Aluminiu

l'Aluminiu havi sìmmulu chìmicu Al, nùmmuru atòmicu 13 e massa atòmica 26.981538(2)

A 298 K (25 °C) l'aluminiu é nu mitallu sòlidu di culuri argintatu. Lu mitallu havi tanti boni carattirìstichi: è liggeru, nun é vilinusu, nun é magnèticu e nun fa spisiddi. L'aluminiu puru é moddu ma mmiscatu cu na nticchia di: ramu (Cu), magnesiu (Mg), siliciu (Si) e àutri elementi, ammustra propriità ùtili assai. L'alumimiu, in natura, é prisenti unnegghié supra la faccia di la terra comu però bauxiti (minerali chi cunteni Al₂O₃^.H₂O ma macari Fe₂O₃ e SiO₂). Pi aviri lu mitallu si usa lu procedimentu Bayer.

Lu metudu Bayer cunsisti ntâ lu trattamentu di la bauxiti cu na soluziuni di NaOH e furmazzìuni di NaAlO₂ (aluminatu di sodiu) e Na₄SiO₄ (silicatu di sodiu). Lu ferru precipita comu solidu. Si la soluziuni veni trattata cu la CO₂, si cria l'idrossidu di aluminiu [Al(OH)₃] chi appressu, addiventa Al₂O₃(alumina). L'ultimu passu é la trasfurmazziuni tramiti elettròlisi di l'alumina pura ntâ lu mitallu veru e propriu.

• Pannedda