Adan ey Eve

Adan (/adã/ (pacô ossu: Adam /adam/) ey Eve, c' est, sorlon les rlidjons djwive, crustinne et muzulmande, les deus prumirès djins k' ont stî askepieyes på Bon Diu, li setinme djoû del Creyåcion do monde.

Po les Djwifs et les Crustins, ciste istwere la est racontêye dins l' live del Djeneze.

Les evandjîles da Matî et da Luk dene minme li stok di famile direk inte Adan ey Eve et Djezus-Cri. Insi, on trouve co dins l' vî årmonak di Måmdey del fén do 19inme sieke li date do skepiaedje da Adan ey Eve, k' åreut stî e 4007 divant Dj.C.

Po les Muzulmans, l' askepiaedje d' Adam ey Eve est dins l' Alcoran, el sourate …

Li creyance al lete ås tecses di l' askepiaedje d' Adan ey Eve espaitche sacwants crustins (les creyåcionisses) et bråmint des Muzulmans a admete el teyoreye di l' evolucion.

Po les catolikes, c' est Theilhard de Chardin k' a bråmint parvinou a fé accepter des idêyes da Darwin, et wårder evike li creyance al creyåcion, tot veyant les tecses imådjreçmint.

C' est e deujhinme tchaptrê.

¹⁵ Ça fwait ki l' Bon Diu amoenna l' ome dins l' Eden por lu î dmorer, waitî dsu et ndè travayî l' tere.

¹⁶ Li Bon Diu derit a l' ome: «Vos poloz bén mindjî des fruts d' tos les åbes do djårdén.

¹⁷ Mins vos n' mindjroz nén di l' åbe del kinoxhance do bén et do må, ca l' djoû k' vos è mindjrîz, vos môrrîz.»

¹⁸ Adon, li Bon Diu derit: «Ça n' est nén bon po l' ome do dmorer tot seu. Dji lyi va fé ene aidance ki sereut come lu.»

(…)

²¹ Adon, li Bon Diu l' edoirma come ene sokete. Ene feye k' i fout evoye, li Bon Diu purda ene di ses coisses foû, et rserer l' tchå.

²² Adon, li Bon Diu candja l' coisse e cmere. Il amoenna l' kimere divant l' ome.

²³ Ci-cial breya: «Ci côp ci, vola les oxheas d' mes oxheas eyet l' tchå di m' tchå. Leye, on l' lomrè feme, paski c' est foû di l' ome k' elle a stî prinjhe.»

²⁴ Et c' est ça ki l' ome abandnêye si pa et s' man po s' mete avou l' feme: eshonne, i n' fijhèt pus k' onk.

²⁵ Il estént miernous tos les deus, l' ome et l' feme, sins nd esse honteus.

L' istwere da Adan ey Eve est djouwêye dins l' deujhinme ake del pîce «Li creyåcion do Monde» da André Mottet.