Mauritz Aarflot

Mauritz Aarflot
	Mauritz Aarflot
	;
Fødd	13. april 1821; Volda kommune
Død	4. mars 1904 (82 år)
Statsborgar av	Noreg
Parti	Venstre
Yrke	redaktør, politikar
Far	Rasmus Aarflot
Alle verv	stortingsrepresentant (1854–1856); stortingsrepresentant (1857–1858); stortingsrepresentant (1859–1861); stortingsrepresentant (1862–1864); stortingsrepresentant (1865–1867); stortingsrepresentant (1868–1870); stortingsrepresentant (1871–1873); stortingsrepresentant (1874–1876); stortingsrepresentant (1877–1879); stortingsrepresentant (1880–1882); stortingsrepresentant (1883–1885); stortingsrepresentant (1886–1888) ;

Mauritz Andreas Aarflot (13. april 1821–4. mars 1904) var ein norsk gardbrukar, redaktør og stortingsmann. Han var fødd og døydde på slektsgarden Ekset i Volda på Sunnmøre.

Aarflot var son av redaktør og lensmann i Volda, Rasmus S. Aarflot (1792—1845). Han fekk i 1847 løyve til vidare drift av trykkeriet Aarflots prenteverk. Mauritz Aarflot redigerte og gav ut Postbudet, For Landalmuen 1845–68, og Norsk landbrugstidende 1848–55.

I 1848 overtok han farsgarden på Ekset. Aarflot var ordførar i Volda 1850–57 og 1860–85. Han var sentral både under grunnlegginga av Volda & Ørsta Sparebank i 1853, og opprettinga av Voldens høiere almenskole i 1856.

Aarflot representerte Romsdals amt på Stortinga 1854–1888, der han oftast stemte med Johan Sverdrup. I 1882 gav han ut Odelsbonden om grundloven i dens hovedbestemmelser, der han imøtegjekk den uttalen det juridiske fakultetet hadde gitt om kongens sanksjonsrett i grunnlovssaker.

Han var ein nær ven av Ivar Aasen.

Bakgrunnsstoff

Lindstøl, Tallak (1914). «Aarflot, Mauritz Andreas Rasmussen». Stortinget og statsraadet: 1814-1914. Kristiania: [Steenske bogtrykkeri]. s. 7-8.
Biografisk informasjon om Mauritz Aarflot NSD Norsk senter for forskningsdatas politikararkiv