Oblast Brjansk

Den oblast Brjansk (Russisch: Брянская область, Brjanskaja oblast) is e federoal subject (oblast) in 't Centroal Federoal District van Rusland met een ippervlakte van 34.857 km² en 1.169.161 inweuners (2021). 't Administratief center is de stad Brjansk.

Den oblast grenst in 't noordn an den oblast Smolensk, in 't noordoostn an oblast Kalouga, in 't oostn an oblast Orjol, in 't zuydoostn an oblast Koursk, in 't zuydn an d' oblastn Tsjernihiv en Soumy in Oekraïne en in 't westn an d' oblastn Homel en Mogilev in Wit-Rusland.

Den oblast makt dêel uyt van d' Oost-Europeesche vlakte en de belangrykste riviere is den Desna, die uytmoundt in den Dnjepr. Oungeveer e quart van 't gebied is bedekt mè bus.

Belangryk vo d' economie zyn de machinebouw, metoalbewerkinge en de producsje van glas. Oungeveer 50% van 't gebied bestoat uyt landbouwground.

• 
  Boane in de stad Brjansk
• 
  Kerke Spaso-Grobovskaya in Brjansk
• 
  Spassky-klooster in Sevsk

Ofbeeldiengn die ier by passn ku je vien in de categorie Bryansk Oblast van Wikimedia Commons.