Kontent qismiga oʻtish

Los Angeles Times

Vikipediya, erkin ensiklopediya

Los Angeles Times — bu 1881-yilda Kaliforniyaning Los-Anjeles shahrida nashr etila boshlagan gazeta[1]. 2018-yildan beri Greater Los-Anjeles hududiga kiruvchi El Segundo shahrida joylashgan[2]. Bu gazeta AQShdagi oltinchi eng yirik gazeta bo‘lib, G‘arbiy AQShda chop etiladigan eng katta nashr hisoblanadi. Uning chop etilgan nusxalari 118,760 bo‘lsa, onlayn obunachilari soni 500,000 ga yetib, AQSh gazetalar orasida beshinchi o‘rinni egallaydi[3]. Los Angeles Times Patrick Soon-Shiongga tegishli bo‘lib, California Times tomonidan nashr etiladi. Gazeta tashkil topganidan buyon 40 dan ortiq Pulitzer mukofotini qo‘lga kiritgan[4][5][6][7].

19-asrda gazeta fuqarolar tarafdori sifatida nom qozongan va kasaba uyushmalariga qarshiligi bilan mashhur bo‘lgan. Bu esa 1910-yilda uning shtab-kvartirasining portlatilishiga sabab bo‘lgan. 1960-yillarda nashr Otis Chandler boshqaruvi ostida milliy yo‘nalishga o‘tib, ancha mashhur bo‘lgan. Kaliforniyadagi va AQShdagi boshqa mintaqaviy gazetalar kabi, 2010-yildan boshlab uning o‘quvchilari soni kamaygan[8]. Shuningdek, gazeta bir necha marta egalik o‘zgarishi, xodimlar qisqarishi va boshqa muammolarga duch kelgan.

2018-yilning yanvarida gazeta xodimlari kasaba uyushmasi tashkil etishga ovoz berishgan hamda 2019-yilning 16-oktyabrida o‘zlarining birinchi kasaba uyushmasi shartnomasini yakunlashgan[9]. Gazeta 2018-yilning iyul oyida Los-Anjeles markazidagi tarixiy shtab-kvartirasidan Los-Anjeles xalqaro aeroporti yaqinidagi El Segundo shahridagi binoga ko‘chib o‘tgan. 2020-yildan boshlab gazetaning mavzulari milliy va xalqaro yangiliklardan uzoqlashib, Janubiy Kaliforniya yangiliklariga yo‘naltirilgan.

2024-yilning yanvar oyida gazeta eng katta qisqartirishni boshdan kechirgan. Xodimlarning 20% dan ortig‘i, shu jumladan yuqori darajadagi tahririyat xodimlari ishdan bo‘shatilgan. Bu harakat moliyaviy yo‘qotishlarni kamaytirish va yil oxirigacha gazetaning faoliyatini davom ettirish uchun yetarli mablag‘ni saqlab qolish maqsadida amalga oshirilgan. Shu orqali gazeta mintaqaviy nashr sifatida omon qolish va o‘z dolzarbligini saqlash uchun kurashni davom ettirmoqda[10][11][12].

Tarixi

[tahrir | manbasini tahrirlash]

Otis davri

[tahrir | manbasini tahrirlash]
1910-yildagi portlashdan keyin Los Angeles Times binosi qoldiqlari
Harry Chandler va Harrison Gray Otis, 1917-yilning avgustida

Los Angeles Times ilk bor 1881-yil 4-dekabrda Los Angeles Daily Times nomi ostida Nathan Cole Jr. va Tomas Gardiner boshchiligida nashr etilgan[13][14][15]. Dastlab gazeta Jesse Yarnell va T.J. Caystilega tegishli bo‘lgan Mirror bosmaxonasida chop etilgan. Bosmaxona uchun to‘lovni qila olmagan Cole va Gardiner gazetani Mirror kompaniyasiga topshirishga majbur bo‘lgan. Shu orada S.J. Mathes firmaga qo‘shilgan va uning talabi bilan Times nashr etishda davom etgan.

1882-yil iyul oyida Harrison Gray Otis Santa Barbara, Kaliforniyadan ko‘chib kelib, gazetaning muharririga aylangan[16]. Shu bilan birga, Otis gazetaning 1/4 ulushini $6,000 evaziga bankdan kredit olib, sotib olgan[17].

Tarixchi Kevin Starrning yozishicha, Otis "siyosat va jamoatchilik fikri mexanizmlaridan o‘z manfaatlari yo‘lida foydalanishga qodir biznesmen" bo‘lgan[18]. Otisning tahririyat siyosati Los-Anjelesni maqtab, uning rivojlanishini targ‘ib qilgan fuqarolik qo‘llab-quvvatlashiga asoslangan edi. Shu maqsadda gazeta shahar suv ta’minotini kengaytirish uchun uzoqdagi Owens vodiysining suv huquqlarini qo‘lga kiritish sa’y-harakatlarini qo‘llab-quvvatlagan[19].

Times gazetasining mahalliy kasaba uyushmalariga qarshi kurashi 1910-yil 1-oktyabrda uning shtab-kvartirasining portlatilishiga olib kelgan. Bunda 21 kishi halok bo‘lgan. Ittifoq yetakchilari bo‘lgan Jeyms va Jozef MakNamara qotillikda ayblangan. Amerika Mehnat Federatsiyasi aka-ukalarni himoya qilish uchun taniqli advokat Klarens Darro uni yollagan, ammo aka-ukalar oxir-oqibat aybiga iqror bo‘lishgan.

Otis Gordon Kaufmann tomonidan loyihalashtirilgan yangi Times shtab-kvartirasi frizining yuqori qismiga bronzadan yasalgan burgut o‘rnatgan va uning rafiqasi Eliza tomonidan yozilgan  "Sobit tur, Mustahkam tur, Ishonchli tur, Haqiqiy tur." shiorini e’lon qilgan[20][21].

Manbalar

[tahrir | manbasini tahrirlash]
  1. ↑ „The Los Angeles Times“. www.laalmanac.com. Qaraldi: 2024-yil 25-iyun.
  2. ↑ „Los Angeles Times | History, Ownership, & Facts“ (en). Encyclopedia Britannica. Qaraldi: 2020-yil 1-oktyabr.
  3. ↑ Turvill, William „Top 25 US newspaper circulations: Print sales fall another 12% in 2022“ (en-US). Press Gazette (2022-yil 24-iyun). Qaraldi: 2022-yil 12-iyul.
  4. ↑ Chang, Andrea; James, Andrea „Patrick Soon-Shiong — immigrant, doctor, billionaire, and soon, newspaper owner — starts a new era at the L.A. Times“ (en-US). Los Angeles Times (2018-yil 13-aprel). Qaraldi: 2022-yil 7-dekabr.
  5. ↑ ; Karen Weingarten; Doug Babington; Don LePan; Maureen OkunThe Broadview Guide to Writing: A Handbook for Students, 6th, Broadview Press, May 30, 2017 — 27–-bet. ISBN 978-1-55481-313-1. Qaraldi: 2021-yil 12-yanvar. 
  6. ↑ James, Meg. „Patrick Soon-Shiong affirms commitment to the Los Angeles Times“. Los Angeles Times (2021-yil 19-fevral). 2024-yil 27-yanvarda asl nusxadan arxivlangan. „Soon-Shiong, a biotech entrepreneur, and his wife, Michele, purchased The Times and the Union-Tribune in June 2018 for $500 million. Since then the company, now called California Times, has embarked on an unprecedented hiring spree, adding more than 150 journalists to The Times.“.
  7. ↑ Caulfield, Mike (January 8, 2017), „National Newspapers of Record“, Web Literacy for Student Fact-Checkers, Pressbooks Create, qaraldi: July 20, 2020
  8. ↑ Shelby Grad.. „The fate of California newspapers could be sealed in coming months. Do 'carnage' and 'catastrophe' await?“ (2024-yil 25-may). Qaraldi: 2024-yil 27-may.
  9. ↑ James, Meg. „Los Angeles Times reaches historic agreement with its newsroom union“ (en-US) (2019-yil 17-oktyabr). Qaraldi: 2019-yil 15-noyabr.
  10. ↑ Robertson, Katie; Mullin, Benjamin. „Los Angeles Times to Slash Newsroom by Over 20%“ (2024-yil 23-yanvar). Qaraldi: 2024-yil 27-yanvar.
  11. ↑ Barrionuevo, Alexei; Knolle, Sharon; Korach, Natalie „Chaos, Fury Engulf Los Angeles Times in Historic Cuts to Newsroom“. The Wrap (2024-yil 25-yanvar). Qaraldi: 2024-yil 27-yanvar.
  12. ↑ James, Meg. „L.A. Times to lay off at least 115 people in the newsroom“ (2024-yil 23-yanvar). Qaraldi: 2024-yil 27-yanvar.
  13. ↑ „Timeline: History of the Los Angeles Times“ (en). PBS SoCal (2018-yil 9-oktyabr). Qaraldi: 2024-yil 25-iyun.
  14. ↑ „The Los Angeles Times' history“ (en-US). Los Angeles Times (2012-yil 21-sentyabr). Qaraldi: 2024-yil 25-iyun.
  15. ↑ „A brief history of the Los Angeles Times“ (en-US). Los Angeles Times (2018-yil 17-iyun). Qaraldi: 2024-yil 25-iyun.
  16. ↑ "Mirror Acorn, 'Times' Oak", Los Angeles Times, October 23, 1923, page II-1 Access to this link requires the use of a library card.
  17. ↑ Berges, Marshall. The life and Times of Los Angeles : a newspaper, a family, and a city, Internet Archive, New York : Atheneum, 1984. ISBN 978-0-689-11427-4. 
  18. ↑ Starr, Kevin. Inventing the Dream: California Through the Progressive Era. New York: Oxford University Press, 1985 — 228-bet. ISBN 0-19-503489-9. OCLC 11089240. 
  19. ↑ Arango, Tim; Nagourney, Adam. „A Paper Tears Apart in a City That Never Quite Came Together“ (en-US). The New York Times (2018-yil 30-yanvar). Qaraldi: 2019-yil 3-aprel.
  20. ↑ Berges, Marshall. The Life and Times of Los Angeles: A Newspaper, A Family and A City. New York: Atheneum — 25-bet. 
  21. ↑ Clarence Darrow: Biography and Much More from Answers.com at www.answers.com 
"https://uz.wikipedia.org/w/index.php?title=Los_Angeles_Times&oldid=5363421" dan olindi