Hetalia: Axis Powers

Hetalia: Axis Powers (Axis Powers ヘタリア Akushisu Pawāzu Hetaria?) est unu manga giapponesu, prus a tardu fattu a anime, de Hidekaz Himaruya (日丸屋秀和 Himaruya Hidekazu?). Sa pùnna est a presentàre un'allegoria satirica de s'istòria chin tantu de cumparàntzias curturales. Sos pessonazos sun pessonificadùra de istados, regiones comènte a Hong Kong e micronassiònes comente su Printzipàdu de Sealand, chin pacu referèntzia a atteras tradissionales comènte su Tziu Sam o John Bull. Sos istereòtipos curturales, siat negativos siat positivos, forman su temperamèntu de cada pessonàzu/paìsu.

Si dìat pòder nàrrer chi sos istados printzipales sìan sas fortzas chi fachen sas Potentzias de s'Asse e sos Alliàdos de sa secunda gherra mundiale - est a nàrrer s'Italia (s'Italia de su Nord, muttìa Veneziano, e cussa de Zosso, muttìa Romano: Sardigna e Sitzilia non bi fàchen parte ca non bi sun nemmancu in sa mapa), sa Germania, su Giappone, sos Istados Unidos, s'Inghilterra, sa Frantza (pro sa Còssiga bàlet su matessi naràu pro sas atteras isulas pacu in supra), sa Russia, su Canada e sa Cina. Hetalia (ヘタリア?) est una paragula cumposta de hetare (ヘタレ?, in limba giapponesa "pateticu" ind una manèra tènnera) e "Italia".

Sos avvenimèntos zìran in tundu mescamènte a sas duas gherras mundiales, sa prima ma, supratòttu, sa de duos. Custu no nche bòcat su fattu chi bi nde àpat pèri atteros, fìntzas chènte tempus particulare. Sas trassas economicas, politicas, militares e istoricas tra sos istados las rappresèntan interassiònes de casta romantica tra sos pessonazos.