A Day at the Races (Queen)

A Day at the Races
Artista:	Queen
Tipu album:	Studio
Data dâ nisciuta:	18 di dicèmmiru 1976
Durata:	44 min : 14 s (album originali) 66 min : 41 s (deluxe edition 2011)
Númmuru di Dischi:	1
Númmuru di tracci:	10 (album originali) 15 (deluxe edition 2011)
Gèniri:	Hard rock Heavy metal Glam rock Art rock Arena rock
Casa discugràfica:	EMI, Parlophone (Europa) Hollywood Records, Elektra Records (USA)
Prudutturi:	Queen, Mike Stone
Riggistrazzioni:	giugnettu - nuvèmmiru 1976
Noti:	#1 (Ulanna) #1 (Giappuni) #1 (Regnu Unitu)
Album pricidenti:	A Night at the Opera
Album succissivu:	News of the World

A Day at the Races è lu quintu album 'n studiu dû gruppu musicali ngrisi li Queen, pubbricatu 'n furmatu LP lu 10 di dicèmmiru 1976.

Vinni riggistratu ô studiu Sarm West and Wessex, Regnu Unitu. Lu tìtulu si rifirìu a chiddu di l'album pricidenti, A Night at the Opera. Tutti dui li tìtuli sunnu spirati a dui film dî frati Marx. Lu gruppu vulìa pubbricari li dui album nzemi comu duppiu album (prugettu a cui tinìa tantu Brian May); a casa discugràfica, pirò, ritenni cchiù prudenti pubbricari li dui travagghi siparatamenti pi cuntèniri li costi e diminuiri lu rìsicu ecunòmicu vista puru l'aticipità di cuntinuti musicali, ca nun davanu sicurizza nnô successu di vinnuti.

L'album fu pubbricatu prima ntô 1991 nnî Stati Uniti dâ Hollywood Records cu l'aggianta di dui bonus track, nzècutu ntô 1994 dâ Parlophone (senza arcuni traccia bonus) e nfini ntô 2011 rimastirizzatu 'n furmatu diggitali dâIsland Records / Universal Records e distribuitu 'n dui edizzioni:

• standard edition, cuntinenti l'album originali
• deluxe edition 2 CD, cuntinenti l'album originali e nu EP bonus

1. Tie Your Mother Down – 4:48 (May)
2. You Take My Breath Away – 5:09 (Mercury)
3. Long Away – 3:34 (May)
4. The Millionaire Waltz – 4:54 (Mercury)
5. You And I – 3:25 (Deacon)
6. Somebody to Love – 4:56 (Mercury)
7. White Man – 4:59 (May)
8. Good Old-Fashioned Lover Boy – 2:54 (Mercury)
9. Drowse – 3:45 (Taylor)
10. Teo Torriatte (Let Us Cling Together) – 5:50 (May)

Durata tutali: 44:14

Bonus tracks (riedizioni CD du 1991 da Hollywood Records)

1. Tie Your Mother Down (1991 Bonus Remix By Matt Wallace) – 3:44 (May)
2. Somebody to Love (1991 Remix By Randy Badazz) – 5:00 (May)

Bonus EP (riedizioni CD du 2011 ri Island Records / Universal Records)

1. Tie Your Mother Down (Backing Track Mix 2011) – 3:48 (May)
2. Somebody to Love (Live at Milton Keynes, June 1982) – 7:55 (Mercury)
3. You Take My Breath Away (Live in Hyde Park, September 1976) – 3:06 (Mercury)
4. Good Old-Fashioned Lover Boy (Top of the Pops, July 1977 - Mono) – 2:51 (Mercury)
5. Teo Torriatte (Let Us Cling Together) (HD Mix) – 4:47 (May)

Durata tutali: 22:27

Pi sapìrinni cchiossai, vidi puru Tie Your Mother Down.

Tie Your Mother Down fu scritta a Tenerife, quannu May stava travagghiannu o so dutturatu di ricerca 'n Astronomia a l'iniziu du 1968. Scrissi a canzuni cu na chitarra spagnùola e pinzò ri canciari u titulu e u coru cchiù tardu, ma a Freddie Mercury piaciu e accussì arristò na ddu modu. U branu è pricirutu, na prima parti, da na parti ri chitarra ca ricorda a canzuni “White Man”, quinni da nu minutu ri intro strumintali. U video musicali fu direttu ra Bruce Gower, pigghiannu comu basi na performance o Nassau Coliseum ri Long Island, New York ntô frivaru 1977 duranti u tour ru gruppu. Dopu a so nisciuta ntô 1976, a canzuni fu cantata da lu gruppu 'n ogni tour.

You Take My Breath Away è stata scritta ra Freddie Mercury. Tutti i vuci e a traccia o chianuforti fortu fatti ra iddu, Mercury cantò da sulu a canzuni o Hyde Park prima ri registrarlu. C'è na parti cintrali vucali tra sta canzuni e a successiva ca inizia cu nu “lavaggiu” ri vuci (arripitenni i paroli “Take My Breath”) criati ra echi (fatti ra Mercury 'n multitraccia).

Pi sapìrinni cchiossai, vidi puru Long Away.

Long Away fu scritta e cantata ra Brian May. Usò na chitarra elettrica Burns Double Six a durici curdi pi la parti ritmica, inveci ra so Red Special. May avia vulutu usari na Rickenbacker picchhì era fan ri John Lennon, ma nun era bona pi lu stili ra canzuni. U singulu fu pubbricatu sulu 'n Canadà, Nova Zilanna e Stati Uniti dâ Mèrica.

The Millionaire Waltz è na canzuni scritta ra Freddie Mercury, sta canzuni si fa apprizzari pi lu bassu ri John Deacon (ca na sta canzuni, megghiu ca 'n avutri, metti 'n mostra u so stili glamour)) e pi la Red Special ri Brian May. U stili ri sta canzuni è simili a symphonic rock arriminatu a glam rock, picchì l'arranciamenti sunnu cumplessi assai classici e fa ecu 'n molti passaggi a fantasia compositiva ra cchiù famusa Bohemian Rhapsody. A canzuni inizia cu nu semplici chianuforti ri Freddie Mercury, ca accenna u tempu e suggerisci a melodia vucali, a canzuni poi si evolve 'n orchestrazioni sempri cchiù suttili e malinconiche, quasi a vuliri finiri prestu, mentri invece arriva u muru sonoru ra batteria e da chitarra: 10 secunni ri hard rock, finuti 'n nu walzer viennese ri chitarra elettrica. U testu è nu innu a l'amuri e a gioia ri viviri. A canzuni è dedicata o manager ru gruppu John Redi, ca era manager puru ri Elton John.

You and I è na canzuni ri John Deacon. Deacon sona a chitarra acustica mentri Mercury sona u chianuforti. A canzuni nun è mai stata sunata live. U branu è u b-side ri Tie Your Mother Down.

Pi sapìrinni cchiossai, vidi puru Somebody to Love (Queen).

Somebody to Love è u singulu ri successu di l'album. Scrittu ra Mercury, a canzuni è ispirata a musica gospel, 'n particolari chidda ri Aretha Franklin, e Mercury, May e Roger Taylor fannu usu ra multi-traccia pi registrari i vuci pi criari nu coru gospel ri 100 vuci. Comu Bohemian Rhapsody, u granni successi de Queen ri l'album pricirenti, sta canzuni ha na cumplessa stratificazioni ri tracci vucali, sta vota ncapu a basi di nu accordo ri coro gospel. A canzuni, specialmenti 'n combinazioni cu l'nfluenza ru Vangelo, cria na canzuni ca parra ri fede, ri disperazioni e ri cuscienza. A canzuni arrivò o 2° postu na classifica ngrisi e o 13° postu na classifica mèricana.

White Man fu scritta ra May circa a suffirenza ri nativi mèricani pi manu ri l'immigrati europei, pigghiannu u puntu ri vista ri popoli indigeni. Sta canzuni putissi essiri u puntu fucali pi nu assolu vucali ri Freddie Mercury no A Day at the Races Tour ca servi sia comu nu luòngu assolo vucali ri Mercury e May.

Pi sapìrinni cchiossai, vidi puru Good Old-Fashioned Lover Boy.

Good Old-Fashioned Lover Boy è stata scritta ra Freddie Mercury. A canzuni accumincia cu n'introduzioni vucali o chianuforti, ca poi continua cu bassu e a batteria. A secunna strofa è cantata, seguita da n'avutru coru. Dopu l'assolu ri chitarra ri Brian May, n'avutru versu veni cantatu pi poi finiri cu n'avutru coru. A canzuni fu cantata live na vota a Top of the Pops ntô giugnu 1977, cu Roger Taylor ca canta a parti ri Mike Stone. A canzuni fu cantata ra A Day at the Races Tour a News of the World Tour.

Drowse è na canzuni rock scritta e cantata da lu batterista ru gruppu, Roger Taylor, ca sona 'n tali occasioni tutti li strumenti, tranni a chitarra. U titulu ra canzuni, ca si po' tradurri 'n siciliani cu “sonnulenza”, è resu beni da lu cantatu, da lu sound e da l'arranciamentu, lentu e oniricu. L'ultimi strofi ra canzuni parranu ri Clint Eastwood e Jimi Hendrix. A canzuni fu pubbricata comu b-side na versioni mèricana e giappunisi ru singuli Tie Your Mother Down.

Pi sapìrinni cchiossai, vidi puru Teo Torriatte (Let Us Cling Together)‎.

Teo Torriatte (Let Us Cling Together) è na canzuni scritta ra Brian May pi li fan giappunisi. A canzuni si distingue pi aviri du cori cantati 'n giappunisi; è unu ri soli tri canzuni de Queen (l'avutri sunnu Las Palabras de Amor, Mustapha e Bohemian Rhapsody), 'n cui nu pezzu ri strofa o ritornello sunnu cantati 'n na lingua divìersa da l'ngrisi.