, Catherine A. Journey from Jim Crow: The Desegregation of Southern Transit, Columbia University Press, 1983. (en inglés)
• Rosa Parks with James Haskins, Rosa Parks: My Story Nova York: Scholastic Inc., 1992. ISBN 0-590-46538-4 (en inglés)

• Claudette Colvin

• Rosa Parks:the woman who changed a nation Parks entrevistada por Kira Albin (en inglés)