Zarzuela

A zarzuela^[1] é unha forma de música teatral xurdida en diversos territorios de España con partes instrumentais, partes vocais (sós, dúos, coros...) e partes faladas.

O seu nome procede do Palacio da Zarzuela, nome do pavillón de caza próximo a Madrid onde se achaba o teatro que albergou as primeiras representacións do xénero e que hoxe é residencia dos monarcas españois. A zarzuela cultivouse con moitos acertos ao trasladarse a Cuba, onde destacaron os compositores Gonzalo Roig e Ernesto Lecuona, e Rodrigo Prats, Eliseo Grenet e a Venezuela, con José Ángel Montero e Pedro Elías Gutiérrez.

Tamén en Galiza o xénero acadou certa relevancia con figuras como Gustavo Freire, compositor da zarzuela galega de posguerra Non chores, Sabeliña (1943)^[2] ou con Ramón Armada Teixeiro e a súa composición da primeira zarzuela en galego (estreada o 10 de abril de 1886), titulada ¡Non máis emigración!^[3]

Wikimedia Commons ten máis contidos multimedia na categoría:  Zarzuela

• "zarzuela". Enciclopedia Galega Universal. Ir Indo. 1999-2002. ISBN 84-7680-288-9. 

• Gustavo Freire
• Ramón Armada Teixeiro

• Zarzuela.net - Portal sobre Zarzuela (en inglés) (en castelán)