Beubeur Kuiper

Beubeur Kuiper (basa Inggris: Kuiper belt) nyaéta hiji wewengkon nu aya di Surya Mandala nu nyampak di sabudeureun orbit Néptunus, jarakna aya kana 30 nepi ka 50 Hijian Astronomi ti Panonpoé. Objék-objék na jero beubeur kuiper téh disebutna objék trans-Néptunus.

Astronom kahiji nu ngasongkeun ayana ieu beubeur téh nyaéta Frederick C. Leonard pas 1930 jeung Kenneth E. Edgeworth dina taun 1943. Pas taun 1951, Gerard Kuiper ngasongkeun bongbolongan mun éta beubeur téh mangrupa sumber komét nu umurna pondok (komét nu miboga périodeu orbit kurang ti 200 taun). Beubeur jeung objék-objék na jerona dibéré ngaran nu luyu jeung ngaran pamanggihna nyaéta Kuiper sanggeus manéhna manggih (15760) 1992 QB₁.