Butterdeig

Butterdeig (frå tysk for ‘smørdeig’) er ein laminert deig laga med smør eller i nyare tid også margarin og liknande. Deigen blir også kalla smørdeig, men er eigentleg berre ein type smørdeig.^[1]

Ein lagar butterdeig ved å kjevla ut lag av deig med smør mellom. Ein brettar deigen og kjevlar han ut på ny fleire gonger, til ein får ei rekkje slike lag.^[1] Til sist kan ein oppnå 150-200 lag.^[2]

Mellom kvar omgang er det vanleg å kjøla ned deigen, så ikkje smøret smeltar. Resultatet er at deigen blir flakete og sprø når ein steiker han.^[1]

Butterdeig blir brukt til mange typar bakverk, som croissant,^[3] millefeuille eller napoleonskake^[4] og mange fylte paiar.^[1]