Simon Leinum

Simon Leinum
	Simon Leinum
	;
Fødd	11. april 1868
Død	1. mai 1967 (99 år)
Statsborgar av	Noreg
Parti	Venstre
Yrke	politikar, bonde
Alle verv	stortingsrepresentant (1931–1933); ordfører i Leinstrand (1902–1922); ordfører i Leinstrand (1926–1928); vararepresentant til Stortinget (1906–1909); vararepresentant til Stortinget (1922–1924); vararepresentant til Stortinget (1925–1927); vararepresentant til Stortinget (1928–1930); stortingsrepresentant (1934–1936) ;

Simon Olsson Leinum (11. april 1868–1. mai 1967) var ein gardbrukar og politikar frå Leinstrand i Sør-Trøndelag. Han representerte partiet Venstre på Stortinget frå 1928 til 1936.

Leinum gjekk amtsskulen og seinare underoffisersskulen i Trondheim, tok avskjed frå Forsvaret som fanejunker i 1925. Frå 1896 dreiv han farsgarden Leinum på Leinstrand. Han var styreformann fleire private og offentlege tiltak; i Sør-Trøndelag Landbruksselskap 1919–32, i overstyret for landbruksskulane i Sør-Trøndelag 1913–41 og 1945–46, i Felleskjøpet i Trondheim frå 1924, og i Bøndernes Bank si avdeling i Trondheim frå 1925.

Leinum var medlem av Leinstrand heradsstyre frå 1899, ordførar 1902–22 og 1926–28. I periodane 1917–22 og 1926–28 fungerte han også som leiar av fylkestinget i Sør-Trøndelag. Han var formann i Sør-Trøndelag Venstrelag 1920–35.

Den 24. august 1929 rykte Leinum inn på fast plass i Stortinget frå Sør-Trøndelag, då den valde representanten Johan Stinessen hadde døydd. Sesjonane 1929 og -30 var han medlem av post- og telegrafkomiteen. Dei neste to stortingperiodane var han høvesvis medlem av lovkomitéen 1931-33 og protokollkomitéen 1934-36.

Kjelder

Stortingsbiografi Arkivert 2015-11-21 ved Wayback Machine.