Suggialismo

'O suggialismo è nu cumplesso d'ideuloggìe, muvemiente e dduttrine legato a orientamiente puliticie 'e smerza tennente a na trasfurmazione d''a sucietà finalizzata a rreducere 'e ddesuguaglianze nfra 'e cittadine ncopp''o chiano suciale, ecunomeco e gghiurereco.

riggenariamente tutte 'e duttrine e mmuvemiente 'e matrice suggialista miravano a ppersequì 'e proprie obiettive attravierzo ll'abulizione d''eclasse suciale e 'a suppressione tutale d''a pruprietà privata d''e miezze 'e pruduzione e 'e scagno. Nzì ô 1848, 'e tiermene suggialismo e ccummunismo erano cunziderate ntercagnabbile. Dinto chell'anno, dint''oManefesto d''o Partito Cummunista di Marx ed Engels, s'opera 'a destinzione ntra "suggialismo utopeco" e "ssuggialismo scientifeco", 'o sulo, chest'urtemo, ca secunno Marx e Engels pô garantì 'a transizione vierzo na fase successeva, 'o "cummunismo", p'evedenziarne pulemecamente 'e defferienze cu 'o primmo.

Muvemiente comme chello fascista e nnazziunalsuggialista, ê nnizie, erano sulite defenirse "suggialiste" pe ccercà 'e piglià cchiù cunzenzo pussibbele dâ pupulazione, pure si erano, 'n rialtà, 'n cuntrasto cu ll'idee suggialiste, eccezione fatta p'alcune caratteristeche comme ll'anticapetalismo.

Pe ssuggialismo se ntenne uguaglianza furmale cu ll'obiettivo d'arrivà pure chella sustanziale.

Dint''o penziero marxista, 'o suggialismo e 'o cummunismo addeventajeno ddoje fase d''a revuluzione: 'a fase suggialista, zoè chella d''e statalizzazione, ca ffacevano parte d''a dittatura d''o pruletariato, ca sse rializzava 'n nu nuovo cuncetto 'e Stato, deverso 'a chello burghese; po 'a fase cummunista, ca prevedeva ll'abulizione d''e classe, ntesa comme lebbera assuciazione 'e tutte. Cuntrariamente a ll'anarchismo, ca fino 'all'innizio prevedeva n'abulizione 'e qualsiase organezzazione statale, chesta cuncezione 'e Carlo Marx prevedeva quindi ddoje fase: 'a dittatura d''o pruletariato e 'a sucietà senza classe. 'A seconna fase fuje abbannunata quase subbito dê regime d''osuggialismo riale. Riggenariamente nfatti dint''a fase cummunista se prevedeva 'a dessuluzione d''o Stato, pecché cunziderato a cchello punto inutele: 'e bene e 'e miezze 'e pruduzione erano turnate â cullettivetà. Ogge, data ll'evuluzione d''e tiempe, 'e ddoje fase vanno a ccuincidere: dunque se pô parlà 'e na sustanziale cuincidenza d''e dduje tiermene, suggialismo e ccummunismo. Chiste assaje spesso sonno ausate comme sinonimme, ma 'o termene suggialismo sembra pussedé n'accezione cchiù ampia.

Fuje chiammata revisiunista 'a currente muderata e rrefurmista d''omarxismo ca ssurgette vierzo 'a fino d''o XIX seculo, regenata 'all'osservazione ca 'o cumportamiento 'ell'ecunomia capetalisteca nun sembrava curresponnere ê previsione d''o marxismo.

Aroppo 'a depressione 'e ll'urtime decienne d''o XIX secolo nfatti, era nniziato nu nuovo periudo 'e prusperetà ca ssembrava riabeletà 'o lebbero cummercio e 'a feducia dint''o capetalismo e ppe cchesto 'a cumponente muderata d''o suggialismo (ca a ll'ebbreca veneva chiammata ndifferentemente suggialismo demucrateco o suggialdemucrazia) elaburaje 'a "tioria revisiunista", ca 'mprateca se prefiggeva d'abbannunà 'o marxismo pe gghiognere â cumpleta azzettazione 'ell'ecunomia 'e mercato, magare cu quacche "agghiustatella". 'A allora culoro ca azzettajeno 'o revisiunismo e prusequireno ncopp''a via d''o capetalismo pe rrializzà reforme dinto ll'interiesse d''e fatecature fureno ndifferentemente chiammate "suggialiste demucratice" o "suggialdemucratice" (n'esatta defferenza ntra 'e dduje tiermene s'è sulo dint''a seconna metà d''ó Noveciento). Culoro ca nvece abberzavano 'o revisiunismo e 'a via refurmista fureno 'e "suggialiste marxiste" e 'e "cummuniste o suggialrevuluziunarie" (nzieme chiammate generecamente "massimaliste"). 'O maggior esponente d''o revisiunismo fuje 'o turesco Eduard Bernstein (1850- 1932).