Menyang kontèn

Mohammad Nuh

Saka Wikipédia Jawa, bauwarna mardika basa Jawa
Mohammad Nuh
Mantri Panggulawenthah lan Budaya ke-26
Linggih
22 Oktober 2009 – 20 Oktober 2014
PrésidhènSusilo Bambang Yudhoyono
Kang sadurungéBambang Sudibyo
Kang sawiséAnies Baswedan
Mantri Budaya lan Wisata
ad-interim
Linggih
1 Oktober 2008 – 22 Oktober 2009
PrésidhènSusilo Bambang Yudhoyono
Kang sadurungéJero Wacik
Kang sawiséJero Wacik
Menteri Parikandha lan Informatika ke-3
Linggih
9 Mèi 2007 – 20 Oktober 2009
PrésidhènSusilo Bambang Yudhoyono
Kang sadurungéSofyan Djalil
Kang sawiséTifatul Sembiring
Rerincèn dhiri
Lair17 Juni 1959 (umur 65)
Indhonésia Surabaya, Jawa Wétan
Sisihandrg. Layly Rahmawati
AnakRachma Rizqina Mardhotillah
AlmamaterInstitut Teknologi Sepuluh Nopember Surabaya
University of lllinois Urbana Champaign
AgamaIslam

Prof. Dr. Ir. Mohammad Nuh, DEA (lair ing Surabaya, Jawa Wétan, 17 Juni 1959; umur 65 taun) ya iku dhosen Indonesia. Nuh dadi Mantri Panggulawenthah lan Budaya Indonesia 2009-2014.[1] Muhammad Nuh dadi mantri panggulawenthah lan budaya .[1] Sadurungé dadi mantri pandhidhikan, Muhammad Nuh dadi Menteri Parikandha lan Informatika (2007–2009) lan rektor Institut Teknologi Sepuluh Nopember (ITS) Surabaya periode taun 2003–2006.[1]

Biografi

[besut | besut sumber]

Muhammad Nuh ya iku anak nomer telu saka sepuluh sadulur.[2] Bapaké jenengé H. Muchammad Nabhani, kang nggawé Pondok Pesantren Gununganyar Surabaya.[2] Muhammad Nuh nutugaké kuliyah ing Jurusan Elektro Institut Teknologi Sepuluh Nopember Surabaya, lan lulus taun 1983.[2]

Muhammad Nuh miwiti kariré dadi dhosèn Teknik Elektro ITS nalika taun 1984.[2] Muhammad Nuh banjur éntuk beyasiswa kangg nutugaké gelar magister ing Universite Science et Technique du Languedoc (USTL) Montpellier, Perancis.[2] Muhammad Nuh uga nutugaké kuliyah kanggo nggayuh gelar S3 ing universitas iki.[2]

Nuh nikah karo drg. Layly Rahmawati, lan nduwé anak wédok kang jenengé Rachma Rizqina Mardhotillah.[2] Anak kang sepisanan iki lair ing Perancis.[2]

Nalika taun 1997, Muhammad Nuh éntuk kalungguhan dadi direktur Politeknik Elektronika Negeri Surabaya (PENS) ITS. Nalika dipipimpin Nuh, PENS dadi mitrané Japan Industrial Cooperation Agency (JICA) wiwit taun 1990.[3]

Nalika tanggal 15 Fèbruari 2003, Muhammad Nuh dilantik dadi rektor ITS.[3] Ing taun kang padha Nuh uga dilantik dadi guru besar (profesor) babagan ngèlmu Digital Control System kanthi Sistem Rekayasa Biomedika. Dhèwèké dadi rektor ITS paling enom ya iku umur 42 taun nalika njabat dadi rektor.[3] Nalika dadi rektor ITS Nuh nulis buku kang judhulé Startegi dan Arah Kebijakan Pemanfaatan Teknologi Informasi dan Komunikasi (disingkat Indonesia-SAKTI).[3]

Saliyané dadi rektor, Muhammad Nuh uga njabat dadi Ketuwa Ikatan Cendekiawan Muslim Indonesia (ICMI) Jawa Timur, Pengurus PCNU Surabaya, Sekretaris Yayasan Dana Sosial Al Falah Surabaya, Anggota Pengurus Yayasan Rumah Sakit Islam Surabaya, lan Ketuwa Yayasan Pendidikan Al Islah Surabaya. Muhammad Nuh uga dikenal dadi kyai, kerep mènèhi sesorah lan khutbah jumat ing masjid ing Surabaya lanan dikenal dadi Ulama.[3]


Kalungguhan pulitik
Kang sadurungé
Bambang Sudibyo 		Mantri Panggulawenthah lan Budaya Indonésia
2009–2014 		Kang sawisé
Anies Baswedan
Kang sadurungé
Jero Wacik 		Mantri Budaya lan Wisata Indonésia
ad-interim
2009 		Kang sawisé
Jero Wacik
Kang sadurungé
Sofyan A. Djalil 		Menteri Parikandha lan Informatika Indonésia
2007–2009 		Kang sawisé
Tifatul Sembiring

Cathetan suku

[besut | besut sumber]
  1. ↑ a b c nasional.kompas.com(dipunudhuh tanggal 7 Juli 2011)
  2. ↑ a b c d e f g h detiknews.com(dipunudhuh tanggal 7 Juli 2011)
  3. ↑ a b c d e detik.com[pranala mati permanèn](dipunundhuh tanggal 7 Juli 2011)

Cithakan:Kabinet Indonésia Bersatu


Dijupuk saka "https://jv.wikipedia.org/w/index.php?title=Mohammad_Nuh&oldid=1710543"