Atom
| Atom helium | |
|---|---|
 Ilustrasi atom helium yang memperlihatkan inti atom (merah muda) dan distribusi awan elektron (hitam). Inti atom (kanan atas) berbentuk simetris bulat, walaupun untuk inti atom yang lebih rumit ia tidaklah selalu demikian. | |
| Klasifikasi | |
| Satuan terkecil unsur kimia | |
| Sifat-sifat | |
| Kisaran massa | 1,67 × 10−27
sampai dengan 4,52 × 10−25 kg |
| Muatan listrik | nol (netral) ataupun muatan ion |
| Kisaran diameter | 62 pm (He) sampai dengan 520 pm (Cs) |
| Komponen | Elektron dan inti atom yang terdiri dari proton dan neutron |
Atom adolah ciek satuan dasa materi, nan tadiri dari inti atom sarato awan elektron bamuatan negatif nan mangulilianginyo. Inti atom tadiri dari proton nan bamuatan positif, jo neutron nan bamuatan netral (kacuali pado inti atom Hidrogen-1, nan indak punyo neutron). Elektron-elektron pado sabuah atom taikek pado inti atom dek gaya elektromagnetik. Sakumpulan atom baitu pulo dapek taikek satu samo lainnyo, dan mambantuak sabuah molekul. Atom nan manganduang jumlah proton jo elektron nan samo basipaik netral, sadangkan nan manganduang jumlah proton jo elektron nan babedo basipaik positif atau negatif dan disabuik sabagai ion. Atom dikalompokan badasarkan jumlah proton jo neutron nan tadapek pado inti atom tasabuik. Jumlah proton pado atom manantuan unsur kimia atom tasabuik, dan jumlah neutron manantuan isotop unsur tasabuik.
Istilah atom barasa dari Bahasa Yunani (ἄτομος/átomos, α-τεμνω), nan barati indak dapek dikarek ataupun sasuatu nan indak dapek dibagi-bagi lai. Konsep atom sabagai komponen nan indak dapek dibagi-bagi lai partamo bana diusuakan dek para filsuf India jo Yunani. Pado abaik ka-17 jo ke-18, para kimiawan malatakan dasa-dasa pamikiran ko dangan manunjuakan bahasonyo zat-zat tatantu indak dapek dibagi-bagi labiah jauah lai manggunoan metode-metode kimia. Salamo akia abaik ka-19 jo awa abaik ke-20, para fisikawan barhasia manamukan struktur jo komponen-komponen subatom di dalam atom, mambuktian bahasonyo 'atom' indaklah indak dapat dibagi-bagi lai. Prinsip-prinsip mekanika kuantum nan digunoan para fisikawan kudian barhasia mamodelkan atom.[1]
Sijarah
[suntiang | suntiang sumber]
Konsep bahasonyo materi tadiri dari satuan-satuan tapisah nan indak dapek dibagi lai manjadi satuan nan labih ketek alah ado salamo satu milenium. Namun, pamikiran tasabuik masih basipaik abstrak jo filosofis, daripado badasarkan pangamatan empiris jo eksperimen. Sacaro filosofis, deskripsi sipaik-sipaik atom bapariasi tagantuang pado budaya jo aliran filosofi tasabuik, dan acok bana pulo manganduang unsur-unsur spiritual di dalamnyo. Walaupun baitu, pamikiran dasa manganai atom dapek ditarimo dek para ilmuwan ribuan tahun kudian, dek inyo sacaro elegan dapek manjalehan panamuan-panamuan baru pado bidang kimia.[2]
Referensi paliang awa manganai konsep atom dapek ditiliak baliak ka zaman India kuno pado tahun 800 Sabalun Masehi,[3] nan dijalehan dalam naskah filsafat Jainisme sabagai anu jo paramanu.[3][4] Aliran mazhab Nyaya jo Vaisesika mangambangan teori nan manjalehan baa atom-atom bagabuang manjadi benda-benda nan labih kompleks.[5]
Rujuakan
[suntiang | suntiang sumber]- ↑ Haubold, Hans (1998). "Microcosmos: From Leucippus to Yukawa". Structure of the Universe. Common Sense Science. Diarsipkan dari versi asli tanggal 2008-10-01. Diakses tanggal 2008-01-17.
- ↑ Ponomarev (1993:14-15).
- ↑ a b (Inggirih)A. Pablo Iannone. Dictionary of World Philosophy. p. 62. ISBN 0-415-17995-5. http://books.google.com/books?id=7wBmBO3vpE4C&printsec=frontcover&dq=Dictionary+of+world+philosophy&hl=id&cd=1#v=onepage&q=The%20earliest%20version%20of%20atomism%20can%20be%20found%20in%20Jainism&f=false. Diakses pado 9 Juni 2010.
- ↑ (Inggirih)Hajime Nakamura (1992). A comparative history of ideas. Shri Jainendra Press. p. 145. ISBN 81-208-1004-x. http://books.google.com/books?id=Gpulmza7BBYC&pg=PA145&dq=atomism+Indian&as_brr=3&hl=id&cd=4#v=onepage&q=atomism%20Indian&f=false. Diakses pado 9 Juni 2010.
- ↑ (Inggirih)Ben-Ami Scharfstein (1998). A comparative history of world philosophy: from the Upanishads to Kant. State University of New York Press. p. 189. ISBN 0-7914-3683-7. http://books.google.com/books?id=iZQy2lu70bwC&lpg=PA189&dq=Vaisheshika%20atom%20anu%20paramanu&hl=id&pg=PA189#v=onepage&q=Vaisheshika%20atom%20anu%20paramanu&f=false. Diakses pado 9 Juni 2010.