Tempest (1970-åra)

Tempest var ei britisk progrockgruppe^[1] som var aktive frå 1972 til 1974. Kjernen i bandet var Jon Hiseman på trommer og Mark Clarke på bass. Dei gav ut to studioalbum før dei vart oppløyste.

Hiseman og Clarke hadde spelt i lag i Colosseum og skipa Tempest tidleg i 1973.^[2] For det første, sjølvoppkalla albumet deira (opphavleg kalla Jon Hiseman's Tempest), bestod besetninga av Allan Holdsworth på gitar og Paul Williams^[3][4] på vokal og klaverinstrument.

Seinare i den korte soga til Tempest fekk dei med seg Ollie Halsall, som hadde spelt gitar i progrockbandet Patto. Med to gitaristar spelte gruppa ei rekkje konsertar frå og med ein konsert i Golders Green Hippodrome i London i juni 1973, som vart send på BBC og seinare gjeven ut som ei piratkopiplate feilaktig kalla Live in London 1974.^[5] Då det andre albumet vart spelt inn, Living in Fear i 1974, var Tempest redusert til ein trio som bestod av Hiseman, Clarke og Halsall, visstnok fordi Holdsworth ikkje ønskte å spele med ein annan gitarist.^[6] Bandet vart oppløyst kort tid etter.

I 2007 kom ei dobbel samleplate kalla Under the Blossom med ommastra utgåver av dei to studioalbuma, to tidlegare studioopptak som ikkje var gjevne ut før frå Living in Fear-tida og BBC-opptaka frå konserten i juni 1973 med dei to gitaristane i besetninga.

• Tempest (1973)
• Living in Fear (1974)
• Under the Blossom (2007 - samleplate)

• Tempest på Allmusic