Piramied (figuur)

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'n Piramied is e ruumdjelik figuur bestäöndjen oet 'ne väölhook (regelmaesig of ónregelmaesig) es gróndjvlak en drieheukige zievlakke vanoet eder vanne veer kantje vanne väölhook nao e gemeinsjappelik puntj, d'n toep.

'n Piramied mit 'nen driehook es basis hètj 'ne simplex; 'nen tetraëder is 'ne simplex mit alle kantje gelieke. 'n Piramied mit 'ne veerkantj es basis haet inne arsjitektuur veur väöl boewwirke model gestange (de piramied).

De oppervlakdje A ennen inhaad V van 'n piramied wobie 't gróndjvlak 'ne veerkantj is mit a lingdje vane ribbe vanne basis en h de huuegdje:

${\displaystyle A=a^{2}+2a{\sqrt {\left({\frac {a}{2}}\right)^{2}+h^{2}}}}$

${\displaystyle V={\tfrac {1}{3}}a^{2}h}$

Algemeiner geldj veur 'n piramied mit e willekäörig gróndjvlak mit oppervlakdje G en mit huuegdje h:

${\displaystyle V={\tfrac {1}{3}}G\cdot h}$

Dees formuul vèltj es volg oet te lègke: próntj drie piramide van gelieken inhaad passen in eine balk mit aeve groeate huuuegdje en gróndjvlak. Bie 'n veerkantje piramied is dit te visualiseren es d'n toep vanne piramied neet rech baove de midde, meh rech baoven e hookpuntj van 't gróndjvlak zitj. De piramide passe den próntj inein óm 'ne balk te vörme.