Hatshepsut
| Hatshepsut | |
|---|---|
 | |
| Genys |
c. 1507 BC  Thebes, Ejyp |
| Mernans |
c. 16 Genver 1458 BC |
| Kenedhlogeth |
Hen Ejyp |
| Galwesigeth |
statydh |
| Soodh |
gwrek Duw dhe Amun, Faro |
| Tas |
Thutmose I |
| Mamm |
Ahmose |
| Pries |
Thutmose II |
| Fleghes |
Neferure |
| Linyeth |
Etegves Ternieth Ejyp |
Hatshepsut (1507–1458 KOK) o an pympves Faro a'n 18ves ternieth Hen Ejyp. Hi a rewlyas hirra es benyn aral a dernieth deythyek ejypek. Hy hanow a styr Chyf a Venenes Nobyl.
Hy thas o Thutmose I. Hy ragresydh o Thutmose II (hy gour). Hy er o Thutmose III, hy noy, mab Thutmose II dre wreg lyha. Thutmose III o kes-lesruw gans hy lesvam hag o penn an lu, mes Hatshepsut o an rewlyas yn effeyth ha henwys Faro. Hi rewl a dhuryas 21 bledhen ha naw mis, herwydh istorier an tressa kansvledhen KOK Manetho. Hi a verwis yn 1458 KOK, hemma a styr y teuth ha bos Faro a-dro dhe 1479 KOK.
Hatshepsut a dhasfondyas rosweythyow kenwerth a veu goderrys yn sesyans Hyksos a Ejyp dres Oos Kres Nessa (Second Intermediate Period).
Lies ejyptologydh a leveris bos hy folisi tramor hebas y'n brassa rann, mes yma dustuni y hwrug Hatshepsut ledya kaskyrghow an lu yn sewen yn Nubia, an Levant ha Syri a-varr yn hy rewl.
Hatshepsut o onan a'n drehevyer an moyha askorrus yn hen Ejyp. Hi a wrug gorhemmyn drehevyans a lies ragdres dres Ejyp a-Wartha hag Ejyp a-Woles. Hi a arvethas Ineni, pennser meur y vri. Dres hy rewl, kemmys a dhelowieth a veu askorrys dell eus delowieth Hatshepsut dhe ogas dhe bub gwithti bras y'n bys.
Rann a Ertachva an Bys UNESCO Ynkleudhva Thebes yw Tempel Hatshepshut.
Yma'n erthygel ma owth usya an Furv Skrifys Savonek a-barth Kernowek kres.